صدق الي صار وصدق الي احسه يايمه من غيابك.؟

جاوبيني تكفيـن دمعي نشف من كثر مابكيته عشانك

صدق انك توفيتي ,,ورحلتي,, يايمـه من حياتك.؟

صدق اني ماعاد بشوفك وسطنا انا وامـي واولادك.؟

ماتخيل جلستي يايمه من غير ماسمع صوتك وكلامك

ماتخيل وللاسف ماني بسامعته بعد مارحلتي عن ديارك

يمه طلبتك شوفي حالي لاتذكرتك وتذكرت حتى خيالك

والله ثم والله اني بداخلي حزينه لكن انكرحزني عشانك

والله كل مكان انتي وطيتي فيه وكل كلمه نطقت من شفاتك

لاتذكرتها دمعي غصب عني اهله لان ابي حييل يمه حنانك

ابي اضمك حيل لين احس انا انفاسي ادخلت يمه بانفاسك

ومابي اتركك ابي بس اظمك واحضنك واسلم على راسك

اييه ابي بعد اخبرك يمه وش كثر بقلبي انتي بس غلاتك

ودي وودي لكن للاسف مالقيتك لجل اسالك عن اخبارك

مالقيت الاعيون ذبحهاالدمع ومالقيت الاوجيه تعزي وفاتك

مالقيت الاوانا بالاحضان يايمه كنت احسبها انتي رديتي لحياتك

كنت احسبها انتي وضميتك لصدري ورفعت وجهي بحب راسك

مالقيت الاوحده يايمه تقلي اصبري وتذكرت ان الصبر من صفاتك

تذكرت احلى صفاتك تذكرت (ا(انتهت الحفله )ا)الي دايم بشفاتك

تذكرت الكثيروعجزت حتى اني انسى رقـه زعـلك ورقه أعتابك

لكن للاسـف ماتذكر اني حبيت يدك يايمـه يوم زرتك بفراشك

شفت بعيوني مرضك وشفت وش كثر الناس يمينك ويسارك

لاكن يايمه ماتخيلت انها بتكون اخر لحظاتي معك واخر ايامك

كنت اقول بتعيش باذن الله وكنت احسب بيد الدكاتره علاجك

كنت احسبك بتردين وقلت نـذر علي افرش ورد بخطواتك

قلت نذر علي يايمه لاشفيتي ماتركك ولااخليك لحظه بحياتك

آآه يايمه آه ياعزوتي ودنيتي انتي ماعـــاد بي صــبر بغـيابك

آه يوم اتخيل ايامي بلاك وش بيصير فيها ووش بيصبرني بغيابك