على ترديد " احبك " .. والنفس " يستلهم " الدخان = على نظراتي اللّي ما لقت نظرات تشبه لك !
اباطرد فكرتي .. واقول عنها فكرة الشيطان = وباتبرى من اصدق حرف .. يوصف صعبك وسهلك !
ابارحل عنك واتعلم بدونك .. كيف اصير انسان ؟ = وابنسى النشوه اللّي دون ما اتذكّرك .. تنده لك !!
بعيد .. وكل شبرٍ كنت فيه معاك لي عنوان = يمرّك .. وإنت مرّيت بوسط قلبي .. على مهلك !!
وش أكثر من وفاي وتضحياتي يا عظيم الشان = وش اصدق من قصيدة حب " في غيرك " .. توجّه لك !!
تحدّيت المحال .. وما عرفت إني انا الخسران = يا " كيف " اُهُلك .. على ايدين المحال .. بدون ما تهُلك ؟!
ماهي غلطتك .. ذي غلطة سنين ومعصية ازمان = يا ليت إنّي صحيت آخر سنه .. قبل آتنبّهلك !
ما هو ذنبك .. عشان تفارق افراح وتحضْن احزان = لكنّ ارجوك .. قدّر موقفي .. لا قدّروه اهلك !!
تبيني احترمك اكثر .. واحبك مثل " حب اخوان " = لا تسمح لي اقول " اشتقت لك " وإلا " آتولّه لك " !
دخيلك .. روح من بال الهوى واشطب على اللّي كان = وابدعي .. لين " ينهلّ الكلام " ... " الله يوجّه لـــك " !!!