|
قصة مبكية ومؤثؤة جدا لطالبة في كلية التربيه ...
قصة طالبة في كلية التربيه ________________________________________ أعزائي القراء هذه قصه طالبه .. والله يبعدكم عن كل شر آمين واتمناها تكون عظه وعبره خاصه لخواتنا واخوانا القراء والعبره لمن عانى نفس المصير.. قصة طالبة في كلية التربية طالبة بكلية التربية بإحدى مناطق المملكة في شهور حملها الأخيرة المرأة تستعير جوال زميلتها للتتصل بزوجها الموظف ليأتي ينقلها للمستشفى لشعورها بآلام الطلق والولادة مها : محمد الله يخليك تعال بسرعه بطني يتقطع وديني دكتور والا شف لي حل محمد : يابنت الحلال انا مشغول الحين .. عندي اجتماع ضروري والله مقدر اطلع من الدوام حاولي تصبرين او تمرين عيادة الكلية كلها ثلاث ساعات واجيك مها : يابن الحلال اقول لك تعبانه تقول لي اجتماع ؟ محمد : ثلاث مرات اجي اخذك ويطلع مافي ولاده ولا شي ، أكيد كالعاده ما رح اتأخر عليك اخلص اجتماعي والله يرحم والديك لا تحوسيني كلمه وحده انتهينا ........ قفل الجوال زميلتها : يا مها .. شكلك مره تعبانه مها : شكلي باتصل على ليموزين والا احد يوديني الزميله : انا عندي حل ... بس هاه مدري توافقين عليه والا لا ... انا خويي بيجي ياخذني من الكليه باطلع معاه الين قبل نهاية الدوام .. ومثل ما تعرفين ما رح يطلعوني بس اذا انتي تعبانه منها نوديك للمستشفى ومنها اخذك عذر اطلع معه .. هاه وش رايك ؟؟ مها : يابنت الحلال مو مشكله المهم اوصل المستشفى انا حاسه اني بموت اللله يخليك بسرعه خليه يجي . تتصل زميلة مها بخويها (( خلاص تعال الحين بلاش بعد ساعه الحين ضروري بسرعه تعال بتلقاني انتظرك برا يالله باي )) تتجه مها وهذه الزميله الى المشرفه يشرحون لها الامر ، وأن اخو مها سوف ينقل المريضه للمستشفى وامام حالة مها المترديه تسمح تأذن لهما تخرج مها مع زميلتها ينتظرون هذا الشاب ليوصلهم للمستشفى ويذهب مع هذه الفتاه ... وترى مها أمامها الصاعقة ..... خوي الفتاه ماهو الا زوج مها الذي ترك زوجته في عز حاجتها له ليمارس الخيانه لا يوجد بعد هذه الصدمه تعليق تخيلوا حالة هذه المسكينه ؟؟ وهي ترى زوجها يخونها بحجه اجتماع وهي في حاله ولاده لاحول ولا قوة الا بالله وبالختام اتمنى اشوف تعليقاتكم وردودكم وخاصه على موضوع الخيانه الزوجيه اسبابها,,,, وليش ما حست المرأه بالخيانه ,,,,,, وكيف تتعامل الزوجه مع رجلها اذا اكتشفت انه خائن ,, ونفسالشيء للرجل لو اكتشف خيانو زوجته,,,,, تحياتي لكم الشاكي .. |
اعوذ بالله والله اني كرهت الرجال من كثر ما اسمع عنهم
هي اصلا ماشكت فيه لانها تحبه صدق رجال اليوم مالهم امان بطلت اتزوج |
يعطيك العافيه
تحياتي بس قوية عين بصراحه ما لكم غنى عن الرجال ومال الرجال غنى عن النساء باي |
لاحول ولاقوة الا بالله والله انه خسيس ياخي مرتك تولد
وتقول اجتماع الله لا وفقه قوية عين اسمحيلي اقول مو كل الرجال سوا زين البنات مافيهم الرجال بعد فيهم محد كامل غير وجهه سبحانه |
والله من جد
يعني مو عشان رجال واحد تأخذون موقف منا كلنا.. يعني لو حطيت قصه عن خيانة زوجه؟؟ وانا عندي قصص كثير بس ماحبيت احطها.. اكيد انك مابترضون يالبنات اننا ناخذ منكم موقف كلنا لكن دايم لكل قاعده شواذ والله يستر علينا وعلى كل المسلمين.. تحياتي لكم |
لا حول ولا قوة إلا بالله
الله يكون في عون هذي المسكينة ألف شكر أخوي الشاكي على القصة المؤثرة والله يهدي جميع الشباب اقتباس:
الله عليك قوية عين معقولة ما تبغين تتزوجي ما أعتقد تحياتي للجميع |
أخي الغالي الشاكي قريت القصخ امس والله من الصدمه ماقدرت اعلق يعني معقوله وصلنا لها الدرجه سبحان الله العظيم أذا غلبت طابع المرجله على الشخص تجد من كل خير أما توصل انها يترك أغز الناس علشان شي يغضب الله عزوجل تذكير من دق باب الناس دقو بابه تحياتي لشخصكم الكريم الشاكي طلال التركي |
يا الله
هاي شنو ممعقوله القصص الي دا اسمعهه على الخيانه وما اعرف شنو الله يساعدها هذه المسكينه |
شاكر لكم التفاعل مع القصه
والله شيء يحز بالنفس لكن هذا ماهو رجال وعنده مرض نفسي الي يسوي كذا والله لا يبتلينا تحياتي لكم جميعا |
موبس الازواج يخنون حتى الاصدقاء هاذي خانة صديقتها مومعقوله تكون متعرف
زوج صديقتها والخيانه تجي من كل الطرفين مافيه احد معصوم عن الخطأ |
| الساعة الآن 06:48 AM. |