|
ماذا تفعل لو قال لك أحدهم احبك؟؟؟
أهلين شباب وبنات ..
عندي موضوع...واتمنى من الجميع أبداء رأيه......بكل صراحه ماذا تفعل لو قال لك احدهم أحبك؟؟؟ كثير منا يتكلم عن الحب وما هو الحب؟؟وماهو شعور الشخص الذي يعاني من لوعة الحب وسكراته .فالبعض عندما يتردد كثيرا ليصارح محبوبه بذالك الشعور وعندما يصارحه قد يجاب بالرفض او القبول ........وهنا سؤال يطرح نفسه وأريد من الجميع أن يشارك..... بالنسبه للطرف الاخر (( الشخص المعني بالحب)) لوكنت مكانه وصارحك شخص ما بأنه يحبك وقد يموت من أجلك وأنه يعاني من حبك سنوات طويله .........ما موقفك وما ذا تقول له في تللك الحالتين:؟؟ 1- أذا كنت تحبه أيضا وتكن له الموده...... 2- اذا كنت لاتشاطره نفس الشعور ولا تبادله نفس الاحاسيس ولا تود أن تخسره وشلون تتصرف وياه000 عاااااد الحين الدعووووه عامه مايبي لها عزيمه عشان تدشون وتبدون رأيكم000 |
صعبة !!!!!!
هلا فيج ..
لو قاللي احد انه يحبني و كنت امووت فيه ... والله اطيير من الفرحة لا و اقول له بعد اني احبه !! ليش لأ !!! اما اذا كنت طايح حظ مثل سعادتي و صايرلك موقف مثل حظرتي انه يحبك انسان ماله داعي !!! ( ف راح انحرج .... و اسوي روحي اني احس فيه بس ما اقول له احبك لو يموت !! و اذا كنت مابي اخسره ف أحطه احتياط لووووووول اشرايج هاهاهااهاهاه مو يمكن اني احبه مع الوقت) الزمن يقول لك : لا تندم على من حبيته و باعك لكن اندم على من شراك وبعته !!! الزمن غدار والحكمة تقول كل شي معقول باي و اتمنى ان محد ياخد بخاطره من صراحتي :) |
السلام عليكم ورحمة الله و بركاته
مشكوره على الموضوع الرائع
لكن اذا احد قالي احبج اممممممممم اسوي روحي خجلانه <<<<<< نصابه و ما أجاوب على أي شيء و ابتسم في وجهه و اروح و لا التفت إليه اليوم الثاني اسأل عنه و عن كل صغيره و كبيره متعلقه بحياته و اعرف انه يقدر يعيشني عيشه زينه مثل كل الناس أمان و حنان و حب و احترام و تفاهم اذا توافرت فيه هذي الشروط الي ابيها كلها استشير الوالدين لانه اذا حبيته بدون ما يعرفون اكون خالفة عاداتنا و تقاليدنا و هذا شيء عيب عدنا اصارحهم بأني احبه و هو يحبني بصدق اذا وافقوا اكون سعيده و اذا ما وافقوا اطيعهم حتى لو كانت نهايتي بيدهم لانهم وليا أمري :p [movel]فداعت الله[/movel] إختكم هيماء |
شكرا على المشاركه
على فكره انا شاب |
جوابي
بنسبه لي انا بجوب لك اذ قال لي احبك اجوبها واقوله شعوري نحوه واذ انا احبه راح اقول له واذ كنت انا ماحبها ولا اواده فهذا شي راجع له اذ كان حبني او كراهني وانا انصح كل وحد يحب يقول شعوره قدام الي يحبه
مع تحياتي :cool: |
شكرا على الرد ..
|
هاي للجميع
والله انا مااكذب عليك طايحه فيها كلها:D اما بالنسبه لانه يحبني وانا احبه امممممم مابتكلم باسمع وباروح اما الثاني عاد والله احراج وبقوه اسال مجرب ولاتسال طبيب باصارحه بالحقيقه وتحياتي:rolleyes: |
اولا .. و بكل الأحوال بتفاجئ سواء كنت احبه او لا ...
وفي حال انا احبه .. بخبره اني ابادله نفس المشاعر ... و في حال اني ماحبه ... بخبره اننا مثل الاخوان و عمري مافكرت فيه كحبيب ... و لكن استمرار العلاقه معاه كأخ و صديق امر يهمني ... و سلامتكم ... :( |
خخخخخخخخخخخخخخخخخ
طلعوا فضايحكم يالبنات اوكيه انا باعلمكم شئ اذا بنت جت لولد وقالتله احبك خخخخخخ لا تضحكون ترى تصير وانا صارتلي كثيييييييييييييير (عدوا واغلطوا) المهم انا باجاوب على تجاربي اذا جتني وحده وقالت احبك وانا ما احبها ( ول كثير) بس كطبعا مو هيا تقول في الف وسيله ووسيله توصل الكلام انا ايش اسوي ابتسامه ثم احلى سيفون (يعني جحده ) بس اقول لها اني ما احبها لاني ما ودي تتعلق فيا احم احم اما اذا جت وحده وقالت احبك وانا احبها اووووووووف دورولي بافرح احلى فرح احم احم بس لسى ما صار هذا الشئ خخخخخخخخخخخخخخ يعني ما عندي تجارب في المجال هذا مع تحيات الفارس |
بالنسبه لي اذا جا احد وقالي احبك اول شي (اصكت) عشان استوعب الموضوع وبعدها ابتسم واسأل ليه وش اللي حببك فيني؟؟؟؟؟
واذا كان شخص ما ابادله الشعور افهمه انه حسبت اخي عشان لايقعد يتوهم...ويبني امال ويتحطم بعدها.. واذا كانت ابادله الشعور عاد هذاي يبيلها سالفه طبعاً ماراح ابين له اني احبه اسوي ثقل عليه مو توصل لدرجة التطنيش وبعدين عاد مع الايام والمواقف افصح له عن حبي..... |
| الساعة الآن 06:20 AM. |