|
وبعدين مع الغشاااااااااااااااااامه ياناااس؟؟؟
السلام عليكم جمييعا
اليوم ابغى اتكلم معاكم عن مشكلة متعببه الخلق كلها هنا بالسعوديه.. ومشكلة يعاني منها اكثر شيء الشباب...وهي الغشامه بسواقة السيارات.. والله حاااجه ابد مو معقوووله.. صار الواحد يوم يطلع من بيته كأنه مودع,لانه يمكن واحد يخش عليه او واحد يقطع اشاره او او او.. واكيد ان الشباب فاهمين ومجربين قصدي,,, والي خلاني اكتب هو موقف قبل شوي صار معي والين الحين مو مصدق اني حي؟؟ كنت رايح اوصل اهلي مشوار.. وكان الخط الدائري طبعا سريع والناس اقل شيء ماشي 100.. وكنت ماسك اليمين عشان اكلم جوال >>>> طيب يالنظامي.. المهم والله مادريت الا وهذاك الونيت دااق ريووس اي ولله داق ريوس وجاي علي عشان يبغى الللفه الي ورا.. الرجال مافحاله ياخذ الدور ويرجع قال اختصر وما عندي احد.. بس حمد لله انتبهت له والف عنه وبوااااري >>>> والله لو تدق بيدك ورجولك.. وغيره من المواقف كثير ...وضيف على هذا الصغار الي يسوقون ..تلاقي الواحد حاط تحته مخدتين عشان يطلع راسه ويشوف.. والشياب الله يخليهم لنا ماسك اليسار وماشي 50 >>> بيحط مثال نظامي للشباب المتهور. الحين صار شيء خار ج عن السيطره والمرور جزاه الله خير شغال قسايم وشهادة شكر صفراء ... وماهي مسوية شيء.. المشكلة هي من البدايه.. يعني ليش مانسوي زي الدول الي برا . اليي يخالف او يسرع او مايربط الحزام يكررره يومه ويندم من كثر الاجراءات والغرامات ويمكن فيها محاكمه.. هذي مو مسألة سواقه وبس , لكن فيها ارواح ناس يمكن تروح بهفوة مفحط ,, او غباء متهور.... لان السواقه مهاره وفن وذوق<<<<<<<<< قم بس قم اعذروني بس جاني ضغط وسكر وشاهي من السواقه ,,,< ـــــــــــ اما شاهي؟ وانصح البنات لا يفكرون يسوقون.. والي عنده حل او تعليق او مغامره مع غشيم,, لا يبخل علينا ترى الحبر ببلاااش يعطيك العافيه اخوكم الشاكي |
اما عاد الحبر ببلاش هههههههههههه والنت ببلاش هاه
اقووول انت اسم على مسمى الشاكي ويشتكي اصبر كم سنه وبتشووف الاوامر تصدر بقيادة المرأه للسياره وتعال اتفرج بعدها ابو وام الغشششششششششششامه كلها حتلاقاها صبرك |
اخوي الشاكي
هذا وهم رجال فيهم غشامة وشلون لو تسوق الحريم مانقول الا الحمد لله على السلامة |
هذه مشكلة كبيره نعاني منها تقدر تقول تساهل بالنظام وصدقني المرور إلى الآن نايم في العسل وعلى قولك لو فيه نظام صارم ما كان مريت على مثل هذا الموقف
وفي شي ثاني ومهم احيانا الواحد يتساهل بالنظام وينسى نفسه بس لا شاف احد مخالف وغيره راح يسب فيه وينتقد فيـه بين قوسين ( مدري ليش ) وبخصوص عذوب اصبر كم سنه وبتشووف الاوامر تصدر بقيادة المرأه للسياره آآآقول عشم إبليس في الجنــة إن شاء الله :wed11000: |
هلا وغلا فيك عذوووب
اشكرك على اهتمامك بالمووضوع والرد عليه برغم انه اكم بالصفحة الثانية لكن شكلك مهتممة كثير بالسوااقة وعلى قولتك اذا ساقوا الحريم بنشوووف الهوااايل وعلى فكرة اسم الشاكي مو معناته التشكي بس هو مجرد نك نيم تحياتي لك |
اخو هدلا
يعطيك العافية على المرور تحياتي لك |
مجنوون نواال
يسلم لي مرورك الجميل وردكم المتميز تقبل تحياتي واحترامي |
الله يعطيك العافيه يا الشاكي
اما الحريم يسوقون كان تشوف طفرة وظايف عند آرامكو ولاشركات الكبيره وانا اول واحد اقدم على المرور وراح تشوف زحمة طلب وظايف عند محطات البنزين ونظام المرور ينقلب فوق تحت على شان الحريم بيسوقون تطلع انظمة جديده ومخالفات جديده ما اقول بس الا الله يستر علينا واسمحلنا بالمرور |
هلا وغلا
الشاكي الف شكر على طرح هذه القضية المتعلقة (( بالسواقة )) اولا / الحمد لله على سلامتك وحصل خير ان شاء الله،، ثانيا / بخصوص موضوع السواقه بصراحة صعب جدا ان نسيطر على مثل هالنوعيات يعني مالبيد حيله قسايم مرورية وياكثرها توعيه وياكثرها يعني الغلط من الشخص نفسه يعني زي اخونا في الله اللي بغى يجيب العيد معاك وربي سلمك يعني وش الحل مع مثل هالنوعيات !!! فيه اشياء خارج السيطرة !!! واحب ان اوجه رسالة شكر وتقدير لرجال المرور على الحملة التي نجحت من وجهة نظري الشخصية نجاح كبير في الحد من السرعة في شوارع الرياض وخاصة الطرق السريعة مثل الدائري من جميع اتجاهاته وطريق الثمامة وطريق الدمام ونتمنى المزيد من مثل هالاجرات لانها في الصالح العام لحماية الارواح التي تذهب ونشاهدها يوميا في الصحف ونسمع عنها !! اللهم احفظنا جميعا من مخاطر الطرق ،، فكم من شخص وكم من شاب ذهب ضحية للسرعة وكم من نفس زهقت لاخطاء الغير!! |
هلا اخوي البركان
الله يسلمك واشكر ردك الجميل ولو كان فيه توعية وقوانين صارمة ماكان الغشااامه وصلت لها الحاله الميئوس منها تقبل تحياتي واحترامي |
| الساعة الآن 07:17 PM. |