|
بعض الحلا لاصار خالي من الذوق = مايجلب الاّ الفاجعة والحسايف !!
في سجةٍ للبال من كل طاروق = سجَّيت مع تذكار عذب الوصايف ساعة صفا مابين عاشق ومعشوق = أخير من دنيا الطمع والكسايف كلٍّ على ليلاه يرحل مع الشوق = والناس في مايعشقونه طوايف مانام سارق حلمي أنام مسروق = ولاني على الأرزاق بالحيل خايف قطرة ندى طاحت على الورد برفوق = خلّتني أقْضي الليل حيل امتكايف أهلا هلا بك ياندى منت مسبوق = دايم تذكِّرني بزين الردايف ! الصاحب اللي مايوازيه مخلوق = اللي على حتى الحلا صار نايف !! بدرٍ تجلّى في سما الحسن موثوق = من شاهده يصبح لمغليه عايف العين عين أشقرْ شلع بالسما فوق = متشيِّمٍ عن صيد مابه كلايف ! والرمش جيشٍ انتظم يحرس الموق= صفّت جنوده شامخاتٍ عرايف والخد لامنَّه لمع كنِّه بروق = لو حسَّه المكفوف يصير شايف !! والبطن ضامر والخصر عود ممشوق = والصوت نسمات الربيع اللطايف والشَّعر مثل الليل حالك ومطروق =حرير مجنونٍ يطيع الهفايف عطاه ربي فوق حلياه منطوق = يبري جروح اللي حياته كسايف بعض الحلا لاصار خالي من الذوق = مايجلب الاّ الفاجعة والحسايف جمال الإنثى لاغدا سلعة السوق = ألينه أخطر من سيوفٍ رهايف !! قلت العفاف وصارت أيامي اشروق = وقال : الجمال وقلت : لاشك ضايف !! هذا حبيبي كل حسنٍ به اصدوق = والفرق شاسع بين أصلي وزايف !! لامن ضحك يهمس له الورد :ياشوق = بينه وبين الورد همس الشفايف ! الوجه طاهر ماعبث فيه مسحوق = عقل وثقل وعلوم حلوة طرايف تضحك له القمرا بترحيب وبشوق = كن القمر وخديد خلّي ولايف من هو يجادل فيه مسحوق مسحوق = باقسى هزيمة ماعليها حسايف لو يرتدي ثوبٍ قديمٍ ومشقوق = يصير موضة للبنات العفايف ! جلسة معه لوهي على جال طابوق = ألذ عندي من جميع المصايف !! أحب قربه حب الأجداد للنوق = لاصَدَّرن متسابقاتٍ خفايف دامه معي بالحيل أنا اليوم مرزوق = رزقي يجيني لو تركت الوظايف وفي غيبته كل الأماني بها عوق = دونه يصير الكون هايف بهايف !! |
بعض الحلا لاصار خالي مـن الـذوق مايجلـب الاّ الفاجـعـة والحسـايـف
صح السانك اخوي حمدان وقواك الله |
اخووووووووي.............الشاعر(حمدان)
لك من كل ود واحترام وصح السانكـــــــــــ,,,,,,,,, كلمات تستحق الاشاده ولنا الفخر ببسطها اهنيه............ |
[all1=#FFFFFF]اخوي حمــــــــــــدان
قمه بالابداع صح لسانك ولاهنت ننتظر جديدك ولك التحيه000[/all1] |
[all1=#00CCFF] في سجـةٍ للبـال مـن كـل طـاروق *** سجَّيت مع تذكـار عـذب الوصايـف ساعة صفا مابيـن عاشـق ومعشـوق*** أخير مـن دنيـا الطمـع والكسايـف كلٍّ على ليـلاه يرحـل مـع الشـوق *** والنـاس فـي مايعشقونـه طـوايـف مانام سـارق حلمـي أنـام مسـروق *** ولاني على الأرزاق بالحيـل خايـف ,’,’,’,’,’,’,’,’,’,’,’,’,’, حمدان . . . شهــادتنـــاا بكلمـــاااتك بالتــأكيــد مجــرووحه لان كلمــاااتك لا تــدل على شخــص مبــدع وانمـــااا على شخــص تجـــاااوز الابــداااع وبتفـــوق برزتاحــرفــك ولكنهــااا برزت بقــوه لتثبـــت باعمــاااقي ما املك ان اقــول ســـوى http://www.0zz0.com/2005/08/21/774199646.bmp لا تحــرمنــااا من ابــداااعــك المتجـــدد تحيــــا111تي ودمــــــــــــــــــــــــــــــت’’’[/all1] |
| الساعة الآن 08:36 AM. |