|
قصتي مع الجني!!!!!
اخواني نظر لطول الموضوع راح يكون مسلسل من حلقات..... :biggrin: :biggrin:
كانوا الشباب كاشتين في روضه خريم ( حديقه الله زارعها ابوك يا التوضيح ) وطاقين الخيام هذا الكلام يوم الاربعاء قالوا ياالتمساح تعال معنا قلت ماني فاضي ابوي عازم له ناس وابي اصب لهم القهوه >>>>>>>> اخص يا المرجله ........ المهم الحين انتم يا عيال اسبقوني وانا الحقكم . المهم راحوا للبر وانصبوا الخيام >>>>>>ذكي علشان مايكرف معهم في الشغل ..... المهم يوم غابت الشمس والضيوف راح وانا القط موتر الوالد الجمس دفرنسين وان امسك الخط عاد اخذت معي الطيران العيال موصيني :cool: عليها يبون يسفهلون وانا امر المحطه واعبي بنزين وامسك الخط . ومشغل بشير حمد شنان ( وفيت قبل امس بالديره عجوز ) اخص يا الرومانسيه :wink: المهم يوم جيت ابفرق مع الخط الا الليل قد خيم علينا ....... حلوه قد خيم علينا طه حسين على غفله :biggrin: . وانا اوقف واطفي النور واقعد اناظر للنجوم الا هذا نجم سهيل وانا احطه على حجاجي الايسر وادز بالجمس وامشي وكل اشوي اطفى النور واناظر لهذا النجم اللي اسمع فيه وانا مع جنبها اثري غديت :confused: . الا هذيك الخيمه اللي فيها نور وماحولها سيارات ومير اروح لها وانا اوقف السياره جنب الخيمه واصقعهم :mad: بذيك البواري الا ما احد يرد علي وافتح الدريشه يا جماعه الربع الا ما احد يرد اللي قاهرني اسمع صوت بالخميه . شوي الا النور يوم طفى ويطلع لي هذاك الواحد اللي اقصر من المتر مدحدح مربرب . وهو يناظر فيني وانا تطقني ام الركب قلت له يا الطيب شفت العيال . قالي نعم وهو مير يقرب شكله يروع ياوالله البلشه وانا احط الجمس بواحد >>>>>>>> جاهز للفركه هههههههههه ........ وهو يقرب يوم شفت وجهه عرفت انه جني اثر عيونه بالطول وانا الله يدفع البلاء تجيني ام الركب ابتل الجمس وهو يطفى وانا اشغل يلعن ام الجمس عيا يشتغل وانا اقفل القزاز الحين وش الحل هذا مسنتر قدام الدريشه وانا ماودي انظر فيه ارتاع زياده والجمس مدري وش دين امه عيا يشتغل وانا ماسك نفسي صحيح اني خايف بس ما ابي ابين لهذا القز اني خايف . الا يطق القزاز يقول انت ياالتمساح قلت لحووووووووول وعارف اسمي بعد وانا اتشجع قلت خير وش تبي ياخي تراني ماني خايف منك . وهو يضحك يلعن ام الضحكه قال انزل قلت هين انزل يحلفون والله . وهو يفتح الباب اثري من اللخمه نسيت اقفل الباب ويوم شفت الدعوه كذا وانا اخور قلت تكفى تراني خايف قال اقول انزل المهم نزلت :frown: معه قال تبي العيال هاه تعال ادخل الخيمه يوم دخلت الخميه الا ذيك البنت اللي تطيح الطير من السماء موت يالربع قالت لي يالله حي التمساح... صارت تمون البنت هههههههههههههه انتظرونا في الحلقه القدمه...... :love: |
<<<< مره مندمجه ودها تعرف الباقي :biggrin:
الف شكر لك :smile: |
علشانك يا.......نزلت الحلقه الثانيه :love:
قال تبي العيال هاه تعال ادخل الخيمه يوم دخلت الخميه الا ذيك البنت اللي تطيح الطير من السماء موت يالربع قالت لي يالله حي التمساح ... صارت تمون البنت علي >>>>>>> رامي عياش هههههههههههههه عاد انا اتراقل من الخوف قلت هلا فيك صحيح هي حلو وانا ودي اغازلها بس ملعون الصلايب واقف جنبي وخارشني......... :biggrin: بعيونه قالت تعال اجلس جنبي انا ماصدقت خبر وانا التفت قبل اجلس جنبها الا هو عيونه يوم اقلبت حمرا لحووووول الجنيه فكت معي وانا اشغل البلوتوث لها وارسل لها رقمي >>>>>>>> اخص يا راعي الأباتشي :wink: . هي عاد افهمت على طول قالت انت وش جابك لمضاربنا^^^^^^ حشى اطلعت عبله ... ... قلت يا بنت الحلال انا طالع للشباب مخيمين بروضه خريم لاعادها الله من طلعه . وجايب معي الطيران والعود بالجمس وجايب لهم دجاج وفحم ومعسل وياليتي ماقلت معسل يا عيال اثرها راعيه مزاج . :pipe: قالت لي معك معسل قلت ايه قالت قم انت ووجهك جيبه عاد هي اطخما وانا خايف ومير اقوم اجيب المعسل اثري نسيت القصدير قلت لها الحلو مايكمل قالت ايش قلت سلامتك طال عمرك بس نبي قصدير علشان نعسل مع بعض >>>>>>>>>> صار يمون بقوه . وهي تلتفت للقزم قالت رح جيب قصدير بسرعه وانا اناظر فيه الا تقل رضخ للامر هههههههههه حلوه رضخ للامر وين العهد الاموي . وهو يروح قلت يالتمساح فرصه دنتا لوحدك وانا اقرب منها ياعيال لتني ماقربت ياوالله اطلعت شيفه وهي تحوم كبدي ويتقلب وجهي قالت وش فيك قلت لا ابد معي مغص ببطني ابروح للخلاء ممكن قالت انقلع قبل تسويها بالخيمه . وانا اطلع برا الخيمه الا برد من جد برد وانا اركب الجمس قلت مابدهاش يا يشتغل الان والا رحنا بخرايطها . وانا ادق سلف وهو يشتغل وانا لا شعوريا اعشق الدبل واتل الجمس وانا عيني على الخيمه............<<<<<<<<<<<<تكفى يالهمر :biggrin: وأذا ردت...... أنزل الحلقه الثالثه :wink: |
ههههههههههههههههههههههههههههههههههههههههههه
ههههههههههههههههههههههههههههههههههههههههه الله يرجك تمساحووووووووو هذي اخرتك جنانوه خخخخخخخخخخخخخخخخخخخخخخخخخخخخخ خخخخخخخخخخخخخخخخخخ بس حلوه هالجنيه سحليه رايقه مزاجية خربانه اهلها ماربوها هههههههههههههههههههههههههههههه ههههههههههههههههههههههه نزل الجزء الثالث فيه سحليه عاجبتها القصه <<<<<<<<<< مانيب اقصد نفسي ابد ياتمساحوووووووووووو |
يسلمووووو علىالموضوع
ويعطيك العافيه مع تحيات قارئ الفنجان |
شكرا يا ..... على الجزء الثاني http://www.asmilies.com/smiliespic/3...3_1[1].gif <<< ترى مصدقه حالها <<< شوتوها بس :biggrin: (وهي تلتفت للقزم قالت رح جيب قصدير بسرعه وانا اناظر فيه الا تقل ..... ) 7 7 7 لازم يرضخ :biggrin: مااااافي تمساح ينفخ على سحليه <<<< مهجدينكم السحاليhttp://www.asmilies.com/smiliespic/happy/211.gif ياااااخي بس تصدق قهر المعسل راح عالفاضيhttp://www.asmilies.com/smiliespic/happy/216.gif مجهود تشكر عليه عزيزي التمساح ,, و تميز واضح في فتره قصيره :smile: ملاااااحظه : ترى حد يزعلني مااااااا ارد المره الجايه و اورطكم و ماخليكم تعرفون الباقي :biggrin: <<<< ماقلنا مصدقه حالها :biggrin: الف شكر لك :smile: |
كرووووومه :love: قارئ الفنجان :love: ندى :love: :love:
حبايب قلبي مشكوووورين على المرور ويعطيكم ألف ألف عافيه اشوفكم اندمجتوا بقوة ياجماعه الربع..... :biggrin: نبدا:مادريت الا ملعون الصلايب القزم قدامي وهي تقول حده لا يروح يا جون خخخخخخخخخخخخخخ اخس يا الجني جون ............وانا اتل الجمس بواحد وادعس من الخوف اثري ساحب الجلنط وانا مغير ادعس بنزين وادعس اثري محلي والقزم قدامي ويضحك وانا فيه خوف مايعلم فيها الا الله وانا التفت له بعين حمراء قلت بتوخر والاأخليك صرصور تحت الجمس ياجون مايكل :biggrin: .... المهم فكيت الجلنط وانا افرك من الخوف والراعه كل خيمه اشوفها اطنش يعنني مانيب خايف وانا ارجع للخط المقير ( الزفلت ) ... الا هو معي يطرد وراي ويصيح ويقول تكفى ياالتمساح تكفى >>>>>>>>>> وانا اقول تكفى تهز الرجاجيل اخس يا راعي علوم القبائل .... وانا اوقف له قلت ابك انت وش فيك قال الذيب يالتمساح قلت مايخسى الا الذيب وانا اتذكر الشوزن حقت ابوي وانا اطلعها وانا اشغل الكشافات وانا اركب الجني جنبي وقلت خلك عاقل يا برتني سبيرز :biggrin: المهم قلت له وين الذيب يا زنمه . :biggrin: الا هذا الذيب قدامي وانا اعاير عليه >>>>>>>> الرجال بواردي ...... وانا اطخ وارمي هي صحيح على عماها بس يعنني قدام الجني بواردي وهو مغير دموعه اربع اربع يقول تكفى يالتمساح الذيب لا ياكلني ابروح لامي تكفى قلت يا شين الورعان خلك جني ولد جني اسكت لا تفضحنا عيب يا ورع تبكي . ونفر اشوي اثري رميت الذيب وصبته وانا التفت للجني قلت ارتحت هالحين قال ربنا يخليك ويزوجك جنيه قلت اسمع انا ابروح للعيال مخيمين بروم خريم قال ابخاويك صار صديقي الجني هالحين . قلت اسمع عيونك تروع والشباب ماهم مثلي شجعان >>>>>> اخص يا الزير سالم على غفله ............. وان شافوا عيونك عز الله انهم بيتفرقعون قال وش الحل طيب قلت اسمع انا اخبر بالدرج نظارات ابوي البشاور >>>>>> يحلفون انها من محلات كل شي بريالين ........... تلبسها ولا تفصخها سمع العلم قال الجني تم قدام . =============فاصل اعلاني=============== الراعي الرسمي مجموعة صالح الدريبي للاستثمار والتطوير العقاري (( قوووة العبوووور الى بااااتسر* )) &&&&&&&&& المشروب الرسمي كوكا كولا (( هيا بنا نقرطع * كوكا كولاااااااا )) &&&&&&&&&& السيارة الرسمية شفرولية كابريس كيف تعيييييييييش كيف تعيييييييييييييش بلااااااااا كاااااااااااااااابرييييييييييييييس ==================عدنا================== وحنا ندز وانا اتصل عليهم ياعيال وينكم وترى معي ضيف اخذت الوصف وانا اروح لهم وننزل انا وصديقي الجني قالوا يالله حيه اقلط وهو مغير يدربي راسه وراي قلت اسمع تك على المركى ولا تهرج لين نشوف الوضع . المهم العيال يصبون له قهوه والجني مايشرب قلت هو صايم >>>>>>> يلعن ابو التصريف صايم وحنا الساعه عشر ونصف ليل . المهم العيال راحوا للجمس ونزلوا الطيران وليتهم مانزلوها يوم طقوا الطيران وهو ينقز المقرود الجني اثره راعي زار وهو يفصخ النظارات وعيونه تقوم تتقلب وهو يتغير هذا اخر عهدي بالعيال تقل سبحه وانتثرت اسفين لهذا الخللل تابعونا بالحلقة القادمه ماذا يصير بيني وبين صديقي الجني تابعوا الاحداث المثيرة في الحلقة القادمه بشرط أذا.....................تعرفونه :biggrin: تحياتي التمساح الخفيف :love: |
خخخخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخ بموووووووت ضحك وش هالفاصل الله يرجك اجل الدريبي هاااااه خخخخخخخخخخخخخخخخخخخخخخخخخخخخخخخخخخ بس صرت والحني احباب الله يديم المحبه خخخخخخخخخخخخخخخخخخ خخخخخخخخخخخخخخخخخخخخخخخخخخخ وربي انك رهيييييييييييييب <<<<<<<<<< اندمجت وننتظر الباقي هههههههههههههههههه |
وين هالموضوع من زماااان :biggrin:
<<<< توه يكتشف الموضوووع ويشوووفه :tongue: تكفى تهز الرجاجيل <<<< إيه والله إنك صادق :biggrin: موضووووع حلووو يالتمساح ,,, ويستاهل التثبيت بس بشرط ,,, بدل لا تنتظر رد ..... <<< ندووو ,,, انتظر ردي أنا ,,, ولا بأفك التثبيت :tongue: ننتظر الحلقة الرابعة أخوووي التمساح ,,, لا تتأخر علينا ,,, ندووو تعالي ردي بسرعة :biggrin: |
خخخخخخخخخخخخخخخخخخخخخخخخخخخخخخخخ
<<<<<<< هذا العضو ينتظر الجزء اللي بعده لاتتاخر فالانتظار يولد الانفجار خخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخ ثانكس تمساحوووووووو الجني صديقك قصيدته هذيك روووووووعه خخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخ |
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههه
<<<<<<<<<<<<<والله ياني فاطس من الضحك مشكووووور اخوي على الموضوع |
السلام عليكم ورحمة الله وبركاته
مشكوووووووووووووووور اخووووي على الموضوع مننتضر جديدك حبيبي اخوك/ثامر |
يؤ يؤ يؤ :biggrin: باقي يصير شي مع صديقك الجني بعد هذا كله :biggrin: <<<< في انتظار باقي الأحداث :biggrin: تسلم على هالمجهود |
مشكورين على المرور والشرطه و الأمن العام كله<<<<<<<<<<<<< مصفييييييييييييي :biggrin:
علشانكم أنزل الحلقه الرابع<<<<<<<<تكفى ياطاش ما طاش :biggrin: ملاحزه<<أعذروني على التأخير كنت معزوم عند صديقي الجني <<<<<<<< ذابحلي سحليه :biggrin: ولا يصدق بعض الناس أني كنت ######## أنتظر رده كنت أمزح معه هع هع هع هع هع بسم الله :وانا ابلش فيه ياعيال وهو يخمني مع حلقي الجني لابارك الله فيه ولا في الساعه اللي عرفته ولا روضه خريم اصلا حنا حدنا حديقه الفوطه وش جايبنا هنه .. قلت افا هالحين افكك من الذيب وتزر حلقي يا قليل الادب . يوم التفت لي التفاته ماهي مثل دائم القشر في عيونه وأنا ركبي صفر قلت ياواد وش تبي تراني معطيك وجه >> ابوريه اني قوي ..... قال اقولك سرهم قلت نعم ليه شايفني سواق تكسي انت ووجهك منهم قال سرهم اقولك . لحووووووووووول هو لو علمني من الاول اسري بس ملعون الصلايب في راسه زار ومخاوي شيوخ . قلت له ابشر وانا استلم الطيران وهات يا اغاني وكل ماغنيت له قال سرهم يا يالتمساح وانا اغني له من يقول اني لغيرك انا لك ماني لغيرك ...... وهو يقزني قزه وانا على طول اقلبها وش علامك يا الا سمرانيه يا الاسمرانيه تقل هداء ..... نعنبوا ابليسه هو واللي معه ........ ياعيال بلشت فيه وانا بلحالي ..... ثم أقلبها بو صالح سراء ليله هل الدمع من عينه ......... وانا ابكي ......... مايسرح كما المسراح يا غائب زمانك راح وليلي ليل يا عيال تقل هداء وداخ وأخر شئ غنيتله....... يا حيات ألبي وروحي ومناي..... وكأنه ركد وانا افك الطار تبون الصدق لاعاده الله من صديق ابي انحاش وانا انسرق منه ابي اطلع وهو يلتفت فيني قال ....... على مين تلعبها على مين يا ابن الناس >>>>>>> حشى طلع راشد المازط . قلت ياخي حشران وش فيك انت ... قال علينا يالتمساح ... قلت انت وش تبي فيني بالضبط ياخي تراني ماارتحت معك يابو الشباب ......... وهو يضحك ذيك الضحكه لاوالله يوم دخلني الخوف . قال اسمع عاد يالتمساح انت ماقصرت فكيتني من الذيب وعزمتني صحيح خوياك اطلعوا حريم مسترجلات بس انت طلعت كذا .............(( اشار بيده بعد ضم اصابع يده ورافد الابهام )) يلعن ام الشرح اللي بتفصيل قسم بالله لوني راسمها ماتفهمون . قلت اسلم الله مير يسلمك اخلص عاد قال انا ابعزمك ......... عاد انا اقول بنفسي وش يبي ذا هالحين انا طاقتني ام الركب منه بيعزمني بعد لاوالله خربت . قلت له ياصديقى الجني >>>>>> جاه بالسياسه .......... ويحك وهل بيننا من عزائم >>>>>>>>> امرء القيس على غفله . قال انا حالف على الطلاق غير اعزمك ياوالله البلشه جني وطلق عاد رقعها ... قلت له تدري عاد دامك طلقت يا الدنجيره مشينا <<<<<< الدنجيره عبارة عن جنيه برجل حمار ورجل سحليه أقول <<<<<<<عطنا الباقي بس وهو يوديني لذاك الجبل ونوقف السياره عنده قال انزل قلت امعصي وش انزل انت صادق لاوالله يوم تغير وجهه قال انت صاحي قلت انت وش ناوي عليه قال يالسحليه انا اتصلت في ربعي وجهزوا كل شي انزل لا تفشلنا هم في استقبالنا تقل اني ارتحت لكلامه لابارك الله فيه . وانا انزل وادخل الجبل ... عباره عن مغاره صغيره يادوب تقدر تدخل معها .......... ثم بعد ذالك تتسع شيئاً فشيئاً ((( قسم بالله تقل اني ابن خلدون في شرحي على فكره منهو ابن خلدون ))) . ويوم دخلت وانا يوقف شعر راسي<<<<<< تقول شعر سحليه توها صاحيه وووووووووووووووووووووووووووووووووووووووووووووووووو ووووووووووووو الى القاء في الحلقه القادمه مع تحيات المخرج :love: التمساح الخفيف |
التمسااااااااااااااااح يسلمووووووووو على الموضوع اعزمنا طيب ههههههههههههههههه
|
كمل كمل كمل <<خش جو
بس مشكووووووووور |
<<<<<<<<<<<<<<<<<<< مندمج مع القصه مررره
<<<<<<<<<<<< ويحتري الباقي لا لا تتأخر علينا عاد يا تمساحوووووووه :no: |
[font=Tahoma]مشكور اخوي التمساح وماقصرت على الموضوع وبصراحه تحمست ابي اعرف بقيه الموضوع على فكررره من جد موضوع يفتح النفس وفي نفس الوقت يخوف الله يعينك وعلى العموم الله يعطيك العافيه[/
font] |
هههههههههههههههههههه
هههههههههههههههههههه هههههههههههههههههههه الله يرجك يالتمساح على هالموضوع ,,, يله كمل وأنا أخوك نبي الباقي :biggrin: |
ميــ قمر14ــشو
اعرفكم عيونكم على الموضوع ودكم تعرفون وش صار.....
والله تشفون كرم صديقي جون ( الجني) اخص حاتم الطائي .... بالمناسبه نبارك لأختنا ندى و حبيبنا ميـــ قمر14ــشو على أنهم مشرفين مثاليين وبصراحه أنا أشهد على هذا وعلى شان هذي المناسبه نزلت الحلقه الخامسه الحلــــلقـــة الخامـــــس<<<<<<<<< صار مسلسل مكسيكي تدرون وش شفت ياعيال شفت عجايز ... وياليتني ماشفتهم اشكالهم غلط وكبار بالسن وبدون اسنون وانا مير التفت للجني قلت له قسم بالله انك ورع من جد هالحين تعزمني عند هالعجايز اقولك رجعني ولا عاد تكلمني ولو سمحت امسح رقم جوالي من جهازك .. كان يزعل الجني ويناظر فيني قال هذا انتم يا الانس مالكم خاتمه .. >>>>> وهي تاكلني بكبدي . قال تراني ابقلب عليك مير اعقل مو علشانك فكيتني من الذيب عنتر بن هباش >>>>>>> وانا تدخلني الفشيله من كلامه . قال امش معي بس وانا اعلمك وانا امشي وراءه وهو يعلمني وش هالعجز اللي كانوا في استقبالنا >>>>>>> اخص يا مسئول الدوله . قالي هذولا يالتمساح حراس المغاره علشان من دخل يخاف ويهرب فهمت ياغبي <<<<<يعيال مو كانه يسب . انت لو تصبر اشوي بتشوف العجب وحنا ندخل مكان واسع الا الزين والجمال والبنات اللي مافيه اجمل منهن لابسات جنز ومزلط . يعني اغراء . وانا الله يدفع البلاء انسى عمري وانسى صديقي انه جني وانا اخمه وامطخه ذيك البوسه قلت ايه سنايدي هذي العزايم مو مثل ربعي روضه خريم لاعب الله فيني شيل الخيام حط الخيام شغل الماطور جيب بنزين ذك التيس مجهدين عمرنا على غير سنع وبالليل سامري وطيران تقل راكبتنا أم الصغار<<<<<<<<أم الصغار أخت الدنجيرهالي قلتلكم عليها قلت تكفى يا جون اسم الجني .. ابي اتعرف عليهم >>>>>> ياعيااااااااال تقل زراء علي قال هالحين اعزمك وانت ضيف الشرف تقول بتتعرف على هذولا يالتمساح تحت امرك اصلا هم حاضرين يبون يتعرفون عليك.<<<<<<<<بدون تعليق وانا تجيني الصفقه واتذكر بيت قاله الولد مدح فيني / مالي ارى القوم اقبلوا .. وسنايدي التمساح قد رحلا . >>>>>>> حاس انكم تكذبونه في البيت اللي قاله الوالد . قلت ياجون ياخي انت سنافي من جد قال اقول لايكثر امش قلت وين امشي امعصي والله ما اتحرك من عند هذولا قال ياطعس فشلتنا امش ترى الزين نجدي وقلبي يحب النجديه <<<<<<<<<<طلع غزلنجي وانا امشي معه ابشوف اخرتها معه وعيني مغير تلفت وراء ماني معه مقهور من اللي تعديناهم وهو يسولف وانا ملتفت وراء اشوي الا اللي تقول هلالالالالالالالالالالالا وغلالالالالالالالالالا بالتمسااااااااااااااااح بصوت ياعيال غير طبيعي صوت رقيق خافت حساس ........ حي الله ضيفنا اسفرت وانورت وانا التفت يوم شفتهااااااااااااااااااااااااااااا يوم شفتهاااااااااااااااااااااااااااااااااااا شفتهاااااااااااااااااااااااااااااااااااااااااااااا اااااااااااااااا :confused: وانا عهدي بنفسي .. اغمى علي والله من عقبها عفت الانس ( انتبه ياجني يابوالتماسيح) الدوررررريه اخر الليل هههههههههههههههههه |
الله يبارك فيك اخوي تمساح :love: (تدرون وش شفت ياعيال شفت عجايز ... وياليتني ماشفتهم اشكالهم غلط وكبار بالسن ..... ) 7 7 7 عجايز يا تمساح = اكيد كبار بالسن :biggrin: <<< مايتفع عجايز و مزئططين :biggrin: ( قالي هذولا يالتمساح حراس المغاره علشان من دخل يخاف ويهرب فهمت ياغبي <<<<<يعيال مو كانه يسب .) 7 7 7 لا ماعليك :biggrin: هذا مصطلح يدل على الدلاخه و بس <<< متعووووده عليه :biggrin: هههههههههههههههههههههههههه تسلم على مجهودك :smile: |
هههههههههههههههههههه
هههههههههههههههههههه هههههههههههههههههههه حلوووووة والله يالتمساح ,,, طلع راعي حفلات الجني الوسخ ,,, بس تراه ما كان يسبك يوم قال عنك غبي ,,, يمكن كان يمدحك وش يدريك :biggrin: والله يبارك فيك أخوووي التمساح ,,, وعقبالك انت ان شاء الله نشوفك العضو المثالي :wink: |
والله القصه حلوووووووووووه الصراحه اندمجت فيها
تابعووووووووو التمساح في الحلقه الثالثه يوم تدق عليه الجنيه......... معليش احرقت قصتك.....ايام سوووووري:frown:.....مع حبي لك:love::lb: اخوك :love:مغررررررررررررررم حزين:love: |
أشكرك اخوووي على الموضوووع الحلو مررررررررره
ولو أنا مكانك كان اغما علي عمووماً : أرد وأقولك مشكوور ويعطيك ألف عافيه |
بس ماقول الا الله يعينن على التتنيح بانتضار الحلقه القادمه
واشين الحلقات الثالثه كله دعايات المهم يعطيك العافيه وقوة القلب يالتايجر اليزي وبسالك جوال جون عام او سوا لا يكون موبايلي اخوك |
مشكوووووووووووورين على المرور ويعطيكم ألف عافيه للكل
أعذروني تأخرت في باقي القصه تعرفون عطله وخوي الجني كل يوم ذابحلي سحليه حتى أنفقع بطني :biggrin: وهو عازمني بكره بصراحه قلت أعزمكم معي وخذوا وصف المكان : :pipe: محمية التماسيح اللطيفه, حاره أم الورعان , شارع شكسبير, جحر التمساح الخفيف. ملاطمه: ممنوع أصطحاب الأطفال والسحالي :no: وعلى فكره العزيمه لشباب المنتدى وأي سحليه تجي راح نحطها في القدر :biggrin: وحياكم الله ويامرحب ويامرحب <<<<<<<<<<هندي اول مره يعزم :biggrin: |
خخخخخخخخخخخخخخخخخخخخخخخخخخخخخخخخخخخخخخخخ
تمساحووووووووووووو <<<<<<<<<<<<<<< هالسحليه لاتزااااااااااااال تتابع القصه بشغف ههههههههههههههههههههههههههههههههههههههههههههه هههههههههههههههههههههههههههههههههههههههههههههههه الله يقطع بلييييييييسك وربي انك رهيب ننتظر البااااااااااااااقي |
الله يرجك إن شاء الله
الحمد لله إني قريت الموضوع مرة وحده :tongue: بس أنصحك لا تشاهد قناة العربية كثير :love: متأثر بمجموعة صالح الدريبي :biggrin: |
مشكورررر أخوي الدب الماسي ويعطيك ألف عافيه :love:
بس ودي أقولك قناة العربيه حقت أفلام وألامسلسلات :biggrin: كرووووومه والله أشتقنا لردودك الحلوه :lb: مشكووووووووووووووووووووووووووووووره على مرورك الطيف :love: ويعطيكي ألف ألف عافيه وياليت لا تقاطعينا :Redface: |
| الساعة الآن 06:57 PM. |