|
صوت الليل (( شعر شعبي عراقي ))
مجبور ابقه احبج حتى لو بالطيف
وايامي بسرابج كلهه تتـــــــــــبذر مجبور ابقه اعاني وانتي ما تدرين مرتاحه بحياتج وانــــــه الاتمرمر علمتي العيون تشوفج بكل يوم ولو طول غيابج تـــبقه تـــــتحسر وادري بدربي يمنه ودربج انتي شمال ما نتلاكه مره شما نظل نفتر وادري انج حياتي وبالجسم شريان شديتج بكلبي وفلـــــتت الابهر ! ردت احظه بهمستج جاني صوت الليل كال اترك هواهه وكتـــــــله ما اكدر هلكد ما احبج كمت احس مكـــــلوب ابرد بالحروره وبالبرد احتــــــــــر ! دوختيني حيل وصــــرت تالي الليل نايم عل غــــطه ومتغطي بالمندر ! طبعا وانتي حسنج ما وصل له انسان وحنيتج جـــــبيـــــــــره والعقل اكبر اشرب 1000 كاس وابقه ما سكران بس من اسمع اسمج بالعجل اسكر تمشين بهداوه وابد متعثرين مسكينه الشوارع بيج تتعثر من شدة حلاتج يا اعز الناس الباسج بخدج صار بي سكر والباوع بعينج جلطه صارت بي لازم بعد منج جدا انه احـــــذر اتمنه احجي كل شي واكشف المستور خايف من سكوتي الكلب يتفــــــجر وخايف عندج احد كلــــــش تحبيه وابقه اني بحياتج هامش بدفـــــتر عايش عمري لجلج وانتي حتروحين وشنو معنه العمر مابي عشك الاشكر وشنو معنه الكلب لو ما عشك الاشكر امجد صلاح |
| الساعة الآن 08:56 PM. |