|
[ يــاعقاب أنا ويـاك روح ٍ بشخصيــن ]
بسم الله الرحمن الرحيم
والسلام عليكم ورحمة الله وبركاته ((( يــاعقاب )))
ياعقـاب أنـا ويـاك روح ٍبشخصيـن=وأيضا ترانا أثنين في شخص واحد متوافقـه فينـا المراجـل مــع الـديـن=وأيضـا ترانـا عـن بعـض مانتباعـد أنت السنـد ليّـه لا صـرت أنـا شيـن=وأيضـا أنـا بسنـدك لا صـرت قاعـد شيـوخ لنـا منـزال وأيضـاً عناويـن=وأعلـم بـان الفعـل ياعـقـاب شـاهـد ماهمهنـا لـو قـالـو الـنـاس غـاديـن=لأنـك رفيقـي وأنــت للقـلـب سـاعـد أنــا جعلـتـك لــي ضــد الشيـاطـيـن=يـوم الخـوي ياعقـاب ناكـر وجاحـد وأنا وضعتـك لـي مـن قبـل عاميـن=وأكثر من العاميـن ياعقـاب صاعـد أرفعك في يمناي عـن سكـة الشيـن=وترفـعـنـي بيـمـنـى أبـــد مـاتـراعـد متبادليـن الطيـب والطيـب نوعـيـن=مـــره مـعــاي ومـرتـيــن نـتـواعــد مابيننـا حسابـات وقسمـة وراعيـن=أنـت الأ نـا وأنـا انـا وأنــت شـاهـد ياعقـاب ماملـيـت مـنّـك ألا الحـيـن=رغم الصعوبـه فـي دروسـك قواعـد سبحـان مـن كمـل خيـالـك ملايـيـن=ياعقـاب أنـا ويـاك غديـنـا شـواهـد ينقـال لـك بيـن البشـر أب نسـريـن=وأنــا بـعــد يـنـقـال يـأبــو الـنـدايـد رد القصيـده لــي ياغـلـى المحبـيـن=فـي وصفـك الـرائـع وهــذه عـوايـد وصـلاة ربـي عـد مـن جمّـع أثنـيـن=متـوافـقـه فـيـهـم مـراجــل بـواحــد علـى النبـي خاتـم رسـل مـع نبييـن=المصطفـى الـي صاربالنـاس شاهـد |
حي الجواب اللي لفانـي بشطريـن=شطر ٍ معاي وشطربـأسمـك قلايـد لك يابو ند القاف يرضخ لك الحين=وأعلم ترى الأشعار بأسمك تعايـد مبطين عنّك صدق بالحيل مبطيـن=مدري علامك بالبطى صرت جاحـد عودتني تسئل علـي كـل يوميـن=وتنشد عن أحوالي بصدق الوعايـد ياصاحبي صرنا بحاله من الشيـن=بعدك غدت روحي وسـط النكايـد مالي صديق في زمـان الشياطيـن=وأبليس قايدهم وهو هنـاك قاعـد وأن كان تبغاني وتطلبنـي الديـن=أبشر تـرى بوفيـك وأرد الردايـد يومك مدحت عقاب بحلى العناويـن=عقاب يتشكـر مدحكـم بالجرايـد الله يعـزك فـوق كـل المياديـن=وفوق الدول بالعلم وأغلى شهايـد أنت الصديق اللي معي عاش عامين=بصدق ومحبه والغلا فيـك شاهـد معاي عاش بداخلي في طبعه الزين=محد ٍ يشوفه ولا له أيـة سواعـد بغربه وهم وضيم وأحزان مع بيـن=تجمّعن بالدرب فـي وقـت واحـد ولو مالصلابه فيك غدينا مجانيـن=من كثر البلا أصبحبك الفكر شـارد لأنك شجاع كنت راسخ بك الديـن=وأيضا لربك كنـت بانـي قواعـد هذا هو اللي شال أوجـاع الأثنيـن=وصرنا بعـد هـذا معهـم سعايـد وصلاة ربي عداد حروف ٍ بياسيـن=علـى النبـي المنرسـل بالفوايـد |
اخووووي الغالي
عشير الصـمـت ...... صح السااانك يالجزل وصح السان من سبق ذكرهم ولاهنت عسى عمرك طويل ....... تحياتي وتقديري اخووووك عبيد السبيعي |
الله عليك موضوع جميل
|
| الساعة الآن 04:00 AM. |