|
المطاوعة قتلت 15 فتاة سعودية
شوفوا لوين وصلوا المطاوعه في السعوديه لاي درجه ..
هل تعرفون قصة المثل الشعبي الذي يقول (اللي استحوا ماتوا)؟ يقولون -والعهدة علينا وعلى القائل- أن مجموعة من النساء كن يستحمّن في حمّام للنساء، عندما اندلع حريق داخل الحمام، فهربت بعض النسوة عاريات، وفضلت بعض النساء الموت حرقاً على الخروج عاريات إلى الشارع. ويقولون أن أصل المثل كان (اللي استحوا ماتوا). هذا المثل لا ينطبق أصلاً على 15 تلميذة ماتن حرقاً في السعودية، ولكننا قلناه من باب التوطئة لا أكثر، فالصبايا اللاتي ماتن حرقاً داخل مدرستهن هن بالحقيقة قتلن. وقد قتلهن جيش من المطاوعة يحملون لحاهم التي تمشط الأرض، وبيدهم عصاة غليظة، هي -والعياذ بالله- عصاة الله على الأرض، فهم موكلون من الخالق عز وجل بأن يكونوا القضاة ومنفذي العقاب ضد عباد الله. وقد حاولت البنات المسكينات الهروب من النيران التي اشتعلت في مدرستهن، إلا أن هؤلاء المطاوعة منعوهن بحجة أنهن لا يرتدين العباءات التي فرضوها على العباد بالقوة. وبدل أن يعمل هؤلاء المطاوعة على انقاذ البنات (اسوة بالأمم الأخرى التي يضحي رجالها بحياتهم لانقاذ الآخرين) وقفوا حراساً على اسوار المدرسة يمنعون الرجال الآخرين من مساعدتهن بحجة أن (مسّ الفتيات يعتبر ذنباً) وما يقترفه المطاوعة من ارهاب العباد، هو غاية الخير والعمل الصالح.. وما هم بالحقيقة إلا جيش من التيوس الذين يجهلون حقيقة وجوهر الاسلام. ولأنهم لا ينظرون إلى المرأة إلا جسداً وشهوة (حتى وهي تحترق) فانهم يعتقدون أن كل العباد على شكلتهم. أيا أمة ضحكت من جهلها الأمم. ... حسبيه الله عليهم __________________ |
تسلم اخوي على الموضوع
لكن ما نقدر نحكم على كل المطاوعه بهالشكل أصابع يدك مو سوا.. فيه منهم من يخاف الله ويتقيه حق تقاته.. والله يرحم اموات المسلمين وأحيائهم.. مكتوب لهم يموتوا هالموته..وفي هالمكان و بهالاسلوب.. ولا إعتراض على حكم وقدر الله |
اخي الكريم
اتمنى منك مره اخرى حسن انتقاء الالفاظ في كل مواضيعك؛ اخي الكريم لا يعقل ان من يطيع الله ويخاف الله يفعل ما تقول ولا تنقل نقلا يشوه الافكار وانت لا تعلم مدى ما تقول اخي الكريم انت تقول مطاوعه ؟؟ ما معنى هذه الكلمه؟؟ اتسب من اطاع الله؟؟هل عبادة الله اصبحت تطوعا ام واجبا؟ لا تطع الله لا تسمع لاوامر الله كي لا يقال لك مطوع؟؟ اتريد هذا؟؟ نحن جميعا مسلمون وهناك ملتزمون وهناك مسئيون وأعتقد بل اجزم ان الملتزمون الذين يعبدون الله على علم انهم ارحم وأرف من المسئيون أخي الكريم انت بكلماتك هذه قد تشوه نظرة الناس وقراء كتابتك عن الاشخاص الملتزمه بأوامر الله ؛؛ أتمنى ان تحسن انتقاء الالفاظ وأن لا تنقل كهذه المواضيع وانت تقول يقولون من يقول؟؟ هذه المواضيع أخطر مما تتوقع وتتصور وخاصه في هذا العصر الذي نحن بحاجة اكثر من قبل للالتزام والرجوع الى الله سبحانه وتعالى. وها انت تكرر اقوال الصحف الامريكيه التي تقول بأن الاسلام مصدر الارهاب.... أرجوا واكرر رجاء انت تحسن انتقى الالفاظ مره اخرى . وأن لا تنقل كهذه المواضيع التي اختلقت لاهداف اكبر مما تتخيل ومما تتصور. |
اخي مازن
السلام عليكم أؤيدك بخصوص انتقاء الألفاظ.. لكن هذا ما حدث بالفعل في المدرسه المنكوبه حيث منعوا الطالبات من الفرار منها لانهن لا يلبسن الغطاء الشرعي... وهذا ما تسبب بقتل 15 طالبه وربما أكثر... (ولا تقتلوا النفس التي حرم الله الا بالحق) فلو تخيل كل واحد منهم أن له بنت أو أخت أو زوجه بالداخل لمى تركها تموت حرقاً .. لكن قدر الله وما شاء فعل.. |
اخواني الم تسمعوا تصريح الامير نايف بن عبد العزيز ال سعود
بشان الحادث وان المطاوعة ليس لهم اي يد في الموضوع وان الهيئة لم تحضر الابعد حضور الدفاع المدني اعوذ بالله اغشى عليك من اهل العلمنة من وقف ضد فساد المجتمع الا المطاوعة وانتم صرتم ورا البنات غزل ومهزلة اعوذ باللله اخي لاتصدقهم لان الواضح انهم يريدون ابعاد المطاوعة عن قضايا المرأة حتى يصفى لهم الجو ويرمون العباءة ويسوون اللي براسهم |
الاخ كاتب الموضوع ... واللي يأيدونه !!!
هل شفتوا اللي صار بعيونكم ... ولا مجرد كلام متناقل بين الناس !!! يا اخوان ترا الكلام عن المطاوعة على قولت اخوي الكاتب ... اللي اهم الملتزمين ... كثير وله ابعاد كثيرة ... وفيه جماعات ومنظمات كثيرة وكبيرة ورا تشويه سمعة الملتزمين واهم من الناس اللي ما لهم اي صلة بالدين الاسلامي الا انهم يبغون يدمرونه .... خصوصاً أنهم لقوا بيئة صالحة وارض خصبة في ارضنا السعودية للأسف من جميع النواحي في الفترة الأخيرة ( واقصد الاشياء المخجلة اللي ما يسويها المسلم ابدا ونلاقيها على ارض الحرمين ) !!!! وهذا اللي قاعد يصير ما هو الا نتيجة تخطيط عشرين سنة من قبل ... ناس تخطط لتدمير الاسلام وانهائه ... وإنا جالسين نركض زي ( ... ) ورا العربية والعروبة فقط ... الهدف شئ ... والمستهدف شئ ثاني !!! عموما ما اطول عليك وانا داري يمكن لا يستصاغ من الكثير وما استغرب هالشئ ... بس رجائي لا تصيرون زي الببغاوات تردد ما يقال لك ... ان بالاول والاخير انسان مسلم ... وتغير على دينك .. لا العقل ولا المنطق يشهد بأن اللي قاعد تقوله حق وصاير فعلاً .. الا لما تشوف فعلاً بعيونك الله يخليها لك .... وتبي تصدقني فعلاً شوف احد من اللي حضروا الموقف ... او اتصل على احد من اسر اللي ماتوا واسألهم مباشرة اذا كان عندك الجرأة والحماس عشان تتكلم في الموضوع وتشوه سمعة ناس مالهم ذنب الا انهم مستهدفين من أعداء لديننا .... ولا تكون معين لهم الله يرحم والديك ... وبس .... واخربها في النهاية واقول اشوف ان الموضوع يحذف بالمرة !!! اخوك / فجل |
السلاام عليكم ورحمة الله وبركااااته
اشكرررررررررر الاخ مازن على هذا الرد والذي وضع النقاااط على الحروف والف شكررررررر الى الاخ بقاياااا جرووح على هذي المعلومااات وتصريح الامير نااايف والذي كثيرا من الاخوه والاخوات لاا يعلمووون بهذا التصريح ويعطيك الف عافيه اخوي فجل وفيت وكفيت اللهم كثر من امثالك والف شكر على هذا الرد المنطقي اما الاخ bsb الذي نقل الموضوع وهو لاا يعلم ايش هو الى مكتوب فيه ياخي bsb الذي كتب هذا الموضوع انساان علماني يهدف من هذا الموضوع الى تحرير المراة من الحجااب الشرعي واخرجها الى الفجوور والفسق والعصيااان واعلم يا اخي bsb انك بنقل هذا الموضوع ارتكبت ذنب بحق الله وبحق المطااوعه نسئل الله العافيه في الدنيا والاخرة واعلم كماان الذي كتب الموضوع انساااان حاااقد على السلاام والمسلمين وانا استغرب منك هل انت مسلم وتشهد ان الاله الله وان محمد رسول الله كيف تنقل مثل هذا الكلام الى منتدى يزاورة مائة او الف الزوار وتكسب ذنب كل واحد يقرا هذا الموضوع الا تخااف من الله يوم الحشر وانت محاسب يوم القياامه على هذا الموضوع الذي نقلتة وتمنا منك ان تقرا اي موضوع قبل ان تضعة بالمنتدى اما الاخت الملكة العقربه لا اعرف على اي اساس اتئيد هذا الموضوع هل يترا عندها دليل او معلوماات او مع الخيل يا شقرا او انك من ظحيااااى الاعلام يا الملكة المطااوعة او رجال الدين الذي سويتي عليهم حمله صدقيني لول الله ثم المطاوعة لعم الفساد في ارض الحرمين لول الله ثم المطااوعة والمشايخ كثر الله من امثالهم لعم الفساد والفسوق والعصياان والبتعاد عن طااعة الله مدام المشاايخ والمطااوعه موجودين فحناا بخير بئذن الله اللهم انصر اخواني المطااوعة على من يعديهم اللهم من ارد ان يشوه سمعة المطاوعه ان ترينا فيه يوما اسودا اللهم من ارد ان يتهمهم بسو ان تشغله بنفسة اللهم امين وارجو من الاخ bsb ان يدقق بالمواضيع قبل ان ينقلها وكمان الى الاخت الملكه اذا لم يكن عندكك بينة عدم الاستعجال بالرد واعلم انك محااسب عند الله بالرد هذا وخل عنك كلام الاجرايد والعلام وفقك اله وتقبلو ا تحيااتي وانا استغرب من المشرف انه يخلي مثل هذا الموضوع في المنتدى هذا وتمنا من المشرف انه يحذف هذا الموضوع ويوجه انذار الى صااحب هذا الموضوع |
السلام عليكم
اخواني فجل وبكيفي أنا مني ضد الهيئه ..أنا أقول اللي قرأناه بصحفنا السعوديه هذا أولا ثانيا يا أخي بكيفي تقول أنه لولا الهيئه لعم الفساد ....إلخ.. أخوي الخوف هو الخوف من الله وليس من المطاوعه.. ثالثا أنا ماشفت اللي صار في المدرسه ..والاخ كاتب الموضوع لم يراه..لكن هذا ما تناقلته صحفنا وما تناقلوه الناس.. لكن شفت أشياء صارت معي ومع صديقاتي من الهيئه( وما كان لها أي أساس من الصحه, وهذا ما استغربته)وهذا شفته بعيني وما سمعته من أحد.. على العموم الموضوع شائك ولا أستطيع التحدث فيه أكثر من ذلك.. وأنا أتكلم عن فئه قليله جدا منهم .. وأنا مسلمه وأخاف الله كما تخافونه أما بخصوص الدعوى اللي دعوتها يا أخ بكيفي فرفقا بنا لاننا لا نستحق كل هذا منك.. أنا لست ضدهم كما أتضح لك من خلال ردي.. والله ينصر المسلمين كلهم على أعدائهم مو بس المطاوعه يا أخ بكيفي اذا أردت الدعاء فدعوا لعموم المسلمين والمسلمات ولا تخصص فئه معينه.. وشكرا لكم لرحابة صدوركم وراي من رأيكم لو حذف الموضوع يكون أحسن لانه موضوع شائك جدا..والكلام فيه كثير جدا.. اختكم ملكة |
؟؟؟؟؟؟؟؟؟؟؟؟؟؟
السلام عليكم
على فكره موضوع الهيئة ورد كثير في الصحف .... وكل جهة بتحاول تبرر موقفها بأتهام الجهه الاخرى وقالو ان المديره قفلت الباب افتكرت الشغله تافهه وبسيطه واقول للأخت ( الملكه ) ان وجود الهيئة مهم جداً . ومهم للبنات اكثر ................ ( اصلا مايكرهم الا الشباب ) وان كان اخطأ احدهم فالمفروض نعذره ليييييييييييييييييش ... لأنهم الله يجزاهم الف خير بيجتهدو والخطأ اساسه الغيره على الاسلام . |
مرحبا ][bsb]
الله يعطيك العافيه اخوي على هالموضوع اللي فعلا لازم نفكر فيه لان اذا استمرينا كذا الله عالم وش بيصير اعوذ بالله ذولا حرام نسميهم مشايخه ........ الاسلام دين يسر وسهولا مو دين ضرب وعصي ومادري ايش ذا اسمه تخلف عقله .... والله يستر علينا يارب |
السلام عليكم
اخي بعبع بالنسبه لقولك إن الهيئه ضروريه وخصوصا للبنات فأنا أتعارض معك في هذا الشي.. لأن مخافة الله تأتي أولا قبل مخافة البشر.. وكأنك جردت الفتاة من أخلاقها..فماذا تقصد بقولك ضرورية للبنات؟؟؟ ومن تريد أن تفعل شيئاً ستفعله لو وضعت داخل سجن وعليه حرس.. فالخوف من الله هو الرادع الاساسي لكلا الجنسين.. وعندما تتكلم عن الفتيات فأرجوك أن تخص ولا تعم..فالفتيات اللواتي تكلمت عنهن فيهن أمك وأختك وربما زوجتك وبناتك.. وفي كل مجتمع هناك شريحة فاسده ..وعلى ذلك لا نستطيع أن نقول عن المجتمع بكامله أنه فاسد استنادا إلى هذه الشريحة القليله من البشر.. ------------------- أما أختي عبير لا تحكمي على المشايخ بهذه الطريقه..فهم يخافون الله ويتقونه حق تقاته.. من نراهم بالاسواق يتخذون المشيخه مهنة لهم.. والله أعلم.. |
ههههههههههههههههههههههههههههه
لوول ههههه والله انك منكت بس والله ضحكتني مره على العموم والله كلامك كله صح والى المزيد لوول.. وش الى المزيد لا تصدق نفسك لوول حبيبي الفاظك شوي صح انو كلامك صدق بس حبيبي حسن الفاظك شوي حتى انا ناويلهم هذولي المطاوعه بس انا ابي احكيلك قصه صارت معي مع واحد مطوع الله يزكيه على عقله والله اذا شافه جرج بوش ليجي خصيصا لجده ويسميه ارهابي انا اقلك القصه
انا مره دخلت محل ميجا ستار ابي اشتري كاستات وسيديهات ولما شافني هذا المطوع خارج من المحل وحامل كيس كبير داخله سي ديهات وكاستات كثيره قال وش ذا قلت له اغاني قال الاغاني حراام وانا سكت وطنشت ومشيت وبعدين دخلت بنت نفس المحل وشترت شريط عبد المجيد عبدالله الجديد وقلها المطوع وش ذا حراام عليك وسوى ضجه في السوق الله يزكيه على عقله ودخل المحل وكسر الاشرطه وسوى بلاوي ولما شافني قال انت سعودي؟ قلت له اي وقا لطيب ليش تشتري هذي الاشرطه يعني انت كافر ويهودي وانا ما سكت ابدا والله اني سويت له ضجه ولحسن الحض لقيت مجموعه اصحاب هناك استلمناه كلنا على واحد واحد لوول المهم وبعدين مشي من عندنا بعد ما جبناله كم كلمه تخليه يسكت ولما شاف البنت ناداها والبنت ما سكتت والله سوت عمله لوول بس انا بذكرها قامت عزكم الله بخلع حذائها لوول ورميه على المطوع الارهابي لوول وصارت ضجه كبييييره في السوق وانا مشيت وبعدين انا شفت ابو البنت جاي وشكله معصب والله اني من نظراته خفت ليسوي شي بلمطوع والله كانه بيقتله المهم ابو البنت قام مسكلك الارهابي ومسك العصاء حقه وضربه ضرب الله يعينك انا مشيييت على طول لنو كان في ناااس مليان وماقدرت اشوف شي بعدها وجات الشرطه ومشاكل ..المهم مو كل المطاوعه ارهابيين في مطاوعه طيبين مره مره وعندهم عقل يفكرو مو زي بعض المطاوعه الي عقله في لحيته ههههههههه المهم شباب لا تزعلو من كلامي هذي الحقيقه لوول ..الحيران:cool: |
الله اكبر
لاحول ولا قوة الا بالله
اختي ( الملكة ) شوي شوي اختي علي :mad: لو انك قريتي كلامي بشوية هدوء كان فهمتي قصدي انا اقصد ان ( مهم للبنات اكثر ) لييييييييييييييش ..... الشاب الأن لو نزل يغازل مثلا مثلا بنات لوحدهن مين يرده :rolleyes: طبعا اذا مارده دينه الهيئة طبعا والحمد لله منتشرين في كل مكان وهذا يخليني اطمن على امي واختي ووووو عموماً انا عارف ان الفتيات فيهم امي واختي وربما زوجتي وبناتي ( وماني اعمى قلب ) وما اسمح لك تكلميني بهذي الطريقه مره ثانيه وأتمنى انك تلزمي حدودك . عشان مشاعر الناس ماهي لعبه |
السلام عليكم اخوي بعبع
أنا قصدي أذكرك انه من الفتيات اللي تقول عنهم امك واختك .....إلخ لانك عممت وما خصصت.. يعني ما قلت بعض الفتيات ..قلت الفتيات.. وعلى العموم العذر والسموحه منك أنا كنت أتناقش معك ومع الباقيين الموضوع واذا انته ما تتقبل النقاش بهالشكل فأعتذر عما بدر مني .. وما صار إلا كل خير.. وبدوووووووووووووووووووووون صراخ لو سمحت |
حصل خير
ولسه فاهمه غلط :eek:
عموما حصل خير انا ماني ضد النقاش لكن النقاش لازم يكون بناء وهادف ومايكون فيه تجريح . وأتمنى ان الموضوع يحذف ومتعجب من وجوده الى الان :confused: |
:confused:
كيف فاهمه غلط؟؟؟؟ وبعدين أنا ما جرحت بأحد اخوي بعبع .. أنا قلت رأيي وبس.. وأنا اعرف اللباقه بالحديث كيف تكون..ولهذا انا احترم نفسي قبل لا احترم غيري.. وهذا نحنا العرب كلمة الحق عندنا وقول الرأي يعتبر جريمه.. وأنا من رأيك ان الموضوع ينحذف مو عشان مضمونه عشان لا يصير فيه أخذ ورد كثير.. وشكرا |
لا تعليق
انا لله وانا اليه راجعون
|
كلن له رأيه وتفكيره اخوي بعبع
واحسن شي ينتهي النقاش هنا.. لان كثر الاخذ والرد بالموضوع ما عاد منه فايده.. تقبل تحياتي |
نفسي أعرف انته ليش متعجب لوجود الموضوع وعدم حذفه ؟؟؟؟
كل واحد يقول رأيه..والنقاش لا يفسد للود قضيه.. وترى مو معنى انهم مطاوعه إنهم دائما صح..وما يغلطوا.. تراه بشر مثلنا مثلهم..وهم مهم منزهين ترى عن الغلط.. والسلام عليكم |
نمرحهخلرحثخقهؤةكص58خ58
الله يسعدك ويسعد اللي حولينك قولي آمين بقوه
لأنه عيوني الموضوع اخذ اكثر من حقه هذا اول شي واساسا كان لازم يحذف من اساسه هذا ثاني شي ( قبل مايكبر ) وانا قلت مثلك على انهم يغلطو لكن اخطائهم ان شاء الله حميده ( مو كلها ) <----------------- والله ساير محامي ( صدقت نفسي ) ليييييييييييييييش زي ماذكرت اول لأنهم موجودين عشاني وعشانيك وخصيت البنات ليييييييييييييييييش مو نقص فيهم ابداً لأنهم مستفيدين من وجودهم لأنهم بيحمونهم بعد الله من التيووووووووووس ( قصدي الفاسدين شباب وشياب بعد ) ماتلاحظي الملكة انهم موجودين في كل مكان انته فيه والله دورهم مهم جداً وعارف ومتأكد انك مأيدتني طولتها وهي قصيره :p :p :p عموما اختي انا ماني عصبي ( ده افترى والله ) :D بس تحمست شوي وانا اسف لو تحمست زياده :cool: تحياتي بعبووووووووووعي |
هلا بعبع
اول شي العنوان مره معبر لوووووووووووووووووووووووووول ثانيا آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآمين ويسعدك انته كمان .. ثالثا انا اقولك غلطهم مو قليل بالعكس.. أنا صارلي معهم ثلاث مواقف وربي افتروا عليه وكذبوا كذب مو طبيعي.. أجل كنت واقفه بالاشاره وجنبي سياره فيها واحد توه شنبه قاعد يخط..الا بسم الله ما القى الا شي يفتح بابواب سيارته وبسيارتنا.. خير ايش صاير ..قال ايش شافوني ماده يدي من الشباك وهو ماد يده بيعطيني الرقم.. <<<<<<<<<<<<< يعني ما وصلت البجاحه فيها لهالدرجه انها تمد يدها في الاشاره ووسط العالم والناس عشان تاخد رقم ومن واحد يمكن أكون قد جدته خخخخخخخ.. المهم الولد المسكين اللي لا ليه ولا عليه زجوه في الجمس ( معبره كلمة زجوه) وقاموا كلموا الوالد يقولوا له بنتك تتقبل المعاكسات.. باللهي دا كلام؟؟؟ كويس ما قالوا انهم شافوني نازله من سيارته في وسط الاشاره.. أما الموقف الثاني وهو ثاني يوم بالضبط شافني جمس الهئيه وهالمره معي أهلي قام لحقونا وخلوا اللي ما يشتري يتفرج..وهجموا على السياره كننا مجرمين وصادوهم..والسبب ايش جايبكم هنا وليش خارجين السوق ولا عاد نشوفكم هنا وطبعا جابو الوالد على القسم وقالوا له كان حولهم موكب ونحنا انقذناهم لووووووووووول( وربي منسمين) أما الثالث فهو كنت معزومه انا وصديقاتي عند وحده من البنات وما كنا نعرف بيتها , فقالت برسل لكم اخوي عند السوبرماركت وكلم اجتمعوا هناك في الساعه المحدده, المهم رحنا ومشينا وراه وكانت الساعه سته المغرب.. دخلنا عند البنت وقعدنا وطلعنا كلنا على الساعه 11 والله لا يوريك الافلام البوليسيه اللي سووها عشان يتصيدونا.. كل وحده لها جمس خاص فيها..وكل وحده بجهه عشان لا نعرف عن بعض ولا ندري ايش الموضوع.. المهم اقتادوا سيارتين على القسم وانا ما رضيت اروح معهم لاني مني عارفه ليش وعشان ايش مسكوني..وكل ما سالتهم قالوا السواق مشتبه فيه (وانا من دلاختي صدقت) المهم قال لازم تروحوا القسم خمس دقايق والمطوع بيركب معك وياخدكم هناك.. سلمت امري لله وقلت له اركب يلا..عاد المطوع اشتغل فيه بالسياره قفلي جوالك قفلي بيجرك..ويقول للسواق شغل المسجل وعلي الصوت.. وعلى هالحال قعدنا نلف وندور الى ما وصلنا النسيم والمطوع مضيع القسم..(والله انا اشك انهم مطاوع, يخي مطوع فري يسمع اغاني ويغني كمان) عاد كنا مسرعين وفيه يو تيرن الا قام المطوع لقى الضايعه وقاله لف بسرعه ..جينا نلف الى جمس داخل فينا من ورا ..ما دريت عن نفسي الا والناس مجتمعين حولنا وعالم وخلق وناس :eek: اقول للسواق فين المطوع اللي كان معنا ؟؟؟:confused: قالي راح , راح وين راح؟؟؟ قالي يقول راح يجيب الشرطه.. وذهب ولم يعد الا بعد ساعه وبجيب هيئه اخر ومو بالشرطه.. عاد كلمت اهلي قلت لهم اللي صار و ما عرفت اوصف المكان المريب اللي كنا فيه ..فناديت المطوع عشان يوصف لهم المكان.. تخيل المطوع ايش سوى ؟؟ قام يوصف لاهلي الطريق غلط يعني قالهم روحوا يسار والمفروض انهم يروحوا يمين.. وبعدين لمى يئسوا انهم يوصلوا لي قلت للسواق روح اعطي اي واحد الجوال وخليه يوصف المكان .. في هذه الاثناء جا المطوع الحنون يقولي لا تبكي يا اختي ولا تخافي نحنا معاكي وجايين نحميكي؟؟؟؟ يحموني وهم اللي سوا فيه كده..ويقولي البزر طالب تصليح سيارته وما عليكي الهيئه بتدفع له من الريال للألف بس تطمني..( عاد اللي صادمنا بزر يمكن عمره 15 سنه ومن اللي يحطوا العقال على راسهم بدون شماغ وبثوب البيت المخطط بالطول, يعني شي هاي كلاس مره ههههههههه) عاد لمى وصلوا اهلي كان فيه مطوعين واقفين كل واحد قالهم شي واحد قال كان عليها موكب ونحنا فضيناه..والثاني قال نحنا جينا لقيناها صادمه.. ولمى وصلت الشرطه للمكان المزعوم قعدوا يدوروا عن الهيئه ما لقوهم (فص ملح وذاب) راح يدوروا بقسم النسيم والروضه عن الجيب والجمس ما لقوهم.. ورحنا الشرطه انطقينا الى الساعه 3 الفجر بين ما يدوروا عن الشهود اللي ذابو وما يسوا تقرير باللي صار..ومن بعدها حرمت اروح لصديقات ما اعرف بيوتهم.. عرفت ليش رأي أنا فيهم كده..من اللي شفتوا منهم.. أنا مني ضدهم كلهم بس أنا ضد اللي يتخذ المشيخه مهنه له (باب للرزق ) واسفه للاطاله |
بالله تذكرتين لو سمحت
انتي لو تغيري اسمك ( الملكة العقربه )
كان ماسار الي سار ( يسير ملكة تمشي بدون حرس ) :rolleyes: كلامك صح 100 % ( انا اللي كنت اسوق الجمس ) :o بعض موظفين الهيئة يكون له ماضي ( تايب جديد ) فطبعا لما يشوف حركات ممكن يفكر فيها بعقليته القديمه ولو كانت الحركات عاديه .......... يعني هو متقصدك ( لا ) عدوك ( لا ) بينه وبينك شي ( طبعا لا ) ارجع واقول ليييييييييييييييييييييش .................. حرصا على حرمات المسلمين وعلى فكره في بعضهم متعصب زياده عن اللزوم ( لكن نقول ماهم ملائكة ولا انبياء ) امووووووووت وأعرف بس خايف انضرب :D ليش ماده يدك ( حر موووووووت ) خخخخخخخخخخخ |
لالالالالالالالالالالا
انته مو عارف هم ايش قالوا للي اخدوهم القسم قالوا رايحين بيت عازب.. اجل خمس بنات رايحيين عند واحد (خمسه على واحد ) والله لو انه هارون الرشيد... يا شيخ والله بعضهم عقولهم طاقه (من طقت تطق فهي مطقوقه) ماده يدي باخد الرقم عجبني الولد عشان صغير..يعني بربيه على كيفي..لووووووووووووووووول |
ههههههههههههههههههههه
هههههههههههههههههههههههههههههههههههههههههااي
الله لايقطع سواليفك :p خمسة خمسة :D :D :D تربيه ولا تأكلي ( عقربه ) ^ |
لالالالا
بربيه ولا طفشت منه بعطيك هوه انته اتصرف فيه بمعرفتك تاكله توزعه سوي اللي تبغاه عاد |
----------------------------
ثكرن ثكرن شبعان والله ماابي ;)
|
| الساعة الآن 04:17 PM. |