منتديات الـــود - ( في غيبتك,. كل السوآلف عنآوين,.)

,.,قصيدهـ قرأتهآآ بعنوآآن ( نهآآية وله,.,)


	يا ليالي الوصل غابت دنيتـي والوجـد كافـر كيف تحيي الاندلس ذكرى الليالـي المستنيـره عقب ( ولاّده ) وشوقٍ يحترق في جوف شاعر انقلب حال ( إبن زيدون ) وتردّى في هجيـره من يقول ان الفراق يعلّـم القلـب المكابـر.؟ من يقول ان الصحاري لا طلبها الما تجيره .؟ من عرفتك يا عذابي وانتـي لـي أول وآخـر من بداية لهفتي لين أنطـوت نظـره الاخيـره كنت ادوّر لك بقايا في ثرى دمـع المحاجـر لجل اواسي بك عيونٍ مالها غير انـت سيـره كل ما جابك خيال استوطـن الهـم المشاعـر كنّ ماله غير صدري بين كـل النـاس ديـره يااااه وشلون الليالي صـارت لدمعـي مقابـر كلما جنّ الظلام ازداد نبـض القلـب حيـره من رحلتي جفّت عروق القلم وسـط المحابـر مابقى له من حروفـه كلمـه تحـدد مصيـره جاك كله من نهايـات الولـه وبقلـب صابـر داخلٍ حربٍ لعينك وما معـه حتـى ذخيـره كان يبغى يظفـر بشييـن قبـل انّـه يغـادر برجك العاجي ويرحل ويا عساها الف خيـره كان يتمنى رضاك وبالحشى ضيـم الخناجـر كان يطلب ودّ قلبٍ ما عـرف بالكـون غيـره كم بنى لك في حياته من صروح ومن منابـر وكم هدمتي من صفاته حتى بسمتْـه الفقيـره كم بكالك كم حكالك كم نخـاك بشـوق خابـر انّك انت اللي تشـدّه لا تعثّـر فـي مسيـره ما وعيت الا وانا اللي زرت قلبك ضيف عابر لا تهنّى في مـراح ولا ذكـر شـره وخيـره ضاع بوجودك وبعدك ذاق هم وكسر خاطـر وإنتهى قلبٍ يـودك أصغـر همومـه كبيـره والله اني كنـت احبّـك لكـن الليلـه وباكـر ببتدي صفحه جديده ومن تغلّـى طـار طيـره وباتحرر من نواهي دمعتـك ومـن الاوامـر خل قلبك لا رحلت يذوقهـا مـن نفـخ كيـره قلتهـا أول وثانـي قلتهـا ثالـث وعاااااشـر يا حبيبـي مـن يحبـك بالنـوى لا تستثيـره ما فهمتي قصّـة المنسـي اذا عـزّم يهاجـر ولا قطفتي ورد قلبٍ فاح لك صافـي عبيـره بتركك بين انتصار المنهـزم وحـدي بسافـر لجل ما في رحلتي لك دربْ وسـراجٍ ينيـره