منتديات الـــود - شــرم الشــيخ..!!

ياشيخ شـرم الشيـخ قالـو بالأخبـار
فيهـا انفجـارات ودمـار ومـآسـي

ضاقت بـي الدنيـا وصديـت منهـار
شارد واحس ان الشلل فـي حواسـي

يابن الحلال الزين سافـر عـن الـدار
وتقفيلـت الـجـوال زادت عمـاسـي

حط الجزيرة خلنا نشـوف وش صـار
تكفـى ودبـر لـي محلـل سيـاسـي

لا تقول لي وش فيك ضايـق ومحتـار
لو صار به مكروه مـن لـي يواسـي

لو جاء (قينيس) بيده مقاييس (ريختار)
يلقى أرتـداد الشـوق عنـدي قياسـي

احسنـي واقـف علـى صالـي النـار
قمت المحـه بوجيـه ربعـي وناسـي

ماداني اسمع سيرتـه صيفنـا الحـار
صار السفر شـي بحضـوره اساسـي

عقب المدى ودون السماء بغير (مسبار)
زار الفلك شوقـي علـى متـن ياسـي

شيخ الجواهر والـدرر سيـد الأقمـار
بدر اشتعـل واشعـل فتيلـة حماسـي

اللي عكس عنـدي مفاهيـم وأسـرار
دقـق تشـوف بناظريـه انعكـاسـي

لو كنت عنده يالخوي وقـت الأخطـار
قل للخطر (ستيـن) عاقـب وخاسـي

شربت له كـاس العزيمـة والأصـرار
واذا تخللـنـي مـلـل زدت كـاسـي

وإن صار به مكروه من فعـل الأشـرار
ياعـل ماهـب الهوى...فـوق راسـي

للشاعر

ماجد الحسن الرويلي