الف : أتحليه الفوايد و الأذكار=الفايت اللي فات ما هوب مردود.
الباء : بانت شهود الصبح و أنا بنجواه=بلواي بعد الوليف و الهجر ممدود
التاء : تركت الود و الصبر مقواه=تابع هوى من بالهوى له مشدود
الثاء : ثبات العقل مني له قدره و طاقه=ثابت على العشره و لا هوب ما جود
الجيم : جاني جيه ابهر العين بانسراقه=جاني بمهاره وجيت له تقول مفرود
الحا : حادة بي علة عقب ما راح=وحالي صار نحيل ناشف كنه عود
الخا : خليل ً خانه الزمان أعاصير ورياح=خدر عيون ً محاجرها بسود
الذال : ذابت عظامي من هوى حسن الأطباع=صار للود طايع و القلب لاهوب
الدال : دايم يمر طيفه بلذة النوم أنواع=دلال و نعومه وجمال ومن شافه طاح مهدود
الرا : رفيع الشان فوق الأمتون ميال=يا زين ترى لك عندي ميثاق و عهود
الزا : زواني نهده بالنحر تقول فنجال=زين المعاشر محلاها يحلى عنقود
السين : سيفه يمانع سلة صويبه=سهل النبا في مبسمه تقول ماعود
الشين : شاف الغلا و أسدل الخل هيبه=شبه المها أبروضه وترصده برصود
الصاد : صايدني بغينه و جيده=تقول وحش ً ماهوب صايد و مصيود
الضاد : ضادني بهمه و كيده=ضار حشا ماحن والد لمولوده
الطاء : طواني بالهوى طي قرطاس=طفل مربه العديم وماه ماهوب مارود
الظاد : ضميري يضربه كل هاجوس=ضاع الدوا و الدا خطير بيزود
العين : العين من عشرته كني ورى ديرة الروم=عندي قريب وكل ربعه لنا قوم وزود
الغين : غنا الحمام وجاوبه كل مضيوم=غاب السعد اللي من البيض مجحود
الفا : فرحت بجيته يوم جاني=في ليلة مابه مقاريد و حسود
القاف : قلت . . الله بحبك بلاني=قال . . السبب قلت . . مير أنا عنك مردود
الكاف : كفا الدنيا إلى شفت و ووحيت=كفيت رجلي من حرها نسل و جدود
الام : لم شروق نصفها يم و ليفه=ولولاه ما صغت الشعر دام هوبه مقصود.
الميم : مريت بأرضه وتاهت كل الأقدام=أرض خلا مابها الجود و فود
النون : نسيم الهوا يطريه و حساب الايام=ونومي الصمت و خافق أقرب من ينود
الواو : وصفته و لا أكملت كل الاوصاف=وين الذي ينشد ولاهوب منشود
الهاء : هذا لوا قلبي بكفه وشاف=هبت غصون من هوى ناعم العود
الياء : يالله لم الشمل يا خير معبود=يا مر و ينهي وحكمه يسود