دوكم اصـنــاف الـحـريـم=وفسّروها بحسن نيّه
منهـن مــن ربــي اكرمـهـا=بالـديـن وحـســن العقـلـيـه
وهـذي والله نعـم الحـرمـه=تسـتـاهـل مــنــك الـهـديــه
لـيـاقـامـت نــعــم الـقـومــه=خــذ مـنـهـا نـفــسٍ شـهـيـه
تـشـتـغـل لــــك بـالـمـجـان=ولاتـبـغـى مـنــك الـمـهـيـه
تحـفـظ كــل الــي تعطيـها=وتحـفـظ نـفـسـك والمـالـيـه
وتـحـفـظـلــك بــزيــراتــك=مـــن كـــل عـلــومِ رديـــه
هــــذي مـتـعـهـا بـالـدنـيــا=وعطهـا راحتـهـا النفسـيـه
والثانـيـه عـكــس الاولـــى=لاديـــــــن ولامـعـقـولــيــه
دايـــم تـطـلـب ولاتـشـبــع=لوتـعـطـيـهـا الـمـيـزانـيــه
تبـغـى ملبـوسـات الـســوق=تحـطـلـهـا فــــي عـلاقـيــه
وتقـول ابغـى أبغى ذهب=بـ أكسـي راسـي مـع رجلـيـه
والله ماهـتـمـت بــالــزوج=ولافـكــرت فـــي الــذريــه
ولوتحـسـن خلـقـك مـعـهـا=قـالـت مـانـت بـزيـنِ لـيّــه
هــذي احـرمـهـا بـالـمـره=لــيــن اتـعـرفـلـك مــاويــه
عـلـمـهــا دايـــــم قـولـلـهــا=والله مـنـتـي دايـــم حــيــه
وخـوفــهــا بالله ذكـــرهـــا=يمكـن تـحـس بــك اشـويـه
وبعضهن طارت بالموضه=تسريـحـه صـبـح وعـشـيـه
وتسريحه في وقت الصفره=وتسريحـه وقـت الظهـريـه
وفستـان ازرق ومكشـكـش=يلـبـس مــره وهـــي هـيــه
والـسـهــره لــهــا فـسـتــان=مـفـصـل بـالـفـيـن ومــيــه
والــجــاره لــهــا فـســتــان=فـيــه اشـكــالِ تـطـريـزيـه
ولازم من لون الفستان=جوال وشنطه جلديه
حتى لون العين اتغير=من شان اغراض الحوريه
ولياشـافـت مـوضـه جـايـه=قـالــت ابـغــى ذي وذيّه
رمـــت عبايـتـهـا الاولـــى=وجـابـت وحـــده فرنـسـيـه
قـالـت حـلـوه عـلـى كتـفـي=تبـرزصـدري مــع ردفـيّـه
وجتـهـا تمـشـي صديقـتـهـا=قالت هـاه ايـش رايـك فيـه
شوفي الجنـز اللـي لابستـه=ضـيـق مـــره والا شـويــه
هــذا نــوع ونـــوعِ ثـانــي=اصـبـحـت لـلــزوج اذيـــه
ليـا جـاهـا ضـايـق صــدره=قـالــت اغـــراضِ منـسـيـه
ولـيـا حـانـت حــزة نـومـه=قـالــت نـاقــص مـلـوخـيـه
ولـيـا قــام يـغـسـل وجـهــه=جـابـت نـشـرات اخبـاريـه
فــلانــه ركــبــت طــيــاره=وفـلانــه تـحــب الشـرقـيـه