|
كلمات عامية سعوديه..ومعانيها.. ادخل وشوفها وعلق عليها
هاي حبايبي
فيه واحد ذاب وجهه علي في الايميل وارسل لي هذه مدري عنه مسوي لغه عربيه لا ومن زين الطبايع حاط مكلمات ومعانيها ... بس عجبتني وربي رهيبه لا تفتوكم :o الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله. :) المنسم : كل ما مريت عليه تسمع صوت سسسسسسسسس و ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم . المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ... الشخر المخر أو أبو مشخر ! : من نفس فصيلة المنسم ! السلنتح : قليل الأدب :confused: جحلط ( بتشديد اللام ) : وهم مرحلة متقدمة للسلنتح مزّلب : يعني بايعها بتراب ! مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ... الفاهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه ... الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!.... العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه...... العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري... الكحلي : يطلق مسمى الكحلي على ذوي البشرة السمراء و لأن ذوي البشرة البيضاء مساكين ما عندهم لقب احتجوا عند الأمم المتحدة مطالبين باللون الفضي .... المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة . المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!..... السربوت : هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء. السمرمدي : وهو من نفس فصيلة السربوت. الداشر : هذا قليل الأدب و لا يحب يماشي إلا السرابيت . و إذا قيل فلان دشر فلان أي خرب أخلاقه لكن في الأردن الشقيق كلمه دشره تعني أتركه.. بنعود لكم بعد الاعلان ابقوا معنا , , |
الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك .
زعّيط : مسوي نفسه يفهم في كل شيء وهو من جنب العارضة. المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ... المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش.... الخكري : ببساطة الخكري = نعومة + دلع + ليونة والله لايبلانا... اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهاكذا. ;) الزنقّبي : (بتسكين النون وضم القاف ) يعني العزوبي. الصديع : اي كلمه في راسه يطلعها ولا يتنباء بأفعاله سواء كانت صح ام خطء . الجنط : من فصيلت الدلخ.:p المريوح: هذا اللي نفسه شينه . والفاغر أيضا عند أهل الجنوب بمعنى الفاهي ، لأنه فغر فمه والفغرة : صيغة مبالغة من الفاغر وسلامتكم |
تشكراااات على الموضوع.......وشوف حبيبي....انا حاخذ منك بعض المطلحات كسلف لانها عاجبتني وفيه شباب في المنتدى لايقه عليهم...هههههه
الحقنه.....المرجوج.....المسبوه....الفاهي اما جحلط..احس انها فنيه اكثر....وتعبر عن ما يجوووح في خاطري...هههه عوافي اخ سلاااااااش |
طيب انتى ما قلت لي في دفعه ثانيه...خخخ
شوف..انا برضه بأخذ منك سلف..(مصختها يالاخو)....معليش..ولا مؤاخزه...دا الموزوع يقنن... الملكع.....الجنط...الصديع....والفاغره<== رومانسيه هالكلمه....هههه طيب وش تسمي اللي 99% ملكع...ما تاخذ منه لا حق ولا باطل.... و 85% مصرقع....مشكل للدنيا بقوووه.... وزنبقي الى النعله......هاه.....وش تسميه....(بالله خف عليا شوي...) |
هلا حبي طفشان تسلم على ردك على الموضوع وتسلف على راحتك الكلام كله تحت امرك ....
المهم خلنا نرجع لسؤالك اممممممممممممممممممممم يا خوي ما فيه اختياااارات من جد وش نسميهم أذا أنت تعرف علمني ؟؟؟ بايوووووووووو |
امووووت فيك وهذي بووووسه...<-- امووووووووووه..
طيب ...ما دام انك تحب تسلف...وحنى حبايب...يدك على 6000 ريال كسلف يعني...ههههه.... وشووووف اذا انا سبيت احد في المنتدى وقالي...ليش يا قليل الادب..من علمك الكلام هذا....ترى ابي ابكي واعلم عليك على طووول واقول هذا سلاااش ولد جيرانا اللي علمني الكلام هذا..خخخخخخ وهذي بوووووسه ثانيه تحياتي |
سلااااااااش شكرا على المعجم الثمين هذا
وانا كنت مفكر جنط يعني تكروني دنا طلعت سبهه وانا مدري خخخخخخخخخخخخخخخخخخخخخخخخ |
| الساعة الآن 12:33 PM. |