أبي أعلمك.... كيف الجرح يالــــم =* لو شرحتلك العذاب لك يطول شرحـــي
أبي أعلمك....كم كنت معي ظالـــم =* ابي اسكت..ويعلمك ويكلمك جرحـــي
جيتني بأول المشوار عاشق هايـم= * تبتسم.. تناديني.. احبك يا فرحــــــــي
تقول احبك.. ويفداك ..كل هلعالــم =* عيشتني في حلم ماودي منه اصحــي
فتحت عيوني!!! لقيتك هم جاثـــــم=* وكل كلام الحب..!! للاسف ممحـــــي
واكتشفت إني ابد ماني بسالــــــــم= * يوم طاح القناع وطاح صرحــــــــــــي
اشهد لموتي ناوي وبالعشر باصـم= * تفننت في تجريحي واستسلمت لذبحي
طعنت الضمير تألمت ماني بكاتــم= * صرختي من هولها الاموات تصحــــي
وقلبي الى شالك صانك وما اظنه آثم= *قتلته قلبي البري وشيدت انا ظرحي
واليدين إلى حضنتك ليتك كنت فاهم= * ليتك ما خنتها مع غيري كسرت جنحي
تذكر العيون إلى كنت بها نايــــــم؟؟ =* أبكيتها.. ورشيت فيها ملح فوق ملحي
تذكر لساني قال فيك كل فعل غانم؟= * قطعته يا حيف ما فاد فيك مدحـــــــــي
هذا أنت للغدر والتجريح معي دايـم =* الوفا والوعد من قاموسك تمحـــــــــي
مدري بنواياك.. الله وحده العالـــــم= *والله اعلم أن كنت من سواياك اصحي
الأمل بكره.. ولنت عليه حاكــــــم= * ولا عدة أنا محكوم لك شوف وأوحــي
ولا عاد يسحرني هرجك الناعــــم =* ولا اجبر النفس... ولا ابدي بصفحي
خاين غدار مستبيح كل المحــــــارم =* لا أنت يهودي ولا أنت عربي فصحـي
وش جنسك شف نفسك اليوم عايـم =* يلي غدرتني.. ابد ماني لك سمحـــــي
سلمتك النفس.. ولنفسك أنا كـــارم= * كلٍ وضميره ..مافاد فيك نصحـــــــــي
اشتري قلبي ولا عليه أزيد وسايــم=* وان ربحت منك كان اخس ربحــــــــي