|
لمن وده بالمحاوره (( تحدي ))..!
السلاااام عليكم
أخواني أعضاء المنتدى الشعري ورواده.. بعد التحيه.. ودنا بالنشااااط واللعب على القيفان والدعوه مفتوحه لأول من يرد علي وأستلموا لا هنتوا .. :pipe:
من صحاري الديره اللي كل هاجس يرتويها ...=... جيتكم طــرقي وأدور محـترف واللعب حرفه ..جيتكم والحرف جمره في خـفـوقي مبتليها ...=... جيتكم عملة ذهب مايتعب العارف في صرفه .. والعبوا يا لعاااااابه |
صح لسانكـ ولا هنت
يا هلا بك ترحيبةٍ ترقى الجبال و تعتليها=سلام ياصلك قبل الحسين ما يرمش بطرفه الأجاويد شراواك عيوني بالوداد تحتويها=ماني بشاعر وهذا كلام القلب وهذا عُرفه ترى مبتدي بالشعر واذا في مجاال .... يعطيكـ العافيه |
الله الله
.. صح لسانك كمبتدي.. ويعطيك العافية رد جميل ولاكن مو على نفس البحر .. وأستلم لاهنت.. البقى ياللي حلاال الجود دايم يحتميها ........... مير خانه موتره في خطنا والخط لفه يانديم الحرف كـم عملة تجـينا مـانبيها ........... مانبي غير الجنية اللي رجح في كل كفه .. .. وألعبوا يا لعابه |
قصدي (( نديم الشعر))..
يا نديم الشعر كم عمله تجينا........الخ.. .. |
توقعت و خانني التعبير جبت عاليها واطيها
............ وش بلاكـ مثلي مبتدي بالشعر يبغاكـ تدفه يا سحكل انا ماني من اللي نوايها خـافيها ............ اظهر الطيبه والنوايا الشينه مالي بها شفه |
لايروح بالك بعيد يالذيب..
..ترى المعنى طيب .. .. وأستلم لاهنت .. .. ياعميل الخير لاتبدي مبادي منت فيها ........ ولا تهد اللي بناه العارفه من بحر عرفه الهروج الغــاويه ياصاحبي قيّد يديها ........ وراعي الدار الحصينه مايبــادلها بغرفه .. .. وألعبوا يالعابه |
يا هلا سحكل البارود
ولي رد انشالله لك تحياتي |
ياهلا رديتن سحكل نبيع ونشتريها
ان بغيت ابن المهلهل وان بغيت العبد طرفه والبحور الطويله منهو اللي معتليها وليه ميزان العداله معتدل كفه وكفه |
يا هلا ومرحبا فيك أخوي (( مبتعد ))
بس طول الله عمرك جبت شي قد سرى==> (( قوافي سرت )) :pipe: :pipe: .. .. وحنا نبي نمشيها فالقاله اللي راحت بس الجاي ما يمشي :no: :no: .. .. وأستلم لاهنت :pipe: ..
البقى يا صاحبي باللي المعاني يرتشيها ..=.. وكــل راشــي يا عـميل الخيـر ما ينفعه حرفه ..العــدالة طــفـلةٍ عـميا وتمـشي مع وليها ..=.. وكان واليها عوج يا صاحبي بتمشي في صفه .. وألعبوا يا لعابه |
مرحبا ترحيبة للغوالي نهتديها مرحبابك يانديبي بكل قلب بكل عفه الذهب لو كان خالص كل عمله نقتنيها و الرخيص للرخيص نلقاله لفه ودفه
|
يا هلا فيك أخوي مجازف..
وأستلم لاهنت .. .. .. وا هجوسي اللي تفرق كل ليله مع سميها ......... كل يوم(ن) في عميل وكل ليله عند شرفه يامــجــازف البقى لك دام كــلمتنا تحـيها ......... فك بابك وإن فتحته لا تخــلي منه درفه .. .. وألعبوا يالعابه |
اخواني اسمحوا لي بالمشاركه شدني البارود بالتحدي
السلام ورحمة الله قبل ماادخل وابتديهــــــــــا=شاقني يوم اشعل البارود ناره عند كتفه والنبا في دورة الشعار وللي يحتملها يحتميها=ريت في مبداي خيط طال منهو اللي يلفــه |
حياك الله سحكل
واستلم لا هنت خلها بيني وبينك كان ودك نمتطيها ساعتن فيها عجاجه يا عميل الخير صلفه كان ودك في نهار اليوم مبطي محتريها والاوادم يا عميل الخير كل واحد بضرفه |
يا سحكل تعديل
والاوادم يا عميلي كل واحد حسب ضرفه |
ياهلا بأخوي..(( a99a))
.. .. وحياااك الله..على ماجبت أستلم لاهنت.. :pipe: :pipe: ..
يا هــلا يامــرحــبا ترحــيـبةٍ للي يعـيـهااا ..=.. دون نقص فـ المغني ودون تبهير(ن) وكلفه ..ســـاحة الشعــار راحت منهو اللي يبيقيهاا ..=.. شــر أبو زيد الهلالي وسيفه الصارخ بكفه .. .. حياك أخوي المبتعد.. حيالله ردك وأستلم لاهنت.. .. ..
ثابت(ن) لك والقوافي قابسة يحرق صليها..=..والعجاجه عقبها سيل(ن) حفر فالأرض جرفه ..وآنا حـامي كل قاله وكل قاله من صبيها..=.. ومن حداه الظرف لاينشد قوافي بكل غرفه .. وألعبوا يا لعااااابه |
هلا اخوي سحكل
البقا ياراس قوم(ن)كل قمه تعتليها=من رسومك شفت شيخ(ن)فيه ريف وفيه عفه لاتشاوم تل مهرتنا صلى اللي يمتطيها=والاصيله ماتسير الا لقرم(ن) ساق كفه |
القوانين القديمه يا صحيبي نحتميها
مير يا سحكل تعوذ رجفتي وان جات رجفه |
استلم يا سحكل
القوانين القديمه يا صحيبي نحتميها مير يا سحكل تعوذ رجفتي وان جات رجفه مشكله بيني وبينك منهو اللي يحتويها يفشلون اهل الوسايط يوم راسك حان قطفه |
الله الله
حي ما جبت اخوي ((a99a)) .. وأستلم لاهنت :pipe: :pipe: .. ..
كل مهره في سبقنا لو تزوّد في سعيها ..=.. مــا تواصل للنهـاية دام فـارسها تعرفه ..والقروم بتدرس الحـاله وتعرف وش عليها ..=.. أما كسبٍ للمعالي وإلا خسراان(ن) تضفه .. وألعبوا يالعاااابه |
الله الله
أستلمت يالمبتعد.. .. وأستلم لاهنت.. :pipe: :pipe: .. ..
القوانين القديمة من جدودي مقتضيها ..=.. وكل بحر(ن) من صوالي عرفنا والله نجفه ..ياهجوسي بالمشـاكل طيريها طيريها ..=.. طـير صـاحبنا فرد ريشه وحان اليوم نتفه .. وألعبوا يا لعااااابه |
هلا اخوي سم
خابر(ن) الحال والنيه لها ولا عليها=والشلي يبقى بحاله لين عَذاله يدفه لي مع العراف غايه والمعاني نشتريها=في دروب الخير نمشي والعوج عنا نهفه |
ياهلا بك يالصديق وبكل لحظه احتريها
احتري اصدق صديق واحتري يوم يحكي ظرفه احتري فيك الشهامه والاخوه اشتريها لو صرفت المال لجلك مايهم اليوم صرفه وسلامتك |
سم الله عدوك..أخوي ((a99a))
.. وأستلم :pipe: :pipe: ..
النوايا في بطون أصحابها محد يغزيها ..=.. والشليل إن ما لقــاله فزعةٍ أمـسى برفه ..وكل غاية طيبة عند العــوارف ما يليها ..=.. بيرق أهل الطيب دايم فالهوا ما خف رفه .. ألعبوا يا لعاااابه |
سالم وغانم
.. وحيالله مشرف همس القوافي(( نديم القصيد )) ويامرحبا بك.. .. وأستلم لاهنت.. .. .. .. .. و ألعبوا يالعااااابه |
تعديل على الشطر الثاني من البيت الأول
والعتب على الكيبورد.. (....................) ..........وكل طيب(ن) ياعميل الخير منكم نستشفه |
اسلم اسلم
البقا بك
سحكل البارود يبحر في بحور(ن)نقتنيها=كان وده بالملاقا يستدير بكل خفه ياعميل الخير وش لك بالزوايد تقتفيها=لا تدور في هماج البحر مرجانك تلفه |
الله الله
.. .. أستلم لاهنت :pipe: :pipe: ..
سحكل البارود غنا في بحور(ن) منتقيها ..=.. ودرّته في غبةٍ من غــاصها مـوجه يزفه ..ولا يخلي قـالةٍ تمشي وتسعد مع شقيها ..=.. دون ما يدرج على من قالها ويفك زرفه .. و ألعبوا يا لعااااابه |
الله الله
استلم
شاعر(ن) والدروره اللي دارها ماينتهيها=ومن يدّور في قباله مايشوف اش صار خلفه والحقايق في دروب(ن)تسعد اللي يهتديها=ياعميلي والدروب بوقتنا اللي مر صلفه |
حي نباك ياسحكل
يا سحابة صيف عدت مع مطرها وابرديها ليتها دايم تعدى ما تجي صدفه وصدفه يا سلام الله عليك ويسلام الله عليها سحكليه يا سحابه والهوى نفه ونفه |
واستلم يا سحكل
فارس العرجا يطيح ومن عناها مبتليها كل(ي) ما يا بى يقوم وعن مطاحه هي تحذفه كم عذلنا فيك لكن اهتوته ومهتويها نطلب المولى يعينك نطلبه من زود عطفه |
الله عليك يا (( a99a))
.. وأستلم لاهنت :pipe: :pipe: ..
شـاعر(ن) كـل المعاني بالفطانه محتسيها ..=.. رمـيته صـابت هـدفها وإلتقى المغـرور حتفه ..والحقايق في دروب(ن) ماتركها إلا غبيها ..=.. واضحة وضح النقا في قافنا اللي طال عزفه .. وألعبوا يالعاااابه |
الله الله يا مبتعد..
.. .. وأستلم لاهنت :pipe: :pipe: ..
الصحــاري اللي سقاها سيلنا ينبت رعيها ..=.. دام أهلها عن دروب ابليس دايم مستعفه ..دامها تطــلب رضـا المولى ولا تنصر رديها ..=.. والله لتبشر بخير(ن) كــل رعياها تزفه وأستلم بعد لاهنت :pipe: :pipe: ..
فــارس العرجا ذبح هديه وكبده مشتويها ..=.. وريحة المشوي تنادي كل من نفسه تهفه ..بندق الرمـاي ما تخطي وصايب في رميها ..=.. ونوزها رايح دقــاقه مــا تروغ ولا تحفه .. |
صح إلسااااان كل من شارك معي في هذه المحاوره
والله يعطيكم العافيه..جميعاً والصرااحه.. أستمتعت بمقابلتكم..جميعاً وأستفدت منكم الكثير والكثير يعطيكم الله الف عافية وصحت ألسنتكم جميعاً مرة ثانية .... بس عندي بعض الملاااحظات نستفيد إن شاء الله منها جميعاً وأولكم أنا .. (1) شفنا بعض الأبيات المكسوره في المحاورة وهذا مو عيب فكلنا معرض للخطاء و أولكم أنا..((وماتعلم من ماتعلم من خطاه)). .. (2) شفنا أبيات موزونه بس ماهي على نفس (( الطرق )) أو اللحن اللي بدع به أول واحد. ومن وقع في هذا الخطاء نقول له أول شيء قبل أنك ترد من الضروري أنك تتقن ((الطرق)) قبل تبداء فالرد. فإتقان اللحن أهم شيء ويساعدك كثير في سرعة البني بدون كسور وبدون أخطاء. .. (3) شفنا تكراار القوافي حتى من محدثكم. وهذا شيء غير مقبول في المحاورة ويعتبر مثل الغش في الأختبااارات. .. (4) كثرة المشاركين في المحاوره . ( وهذا شيء يسعدني شخصياً) ولاكنه غير مقبول في فن القلطة ((المحاورة)). فأكثر عدد مسموح به في المحاوره هو أربعة. وتسمى الرباعيه ويكون في الرباعيه شاعرين ضد شاعرين (( كل أثنين سوا )) ويلعبون على نفس الطرق . .... .... هذا ما حبيت أتطرق له. وأرجوا أنا كلنا نستفيد من هاذي الأخطاء .. وحياكم الله (( ولنا محاورات جاية جديده في القريب العاجل إن شاء الله )) ولكم أحلى التحايا وأعذبها. من أخوكم..@ ســحــكــل البــارود @ |
اخوووي سحكل لا هنت يا القرم وعلى طاري القصيد واوزانه انا ما كملت الشهرين بكتابة الشعر يعني توي ببداية الطريق ...
الكلمة ما تخيب معي انتقي كلمات اشوف انها طيبه ..: لكن ما حاولت اني اوزن قصيده لاني اشوف ان اول رد لي يكفي من غير وزن ما احاول اوزنه لاني ما ادري كيف اوزن القيده اصلا .. واذا على المحاوره اشوف اني ما انفع فيها مع اني سريع البديهه لكن ما اقدر الحنها ... ولا هنت على كل كلمه قلتها ... واتمنى اني استفيد منكـ وما هو عيب ان الواحد يستفيد من اللي احسن منه .. تقبل تحيات اخوكـ نديم الشعر .. |
أخوي نديم الشعر حياااك الله..
.. وأبشر بالمساعدة, ولاتشيل هم مدام الرغبة موجودة صدقني راح توصل,, وكلنا نتعلم من بعض, ((وطلبك أبشر به)) لك من أخوك أحلى تحيه |
أشكرك اخوي سكحل على الموضوع
مرحبا باللي لفانا والجزايل ينتقيـــها شدني قافك وكلن واقفن من دون شـــــفه قالو البارود يبغى حرفتن ماقيل فيها جيت من ذيك الصحاري جيت يالبارود صدفه |
ياهلا بك أخوي
((s3looom)) وحياااك الله وحي ماجبت صح إلسانك . بس ترى اللعب على القاله اللي راحت أنهيناه. (( ليتك جبتها على طرق ثاني )) لاكن مهو بمشكلة خذ ردها.. ..
البقى من عقب ما فارت وراحت من غديها ..=.. للذي وده يروض هــاجسي ويفرح بعسفه ..الهـبوب اللي تسوق الخير فرحه نغتشيها ..=.. نرتجيها مثل مايرجي الهواوي وصل ولفه .. صح لسانك.. وودنا نغير لأن هالمحراف أخذ حقه |
ياسكحل البارود وراك منهي تونا ما أبتدينا
سلينا سيوف قافي نبارز ما تقدر تعسفه جيوشنا جحفل معارك وغبارها بقوه ارتدينا وإلا خايف جور مده لارد على شعرك ولفه |
أخوي(( أحبك موت))
حياااك الله معنا ..وحي ما جبت صح لسانك.. بس وأنا أخوك بيتينك فيها كسور وفيها أخطاء في المعنى وقافيتها تختلف عن قافيتنا .. مره ثانيه.. حياك الله وحي ماجبت بس أرجوا انك تراجع الملاحظات اللي حطيتها فالموضوع وأي مساعده انا حاضر لك أحلىىىى تحيه |
السلام عليكم
وكيف حالك اخوي سحكل البارود الحقيقه زي ما تفضلت الجميع استفاد على الرغم من وجود بعض الاخطاء تقبل تحيات اخوك مع تمنياتي بالتوفيق |
| الساعة الآن 04:47 AM. |