هـاض الجـاش والشعـر هاضـن شجـونـه=هاضـت حـروف القوافـي والقصايـد تنـادي
تنخـى جنـون الشعـر وحروف(ن)يجيبـونـه=من سبـع البحـور وفكرهـا بالذهـب جـادي
تعـزف اوتـار الـحـزن وتغـنـي لحـونـه=تبـكـي جــزال القصـيـد وهـمـهـا زادي
تلبـس ســود الـهـدم والـنـاس ينعـونـه=ينعـون وقت(ن)فـات بيـن الغـلا والـودادي
والهـم خيـم بالقلـب وضيقـتـه مسجـونـه=والفـرح ماعـد لـه مكـان(ن) فـي فـؤادي
وضيقة(ن)داخـل الــروح حـيـل مجنـونـه=اصبح لها وسـط الحشـاء مجلـس ومرقـادي
وجتنـي مراسيـل الـوداع خيـب الله ظنونـه=يقـول المفـارق حـان كـن يحديـه حــادي
هـد صـرح حـب المشاعـر يـوم يبنـونـه=واخمد سحابة شـوق بالمحانـي لهـا رعـادي
كنت احسبه صادق بالوثايق وعهـودي يصونـه=ويوفـي بعهـود(ن) قطعناهـا لـرب العبـادي
كنـت احبـه واعشقـه واحـب مـن يحبونـه=واعشق طريق(ن)يسريبها وهو غايـة مـرادي
يعلـم الله ان قلـبـي حـالـف(ن) مايخـونـه=ويحفـظ الحـب ويصونـه مـن كـل حسـادي
لكـن اقفـت ركابـه وخـلا مــن يـودونـه=عاف الحبيب اللى يهمس لـه بصوتـه الهـادي
وانا متبـع المقفـي عيـب ارضـاء بالمهونـه=وانا نسل حر(ن) لـه بالعـز مركـا وشـدادي
دامـه تقفـى خـل ينفعـه مــن يعذلـونـه=ويدور علـى حبيـب(ن) فقـد خـارج بـلادي
ماعادنـي راجيـه ولابغـاء ناس(ن)يجيبـونـه=باعني برخيص وانا بالحـب طفل(ن)بالمهـادي
وانسى قلب(ن)سكنته وخـل همومـي يسلونـه=ماعاد ابغاك فيه وانت سحابة(ن) يملاها السوادي
دامك خذيت الهرج ولاتـدري ويـش مضمونـه=صدقت هرجة عـاذل(ن) مـع النـاس غـادي
رح بمـان الله وقلبـك خـل العـواذل ينفعونـه=يوم فرقوا في حب(ن) كانـت مبانيـه شـدادي
وخـذ العلـم اللـى بقلبـي وخافـي كنـونـه=ويشهد عليه ربي يوم يحيـن وقـت الحصـادي
يعلـم الله عشقتـك وداخـل الـروح مصيونـه=واستوليتي على المشاعر لوحدك وملكتي ودادي
ملكتـي القلـب وحـدك وحكمـتـي ركـونـه=وملكتي روحي ونفسي وكنتـي سيـد اسيـادي
وكان الوفاء لـك وحـدك وعروقـي يرشونـه=ويشهـد الله ماخنتـك ووفيـت لـك يـاودادي
ودامـك مقفـي وهالقلـب منـك زادت طعونـه=رح بمان الله جعل دربـك رياحيـن(ن) وكـادي
انا متبـع المقفـي عيـب ارضـاء بالمهونـه=وانا نسل حر(ن) لـه بالعـز مركـاء وشـدادي