|
(( البرشا يطلب النعقري والمدرب الهلالي يرفض )) !!!
طبعا كلنا شاف مباراة الهلال والكويتي والكويتي بغض النظر عن الجمهور اللي
ملئ المدرجات اللي امتلئت ازرق بأزرق وهي اساسا زرقا من ربي خلقها بدون ( الشالات الزرقاء) طبعا انا متأكد انه كل كرسي منها فيه ( دمعه ) بالأصح ولو ما كانت ( الدمعه بالضبط ) ما فيها ( سواد كحل ) ولكن اتوقع فيها ( قهر وخيبه ) خرج صاحب السمو محمد بن فيصل في تصريح فيه من الغضب الشي الكثير وقال انا ما الوم الجماهير الوم الاعبين اللي ما قدرو جماهيرهم .. لا يا صاحب السمو.. لا تلوم الاعبين المغلوب على أمرهم لوم ( مدرب الغفله ) مدرب الغفله اللي أشبه (بالمكانيكي ) هو أول الأشخاص الي من الواجب تلومهم لوم قرار الأداره المبجل بإقالة ( بيسرو ) اللي نصف الإداره ما درت عنه إلا بمايشات الصحف .؟ مدرب لعب الهلال افضل مبارياته بتاريخه معه وتصدر الدوري معه وتصدر كأس فيصل معه ليش يا صاحب السمو تفرطون فيه.. المدرب اللي شفنا سامي الجابر بقدرة قادر بسببه مدرب مساعد ما شفناه لاعب طبعا مش إقلال بسامي اكثر منه خيبة مدرب...؟ النصر بأسوأ أيام تاريخه يفوز على هذا الفريق بثلاثيه والهلا يخسر منه؟ وامام اكثر من سبعين الف مشجع ليه؟ ( العنقري ) الله ما احلا هالإسم يا جماعه خلوني استوقفكم وقفات معه بعمري ما جهلت اسم لاعب هلالي وانا اللي اعرف معظم اللاعبين السعودين بالدوري إلا هذا الاعب ومدري ليش؟ هل يستحق اللاعب هذا يا صاحب السمو مليون ريال؟ جبتو العبد السلام وقلتو اصبرو عليه صبرنا وقلنا هو وين والدوخي وين ولكن ما شاء الله على الولد من مباره لمباره يتبلور مستواه ضم للمنتخب السعودي الأولمبي ورد ..ليش ما اخذ مكانه الأساسي لو سلمنا ان الاعب العنقري متبدئ مثله قلنا ماشي ولكن لاعب جاء من نادي الرياض وله سنوات طويله يلعب معه وبهالمستوى ليش يلعب والعبد السلام موجود...؟؟؟ راهنت بمباراة الإتحاد انه تفاريس راح ياخذ كرت احمر وفعلا اخذ كرت احمر كله بسبب العنقري يا صاحب السمو.. والاعب الفاشل يا صاحب السمو.. لا تقول ولا كأنه موجود إلا كأنه عاله على الفريق طرد تفاريس امام الاتحاد بسببه وكل الهجمات من النااحيه اليسرى بسبب ضعف التغطيه منه وأخطائه وبعدها شنو طرد الخثران..؟؟ ليش ما تلوم يا صاحب السمو مدرب الغفله وتجاهله لعبدالسلام وللمرشدي؟ وين أظهرتنا المؤقرين من الرشيد والدوخي.. وين الشلهوب الموهوب عن الثنيان ... وين عزيز اللي نزل مستواه بشكل كبير عن العويران وابو ثنين والموينع؟ وين القحطااني اللي من بداية كأس الخليج ما عنده سالفه ..وينه من الجابر اللي لله دره ودر نجوميته بعز شبابه اللي لولاه حتى بمبارة الحزم طلعنا منها..؟ لوم يا صاحب السمو قبل الاعبين الثقه الزائده عن الازم شوي .. والتصاريح اللي ما يوافقك عليها إلا الأنديه الثانيه اللي بلحظه من اللحظات تسخر منها.. مدرب يا صاحب السمو.. ينزل المرشدي ظهير .. والخثران محور وربي ما عنده سالفه ومدرب على سنقة عشره ..ليش يا صاحب السمو..تقيلونه...؟ بصراحه انا ما زعلت إلا على هالجماهير اللي من اليوم والثاني تطالبونها بمسانده اللي أمانة ً أشوفها مثل قلتها ..لو زعل اللي زعل.. جماهير ولا كأنها حاضره .. بس تعال المعلب احضر وتك وناظر وفصفص ودخن وبس وكأن فيه عريف فصل أي شخص منهم يتفوه ويساند مصيره عند المشرف؟؟؟ وين جماهير اول ... انا ما الوم الأنديه الثانيه الاهلاويه والاتحاديه وحتى النصروايه في تشجعيها لفريقها رغم قلة عددها إلا انك تسمع الصخب والمؤازره على حقيقتها جماهير وكأنها صور جمادات صور فوتغرافيه ..؟ اكل ومرعى وقلة صنعا... الجماهير يا صاحب السمو ما تزرع الخوف بقلوب الخصم بحضورها لا بصوتها ومساندتها ترعب الخصم.. احنا يا صاحب السمو نشوف وشلون جماهير الاهلي والأتحاد وشلون ترعب جميع الفرق اللي تلعب على ارضها بالدعم والتشجيع والصخب والمسانده والهتاافات...؟ ماهو بس اجلس جالس وناظر ليش يجون اجل يناظرون فالمباره فبيوتهم احسن ويقعدون فيها مقعاد جدي ابرك؟؟ اتذكر من من صغر سني مباراتنا امام جابيليو اليباني بالبطوله الأسيويه اللي اخذنها وشلون تقدمنا بهدف وعادلونا وتقدمو علينا شفنا وشلون الجماهير فعلا كانت حاضره وساندت اللاعبين لآخر دقايق المباراه فعلا ..وفعلا بآخر الدقايق عادلناهم وبالاشواط الإضافيه احرزنا الفوز والبطوله وتأهلنا فيها لكأس العالم للأنديه .. ليش علشان الجماهير فعلا كانت حاضره لآخر الدقايق مهو بس جماهير شرف وكأنها بمأتم او عزاء؟؟؟ قبل لا تلوم الاعبين يا صاحب السمو لوم الاداره على تعاقدها مع مدرب الغفله ولاعبين مثل العنقري والمفرج والسعود اللي شفنا وكأنه كويتي لابس زي الهلال اكثر من الاعبين الكويتين صنعو اللعب للمهاجمين الكويتين... العنقري والمفرج والسعود والجري هذولي اقل من انهم يلعبون بالهلال ومتى ما لعبو عمر فريقك ما ذاق للأنتصار طعم.. لوم الاداره يوم تعاقدت مع الغنام يا صاحب السمو بــ 12 مليون وين راحت يا صاحب السمو وش سوى الغنام..؟؟ التمياط يضيع هجمه يا يضيعها مبتدئ في كرة القدم جماهير ناديك يا صاحب السمو انبح صوتها من كثر ما تطالب بمحترف اجنبي بخانة الظهير ليش هالاعب الاجنبي المهاجم اللي ابعد من انه يكون لاعب كره ... نشوف مع بيسرو المرشدي والعبدالعسلام وبقية المدافعين ولاعبين الوسط وياسر القحطاني اللي كأن معه بالهجوم عشرة لاعبين الهلال بأحسن اواضاعه من جاء هالمحترف لا احنا اللش شفنا مستواه ولا شفنا مستوى ياسر . وين الصويلح والموري وفهد سرور ومازن الفرج يا صاحب السمو هل محترفك هذا يا صاحب السمو افضل من الصويلح والموري؟؟؟؟ لولا الدعيع يا صاحب السمو كانت النتيجه كارثه على الهلال لا تلوم لا الدعيع ولا تلوم تفاريس ولا تلوم التايب يا صاحب السمو ..لأنهم هم من حفظو ماء وجه الهلال بأكثر المناسبات...؟ لوم الاداره اللي انت ريئس لها ولوم مدرب الغفله ولاعبين كشاكلة العنقري والمفرج والسعود معهم الجري ... لوم بعد جماهير الصم والبكم .. اللي انت ما تقدر تقول لها شي ليش ما تقدر تقول لها شي يا صاحب السمو... رغم الأخطاء التحكيمه افضل شي ان الهلال ما فاز لأن فوز ما يشرف واحنا نعلب بهالمستوى .. كنا نشوف يا صاحب السمو الهلال بأيام مضت يقدم نتايج بالدوري ويخسر الكاس بقوة عز الدوري السعودي ويستأسد بالبطولات الأسيويه .. وسبحان الله صار العكس وانقلبت الآيه ما الوم جماهير الانديه الباقيه لو قالت الله يعز التحكيم؟؟؟؟ جماهير وجودها مثل عدمها .. امتلئت المدرجات وياليتها ما امتلئت الجماهير الوفيه صدق ماهي بس يا صاحب السمو اللي تزف الفريق وتنتظره يسجل علشان تسانده بهتافاتها الجماهير اللي فعلا نقدر نقول عليها جماهير اللي تساند الفريق بأقل معطياته ..علشان تقدر تعبر عن فرحها... دعيع... تفاريس .... تائب .. هذ هو فعلا الهلال الحقيقي وغيره قل عليه السلام .. اتمنى ان المشاركه ما تحذف من المشرف فأنا هلالي واشوف كلامي كله عين الصواب....‘‘‘ |
دعيع... تفاريس .... تائب .. هذ هو فعلا الهلال الحقيقي وغيره قل عليه السلام .. ؟؟
وربي صحيح كلاامك ميه الميه ؟؟ قهر الجماهير طلعت خسرااانه ؟ |
هلافيك هجير الشتاء وما تنلام وكلامك واقعي جدا جدا,,, بس قبل كل شي أستغربت حاجه منك, وين بدرالدوسري من موضوعك؟؟؟ مأدري هم متأكدين هذا لاعب كرة قدم ولا ايش؟ مانبي نقول جديدوشاب وغيرها,تمريرات خطأ مايعرف يتمركز,مافيه صفه تدعينا لنتفائل به كمستقبل لاعب ابدا,,بدر ارجو ان تترك الكره لأهلها وان رجعنا لهدف الكويت كان بسبب الركنيه التي هو اخرجها وكان بأمكانيته ان يخرجها للتماس او يلف ويشتتها,, سبب أكثر من خطأخطير وقريب لمنطقتنا,, نهاجم بعض الأنديه ونقول ان لديكم أشباه نجوم وهانحن نملك مثلهم, العنقري الذي كان محور حديثك,هو لاعب من الكثير الذين مروعلى هذه الخانه بعدالدوخي والنتيجه لم ينجح أحد, العبدالسلام هو الأفضل ولكن المدرب يختار الدوسري من قائمة الأولمبي ويترك النجم القادم بجانبه,, المفرج امس كان مستواه أقل حتى تفاريس كانت له أخطائه وأعتقدان المرشدي الشاب القادم بقوه هو من يستحق ان يلعب اساسي ورغم هذا يظل فهد لاعب جيدومخلص رغم ان الكثيرضده ولكن مستواه لايصل لهؤلاء العنقري وبدرالدوسري وغيرهم,, الوسط أستغرب من عزيزوخصوصا الغامدي انهم لايلعبون متأخرين بل يهاجمون وينطلقون من العمق وهذا ماسبب احراج لقلبي الدفاع,, هل هذه خطة من المدرب أو ماذا؟ الهجوم والقحطاني!!! ياسر نجم كبيرولم يوفق مؤخرا ولا نريد ان نضغط عليه وان شالله يرجع لمستواه وهمسه بأذن ياسراقولها معك اذا اردت ان تصل لربع ماحققه سامي فعليك ان تبدأء من الآن لأن ماجلبه سامي لنايحتاج الكثيرولسنوات قد يأتي يوم اعتزالك وانت لم تقدم نصفها,, أجعل سامي قدوتك دائماوستنجح بأذن الله فهوخبيروسيفيدك بالكثير,, نقطه اخيره لنجمنا الكبيرنواف,,أنخفاض المستوى يمرعلى نجوم عالميين اتمنى ان يأخذ اجازه بسيطه ليراجع حساباته جيدا وليعود كما كان,, |
هجير والله كلنا منقهرين من البارح
اللعب سيءمرررة هذا والفريق ضعيف لو الفريق قوي كان انهزمنا ستة سبعة اللاعبين مغترين والاعلام رفعهم فوق مستواهم ودخلواالملعب وهم عارفين انهم بيفوزون وان كان على كلام الامير محمد بن فيصل فهو صادق والمدرب يمشي نفس خطة الدوري يعني ما عليه كلام الاعبين اللي نجمو تفاريس والدعيع والتايب نجم كمان بس كلا يستعرض بالكعب والباقي زي ماقلت عليهم السلام على العموم مشكور على الموضوع |
الكويت الكويتي يستحق الفـوز بـ(3) أهداف لواحـد فإبارك للكويت الكويتي هذا المستوى الجميل
وأتوقـع أنـُه المرشـح الأقوى لخطف بطاقة التأهل والهـلال (يفحط تفحيط) يـاخذ بطاقة التأهل بهذا المستـوى ولكـن كـرة القـدم فيهــاا كـل شئ يحـدث ويجب على الهلاليين مارجعـة حساباتهم قبل فوات الاوان وهذه البدايه وانشاء الله يكون هذا التعادل خير للهلال وبأذن الله يكون التأهل من نصيب الهلال ! مرمى فـاضـي ولاعبين الهلال يتعازمون على من يسدد الكره فالمرمى (قهر) !!! وأبـارك للشبـاب الفـوز على العين الاماراتي وبـأذن الله تكون بطاقة التأهل من نصيب الشباب |
اولا: اشكرك على طرحك هذا الموضوع اخي الكريم
ثانيا: الزعيم ما ينلام امس قدم مبارة حلوووه والاعبين اكثر من رائعين ولكن هذي غلطة المدرب وبعدين ممكن اسأل سؤال هل هدف الشلهوووب تسلل والا لا؟؟؟ وبعدين لا ننسى هذا حال الكوره مره فايز ومره مهزوووم ومره متعادل والتعادل احسن من الهزيمه...... |
اقتباس:
يعطيك العافيه اخوي / سعنون/ لا ابشرك الحين الاعصاب صارت هاديه والوضع عادي بس الجماهير مثل قلتهم يا غالي ويعطيك العافيه لمرورك؟ |
اقتباس:
هلا فيك اخوي تذكرني يخوي لو كنت نصرواي عز الله اني لأشجع النصر لعيناك.. لا وانا اخوك اقصد / الدوسري مش السعود اللي لعب طبعا.. يا أخي وش ضر المدرب لو يلعب بالدعيع/ وتفاريس / المرشدي / السلام / الذياب الغامدي / عزيز / فهد سرور / التايب ياسر / الموري وحياتك يا صاحبي انها احسن تشكيله وشف شلون الهلال راح يكون او على الاقل خمسه وسط والشهلوب معهم وياسر بالحاله اخوي تذكرني تراني كتبت موضووع طويل عريض وقهرت وربي لاني على وشك اكسر الجهاز لأنه طفى ..بعدين كتبت هالموضوع اللي هو اقصر منه.. لحظة غضب صدقني بس كل وجهة نظر كتبتها صدقني بمكانها... يا اخي شف وشلون المدرب الأهلاوي لله دره لو كان مدرب الهلال اجزم لك ان الهلال بخير الأعب الكبير لو ما أدى مستواه المعروف خلاه يطق حنك بدكة الاحتياط علشان يعرف زين مستواه ويقدم الأحسن... فئة الشباب امثال العبدالسلام ‘ الموري / الصويلح / فهد سرور / مازن الفرج وينهم يا غالي شف وشلون المدرب الاهلاوي طلع لاعبين امثال مسعد والثقفي والريشاني وغيرهم الكثير بس مدربنا لو تجيب الاسد تبع مديرنا كان درب احسن منه بالعكس يجيب الاعبين اللي ما عندهم سالفه سعود ودوسري وكلام فاضي... رغم ذالك اتوقع التأهل هلالي انشاء الله بس بشرط واللي يرحم والدينك ديني ودين العنقري هذا ..ما اواطنه بعيشة الله ليش ما ادري؟ اخوي الغالي يعطيك العافيه..لمرورك وتفاعلك مع الموضوع .. |
اقتباس:
عزيزتي لولا كعوب التائب هذي كان ما صدقت ان الهلال لعب احلا شي بهالهلال التايب وكعوبه ولعبه وفنه .. انا انسان يعجبني المستوى اكثر من النتيجه اول مره احس اني فعلا اشجع فريق بمباراة الهلال والشباب الدوريه المستوى افضل من النتيجه بدرجات مع ان الهلال فاز برباعيه تاريخيه.. لو التايب عزيزتي مش موجود كان غيري من المشاهدين قال حرام ان الهلال يستحق يكون زعيم أندية الحوراي بس الله يعز التائب هذا وهو مناهز الثلاثين بعمره وشلون لو كان بعز شبابه ... يعطيك العافيه على ما قلتي مع اني اتوقع انك بوادي والكوره بوادي بس يعطيك العافيه .. |
اقتباس:
يعطيك العافيه اخوي فيصل على مرورك واوافقك الرأي وانا كتبت موضوع اطول من هذا وامتسح هنئت فيه الشباب ويستاهل الليث وعساه للتوفيق.. وشاكر لمرروك وبالنسبه للتأهل لا إن شاء الله هلاليه .........آآآه بس ياخذون العنقري الله ياخذه ....... يعطيك العافيه .. |
| الساعة الآن 07:30 AM. |