ماني من اللي يخضع الراس للناس





هذي قصيدة للشاعر سلمان بن يحيى الحريصي. عز الله انه كلام ينكتب بالذهب

.



اهون علي اموت والراس عالي
ماني من اللي يخضع الراس للناس

ويعيش بين الخايفين الذلالي
ماني من اللي يشرب الخمر بالكاس

وتحسبنه من طبوع الرجالِ
كيفٍ يكيّف بك وهو شرب الانجاس

وتبيع عرضك.. وانتبه ما تبالي
من كيف راسك صرت معدوم الاحساس

ومن باع ماي الوجه باع التوالي
وكل يومٍ ضيّق الصدر منحاس

ويهاب من سرْيا الوهن والليالي
ماني من اللي يعتذر ساعة الباس

أشب ناري فوق ذيك الجبالي
أنا بدوي ولي قبيلة ولي ساس

والكهربه عندي القمر لي صفالي
أقرّب الدلّه ونجرٍ ومحماس

والبرق من بين السحاب الثقالي
وبعد المطر هبايب الجو نسناس

ويحتار ما بين المها والغزالي
جوٍّ يزوّد راعي العشق هوجاس

ولله على خلق الوفا والكمالي
وكل رجلٍ فيه للطيب مقياس

أشرح معانيها واجاوب سؤالي
أهدي تحياتي لكم فوق قرطاس

منقول

صح لســـان الشاعر ،،

وألف شكر لك على مانقلت ،،

عافــــاك الله

تحيّتي