|
؟؟؟؟؟؟( أبـــوي يحب شغلتـنا )؟؟؟؟؟؟
السلام عليكم ...
نظرا لطول القصه فتراني قسمتها الى ثلاث حلقات ( أرجو ان تنال على اعجابكم ) الجزاء الاول وانا ناااايم فى خامس ام النوم تف عليك قم صل يالسربوت << ابوي يقومني الفجر وانا اطمر مثل الذيب سم طال عمرك والله لو ارجع من المسجد وما احصلك مصلي انى لأكفر فيك <<< ابوي كان مسوي مطوع بس مشكلتي كاشفه عاد كان وقتها برد يجلس الواحد يرافس من البرد توضيت ورحت اصلي وابوي يناظرني جلست وقام والشرار يطير من عيونه <<< حلوه الشرار هذى وينتف وجهي بشلوت قم صل ركعتين الفجر يالسرسري الا ويطامرون المطاوعه ياخى مو تعطيه شلوت عطه كف على الاقل<<< يلومون الناس يوم يقولون عنهم ارهابيين وانا اللى اقوم واصلي ركعتين وبعد ما صلينا ورجعت البيت ما ادور الا النوم وانسدح على الفراش ويجي الشايب معه قدر مويه ويصبه على <<< مستقعد لى مدري وش يبي وانا اللى اطمر مثل الذيب سم طال عمرك قال قم خلنا نروح نجيب الشغالة من المطار <<< يعني ما يعرف يجيب الشغالة فيه بلا وانا اللى انقز فى حوض الدقسن اقصد فى غمارتها واشغلها وانتظر ساعه ونص ما جا الشايب الله... وانا اللى انزل معصب الا وهو فى وجهى ويعطيني ذاك الكف فى البرد طرررررررررررخ اركب يالوح خلنا نمشي . وانا مثل العنز المغلوبه على امرها وندز للمطار وقفت السيارة فى المواقف وحضرت الشايب نزلته عند البوابة الدوليه قبل لا اوقف. <<< مسوي وزير هو وخشته وانزل من السيارة واروح لمه وقال لى بالحرف السابع يالكمخه رح شف متى طيارة سيريلانكا وانا اللى اطمر سم طال عمرك واناظر فى الشاشه الاومكتوب الساعه 2.30 واطمر مثل التيس واروح اعلمه الا ويقول لى ليه ما علمتني من اول ساحبني للمطار<<<شوفوا النذل قلت له انت اللى صاب على قدر الما وقومتني من نومي وقلت لى امش للمطار نجيب الشغالة قال اخس يالخاسي وتكذب بعد وهو ينزل العقال ومطارد فى المطار واخذت ولاسبعين محطه على الطاير ويحشرني فى زاوية المطار ويطيح فيني ضرب حتى تفلت العافية شوي الا ويقول قم خلنا نروح للبيت وانا اللى اطمر مثل الذيب سم طال عمرك وطول الطريق وهو يتفل ويسب فيني تقول عبد عند امه وصلنا البيت وتغدينا وعينا من الله خير ورحنا للمطار وجلسنا ننتظر الشغالة وانا رافع اسمها كاتبه على غترتي بالبخاخ .<<<متعود يكتب على الجدران ذكرياته الا وتطمر ذيك اللى طولها شبرين ونص وجهها تقول قوطي صلصة مصدي من بقالة ابو مزنه ينمينينلايتنارىسنلاريترلام ريرخرنريلاخهتلا<<<الشغالة تتكلم قلت لعنبو ذا الراس وش تقولين الا وشلوت على الطاير من الخلف .<<<الشايب فى حالة تدخل قال انهج جب السيارة يالزلابة وانا اللى اطمر مثل الذيب سم طال عمرك واجيب السيارة وتركب الشغالة معنا وفى نص الخط وقفت وحذفتها فى الصندوق حشا مو انسانه نعجة ريحتها تشق الخشم وصلنا للبيت >>>> يتبع فى حلقة قادمة تررررام ] |
هههههههههههههههههههه من جد الشيبه استقعدلك :biggrin: القصه للتثبيت :smile: و ننتظر الباقي <<< موووو تجحدنا :biggrin: الف شكر لك :smile: |
:love: مشكوه مشرفتنا الفاضله على تثبيت الموضوع والله يعطيك العافيه
وارجو ان تنال القصه على اعجابكم :love: غــــدا بكمل القصه :biggrin: |
هههههههههههههه
هههههههههههههه هههههههههههههه الله يعينك على هالشايب شكله يده والكف ,,, ما يعرف يتفاهم :biggrin: موضوع حلوووو أخووي ,,, وننتظر الجزء الثاني ,,, لا تتأخر علينا ,,, |
ياسلام مين يطول زي الشايب فيه خفت دم
خيال نجد يسلمو على القصه عشـ**ـتحياتيـ**الــــــود**ـواشواقيـ**ـــوق |
ههههههههههههههههههههههههههههههههههههههههه
هههههههههههههههههههههههههههه الله يررررررررجك يلااا عااد لا تتأخر نبي الجزء الثااني <<تحمست خخخخخخخخ يسلموااا خيوو على الموضووع |
:love: اشـــــــكر الجــــميع على ردودهم وانتمائهم معي :love:
والــــيكم الجزء الثاني وصلنا للبيت ونزلت من الدقسن اشوي الا واشوف الشايب شايل الشغالة ويسحب الشنطة :confused: قلت له يبه مو كذا قال لي كل تبن ما بقى الا انت تعلمني شغلي دقيت الجرس وتطمر العجوز تفتح الباب وقالت جبتوا الشغالة قلت ايه شوفيها على كتف الشايب انصرعت العجوز وقامت وانا مسوي فاهم وانط مثل ا لذيب للمطبخ واجيب معى اقرب خيشة بصل واحذفها فى وجهها اشوي الا وقامت ترافس وما احس الا بمسكة مخلبية خلفية سريعة <<<<الشايب فى لحظة توتر عصبي :mad: ويسحبني مع شوشتي ويصمخ بي فى الجدار وقال لعنبوك بغيت تذبح المره<<المره=المرأة<<استاذ نحو الاخ احلف والله قلت ياخى وش فيك انت انا شفتها منسدحها قلت اساعدها تففف عليك <<اسهل عقاب نطت الشغالة وقامت ترطن <<(الرطن الكلام الغير مفهوم للعامة<<وربي دكتور نحو قلت للعجوز طبعاً بعد ما صحت بالله ترجمي لنا قامت العجوز والشغالة يرطنون اشوي الا وحدثت مشادة كلاميه اشوي الاشد شعر ورفس شوي الا والشايب يتدخل اشوي وما اشوف الا الغبار <<<<ابوك يالوصف .وبعدما طار الغبار وزال وامطرت السماء وجلست اقول هيه هيه هيه المطر جاناااا واجلس اقامز قمزاً ما حسيت الا بواحد يرفعني وينزلني على ركبته فى لمحة بصر <<<<الشايب معه الحزام الاسود فى المطارحه وقال لى لعنبوك متى بتكبر انت والله البزر اللى عمره شهرين يفهم اكثر من امك<<<يذب عليها قلت ياخى انت تراك شايف نفسك اشوي الا وتقمز عيونه وينزل العقال ومطاردة فى الحارة ما فيه داشر او سربوت او سرسري الا وانبطح من الضحك عاد انا تعبت والشايب ماخذ كأس العالم فى سباق 1000متر حواجز ياخذ لفتين فى دقيقه واستسلمت للأمر الواقع ويحشر جداني فى البرحه <<ارض فاضية وما فيه حجر او حصاه او بلكة الا وحذفني فيها عاد الشايب عنده الميدالية الذهبية فى رمي القلة <<القلة الكرة الحديدية تستخدم فى لعبة رمي القلة عاد يوم نزل اللى فى راسه وداني المستشفى ويجتمع طبيب الاسنان والعظام والتخدير والقلب والمسالك البولية ويجلسون يهندسون فيني :frown: وصرت ذاك اليوم مثل فار التجارب ما فيه علاج الا وجربوه فيني حتى حبوب منع الحمل والفياقرا عاد يوم طلعت من المستشفى طلعت وانا رافع ثوبي وامشي مستحي عاد الشايب يوم شافني عند باب البيت قال لي احسن تستاهل اجل انا شايف نفسي ويتذكرها ويجلس يطارد وراي فى الحارة وانا مجبس وحالتى حالة وبالعكاز وخلوها على ربكم ورجعت للمستشفي واجتمع نفس الدكاترة وصلحوا وهندسوا فيني بس هالمرة بدون حبوب منع الحمل والفياقرا وجلست فى المستشفى سبع شهور وطلعت منه .... الجزء الثالث والاخير بكره :biggrin: انتظروا علاقة الشايب بالشغالة وكيف حديتهم :pipe: : |
اخاف تحط الجزء الثاني اكون نسيت الجزء الاولاني ليش ماتخلصنا وتحط كل الاجزاء دفعه وحده ماعندي وقت بسرعه لاتتاخر ترى بنسى0000 على فكره حلوه القصه سلمت يداك
|
يا غدووو شوفي الجزء الثاني فوق
والله يعطيك العافيه والجزء الثالث و الاخير باذن الله بكره وتقبلو تحياتي ؛؛ |
ههههههههههههههههههه
ههههههههههههههههههه ههههههههههههههههههه وش هالشايب اللي عندك يا خيال نجد :confused: ما بقت رياضة إلا وماخذ جائزة فيها وواصل فيها لأعلى المراحل :biggrin: بس أنا ودي أفهم ,,, ليه عطوك حبوب منع حمل :confused::Rolleyes::confused: يسلموووو على الجزء الثاني الحلووو أخوووي ,,, وننتظر الجزء الثالث ,,, |
وش ذا الله يعينك على هالشايب والخدامه اللى ريحتها تشق الخشم
ومشكوووووور على القصه الحلوه وننتظر الجزء الثالث بس تكفى لا تتأخر علينا مع حبي أبونورة |
هااي شباب وبنات ....عسى ما تأخرت عليكم
طيب الان نتواصل والــــيكم الجزء الاخير ؛؛ دخلت للبيت في يومن من الايامو ولقيت الشايب يحب الخدامة(يبوس << ياعيني يا ليلي ياااااعين) قلت بس خلاص مسكت عليه ملف اسود اذا حاول يسوي حركاته اللى مالها داعي علمت امي عاد انا كنت صغير ما اعرف الحركات هذي بس ولد الجيران كان وصخ وداشر حتى مره شفته يشرب تتن قلت للشايب وش تسوي مع هالعمود <<<ابوه كان طوله شبر في شبرين ونص صندوق البطاطس اكبر منه والله اذا حاولت تسوي رجال على قطعت الكهرب عنك عاد يوم نط من مكانه ويلحقني وفيه شي كل شوي يطعزني (من كتاب الطعز والتطعيز لابن المطعزاني) من ورا مدري وش هو لاني مسرع وما ألتفت وراي شوي الا والتمساح طامر بحركة بهلاوانية ومسك شوشتي <<الشايب كان عنده كورس في المكسيك وخذا دورة في السرك الحيواني) بعد ما مسكني بشوشتي قام يتدرب كيف يكسر رقبتي بسرعه (الرقبه وهي من الزرافة والجمل حيوانات من البر تكثر في جبال حفر العتش) يبي يقلد جاكشان" class="inlineimg" /> عاد هو معلق صور جاكشان( حتي على النخل ) قلت بس خلاص بيكسر عامودي الفقري واصير مثل الصرصور ازحف زحفاً جلست انتظر ربع ساعة يكسر رقبتي مافيه فايدة وانا اللى أرفسه في كرشه ويتدحرج كأنه سطل عاد انا سويت فيها بطقطق أرقبتي بعد ما لعب فيها كمت وكسرتها عاد هو سوا فيني خير وداني للمستشفي وانا رافع راسي بيديني علشان ما يطيح ودوني لقسم الاشعه واسمع السستر والدكتور حق الاشعه يقولون لعنبوتس تشوفين عظم هنا قالت للدكتور :صديق انا مافي شوف هذا عظم انت دكتوره انا مافي دكتوره قال لها الورع هذا مافيه عظم في ارقبته قالت صهيه مافي أظم قال لها دوريه في جمجمته <<< انا يوم جيت ابي اطق ارقبتي كسرت العظم وطار وانسدح جنب المخ عاد السستر راحت وجابت ساطور قلت لها لعنبوتس وش تبين فيه قالت / بفتحبوه راسك <<< قلبت قصيمي قلت تفتحين راسي بساطور قالت ما في كلام انسدح بس <<< طبعا هذي الدكتوره وانا اجلس اصيح يبااااااااااااااه يماااااااااااه دكتووووووووور وما احد يسمعني الملعونه افتحت راسي بالساطور وطلعت عظمة الرقبة والفقار وخذت معها شويت كبد وطحال وافتحت بوفية كبدة حاشي المهم بعد ما صلحوا وضع راسي والعظام رجعت للبيت قال لي ابوي تكفي يا خيااال أبيك لا تعلم امك القشرا قلت معصي قال ما كفاك كسر راسك اذا كنت على ابوك علمها قلت هين بعلمها واعلى ما في خيلك اركبه واجلس اصيح يماااااااااااه اشوي الاداخلن علينا واحد لابس بدله حمرا ودرع وماسك سيف وله شنب وعضلات :pipe: قال وش فيك يا وليدي قلت يمه ما عرفتك متى طلع لك شنب :confused: قالت انطم بس وش فيه وكعيت السالفه كل ابوها طالعت في ابوي شوي <<< رحمته يوم بغى يبكي :frown: وقال والله ما اعيدها قالت هين يا ابو خيااال اما قطعت اللى انت خابر ما اكون ام هالبقره ويجلسون يتطارحون في المجلس اسبوعين : :confused: ويوم شفت السالفه طولت كلمت الدفاع المدني وقال الدفاع مالنا دخل كلم قوات الطورئ وكلمت قوات الطوارئ وقالوا كلم المهمات الخاصه ومن هنا الى هنا ارسلوا لنا مدمرة من امريكا ومهم كم نفر رز اقصد مارنز وما فكوا الاشتباك اللي بين :mad: الشايب و :mad: العجوز الا بالصواريخ وانتهت القصه :biggrin: :biggrin: :biggrin: ؛؛؛ هههههههههههههههههههههههههههههههههههههههههههههههههه ههههههههههههااااي هههههههههههههههههههههههههههههههههههههههههههههههههه هاااااااااي أرجو ان قد نالت القصه على اعجابكم واسف على الاطاله :pipe: وتقبلو احر التحايا من اخوووووكم ,,, >>> خــيــال نــجــــد <<< ,,, |
هههههههههههههه
مشكور أخوي |
ههههههههههههههههههههه ياحليلها العجوز تغار :biggrin: الف شكر لك :smile: |
ههههههههههههههههه
ههههههههههههههههه ههههههههههههههههه أحلى شي يوم الممرضة أخذت كبدك وطحالك وفتحت عليهم بوفيه :biggrin: وين قلبت بعير :tongue: موضووووع جميل أخووووي خيال نجد ,,, وننتظر منك المزيد من المواضيع الحلوة والمميزة ,,, |
هههههههههههههه
حلوه منك بس لا تقصر معنا بمغامرات الشايب مع حبي أبونورة |
الصراحه أحلى قصه قريتها في حياتي بس ما تحس انك مكثر الفقش
يس حلو مررررررررررررررررررررررررررررررررررررررررررره أخوك/moooody |
الف شكر لك يا اسير الاحلام
وايضا نشكر مشرفينا nada و ميشو يعطيك الف الف عافيه وسامحوني تأخرت عليكم بهذا الرد وتقبلو اصدق التحايا من اخوكم خــــيال نـــجد ؛؛ |
| الساعة الآن 07:02 PM. |