منتديات الـــود - بين الريس والمرئوس **** صرنا علكة بين ضروس ؟؟؟؟

بين الريس والمرئوس **** صرنا علكة بين ضروس **** هذا يخطط وذاك يحوس
>****
> والله يعلم بالحالي
> قال الموظف يا رئيس **** في مرتبتي أبغى اخيس **** وما شفت الا قراطيس
>**** و
> وعود مالها تالي
> قلت يا ريس هذا فلان **** في مرتبته من زمان **** وانا وعدته والآن ****
>ابيك
> توقعها لي
> قال لي انتا مالك دور **** وشلون توعد يا مغرور **** الله اكبر يا بلفور
>****
> وعدك ينفذ طوالي
> يوم وجه لي هذا اللوم **** كني على وجهي ملطوم **** قلت الموظف يجيك
>اليوم
> **** وقل له اللي قلته لي
> كشر وطير لي عيونه **** وقال لي وين المرونه **** الموظف لو تقنعونه
>****
> بنقصه يسكت في الحالي
> قلت الموظف مابه عيب **** الا نقص في التدريب **** ونحنا السبب يالحبيب
>****
> محتاجينه طوالي
> قال لي دربه ( بارت تايم ) **** وقطع تدريبه دايم **** وخله في ( قريده
>)
> نايم **** ولا تفتح له مجالي
> قلت باقول بفصاحه **** ارقد وخذ لك طراحه **** ما في ( قريد ) بصراحه
>**** لو
> توصل العلالي
> رفع الريس سلاحه **** وقال لي هذي وقاحه **** وقلبها لي مناحه **** وحلف
>ما
> يتركها لي
> هددني بصرامه **** ريسي واعرف احكامه **** ما يرجع في كلامه **** والله
>يلطف
> بالحالي
> رجعت وانا افكر **** اكذب ثم استغفر **** واحلف ثمن اكفّر **** وقمت
>ارتب
> اقوالي
> قلت للموظف المنسي **** لازم ترقا ( إن بلصي ) **** لأن ( الأوت اف بلصي
>)
> **** ما عاد يمشي يا الغالي
> قال لي ما دربتوني **** وفي العمل كرفتوني **** وكم مره وعدتوني ****
>وما عاد
> عندي احتمالي
> انا من ( الإنتيقريشن ) **** مجمد وبلا ( برموشن ) **** وغيري ماله (
>لمتيشن
> ) **** ( أوت بلصي ) طوالي
> لكن الله يمحاكم **** ويمحا العمل واياكم **** ويمحا كل روساكم **** ولا
> يبقالكم تالي
> قلت لا تدعي علينا **** ومافي شي بيدينا **** لكن اصبر علينا **** والله
>يغير
> الأحوالي
> قال لي الله ينكبكم **** ما شفنا اكذب منكم **** صار الكذب مذهبكم ****
>يقدم
> في كل مجالي
> قلت يا ريس انتهينا **** قاموا يدعون علينا **** وانت مكبل يدنا **** شف
>لك
> واحد بدالي
> قال لي وحدتك منحاسه **** وينك و وين الرئاسة **** الشغله تبغا فراسه
>****
> لازم تغير في الحالي
> يا ناس انا شسوي **** عندي ريس متقوي **** وموظفي متهقوي **** اني ريس
>مثالي
> الموظف يبغى حقوقه **** وريسي أخشى عقوقه **** وماء وجيهي احوقه **** لا
>ياصل
> النعالي
> قلبي يا ناس انفطر **** ورئيسي قلبه صخر **** وصرنا ممشة زفر **** نوبخ
>مثل
> الأطفالي
> حملنا مسؤليه **** وسلبنا الصلاحيه **** هذي والله بليه **** تنهد لها
> الجبالي
> كلن يشكي رئيسه **** وريس ريس رئيسه **** وصار الموظف فريسه **** لقرارٍ
> ارتجالي
> رضا الجميع ما يدرك **** لكن كله لا يترك **** ورضا مولانا ابرك **** من
>جميع
> الأموالي
> اترك نهج الخواجه **** فكل افكاره سماجه **** وترا مالك به حاجه ****
>نهجه
> خربان وبالي
> الكذب عنده سياسة **** والظلم عنده فراسه **** وان شافك يحني راسه ****
>وتقول
> انه مثالي
> نبي نرجع للسيره **** ففيها حلول كثيره **** ونوجه المسيره **** الى
>الجنه
> طوالي
> ما أحسن الصراحه **** فيها النجاه والراحه **** والكل تكمل افراحه ****
>ويعمل
> مرتاح البالي
> اخواني الكرام هذا جزء يسير من معانات الرئيس المباشر وهو امر حساس جدا
>ولا
> يحب الرؤساء التطرق اليه ورد في المقال اعلاه بعض المصطلحات
> الإنجليزية ومعناها:
> ( ان بلصي ) = نظامي ومستوفي للشروط
> ( اوت اف بلصي ) = عكس ( ان بلصي )
> ( برموشن ) = ترقية
> ( لمتيشن ) = حدود او قيود
> ( الأنتيقريشن ) = الدمج ( دمج سمارك في ارامكو )
> ( بارت تايم ) = جزئي او نظام ساعات
> ( فل تايم ) = كامل الوقت
> ( قريد ) = درجة او مرتبه
> ختاماً
>
>
>
>
>كم نحن غافلون وغيرنا يعملون **** كم نحن لاهون وغيرنا جادون
>
>إلى متى الغفلة والتعلق بدنيا فانيه *** أما حان وقت العمل ووقت الجد
>
اختكم مطلع الشمس
!_! !_!