منتديات الـــود - كيف ترفعين ضغط اخوكي (خطوات بسيطه )فقط!! لا يفووووتكم

كيف ترفعين ضغط اخوكي (خطوات بسيطه )فقط!! لا يفووووتكم

--------------------------------------------------------------------------------

عندي دروس خطيره يا بنات ..شوفوا الي مقهوره وتبي تنتقم .. واللي تبي ترفع ضغط اخوها لا يهما تتبع هذه الخطوات..والله يقويكم !!!
***عند التلفزيون ***
لا صارت فيه مباراه ..والاخ متحمس .اقطعي هالحماس وشلون؟؟
انا اقولك..
شوفي اذا صار مبقق عويناته وماهو يم احد يعني لو تجيبين صاروخ وتفجرينه قدامه ما يلتفت لك اعرفي انه منسجم ..
هنا تقومين بشغلتك .. وتسوين نفسك بنت سنعه ..
وروحي جبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين . لا قال ابعدي .
قولي ماني بفاضيه ابي امسح .. وبعدين روحي جبي المكنسه وكنسي المكان اللي هو فيه وحاولي من لحظه للحظه تكنسين المكان قدام التلفزيون وغطي عليه ..ولا يهمك احد ..
واذا قال ابعدي لا اصقعك على وجهك بالكاس قولي له امعصي بيجونا ضيوف .. العبي عليه حتى لو انه مو بجايكم احد .. ولا سوي نفسك جالسه وتذكرتي الكيك بالفرن احترق ناقزي الين توصلين للفيش وارصعيه برجولك ولا تلتفتين وراك ..
*** عند النوم ***
لا صار التمساح يشخر ..نكدي عليه لا تخلينه ينام؟؟ دخلي عليه بزارينكم على بزارين الجيران وصكي الباب عليهم خليهم يلعبون بغرفته ويناقزون على راسه .. تخبرين اطفالنا احباب الله . . خخخخخخخخ
والا تعالي وهو في سابع نومه وارجفيه ذيك الرجفه اللي يفز ما يدري عن نفسه الا وهو جالس وبكل برود قوليله نبي نخرج ..

*** إذا المزاج صفر ***
اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي عليه خلي دمك ثقيل بالمزح بس انتبهي في هذي اللحظه لحركات يده لانه ممكن في اي وقت يصك اي شي قدامه بوجهك ولازم تصيرين مجهزه مفتاح الغرفه .. ما تدرين السالفه يا غالب يا مغلوب
خخخخخخ
المهم اضحكي على شكله ولا وجهه ولا لبسه .. هو بيقول تري ماني برايق اذلفي عن وجهي . انتي لا تسكتين قوليله واذا ما ذلفت وجهي وش بيصير ..
عاد هو بيقوم ويوريك وش بيصير على سنع في هالوقت اقبضي اول درجتين توديك لغرفتك وطلي عليه من فوق وقوليله هههههههاي اهم شي اني رفعت ضفطك وقومتك من جلستك
عادي ..عادي واذا صرتي بزر وش فيها اهم شي هو تحقيق الغايه الي هي (تفجير الامبيل) واهم شي بعد الاخلاق لا هنتي حبيبتي خخخخخخ

*** وقت الطقاق ***
لا جا يوم وبراسك حرش وتبين تطاققين انتي والتمساح لازم تتجهزين من كل ناحيه :
1ـاللبس .. لازم تلبسين ترنك خخخخخخخخ علشان بسهل الركض
2ـ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات ولا خصله تنزل منك وياليت ذاك اليوم يكون براسك حنا علشان ما يتجراء ويلمس شعرك<<<<<<<< ابن امه يجيب مثل هالتفكير
3ـ مفتاح الغرفه لميه الاحتياط واجب
اذا بدت المعركه حطي راسك براسه ولا تبينين له انك خايفه وبققس عويناتك فيه وقوليله وش براسك عاد هو بوريك وش براسه بيقول هذا اللي براسي طراااااخ الا ومخمس مصفي طبلونه
لا تستسلمين عطيه بككككككككس بعيونه الثنتين علشان ما يشوف الدرب وحطي رجلك
وعلى طول لغرفتك اللي جهزتي مفتاحها من قبل وقفلي عليك ..
ويا دار ما دخلك شر ..بس نصيحه اقعدي يومين لا يشوفك ولا تشوفينه لانه يبي ينتقم لكرامته وبيوريك النجوم بالقايله
والله بستر على الجميع
اعتزازي للجميع
والله يعينكم بنوتات

اختكم:
بنت ديار السعود