السلام عليكم كيفكم انشالله بخير

هذا يا طويلين العمر سلفتي الاسبوع اللي راح

ولا اقول اسمحولي بطول عليكم السالفه شوي

قلت خلني انام بدري علشان اقوم مصحصح واشوف بكامل قواي العقليه:

مالكم بالطويله <<<<< ماخذها من ام شوشه منكوشه

صحيت على الساعه تسع ونص قلت خلني اتروش واغتسل واروح المسجد بدري علشان اصير كأني مقدم بعير

والله وتروشت وشغلت الموتر واسحب الشايب واخواني معي واروح المسجد على الساعه 10 ونص

صليت ركعتين ومسكت القرآن وهاتك يا جلسه <<< هذي هي البلوه الجلسه

والله واجلس على جلسه وحده متربع من الساعه 10:45 الا ان جا الامام يبي يخطب الساعه 11:48 <<< حاسبها بالدقيقه

يعني ساااعه وثلاث دقايق <<<< ثبتو الثلاث بس تتعب معها

المهم اذن المؤذن قمت ابي ارجع القرآن لمحله الا وهنا يبدا السيناريو <<< توني قاريها بالجريده:s

رجلي نملت (بمعنى نامت) يعني بالعربي ما حس فيها كانها مقطوعه

ما دريت الا يوم وقفت احاول احركها ما تتحرك منا مناك يا بنت الحلال والله مهي راضيه

قلت مالها الا حركه وحده يبو فلان

قمت اطامر على رجل وحده كأني العب رياضه

خذيتلي طمرتين و زين اني حاط العقال عالارض قبل لا اقوم ولا كان قمت اطارد وراه وش اللي اطارده والله لا اخليه هو فيني حيل

المهم قام واحد شايب اعطيه حول اربعين سنه كذا يحسبني معوق

ويمسكني وياخذ القرآن من ايدي ويروح يوديه


انا بصارحه وجهي صار مثل خرق (خرم) الابره

رجعت محلي بنفس الطريقه اطامر

طبعا ابوي يميني واخوي بعده

اخوي متطلم وفااااااااااااااقع ضحك وده يضحك بصوت عالي بس ما يمديه المؤذن للحين يؤذن و خايف الشايب يرنه بواحد على جبهته والله يضيع الاتجاهات بعدها <<< مجرب هالكف كم مره

ابوي يقولي وشفيك قلت له لا ابد رجلي نامت

طبعا الشايب ما قصر عطاني خزززه اليمه يحبها قلبك عاد تعرفون كلكم خززات الشيبان شلون تخوف

طبعا كردة فعل ما قمت الا يوم فضى المسجد بعد مالطعت ابوي واخواني بالشمس بره ربع ساعه

وش رايكم بس انا مدري وش سالفتي مع الصلاة دايم تصير لي هالمواقف






لا يكون طولت عليكم بس عالعموم نشوف ردودكم
:a026: << يا ناس هالولد احبه احس انه زاحف