|
قصـــــــــــــــــيده
الصمت
قالوا علامك صــــــــــــامت وقلت ياناس = كثر الكلام يقل لاجـــــــــــــــــــــله مقامي الصمت حكمه والحكي مــــــصدر إفلاس = ولقيت في صـــــــــمـــــتي يزيد احترامي الصمت له معنى وله ذوق وإحســــــاس = مركب نجاتك في بحـــــــــــــور الظلامي ترى الرجل صوره من الـــراس للساس = ثم يتبين جوهــــــــــــــــــــــــره بالكلامي إما نطق في كلمة ترفـــــــــــــــع الرأس = تضفي على شكله جــــــديــــــــد الاسامي وإلا يعود معدنه مـــعـــــــــــــــدن نحاس = يرميه سهمه بــــــــعـــــــــد ماكان رامي لا صار عندك من ثمـــيـــــنــات الألماس = خله بــــــــصــــــدرك لين وقت التمامي أخاف يطلعلك مــــــــــــــن الناس بلاس = وإلا ســــــــــــــفـــــــــيه ما يرد السلامي الله خلق خلقه على عـــــــــــــدة أجناس = وكلن يسوقه مذهـــــــبــــــــــــه للأمامي والله خلق بالطير قمري وقــــــــــرناس = ووقت الهدد ما ينغزي بالحـــــمــــــــامي لا جال في صدرك من الهم هوجـــــاس = وعينك يحاربــــهـــــــــــــا لذيذ المنامي ونفسك عليله والفــــــكر صار محتاس = اترك طمان القــــــــــــاع وارق السنامي عليك بالعالي ليا هب نســـــــــــــــناس = يبري الجروح الخـــــــــــافيه والعظامي وخلك لربــــــعـــــك دايم الدوم نـبراس = وخص القريب وخص ولد العـــــــمامي خلك لهم في داجــــــــي الليل مقـباس = ولصاحب أصدق من حقوق الغمـــــامي ربعك ذراك ليا لحق راســــــك البـاس = قدم لهم شربك ولو كنت ضـــــــــــــامي وخلك لثوب الطيب والعز لبـــــــــاس = واترك دروبٍ تنـــــــــــــــتهي بالحرامي وفعل الجميل وواجب الضيف نومـاس = ومن لا نفع بالضــــــــــــيق نفعه عدامي بيت الكريم أبوابه بدون حــــــــــراس = وبيت البخيل يــــــــعـــــــد مثل الهدامي كلٍ بها الدنيا نصيبه بـمـــــــــــــقياس = ياخذ نصيبه لوجـــــــفــــــــــوه الأنامي وســــــــــــــــــلامتكم منقووووووووول |
ياااااالله اذهلتني هذه المنظومه فلم استطع ان امر عليها مرور الكرام بل اجبرتني ان اترك مايدل على مروري هنا ...
شاكر لك هذا النقل الرائع .. ودمت بكل الود. |
الأبيات رائعه وتجنن
مشكور على النقل ويسلم الذوق |
أدلعها وأبكيها
رائعه ونقل فريد يستحق منّا أن نقف ونشيد بجمال الحروف وجمال ذوق الناقل تقبل إعجابي ومودتي لا هنت المخلص&ذايع& |
| الساعة الآن 11:18 PM. |