أبرحل لا تلوميني وفيٍ ما أبي خوّان=أبي أنسى شعوري يوم تعلمتك أنا وعشتك
أبرحل من بعد قربي باجرّب رحلة الهجران=أببعد لين تشوفيني بعيدٍ مثل ما شفتك
أبيكي تكرري الصورة تعيدي ما مضى وما كان=عشان تشوفي بعيونك سبب صدّي وليه لمتك
رفعتك فوق كل الناس حضنتك عن ثرى النسيان=ولكن من بعد خنتي أنا كلي ترا عفتك
صدمني الوقت بأوقاته وحطّم داخلي انسان=شريته بكل ما فيني ولكن للأسف بعتك
ظروف البعد علّتني وظلامي اشعل النيران=وأقول البعد مهما صار بازوره مثل ما زرتك
أبرحل والقلم يكتب نزيف الجرح للي خان=وحملي طول ترحالي همومي من بعد صدتك
أبرحل والورق يحمل حروف الحزن والأشجان=ودمعي يحتضن خدّي وقلبي حار من ذقتك
أبسال فآخر ابياتي سؤال الحاير الولهان=سؤالي من بعد هذا ؟؟أمانه هل أنا خنتك؟؟

المخلص&ذايع&