|
تسلط الأبناء الذكور على الإناث
تسلط الابنـاء الذكـور على الانــاث برضـى وتبريــك آبائهـم .. !!
ظــاهرة يجـب ان نقف عندهـا قليـلاً .. نعلــم أن الرجـال قوامـون على النسـاء .. ولكـــن .. ألتمسـت من تجـارب لأنـاس أعرفهــم من التســلط و الطغيـان اخوتــهم الذكور عليهــم بدون ســبب يذكر بــه من الظلـم والبهتــان لـ البنـت .. ويـأتي هذا التســـلط ايضـــاً على الزوجـــة بعد زواجها من ابـن من هذه النوعيـــه .. نحــن مع الرجــووله .. بعيــداً .. عن التسلـــط والظلم للفتـــــاه .. لابرهـــن كلامي سأعـرض بعض المواقـف الواقعيـــة : * فتـاة وصلــت لمرحلـة الثانويـة .. درســت .. تحمســت .. كلهــا نشـــاط كانـــت ترغــم بإنهاء هذه المرحلــه والدخووول للجامعــة وبتخـصص التي تتمنـــاه منذ طفولتهـا .. لكـــن .. ماذا حــدث .. ؟ عندما انتهـــت من الصف الثالث الثانوي (الثاني بالمملكة ) قــرر اخيهـا .. جلوسهــا .. وبرر موقفـــة بأن المدرســة تجلب العـــــار ..!! أي تخلــف هذا ..؟ !! تريـدون معرفة رأي والديهــا ..؟؟ استقبلــوا الخبر .. بصمـــت .. لمـــاذا ؟؟ لانــــــه رجل ويجـب على اخته ((الفتاه )) ان تستجيب له دون عصيــان ..ومثل ما نقــول بالعامي ( خلـه يتعلم على المرجلــه ) لكــن بربــكم هل هذه المرجلـــه ؟؟ * فتـــاة تخرجـــت من الكليـة مؤخـراً .. تقدم لهــا شابـاً .. كان شرطهــا على هذه الزيجــه .. وظيفتهــا .. قبل الزوج بـ الشرط .. وبعد الزواج وعند قبوولهـا بإحدى الوظائــف .. مـــانع الــزوج .. !!! بـــل ســاومهــا يا انـــا يا الوظيفـــة ..!!! عجبـــاً .. وكـــان الزوج ذو أخـــلاق سيئه .. فأختـــاره الوظيفـــة عليـــه .. بعد اســــــبووع وصلتهـــــا ورقـــــة طلاقهـــــا .. وهي لاتـزال في العشرين !!! كـــل هذا يرجـــع الى تسلط الرجل وعدم المبالاة بالمرأة .. ويعـووود ذلك لـ التربيــة الخاطئـة لذاك الرجل المستبـــد . * كـانت فرحة بـ قدوم بنات خالتهــا .. قرروا الاجتمــاع والذهاب لاحدى المرافق السياحية .. كانت فرصة لا تعوض لانهم وضعوا يوماً مقرراً لـ النســـاء .. استأذنــت والديهــا .. وافقـوا .. جلســـت تجهز .. لذلك اليـــووم .. وفي اليـــوم الموعــود وفي لحظه الذهاب وعند البــاب .. جاء الاخ من بعد تسليته مع اصحــابه .. اين ستذهبيــن ؟ حكــت له .. وكانوا الفتيات ينتظرنهـا في الســيارة .. قال لهـــا : ارجعــي للمنزل ( ما فيه روحه ) تكلمت وضحت ابي وامي موافقـــــون ؟ بكل تسلط لكني لســـت موافق !! ارجعـــي وإلا .. ورفع يده .. دخلـــــت .. بكـــت وبكــت .. الى ان جفــت الدمووع .. لمـــا لا ينولـد التفـــاهم وتبنــى الصداقة بيـن الاخ واختــه ؟؟ * تقــدم لاحدى الفتيــات .. صديق اخيهـا .. استخـــارة .. رفضـــت .. لكنهـــــــا تزوجـــته .. رغمـــاً عنهـا !! لانه صاحب اخيها .. ولا يريد ان ينحرج معــه بعدم الموافقة .. ما دور الوالـــدين .. ؟؟ الصمـ ـ ـ ـ ـت ويعللـــون ان الرجل لكـــي تعلمه مبــادئ الرجولة لا تغير كلمته امام اخوته البنــات حتى لو كـــــان خاطئ .. تبـــاً .. لـ تلك النظريـــة .. احبـــــتي .. المرأة في مجتمعاتنـــا العربيــة مظلــوومه .. ولو طبقنـــا المبـــادئ الاســـــلامية بــدلا من (( الجاهليـــة )) الموجودة حاليـــــاً لمـــا اصبح نســـائنا هذا حالهـــــن .. في النهايـــة .. ارحـــــب بأي إضافــه او تعليــق بصدر رحــب .. وعندي ســـــؤال قبل الختـــــام .. ما الحـــل برأيــكم لـ هذه الظاهــرة .. ؟؟ منقول أختكم ليــان المملوحه :Redface: :smile: :smile: :smile: |
كويس انك بينت لانقطة هدي اللي موجودة بكترة في مجتمعنا خصوصا
والله انا معاك في كل اللي قلتو سبب الشيء هدا عايد الى احساس الرجل بقوامتو على البنت وهدا اللي يولد تدخل الولد على قرارات البنت الحل يجي من الاباء زي ما قلت انهم يولدو التفاهم والتناقش مو التامر واستعراض العضلات على البنت المسكينة يلافي امان الله خلينا نشوفك صراحة موضوع اكتر من رائع بدون مجاملة |
ألف شكر على الرد على موضوعي
ويعطيك العافيه. . . |
اخت ليان رجائي الخاص انك تفهمين ردي زين من اوله الى اخرة
وتردي علي بكل صراحه مثل مارحبتي باي اضافه او رد على موضوعك سبق ووضحت ان الزمن اللي حنا فيه يخوف وان سبب ظلم المراءة هو الزمن واذا كان الرجل في نظرك هو الظالم فالزمن هو السبب انا لا اوافق على القصه التي كان فيها شرط الوظيفه قبل الزواج ولا على زواج البنت من صديق اخيه غصب لعدم احراجه من خويه (( اي اخ هذا )) كل هذا غلط في غلط وظلم للاخت قبل المراءة اوافق على التشديد احيانا على المراءة خوفا من العار لكن مو لدرجه الظلم او غير ذلك من الاشياء التي تحرم المراءة اشياء من حقوقها كالدراسه او الموافقه على شريك حياتهااااا او الوظيفه اذا اشترطت قبل الزواج ووافق الزوج لا والف لا انا بكل صراحه غير مقتنع ان المراءة تدرس او تتوظف او تحمل جوال وغيرها لاني شفت اللي ماينشاف في البنادا وغيره وسمعت اللي ماينسمع من الناس انا مؤمن ان البنت تبرز قدراتها في المطبخ وفي تربيه اطفالها وفي اهتمامها في زوجها ولا اؤمن بالخادمه خصوصا في تربيه اطفالي او في حاله وجود اكثر من بنت في البيت اعلم قد تقولين اني انسان معقد وغير متحضر والله يعين الزوجه اللي راح تاخذك صدقيني اختي انا انسان ((واعوذ بالله من كلمه انا )) محبوب وفاهم كثير كثير واشوف اشياء كثير مايشفونها ناس كثير واقصد بالشوف هنا التفكير تفكيري كيف ان ابنائي تربيهم امهم تربيه صح فاضيه لهم وماعندها الا بيتها وبس تعطيهم الحنان والاهتمام وتحافظ عليهم من الزمن الجاي وكيف تخليهم افضل الناس اخلاق وتعليم في هذه الحاله اعتبر زوجتي مو بس متعلمه بل عبقريه وفي قمه العطاء وبالفعل افتخر فيها زي ماهي راح تفتخر بابنها وهذا هو انجاز المراءه الحقيقي في نظري مو الوظيفه والجوال والتدريس انتظر ردك اختي بكل صراحه |
الســلام عليكــم ورحمــة الله وبركــاتــة ،،
الأخــت الفــاضــلة/ ليــان المملوحه ، أشكــركِ عــلى مــاسطــرتي لنــا من مشــاركــة رائــعة ،، وأتمــنى أن يــأخذ هــذا المــوضوع حقــه الكــافي من النقــاش الجِـدي.. أمــا عن تعليــقي علــى هــذا المــوضوع ، فــأعتقــد ان [ تسـلط الأخ على أختـه ] ، أنـتشــر وبشكـل وبــائــي فــي شــرايـيـن مــجتـمـعـنــا [ السعـودي، الخليجي ] العربي والإسـلامي ،، بصراحة ، لوحـظ فـي الآونـة الأخيـرة تزايـــد عــدد المشـاكل تحت -أسقــف- البيــوت ، والسـبــب كان تسلّــط الأخ عـلـى الأهــل والأخــوات بــشــكــل [خـــاص] ، قــد يــكــون الأخ محـبـاً للـتسلــط [ وحب التملك ] ولا يـحــب أن يـستـمع للنصيحـة من أحــد أو أن يُــردّ كلامــه ، وكــأنه كأســد متوسـّــد كرسـيّ [الرئاســـة] فـي المنـــزل. والأخــطر من ذلك ،، إن كــان شخــصــاً عــدوانيـاً يمتــلك شخـصيــة [ سيكوباتيـه ] قــد يـُظهر جــمّ غــضـبــه عــلى أضعــف الخلــق وأرقّــه [وهنّ أخواتــه] ،، وقـد سمعت الكثيــر عن هضـم حقــوق الأخــوات وتفضيــل الأخ بجميـع الأحوال عليهـنّ ، وربّــما هــذا السبـب الــذي ولّــد فـي عــقــول الأبنــاء أنّ الـفتيـات لا يـمـلـكـن حـق إتـخــاذ الـقــرار وحـق النقــاش فــي أي مــوضوع ، " وكـما ذكـرت القصـة في موضوع الأخت الكـريمـة [ليـان] " بــأن حتى وإن كان في اخـتيار شريــك حيـاتـهـا لا تمـلك القـرار بتــاتــاً ،، [ وهذا جهـل متوارث من زمـن الجاهليـّـــة ] .. ومـن نــاحيــةٍ أُخـرى ،، قــد يـكون الإبن ضعـيـف الشخصيـه [ جبان ] ولا يريد إظـهار ذلك أمـام الكــل ، بعد أن يستضعفوه الأهــل ، وكثيـراً يكون من الأصحـاب ،، فيــرجع للمنـزل وقــد استجمـع وجهه ملامح الغضـب والـكراهيــة ،، فمن ستكـون الضحيّــه ، بكـل تــأكيــد أضـعـف الخلــق [ أخواته ] ، ولعـلِ أذكــر بـأن ليـس مـن الرجــولــة أبــداً ، أن يضــرب الرجــل فتـاةً أضـعف منـه أوحتــى يـهينهــا [ دون ســبــب يـذكـر!! ] .. ونهــايــة ً ،، الجنــس [ النــاعم ] بشكــل عــام ، رقيقـات الـمشـاعر والأحــاسيــس ،، لا يمـكـنهـن أن يفاتحـن فـي أي مــوضوع كان أخّ لـهنّ ، عـموماً أن يظـل الأخوة في مكان والأخوات في مكان آخـر أأمـن مـن أن تتفـاقــم بيـنـهـم المشــاكــل وسوء الفــهم مما قد تـكبـر المسـألــة إلى حـد القـتل او [ الإنتــحار ] " والعيـاذ بالله " او ما شابـه ،، وعــلى الــوالديــن أن يتفــادوا مثــل هــذه الطـرق الخـاطئـة وان يكــون [الإنصــاف] والحكــم بيــدهم " مـادامـو على قيـد الحيــاة " والا يسلــبوا حق أحــد ســواء الأبــن او الإبنــة .. في الختـام لا يسعنـى ســوى تقـديم الشكــر لكــاتبــة المــوضوع - الأخت ليــان -. تحيــاتي لكــم.. أختــكم/ قلــم الــذكــرى ،، |
أولا اشكرك أختي قلم الذكرى
على رايك. . . وبالنسبه لاخوي الملقوف القصص اللي أنت ماصدقتها صارت سواء أقتنعت أم لم تقتنع! ! ! إذا أنت في نظرك أن المرأة ليس لها الحق لا في جوال ولا وظيفه ولا غيره لها حق في المطبخ وتربية الأبناء فقط! ! ! لا اخوي المرأة عطائها اكثر من الرجال فلماذا تدفن الموهبه التي أعطاها الله سبحانه وتعالى وبالنسبه ان الزمن هو اللي فرض الظلم على المرأة بسبب الخوف من العار أخوي التربيــــه تلعب دور كبييير وانت تقول شفت اللي ماينشاف أكرر واقول (( أصابع يدك مو مثل بعض )) مثل ماشفت بنات والعياذ بالله خربانات والوازع الديني ضعيف فيه بنات عكسهم تماما مثل ما أخذ ربي الدين من هذي حطه في وحدة ثانيه والبنت إذا أنت عطيتها الثقه هي قد الثقه (( من رحم الله طبعا )) ثقه مع إهتمام. . . وماله داعي نطبق المثل الخاطئ اللي هو (( الشين يعم والخير يخص )) لانه فيه ظلم للنساء الباقيات والعاقلات (( الظلم ظلمات يوم القيامه )) أتمنى أنك اقتنعت في كلامي. . . مع أن وجهة نظرك ما اظن أنك بتغيرها لكن حاول وتحياتي لك. . . أختك :Redface: ليــان المملوحه. . . :Redface: |
ليان المملوحه جاك ردي ,,,,,,,,,,,,,,,
صدقيني اختي مع احترامي لكي كلامك مو كلها صح اسمحي لي بتوضيح الاتي بمثال بسيط وقارني كلامي وكلامك كيف ام تذهب الى المدرسه الساعة 6 صباح وترجع الساعه 1,30 ظهرا تقريبا ثم تطبخ الغداء وتنام الساعه 3 حكم عصرا لانها مدوخه وتعبانه من المدرسه وتصحى المغرب وبعد المغرب تحضر درس بكرة او تكتب اسئله او تصحح اوراق الاختبارات او تصحيح دفاتر الواجبات ع العموم اختاري اللي يعجبك (( طبعا الجود من الموجود )) تخلص من عملها الساعه 8 ليلا اي بعد ساعتين تسوي العشاء وتعطي اولادها العشاء وبعدها تامر اولادها للنوم المبكر لكي يصحو مبكر الحين علميني الطفل اللي عمره سنه تقريبا مع من طول الوقت هذا (( خمس ايام من الاسبوع )) طبعا مع الخادمه او مع اللي مدري وش اسمهاااااا ليه هذا كله لان الاخت في الله (( الزوجه )) مو فاضيه عنده اختبارات وتحضيرات وغيرها لو كانت مو موظفه طبعاااااااااا لا والف لا راح يكون ماوراها الا بيتها وزوجها واولادها فقط شفتي الحين الفرق كيف تقدر تجمع المراءة عملها مع تربيه اولادها ؟؟؟ ولا تنسي شي مهم هو ان الزمن الجاي والله ثم والله ثم والله مايرحم واي عين تغفى دقايق راح تندم كثير ومدري يفيد الندم ولا مايفيد نصيحه تفرغو يا البنات المتزوجات كل التفرغ لاولادكم وانتبهو عليهم من الزمن الجاي وان شاء الله راح تذكري كلامي اذا الله عطانا عمررررررررررررررررررررررررر مع أن وجهة نظرك ما اظن أنك بتغيرها مع أن وجهة نظرك ما اظن أنك بتغيرها مع أن وجهة نظرك ما اظن أنك بتغيرها ووجهت نظري صحيح ماراح اغيرها تعرفي ليه الزمن الجاي راح يذكرك كلامي ملقووف المنتدى ماااجد |
أخوي الملقوف ماجد
أول شي السلام عليكم وثاني شي بسألك سؤال الحين المدرسات اللي كثر التراب في نظرك انهم ماتوفقوا في حياتهم الزوجيه أو أن عيالهم تربيتهم فيها غلط أو انهم غير صالحين اللي يسمع كلامك يقول فعلا وشلون المرأة تقدر توفق بين الشيين لكن انت شوف الواقع اخوي وارجع اقوول اصابعك مو مثل بعض الناس أجناااس وكل واحد وله طبعه وتربيته وأكيد الكل لازم ينتبه لعياله لكن مانقدر نجبرهم على شي لكن احنا راح نسوي اللي علينا وزيادة ونحاول قدر الامكان لكن هذا شي بيد رب العالمين الرسول ماقدر يهدي عمه وولد الشيخ بن باز كان مايصلي قدر يهديه ابوه وهو شيخ معروف في كل زمان ومكان؟؟! ! ! وبعدين احنا موضوعنا التسلط لاغير والله يهنيك ببنت الناس اللي بترضى بشروطك ولا تنسى ان احنا اخوان في هذا المنتدى وتحياتي لك. . . . |
اشكر
حلاوه الود على الموضووع الحساس لازم الكل يشارك لانه اجماعي اما بالنسبه البنت مصيرها تنخطب لكن مين صاحب الراي صحيح الكل راح يقول للبنت لكن هل البنت تعرف المتقدم حتى لو كان ابن عمها فالأخ هو الذي يحدد مين راح تاخذ اخته طبعااااااا بعيد عن المجاملات وعن الفلوووس وعن....... اما بالنسبه وظيفه المرأه يفضل ان تفرغ نفسها للبيت مو ان المراه لا تستحق او عدم الثقه او خساره وقتها في الدراسه لان الزوج لا يرد من المراه الصرفيه او عنادها او او او الرزوج يريد حنانها واهتمامها واخلاصها وغيرها لكن سيبقى الانثى جوهره الحياه ولكل رجل عظيم امراه واكرر شكري ونحن بانتظار مواضيعكم الجميله اخوووكم الملقووف مااازن :pipe: |
اشكر
حلاوه الود على الموضووع الحساس لازم الكل يشارك لانه جماعي وبدون تعصب واتمنى من الشباب عدم مضايقه البنات عدم احراجهم.. وواتمنى من البنات تقدير الراي ..وبدون تعصب لان الموضوع فيه اخذ وعطاء.... اما بالنسبه البنت مصيرها تنخطب لكن مين صاحب الراي صحيح الكل راح يقول للبنت لكن هل البنت تعرف المتقدم حتى لو كان ابن عمها فالأخ هو الذي يحدد مين راح تاخذ اخته طبعااااااا بعيد عن المجاملات وعن الفلوووس وعن هذا صديقي وهذا ابن عمي الافضل هو الانسب ....... اما بالنسبه وظيفه المرأه يفضل ان تفرغ نفسها للبيت مو ان المراه لا تستحق او عدم الثقه او خساره وقتها في الدراسه وصحيح ان الاصابع اليد مو سوا لكن الكثير من المتزوجات يواجهون مشاكل اثناء وظائفهم مع ازواجهم والسبب مو فاضيه تطبخ الغداء تبي تنام ولا موفاضيه تسولف مع الزوج لانشغالها في تحضير الدرس وليش كل هذا والزوج مايقصر معاها في ناحيه اغراض البيت ومصاريفها وما حاجه راتب الزوجه ..... مع العلم كثير من الازواج يرفضون اخذ ريال واحد من راتب الزوجه .. وياليت المواهب المرأه تخرج في المطبخ ومواهب الدراسه تعطيها لابنائها لانهم هم الاولى والثقه تعطيها لزوجها.. لان الزوج لا يريد من المرأه الصرفيه او عنادها او او او........... الزوج يريد حنانها واهتمامها واخلاصها وغيرها لكن سيبقى الانثى جوهره الحياه ولكل رجل عظيم وراء امراه اسف لاطاله الرد لان الموضوع حلوووو واكرر شكري لحلاوه الود ونحن بانتظار مواضيعكم الجميله اخوووكم الملقووف مااازن :pipe: |
ليان سؤال موجه لك :
وش دراك أن ولد الشيخ ابن باز رحمه الله لم يكن يصلي جالسه معهم انتي ومطلعه عليهم ...؟ لا تحطين بذمتك شي ما تدرين عنه نصيحه من أخ لأخته |
يعطيك العافيه اختي ليان
واسف كل الاسف ان كان خرجت عن الموضوع لكن حنا هنا ,,,,,,,,,,, للاستفاده واشكرك على ردودك على كل ردودي وصدقيني انا اعتبرك اخت وليس ند وادري ان كلنا اخوان ع العموم من جد تستاهلين كل الشكر ماقصرتي اختي اخوك ماااااااااااجد |
خلاص الملقووف مااجد
كل شي انتهى وتفاهموا بهدوء واكرر شكري لحلاوه الود ليان على المواضيع الجميله واتمنى لكم التوفيق ولكم اجمل تحياتي الملقووف مااازن :pipe: |
السـلام عليــكم ،،
عــودة ســريعـة مع المــوضوع ،، ولتسمـح لي كــاتبــتــهُ بتعقــيب بسيـط حــول مــادار من نقــاش .. بـالأول لابد ان نعي بـأن المـرأة جـزء من المجتمع وتساهم في إضافة المزيد لرقي وتقدم المجتمع في عدة مجالات طبية وفنية وتعليمية وغيرها ,. ، ولكن لأن المجتمع يغلفه الاختلافات الواسعة بشرائحه المتعدده منه المتعلم، ومنه الجاهل، ومنه الشاطح بفكره النير، ومنه الفكر المنحط أصبح لابد وأن نقنن الأمر في قضية عمل المرأة .. والمـرأة المعتـدلـة هــي التـي تـؤدي واجبـاتهـا قبــل كـل شـئ ،، فكــم من النســاء ولله الحمـد وفقــوا في حيــاتهم الزوجيــة ولم يكـن العمــل عائق في طــريقــهم ،، أي إذا أدت واجبهـا إتجـاه بيتهـا وزوجهــا على الوجه المطلـوب فلهـا الحق ان تعمـل وتفيـد وتستفيـد من عملهــا .. ونهـايـةً ، عمــل المـرأة لا يشكـل خطــر كبيــر اذا كــان الزوجين يسيرون على خطـى جيـدة ،، وكما ذكرت " اعلاه " في وقتنا الراهن أصبحـت المــرأة تشكــل جزء كبيـر من هــذا المجتمــع ،، فالعائق ليس في جلوسها او في عملها انما في مفهوم كيفية تـأديـة الواجبات. تحيـاتي لكم ،، أختكم/ قلــم الــذكــرى ،، |
أخوي التميمي
يحق لك السؤال عن هذي الناحيه لكن انا سمعت الخبر من مصدر موثوق ولا يعرف الكذب وتحياتي لك. . . |
عضو ماشالله عجبني
:)عـــزوووز آخر العنقووود:) |
اول شي تحية ل ليــان المملوحه ,, و تسلمين على الموضوع و ثاني شي بعد تحيه للملقوفين ماجد و مازن و اهنيهم على اللقب الحلو اللي وفقوا في اختياره :wink: وصحيح من حق الرجل ان يحرم المرأه من التعليم و التطور و الرقي و ينسى احاديث الرسول التي امرت بطلب العلم ( طلب العلم فريضه على كل مسلم و مسلمه) بس ياجماعه هو رجال <<< يجوزله يغير الكون لو يبي و ماعليه من حد :cool: من حقه بعد يحرمها من الوظيفة و الراتب و الاستقلال المادي و يخليها وراه تطلب القرش يحسب صرفيتها ولوازمها تتحدد بحسب رغباته <<< و مدوا ارجولكم ياحريم على حسب لحاف رجاجيلكم ,, بس وظيفة ,, راتب ,, توسعون على حالكم لا كيذا انتم منحرفات و انتبهوا هذي اولى خطوات الانحلال وتقليد الكافرات!!! لا تشيلين جوال كيذا انت بلغت من المعصية درجات ,, فتوبي و استغفري و ارجعي الى ربك الجوال للرجل بس <<< كيذا يقولون :Rolleyes: الجوال تختلف اهميته باختلاف الأشخاص,, ووجوده من عدمه مو مسأله كبيره في نظري بس اللي يلفت الانتباه طريقة رفض الرجل للجوال,,وبنظره الضيق كل من تملك هذا الجهاز فهي ......!!!! <<<دارية لو الحريم يستخدمونه زيكم فيما أحل الله فقط ماصارت المشاكل <<< ليت بس تشوفون حالكم,, و تعالجون وضعكم و بعدين التفتوا للمرأه ظلم الرجل للمرأه هذا شي موجود من سنين و بنين :biggrin: و بنظري الحل هنا يكون بيد المرأه ,, افضل شي للرجل انه ماينعطى وجه و يتعلم كيف يوقف عند حدوده و كيف يفكر الف مره قبل مايتعداها ,, بس لوشاف قدامه مرأه ضعيفه مكسورة الجناح فبيعتقد أن ماعلى راسه راس <<< وبيشرب حليب السعوديه و يستقوي ,, و ياأرض انهدي ماعليك قدي :biggrin: لوفيه تفاهم و موده ماراح يكون فيه ظلم و استبداد و حرب بين الطرفين ,, لكن فرض الرأي و السيطره بيولد المشاكل و هذي همجية و تخلف يقع فيها الرجال :smile: |
مشكوووره اختي ندى على رايك
لكن هناك رجال مازالت نظرتهم للمرأة محدودة مدري الى متى؟؟؟ وتحياتي لك. . . |
ليان
مهما كتبتي تذكري نحن نتابع كل كلماتك وكل مواضيعك الروعه ولا يهمك احد اكتبي بكل ثقه ونتمنى لكم التوفيق الملقووووف مااازن :pipe: |
مشكووووووووووور أخوي الملقوف
ولك مني أحلى تحيه يعطيك العافيه. . . |
| الساعة الآن 05:27 AM. |