والله اني في حياتي ماعرفت الا ديارك=والاقلبك ماعرفته ولاعرفتك من تكوني
كلما حاولت اجي لك يبتعد عني مسارك=كلما حاولت ابدع دموع عينك يمنعوني
علميني وش بغيتي؟ ولمتى اتلحف بنارك=ماكفاك اللي حصل لي (اهـ ) ياسبة جنوني
مابقي فيني محطه لجل يعبرها قطارك= مابقى فيني اماكن تلعبي فيه وتخوني
وش تبين اكثر واكثر مابقى الا اني ابارك =انتهى اخر وجودك يوم طحتي من عيوني
موكفايه كنت اصدق مدح نفسك وافتخارك=موكفايه لجل عينك بعت من كانو يبوني
والنهايه وش حصل لي لازم ارضى في قرارك= ليتني وافقت ربعي يوم عنك يبعدوني
ماعرفت انك لغيري واني باحساسك مشارك= شخص مثلك في صفاتك ولا ابد لونه بلوني
كنت انا مجرد حكايه تأخذي فيني بثارك= وتدفني غلطت حياتك كان ماخابت ظنوني
من يقول انك حقيقه يتفق معها شعارك= انتي اسوء من عرفته في حياتي وعرفوني
من يقول الليل يزعل لاختفى عنه نهارك= من يقول اني عشقتك وانك انتي بعد كوني
كنتي غلطه بااختياري لا ابد مو باختيارك= ارحلي لا ردك الله واكملي عمرك بدوني
يمكن القى في غيابك من يداوي جرح نارك=يمكن القىفي عذابك من يجمع لي شجوني
ودام انا ماشفت قلبك ولا عرفت الا ديارك= بسئلك واللي خلقنا في حياتي من تكوني

المشاركة الأصلية كتبت بواسطة عتيبي ليا هبت الريح حياك الله ومية هلاااااااا . . الشاعر فيصل صح لسانكـــــــــ وسلم بوحكـــ ودمــــــــــت’’’

كنـت انـا مجـرد حكايـه تأخـذي فيـنـي بـثـارك
وتدفنـي غلطـت حياتـك كـان ماخابـت ظنونـي



يــــــــــــــــاهلا وغـــــــــــــــلا


§®¤*~ˆ°ˆ~*¤®§(*§ فيـــــصل المريسي §*)§®¤*~ˆ°ˆ~*¤®§


هنا اشرق الابدااع وتألقت حروف الجمال



صح لساااااااااااانك مليوووووووووون ولايكفوون



تقبل خااالص الاعجاب والتقدير



اخووك



عذب الوصايف