|
زوجي يخونني!!!!؟
السلام عليكم ورحمة الله بركاته:
اخواني واخواتي اتمنى من يقرأ رسالتي ان يعطيني جواب شافي او حل مناسب . في بداية الموضوع اود ان اشرح لكم القصة لتتعايشوا معي انا امرأه متزوجه منذ ثلاث سنوات ولدي طفله احب زوجي وهولاشك يحبني خلال هذه الفتره عمري ماشكيت فيه ابدا ولااسأله وين رحت ولامن قاعد تكلم وليش على طول خطك فيه انتظارمع ان موبايله مايفارقه على طول في يده مع ذلك حاط فيه قفل كل هذا والتمس له العذر لان ماعندي شك فيه واثقه تقدرون تقولون حتى اكثر الناس يقولون لي انتي مغفله ماتدرين عن شي واقولهم كيفي اناماأوسوس مثلكم ولا أسمح للشك انه يدخل في حياتي عشان مايهدمها المهم مااطول عليكم يوم من الايام زوجي كان بيروح للدوام وكنت اجهز له الفطور كالعاده الاويقول لي ماابي تأخرت ويطلع بسرعه وينسى مفتاح السياره وتأخر نص ساعه وأدق عليه انتظار يوم طليت من عدسة الباب الاهو واقف يتمشى بالشارع ويتكلم بالتليفون ولاطرى عليه مفتاح السياره بعد ساعه الاربع ومابقى على الدوام الاثلث ساعه تقريبا دخل علي ركض يبي المفتاح سألته عن تأخره طبعا مارد علي وسألته من كان يكلم وكانت هذي اول مره اسأله فيها قال واحد من ربعي طبعا انا ماقلتله اني شفته من الباب قلت خليني اراقبه من بعيد علشان مايحس فيني وبنفس الوقت مايقول اني شاكه فيه مر اليوم عادي جدا وبكره تكرر الموقف يطلع من عندي بدري ويقعد بسيارته يكلم نص ساعة تقريبا ويمشي قلت في نفسي لازم اعرف من يكلم كل يوم لازم اجيب الرقم واعرف اذا يكلم حده غيري والا لا المهم بدات حالتي النفسيه تتدهور وافتش ملابسه وسيارته الاقي اشياء غريبه احيانا هدايا اتوقع انها لي واخيرا تختفي وأعديها له اخر شي قلت لازم اواجهه واذاكلامي في محله بيتهرب مني واذا لا بيعطيني دليل يثبت براءته والمشكله كل ماأشكي حق احد يقولون مافي أحد مايخون. واجهته بالموضوع طبعا تهرب وقال شيلي الاوهام هذي من راسك من ذاك اليوم وانا أحس كل شي يقوله لي انه مايقصدني فيه وان كلامه كله كذب ومشاعره تجاهي كزوجه فقط أحس انه يحب غيري وانه متعلق بالانسانه اللي يحبها من خلال كتاباته الشعريه اللي أطيح عليها بدون مايدري ابي أعرف دام الوحده تلبي طلبات زوجها بأكملها وموفره له الراحه النفسيه ليش يخون ابي جواب ؟ وابي حل حق نفسي شلون اتعامل مع زوجي الخائن ؟ |
أول شيء لا تظلمين زوجك وتقولين عليه خائن وانت لم تري عليه شيء مباشر وكلها مجرد شكوك وظنون قد تكون صائبة وفي نفس الوقت قد تكون خاطئة....
فظني به الظن الحسن ولا تدعي الشيطان يزين لك الأوهام لتريه في نظرك خائن... أما بالنسبة للإتصالات والهدايا فقد يكون صادق وأن الهدايا لشخص نسيها بسيارته والاتصالات قد تكون اتصالات خاصة هامة بالنسبة له ولا يريدك أن تطلعي عليها... تحياتي وأشواقي... تركي الناصري |
بعض الاحيان الشك يهدم البيوت اذا الشك مو مكانه فنصيحتي لاتستعجلي يمكن مع مرور الايام تستكشفي يمكن برئ ويمكن يسويها وفي العجله ندامه فاصبري
|
اختي العزيزة / ام الهنووووووف
القصة التي سطرتيها لي عيها بعض الملاحظات الرجل مازال محتفظا بعلاقة جيدة مع زوجته فما يشغله لم يصل لترك الزوجه أو تجاهلها والشيء الآخر إن بعض الظن أثم والشيطان يصور امور وتتشكل بصور غريبة اخوكم الهدار |
أهلا بك أختي ,, أم الهنووووف ,,:love: وحياك بين أخوانك وأخواتك في منتدى الود الشامخ ,, أختي العزيزه ,, أريد أن اسألك أولا ,, ذكرتي أنك تلبي طلبات زوجك وموفرة له الراحة النفسيه ,, هل الحياة الزوجيه هي تلبية طلبات فقط وتوفير الراحة ,؟؟ أنتي متزوجه وأكيد أدرى مني في هذه الأمور ,, عزيزتي الحياة الزوجيه ,, تتطلب المشاركة في جميع الأمور التي تواجه الزوجين ,, والزوجه يجب ان لاتكتفي بعلاقة الزوجه مع زوجها ,, يجب أن تكوني معه علاقة الصداقه وأن تكوني أم له وأخت وأول هذه العلاقات ان تكوني الحبيبة وهذه أهم علاقة ( عشيقة ) لزوجك ,, أذا أستطعتي أن تتفنني في هذه العلاقات مع زوجك ,, بشرط أن تبني هذه العلاقات على رابط الثقة أولا وأخيرا ,, تأكدي أن زوجك لن يرى غيرك ,, ومع هذا يأختي كل تلك الأمور التي لاحظيتها عليه لاتجزم خيانته لك والمرأه القريبة من زوجها تستطيع أن تكتشف خيانته من نظرة عينه ,, وتهربه من الاجابات قد يكون سببها أنه لايريد أن يخلق المشاكل بينكما على أمور ليست لها وجود ,, نصيحة مني ,, أبعدي هذه الاوهام من بالك وتعوذي من الشيطان الرجيم ,, وأهتمي بزوجك اكثر وأنتي ذكرتي أنه يكتب شعر أفهم من كذا أنه فيه رومانسية أهتمي بهذا الجانب واخلقي هذا الجو بينكما كل حين ,, وأخيرا ,, أتمنى لك حياة سعيده وموفقه ,, وتقبلي تحيتيـ:love: |
اختي مملكة الليل
صحيح كلامك بس انا عندي ملاحظة بسيطة على كلامك انتي قلتي انو لازم الزوجة تكون عشيقة صحيح لكن القلب وما يهوى يعني يمكن الواحد من جد حرمتو مادية حقوقها باكمل وجه وتديها 10 من 10 في الحياة الزوجية بس زوووجها ما يحبها الحل في دي الحالة جدا صعب ويبغالو ناس مختصين صراحة الله يكون في عونك اختي ام الهنوف احس من جد انك مسكييينة والله يكون في عونك انا افضل انو تسالي المختصين في مجلة زهرة الخليج في وحدة مختصة ناسي اسمها والله يا ريت لو تراسليها وانا متاكد انها تقدر تساعدك خلينا نشوفكم |
|
| الساعة الآن 11:07 AM. |