منتديات الـــود - **أي شاب يبغى بنات يجي هنا**

ياشباب ياحلوين

المسافر؟ يرحب بكم ويقول

أهلين وسهلين

ويااحبابي قولوا رايكم في الموضوع بصراحه

اللي يعجبه ابعطيه (بوسه...وع) من شفايفي القرمزية

واللي مايعجبه عادي عندي بس إذا شفته لحاله بالشارع ابكفخه

كل واحد منا يبغى يكون حلو

ووسيم زيي طبعا وتكون البنات عليه زي الرز

يعني عليه زحمة

ولايمكن يتحقق الشيء ذا إلا بأشياء

أولا الأسلوب وهذا معدوم عند الكثير ومسوي عقدة عندهم

وطبعا أنا أول واحد

ثانيا الوجه الزين (الجميل)وهذا اللي ماينترقع

بس يمكن نحاول بشيء واحد وهو

اختيار الحلاق الجيد الفنان الماهر

وبعطيك أنا نصائح لاختيار الحلاق الجيد

من النصائح لاتروح لحلاق هندي خصوصا إذا كان جديد

بعض الناس يقول الهندي رخيص وكويس

بس الأهم من الرخيص إن شكلك يكون حلو

وتطلع من الحلاق ووجهك سليم مافيه إي إعاقة أو جروح

يعني رح لحلاق تركي ، صح غالي شوي

بس يستاهل

وأقولكم حادثة حصلت لسعادة المعالي (أنا)

مرة رحت للحلاق وقلت له أبغى أسوي الشنب ((كت))

_وهذا اسم حركة تسوى بالشنب_

أنا ماأدري وش معناها لأني سمعتها من واحد (كشخه)

كان يقولها للحلاق

وأنا من فصيلة العرابجة مالي بالحركات هذي

قلت في نفسي خلينا نكشخ زيه وأصير ولد عز وناعم

مادريت إلاوالحلاق مطير الشنب من الجوانب

وصار شنبي زي شنب (يونس شلبي)في أيام الثمنينات

طبعا ماطلعت من بيتنا إلا بعد ثلاثة أيام

مستحي من إخوياي

ونرجع للموضوع

يمكن الواحد يستكثر على وجهه انه يحلقه بعشرة ريال

مثلي صراحة وجهي لواحلقه

بمليون ماراح اطلع حلو

_مع إن أمي دايم تقول لاتطلع من البيت حتى ماأحد ينحتك(يعطيك عين) _من زيني

اناقمت من النوم ولقيت نفسي حلو وش اسوي انتحر يعني

وصح المثل اللي يقول

(الزين زين لو قام من النوم والشين شين لو دفع ماله كله)

المهم

بس لاتيأس وحاول واستمر في البحث عن الجمال

وش رايكم اصلح اصير جويل اللي مع - بالصراحة أحلى-

نرجع للحلاق إذا دخلت عليه قله ابغاك تضبطني على كيفك

راح يقولك أبسوي واسوي و أقشر واصبغ وليزر وحركات

أنت في نفسك تتخيل انك إذا طلعت من الحلاق الناس يبي يقولون

منهو الحلو هذا؟

والبنات كل وحده تنغز اللي جنبها وتقول شوفي الحلو(بعيدة هذي)

وأنت تتخيل والحلاق عينه على قريشاتك (فلوسك)

يدري الحلاق إن الأشياء اللي يبي يسويها ماراح تنفع معك

لأنك قبيح وبشع وتمساح أفريقي

بس أهم شي عنده الفلوس

اذا طلعت من الحلاق وأنت عند نفسك انك (وائل كفوري)

وتقول وش هالناس الشينة ياحسافتي عليهم

أنا المفروض إني سوري أولبناني

وانت مستمر على شينك وقبحك

بس تدري ايش المهم هنا

انك زادت عندك الثقة في النفس

وهذا أهم شي

وهذا اللي أبغى أتوصل له

لاتستحقر نفسك مهما صار

وراح تشوف الناس تحترمك والبنات زحمة عليك

لأن البنت عندما تكلمك هي ماتشوفك

بس تسمع كلامك وأسلوبك الواثق من نفسه

بعدين تعجب فيك

وإذا شافتك بعدين وشافت انك شين ووجهك كنه جدار مدرسة

راح يشفع لك أسلوبك الواثق (أشك في ذلك)

ماكان ودي أخربكم بس الشكوى لله والدعوة كلها مزح

مـــــــــــــــــع الســــــــــــــلامــــــــــــــــــــــــة

*المســــــــــــــــافــــــــــــــــــر؟*