هذي منازل من تمنيت قربه = يامامشى فيها وياماسكنها
دار ن خلت ماعاد يلقى الاثربه = مدري محت وألا هبوب ن دفنها
وقفت في منزال مي أفتكربه = وأنشد أرسوم ن عقب أهل مي عنها
رسم ن لخلي عرش رجلي عثربه = لوهو كسر رجلي رخيص ن ثمنها
وأقول حي فاختك وين دربه = بالله قلي وين قفى ضعنها
وين القبال اللي يحير النظر به = عمار يادار ن حبيبي قطنها
وين الحبيب اللي يشع القمر به = شعة قمر خمسة عشر من وجنها
يامنزل الغالين رد الخبربه = وعطني سراير خافي العلم عنها
وأنا اللذي حبل الموده قصربه = وعيني من الفرقا تزايد حزنها
وأنا الوحيد اللي تحملت غربه = وعني بعيد ن شوف مي ووطنها
وانا اللذي روحي هواها أستعربه= ثم جذب روحي لمي وقرنها
وأنا اللذي مر على الكبد شربه = لي حاجة مذكر ضمينن ضمنها
وأنا اللذي غصن الفراق أنكسربه = ولو مابغى الفرقا يقوده رسنها
وقت ن علي مجرد ن سو حربه = عقب الحبيب اللي حياتي رهنها
وأن قال لي قولة هلا مفتخربه= ولايظهر الهرجه وهو ماوزنها