منتديات الـــود - {يوميات موظف إتصالات }

بسم الله الرحمن الرحيم

هاذي يوميات موظف اتصالات

انا اقول الله يعينه

يالله بسم الله

هذي قصة واحد يشتغل في الاستعلامات الله يكون في عون هذا الموظف.....!

كان الموظف مرهق ومزاجه مش ولابد
وخصوصا والمايك معلق على راسه وهو يستقبل مكالمات المشتركين:

المكالمه {1}:
(شايب كبير في السن)
الموظف: ألو استعلامات الدليل محمد الــ 00000 مرحـبـــــا
الشايب : ألو ممكن لو سمحت تعطيني رقم عبد الله فهد سعد
الموظف: وين ساكن أخوي؟؟
الشايب : ساكن قريب منا !
الموظف: وين قريب منكم بالضبط ؟!
الشايب : ياخوي هنا جنبنا ... جارنا ماتعرفون رقمه :( ؟
الموظف: ياعزيزي أنا ماأدري أنت وين !!!!!!!!؟
الشايب :أقول والله ماعندك ماعند جدتي بس 00000 طوط طوط أنقطع الخط!!

المكالمه{2}:
(صوت ناعم )
الموظف: ألو استعلامات الدليل محمد الــ 00000 مرحـبـــــا
الصوت الناعم: هلا أخوي ممكن تعطيني رقم بيتزا هت؟
بس ماأبي فرع النسيم !! دايم تعطوني إياه...
الموظف: أي فرع تبغون رقمه؟؟
الصوت الناعم:تدري وش فيه فرع النسيم باايخ ؟!
لأن البيتزا حقتهم توصل بارده وبعدين شكلها خبز تميس :)
الموظف: <<[بيموت من الضحك بس ساكت لأن المكالمه مسجله]..
طيب خوذي فرع العليا أجل...
الصوت الناعم:ياخي ليه ماتضحك ؟؟؟ لايكون أنت صاحب بيتزا هت!؟؟
مالت عليك وعلى ثقل دمك؟!
00000 طوط طوط أنقطع الخط !!!!!

المكالمه{3}:
(طفل يرفع الضغط)
الموظف: ألو استعلامات الدليل محمد الــ 00000 مرحـبـــــا
الطفل: ألوووو عطوني رقم وش اسمه ...إيه . حمود بادي فرج !
الموظف: طيب خذ رقمه
الطفل: لحظه أبي رقم ثاني بعد ؟! أبي رقم هذا...وش اسمه؟ مانع فالح سامي
الموظف: طيب خذ رقمه
الطفل: طيب أبي واحد ثاني ..أبي رقم أبو نادر عمي سعد؟
الموظف: أتصل مره ثانيه لأنه ممنوع أكثر من رقم في اتصال واحد :(
الطفل: أقول وجع يوجع بطنك ..ترى مالك فضل علي أنا ماأكلمك مجاني أنا أكلمك بريالي!!!
الموظف: <<[يخرج من طوره] أقول اسمع 00000 طوط طوط قفل الخط !!!!!

المكالمه{4}:
(صوت ناعم)
الموظف: ألو استعلامات الدليل محمد الــ 00000 مرحـبـــــا
الصوت الناعم: "عوافي أخوي"
الموظف: الله يعافيكم يارب <<[أول مره احد يعطيه روح معنويه]..
الصوت الناعم: لا أنا قصدي أبغى مطعم عوافي اللي في العليا ؟؟؟
الموظف: طيب خوذي الرقم ..

المكالمه{5}:
(صوت ناعم)
الموظف: ألو استعلامات الدليل محمد الــ 00000 مرحـبـــــا
الصوت الناعم: مرحـبـــا أخوي ممكن تعطيني مستشفى العيون للولاده ؟!؟
الموظف: كيــــــــــف !!!!!!؟؟؟؟؟؟
الصوت الناعم: مستشفى العيون للولاده تسمع ياأصقه ؟
الموظف: <<[يبي يصرفها ..والمكالمه مسجله طبعا] هذا رقمه غير معلن..!
الصوت الناعم: طيب ظف وجهك 00000 طوط طوط طوط انقطع الخط !!!!!!

المكالمه{6}:
(صوت ناعم)
الموظف: ألو استعلامات الدليل محمد الــ 00000 مرحـبـــــا
الصوت الناعم: هلا أخوي ممكن تعطيني رقم صيدلية السقاف ؟؟
الموظف: تفضلي الرقم ..
الصوت الناعم: لالا لالا هذا رقم صيدلية السقاف اللي في الروضه !!؟
الموظف: طيب وش فيه !!!
الصوت الناعم: ماهي زينه مايبيعون إلا فكس 00000 طوط طوط طوط انقطع الخط !!!!

المكالمه{7}:
(صوت ناعم)
الموظف: ألو استعلامات الدليل محمد الــ 00000 مرحـبـــــا
الصوت الناعم: "عيــوني"
الموظف: بلا هالكلام وش تبين ؟؟ <<[ طبعا عشــان المكالمه مراقــبه]
الصوت الناعم: لا أنا أبي محل عيوني للعدسات والنظارات ؟! اللي في التحليه
الموظف: وش اسمه !! عيـوني ؟؟
الصوت الناعم: لااا مو عيونك .. عيوني أنا ياعيوني !!
الموظف: خوذي رقمه :(
الصوت الناعم: شكرا لعيونك اللي كنها عيون بقره ..
ههههههه << وعندها بنات يضحكون :)

المــــــــــــــــــــــــوظف طلع وترك الدوام مســـــــــــــــــــــكــيـــــــــــن !!!!!!!!!!!