منتديات الـــود - يمه خطاوي دروبي مالها ذمه .. مدري وين يا يمه توديني ....؟؟

( أشوف وجهك بخيـر وطالبـك يمه
* * * * لا غــاب زولـي تـرى ما بيـك تبكيني )

(بذكرك وأذكر اختي وأذكر اللمه)
* * * * وإخوانــي اللـي بعــد ما فارقوا عينـي

ما مات أبـونا وسواحلنـا علـى يمــه
* * * * ما مـات وحنـا على هقــواه مــاشينـي

يا معلمتنـي شلــون آكــون بالقـمـــه
* * * * أكــون الأول وكــل النـــاس تطـرينــي

يا مـرضعتني الصبر والعز والهمـه
* * * * ياللـي علـى الديــن والطيبـــه تربينــي

كبـرت لكن جنينك ماارخص الزمه
* * * * مارخص عيون سهرت في ليل ترجيني

أدري تبـين القلـــوب اليــوم ملتمــه
* * * * وأدري تبينــي مـع عيـالــي تشــوفينـي

هـذي أحضنـه وذاك بروحي أضمه
* * * * وكلمــة أحبك يبــه تسكــن شــرايينــي

( يمــه خطاوي دروبي مالهـا ذمــه
* * * * مــدري علـــى ويــن يا يمـــه توديني )

( يمــه ورود الهوى مليت من شمه)
* * * * الــورد لله مـا عــــاد الــورد يغـرينــي

علمتهــــم للــوفـا والحــب ومطمــه
* * * * كــان الوفــــا فـي حياتـي صار يرثينـي

الحســد لانــي أخــوه ولا ولـد عمـه
* * * * كلــن عطيتــه وأنـا ماارجيـــه يعطينـي

والكـــره قلبــي حلــف مايدخل بدمه
* * * * مهمـــا يقولـــون مهمــا سولفـوا فينـي

راحـت سنين العمر والقلب في غمه
* * * * لـــو ما بقـى يلحق اللي راح مرضينـي

يمـــه وهـــذا الزمــن لو زادلي همه
* * * * يكفينــي إنــي ملكـــت النجـــم بيــدينـي

يمـــه إذا بـه طمـوح أزريت لاتمه
* * * * العــذر منـــك يا ليــــت العــذر يعفينــي