يا حبيبي لا تكثر في الخطايا=الخطايا ما تجيب ألا المضرة
أنت غالي وأنت كامل فالحلايا=وأنت لي في وقتي المظلم مسرة
وأنت في قلبي تحت عوج الحنايا=منزلك معروف في قلبي مقره
بس أنا ما ارضى على بعض السوايا=الخطاء ما ينقبل لو كان مره
لا يهمك من يجيب الك الحكايا=بكره من الكاس بيشربك مره
ما حد معطيك لا خطيت الهدايا=كل واحد يمك بيسبقك شره
جاك علمي وأنت ماتبغى وصايا=لكن احذر بكره تجيني تشره
اعرف أني ما التفت وانظر ورايا=نظرتي قدام والمخطي ما امره
امشي بدربي ولا أحب الخفايا=ومن عكس في دربي اطلعه بره
احسب احسابك وصحح فالنوايا=والبس لباسك على قدك وزره