|
قصه حدثت في قاعه العزيزيه للافراح !!
قصه حدثت في قاعه اله للافراح
السلام عليكم ورحمة الله وبركاته هذي قصه حدثت في قاعه للافراح خلال موسم زواجات هذا الصيف وحقيقه حبيت انقلها حسب ماوصلني على الايميل لبيان ان الناس اجناس قاعه اله في بريده القصيم مسوين نظام ان حوش القصر في جهه الحريم يكون للشغالات والبزران راحت وحده من خلق الله وحطت بزرها مع الشغاله ودخلت العرس بعد ما دخلت بنص ساعه جت وحده من الحريم وقربت من البزر وبدت تلاعبه وتقول يا حليلك تغيرت علي وقالت للشغاله عطين الولد لان امه تبيه من داخل وبحسن نيه عطته الولد علي اساس ان الام فعلا مرسلتها طبعا طلعت الام حوالي الساعه 12 في الليل عشان تاخذ الولد وتخلي الشغاله تدخل تتعشي _________________________ _____ ما لقت لا ولد ولا تلد وسالت الشغاله وقالت لها اللي صار وبعد تلطيم الخدود والنياح والصياح تم ابلاغ الشرطه بالحادثه وعمل محضر في ذلك وبدأت عمليات البحث بعد ثلاث ايام من الحادثه هذي دخلت وحده من الحريم محلات الذهب اللي في سوق الملك عبد العزيز في بريده واختارات طقم ألماس وذهب واستاذنت راعي المحل انها تاخذ الطقمين توريها امها العجوز في السياره لان الذهب حق عرس قالها لا ممنوع يطلع اي ذهب الا وهو مدفوع سعره وقالت له بس هذي عجوز ولا تقدر تنزل قالها نعطيك عربيه وجيبها قالت طيب دقيقه وراحت للسياره واخذت الولد اللي سارقته من قصر الافراح ودخلت المحل وقالت دوك هذا ولدي اعز ما املك بس دقيقتن خله عندك وابوري امي الذهب وراجعه بائع المحل قال لخويه هذا ولدها وضناها وما فيه اغلي منه وخلوها تطلع توري امها الذهب ساعه ...ساعتين ... طولت الحرمه ما رجعت ..!! اتصلوا في الشرطه وبعد ما حضروا قالوا لهم هالبزر اللي حطته عندكم مسروق من قصر افراح ولنا ثلاث ايام ندور عليه بلغوا اهله عشان يجون يستلمونه جاء الاب والام ووضح له افراد الشرطه القصه وشلون ان الحرمه حبكت الموقف واستغلت الابن رفض راعي المحل يسلمهم الابن الا بعد ما يدفعون 25 الف قيمه أطقم الذهب والالماس قاله الابو لو تبي اربعين الف عطني الولد بس الي هذه الدرجه وصلت ضمائر بعض الناس ..!! لا حول ولا قوه الا بالله م ن ق وووووووو ل |
دهية على الفلوس المهم رجع الولد لاهله وصدق أبوه والله لو يدفعون اللي وراهم ودونهم بس المهم انه رجع والمجرمة الله لايكسبها وين ما راحت والله ياخذها بشر اعمالها الخبيثة
وربي قشعر جسمي من القصة حسبي الله ونعم الوكيل عليها الله يعطيك العافية على المشاركة لاحرمناك أسيرة الود |
يسلموو اسيرة على المروور
ولكي الود والتقدير |
في ناس توصل لها الدرجه من الجشع
تسلم على الموضوع |
الله يكفينا الشر
يلعن ابو التخطيط عقلية مافيا اعوذ بالله الله يحفظ عيال المسلمين وتسلم على الموضوع |
لاحول ولا قوة الا بالله العلي العظيم
|
اقتباس:
سلمتي على مررروك وتعقيبك لا عدمانك |
اقتباس:
تسلم ياغلا لمررو ك |
...,,, |
مشكور يا (ولد الخبر)
على الموضوع واللى اهم من ذلك وقت العمره احرصوا عاى اطفالكم من السرقه والله يحفظ اطفال المسلمين من ضعاف النفوس والله هو الحافظ |
| الساعة الآن 04:01 AM. |