عيني بوقت السفرهلت مدامعها=والنفس مما بها زادت مواجعها
أبكي لوإن البكا ماهوطبيعه لي=لكن بعض العرب صعب موادعها
من يوم قالواالسفرماغمضت عيني=ذكرى حبيبي على بالي أراجعها
طبعي الكرامه ولامخلوق طاوعته=هي الوحيده من العربان اطاوعها
هي الذي داخل أفكاري أسامرها=لوقاطعتني انا مايوم أقاطعها
هي نورعيني عسى الله مايكدرها=في نون عيني تضوّي لي مشامعها
هي الأميره يسرك زين طلتها=هي الورود الذي طابت مطالعها
وهي نسيم الفجرلاهب ينعشني=غزالة البر ممطوره مرابعها
وهي رذاذ المطربالصيف ينعشني=طبعت صوره لهابالقلب طابعها
تكون شمس الضحى في يومه البارد=تدفّي الروح بالاعيان اطالعها
وهي سواة الندى في زهربلّلها=مع نسمة البر في أبهى مزارعها
رغم الحلا والغلا ماهي بمغروره=يسلب عقول البشرقمّة تواضعها
خاب الذي بالطمع حاول يقرّبها=لوحاول أهل الهوى خابت مطامعها
لويدفعوا لي كنوزالأرض والدنيا=في لين وإلاقسا ماني ببايعها
وهي بخافي الحشا والروح مسكنها=يازينها لاتحنّت روس أصابعها
أعلنت حبي لها من عقب صابتني=لولا الملامه بخطواتي أتابعها
ولوتغيّب عن الأنظارلو لحظه=نارالهوى والجوى تضرب مدافعها
مسكت دربك ولاني راجع عنها=أنت الذي من جميع الناس رافعها