|
حدكم عاد .. إلا شباب وبنات السعودية
حدكم عاد .. إلا شباب وبنات السعودية
مساء الخير جميعا .. انشالله الكل بخير <<أقول خلصينا أحسن لك ماأبغى أطول عليكم .. الموضوع خلقه طويل وماله داعي المقدمات المهم .. الموضوع ومافيه إني صارلي فتره طويله أتابع منتدى سعة الصدر بدون ماأسجل .. وبعد كثرة قرآءاتي لمواضيعكم المنسمه والمصرقعه بجد استنتجت شي خطير <<لا ياشيخه؟ وهالشي هو اللي خلاني أسجل في منتداكم بس علشان أكتب هالموضوع وبعدها مدري أستمرولا لاء <<لاتكفين ميتين عليكي احنا على فكره ترا الموضوع لامقلع ولامنسم يعني لاتتفائلون كثير بس مهم جداً ويهم كل شاب وبنت سعوديين وياليت تقرونه كلكم <<ياكثر كلامك ماتعرفين تختصرين؟ المهم الاكتشاف الخطير اللي أنا داخله اكتب عنه هو كالتالي<<متعوب عليها كالتالي شباب وبنات السعوديه عندهم عقدة نقص أو احتقار للذات .. مدري بالضبط بس بصراحه اللي لاحظته إنه أغلب المواضيع اللي في هالمنتدى وغيره من المنتديات تتكلم في سب السعوديين لأنفسهم .. أدري مافهمتم بس أبفهمكم بالغصب <<حلوه ذي!!! يعني بصراحه كم مره قريتوا هالموضوع أومواضيع شبيهه له (مواصفات الشاب السعودي والشابه السعوديه ) الشاب السعودي:ـ كرشته كبيره .. قصير أو طويل وعصقول .. ماتعرفين وجهه من مقفاه البنت السعودية:ـ ريحتها خايسه .. وجهها كله خشم .. ركبها سود << الأخيره ذي بالذات إذا أحد قالها أحس ودي اتوطى فبطنه .. عيوني تطلع وتصير حمر واللي حولي على طول يطلبون المطافي .. وش ركبها سود ورجوله متشققه؟؟ خير؟؟ ضبان؟؟ <<ياناس الدنيا تغيرت إلى متى واحنا مغمضين عيوننا؟؟ يعني بالله يالبنات بتفهموني إنه هذا رايكم بشباب السعوديه؟؟ <<صفقوني إذا هذا رايكم من قلب ولا عاد انتم يالشباب هذا رايكم فينا؟؟ <<اقص ايدي إذا صدق ادري انكم بتضحكون على كلامي بتقولون وش جابها ذي لمنتدانا .. لاتخافون هو هالموضوع وبس ماراح اكتب غيره <<بصراحه بيخلص اشتراكي ههههههههه لاجد والله خلوني أبدا بالبنات .. وبماإني بالجامعه <<اكشخ .. أقولكم بصريح العباره والله شي يقهر .. البنات شي خيال هناك .. قسم بالله إني أشوف أجسام وعيون و ... <<أو خليني ساكته أحسن تدرون ليش شي يقهر؟؟ لأن بناتنا ملكات جمال والله بعضهم مع إني بنت أدوخ إذا شفتها .. دلع وأنوثه وجسم وكشخه و....آه وبالأخير بكل بساطه ينزل موضوع بالمنتدى (مواصفات البنت السعوديه) شفتوا القهر؟ يمكن قبل كم سنه الواحد معذور إذا طارت عيونه قدام اللبنانيات اللي بالتلفزيون .. لأنه من جد ماكان فيه اهتمام .. ماكان فيه إلا كم بنت وهبهم ربي جمال فوق الخيال غطّا على اهمالهم لانفسهم وقراوتهم .. بس الحين استغرب إذا رحت لعزيمه كبيره أو زواج .. قسم بالله إني احيانا احسب نفسي دخلت بالغلط مكان تصوير فيديو كليب لراشد الماجد .. الواحد يحتار يناظر في هذي ولا في اللي جنبها .. كل وحده تقول للثانيه ابعدي أنا أدلع وأحلى منك وتدرون وش يقهرني أكثر شي؟ إذا قالوا جسم البنت السعوديه مهوب زين وفيه ومافيه .. ياهوه اصحوا وين عايشين انتم؟ .. احلف لكم بالعظيم اللي رفع السماوات إن اللي أجسامهم شينه بالجامعه مايتعدون 20 أو 30 وحده والباقي آه بس آه وش أقول وش أخلي؟ ودي بشي واحد <<أخاف اقوله وتقولون انهبلت ذي تعدت حدودها .. لاجد والله ودي يوم يدخل كم شاب (من اللي ماخذين فكره غلط وبقوه عن السعوديات) ودي يدخلون وهم متغطين لحفله أو زواج أو حتى لجامعة البنات ويشوفون أشكال السعوديات اللي ماملوا عينهم ابصم لكم بالعشره انهم لو طولوا أكثر من نص ساعه احتمال يجيهم انهيار عصبي وحاله هستيريه من الدلع والغنج والجمال اللي بيشوفونه <<خاصة لو مرت من عندهم كم وحده من اللي بلايزهم ضيقه واحزمتهم طايحه بنعومه على خصورهم الرهيبه وبيعيشون طول عمرهم يأنبهم ضميرهم لأنهم ظلمونا بكلامهم .. لحظه لحظه ...... مايحتاج تتعبون انفسكم وتتخيلون الشباب متغطين وداخلين .. يكفي بس تجاوبون على سؤالي (طبعا الشباب فقط) بصراحه .. كم وحده مرت من عندك بالسوق أو بالملاهي وتمنيت تشق ثيابك من جمال عيونها والدلع في مشيتها؟ لاتقولون لي ماخلت شي ماحطته فوجهها وهي لابسه عدسات ومركبه رموش صناعيه وشعرها صبغه .. طيب وش فيها؟؟ يعني ماتدرون إن اللي مجننات فيكم بالدش نفس الشي؟<< اسمحولي بطلع عن الموضوع شوي .. تدرون إن اللبنانيات مستحيل يستغنون عن الرموش الصناعيه؟ والدليل إنه نانسي عجرم في أغنيتها ياسلام لما تمسح مكياجها وتشيل رموشها تراها لابسه رموش ثانيه تحتها تدرون ولا لاء؟<<من جد مقهوره لاننا مخدوعين نرجع لموضوعنا .. ايش معنا احنا تقولون إننا لو طلعنا حلوات فهو لأننا كبكبنا من هالمكياج ولبسنا عدسات وصبغنا الشعر .. أمّا هم تقولون حلوات وتطير عيونكم وبس .. أصلا لو مااهتمينا وحطينا وغيرنا وعدلنا كان قلتوا السعوديه ماتهتم السعوديه شيفه السعوديه فيها ومافيها على الأقل هم مستحيل يعيشون بدون عمليات تجميل للأنف ونفخ الشفايف والــــ ....<<لا خلاص ماراح أقول ههههههههههههه هذا بالنسبه للكلام عن البنات .. ابنتقل للكلام عن الشباب السعوديين << ولو إني لسّا ما بردت كبدي وطلعت اللي فقلبي ولاوفيت البنات اللي عندنا حقهم << هيه هدي أعصابك ============================= بالنسبه للشباب السعوديين .. آه بس آه وش أقول وش أخلي .. اسمع انهم شيون وانهم ثقيلين دم وانهم وانهم وانهم .. وتوصلني مسجات بالجوال كلها سب وتريقه فيهم وإذا رحت للمجمعات أو الأماكن العامه أشوف هوايل وتطير عيوني <<< جيبولها مناديل ترى خنقتها العبره .. أدوّر هالشيون اللي يقولون .. والله العظيم ماأشوف إلا هالطخوم والمماليح اللي قسم بالله واقولكم اياها بصراحه إني اخق وبقوه لاشفتهم .. أحيانا مقدر أشيل عيوني (يارب اغفرلي) .. وحتى لو صار واحد فيهم مهوب ذاك الزين مع ذلك يجيك كاشخ على سنقة عشره وراز عمره ويتكلم ويمشي بثقه ومهتم بجسمه ونفسه << يعني بالله وش تبوني أسوي عند كل هالرزه والله لو إنه أشين خلق الله إني لأخق عند هالشخصيه .. قسم بالله شي يقهر ويرفع الضغط ويخلي الدم يغلي ويحرق الأعصاب <<<< طرطعت البنت الحقوها وشلون تقولون شباب السعوديه شينين وقراوى؟ <<ياحلاة من جابلي اللي قال الكلام هذا علشان اتوطى فبطنه واوريه شغل الله واهم شي البّسه نظارات علشان يفتح عيونه ويشوف زين أحلى شباب في الكره الأرضيه << تحملناك شوي لا تكبرين النصبه عاد ههههههههههه المشكله تدرون من اللي يقول هالكلام؟؟ الشباب السعوديين انفسهم .. ليش مستحقرين أعماركم؟ حسوا بقيمتكم عاد .. ولو ماقالوه الشباب بيقولونه البنات .. تدرون ليه؟ لأنهم (طبعا البنات) مايبغون الشباب يشوفون حالهم عليهم .. يعني بالعقل تتوقعون البنات بيقولون رايهم فيكم بصراحه وانكم اكشخ وأوسم <<مأخوذه من الوسامه لاتدققون .. وأحلى شباب في الدنيا وانتم في نفس الوقت قاعدين تسبون فيهم وتنعتونعم بالقرويات؟؟ << تعبت وأنا اتهجا تنعتونهم ياناس راح عصر القراوى بس على الأقل انتم يالشباب احتمال تنعذرون لأنكم ماتشوفون البنات السعوديات << أكيد ما يشوفونا ولا بعد تبغينا نمشي كاشفات؟؟ << أقول والله من النصب مايشوفونا ياما شفت شباب يطلطلون على الحريم وهم خاقيييين خاصه لو كان الزواج باستراحه يكون الموضوع بالمررره سهل نرجع لموضوعنا .. يعني الشباب احتمال ينعذرون .. أمّا احنا يالبنات أبدا مالنا عذر لأننا نشوف هالأشكال اللي تفتح النفس بالأسواق والأماكن العامه والرزه والحركات والوسامه والأجسام وبالأخير وبكل بساطه نقول: الشاب السعودي ماتعرف وجهه من مقفاه والشاب السعودي يدف كرشته بعربيه قدامه بس مثل ماقلت صعب نمدحكم فيما انتم تسبونا وماعرفتونا صح =================================== الزبده من هالكلام كله <<<وأخيرا؟؟ تعبنا واحنا نخض وتوها تطلع الزبده ؟؟ الزبده : اتمنى ان كل السعوديين والسعوديات يفتخرون بأنفسهم لأنه بصراحه احنا احق بشوفة النفس من غيرنا وأبغى من كل شخص جالس يقرا سواءً بنت ولا شاب إنه يبوس يده وجه وقفا << قدامي يالله اشوف بسرعه ولاترى بالعجره << مابقى إلا انتي تستعملينها يالخكريه يبوس يده ويحمد ربه ويشكره لأنه على قولة المثل مالك إلا خشمك لو هو أعوج) << المشكله يهبل مهوب أعوج ومع ذلك مايبونه ==================================== طلب أخير << عطيناك وجه أقول تقلعي ياليت كل من دخل موضوعي يرد حتى لوكان رده ماصل أوفيه انتقاد جارح لكلامي <<بصراحه متوقعه انتقادات قويه يعني ماراح انصدم جد والله ياليت كلكم تردون لأنه يهمني أعرف انتم معي بهالكلام ولا لاء؟ منقوووووووول |
يكفينـــــــــــــــــــــــــــــــــــــــــي
يكفينــــــــــــــــــــــــــــــــــــــــــي اني بنت بلد علمها مكتوب عليه.... (لااله الا اللــــه محمـــــــــــــــــــد رسول اللـــــــــــــــه) والشي الي بيخليني افتخـــــــــــــــر... اقسم بالله لا جمال ولا جاه ولا عز ولا....... اي شي سواء اكرام الله لنا في البلد ذي بنعمــــــــــــة الاسلام وتحكيم شرع الله.... وارفع ارفع راسك انت سعوووووووووووودي طيبك جاوز كل حدووووووووودي غيرك ينقص.............. وانت وانت تزوووووووووووودي تحياتي اختي ومشكوره على الموضوع الي بسراحه مع احترامي لك... فيه كلمات المفروض انها ماتذكــــــــــــر... اقصد من ناحية الوصف ..... |
الحين شلون اسمك عبدالله وبنيه *6
المهم البنات مالي فيهم اهم شي الشباب خخخخخخخخخخ *3 ياخي من قال شبابنا شيون ها شحلاتهم شزينهم اقتباس:
ماشوف الا هالزيون الي يطيرون العقل تصدقون اني او وحده اركب الباص علشان اطالع اكبر قدر منهم << لاتدققون خخخخخخخخخخخخخ يازين السعوديه وشبابها بس سلمت يمناك على هالموضوع |
ارفع راسك انت سعودي...
صح لسانك عبدالله وكثر الله من امثالك .. يكفيني اني بنت بلدك.. |
|
مشكووووووووووووور
السعودية السعودية السعودية السعودية السعودية السعودية نريمان |
الف شكر لك اختي عذوب على المرور واعتقد ان الموضوع مافية وصف داخلي او وصف مبااااشر وشكرا لكي
|
شكرا على مرورك اختي رفيقة الهم وبالنسبة للموضوع انا ناقلة وكاتب في الاخير منقول يعني انا ماني بنت
|
لاااموووو معقوووووووووولة الكاتبة الكبيرة الرقيقة دلوعة الود تناهيد مرة على المووضع الف شكر على هذا التواضع
|
الف شكر لك اخي فهدالدوسري والف شكر لك نريمان
|
صح لسانك
|
انت عبدالله ولا بنت عبدالله
على قولة الدوسري طنش تعش تنتعش ........... وهذي الهتافات والكلام مهي صادره إلا من ناس منحطين نفسيا وشايفين أنفسهم شينين( ناقصين) يعني لا تبالي يحصلهم واذا عن الجمال نحنا اصل العرب يعني جمال اصيل ام شباب حدث ولا حرج مماليح ومزاين بس الحلو مايكملش يجيك جسم وطول وسامه والعقل نتفه طبعاا ما اعم بس )))))وش تبي فيه يعني هذي احد الملاحظات مهب الكل الغالب كشخه وذوق وحركات وزكرت ******وتفكيره سطحي والمشكله ابي الاثنين معن بس كيف تجي بس عمومااا في الزين وفي الشين في جميع الدول اما الي يتريقون علينا الله يهديهم ويكبر عقولهم هذا دليل انهم سخيفين وتفكيرهم اسخف ويعطيك العافيه على مجهودك واهد اعصابك العصاب يتبع الاكتئاب رووووووووووووووووووق ياحلووووو كفايه انك سعودي يكفي مثل ماقالت الاخت عذوب مدري الاخ وصح لسانك |
شكرا على مرورك اخي ااهات الليل
واقولك الموضوع من وحدة ومكتوب في اخرة منقووول ا تمنى تراجع الموضوع |
لا فض فوكي عذوب وتسلمين على هالكلام الطيب
وتحياتي للجميع كامل الزين |
ياعيال الموضوع كاتب الاخ عبدالله منقول :D
انا قاريه في ممنتدى الاقلاع صح ابو عابد ولا شفته بمنتدى ثاني ؟ المهم مثل ماتفضل الاخ الدوسري الل يقولون انهم شيون هم ماهم واثقين من انفسهم ويبون راي البنات فيهم ! والبنت مدام انه ماهوب واثق من نفسه ويقول انا شين لو تشوفه وحتى لو كان شيخ المزايين ماراح تقتنع لانه هو حقر (شده فوق القاف ) من البدايه :) اشكرك اخوي عبدالله على النقل ولا حد يقوله انتي بنت ولا بنت عبدالله مثل اللي تميصلو فوق :D فمان الله ياقميل..! |
وش دعوى عبدالله انت تستاهل وربي..
|
شكرا لك اخي كامل الزين
الف شكر لك اخي تووويكس مايع على المرور بصراحة مرورك اعتربة وسام لي واطلب منك تكتب لنا موضوع حلو هالمواضيع بالسلوبك الجذاب وشكرا |
ختي تنـــــــــاهيد تدرين ايش امنيتي
امنيتي اشوفك مشرفة اد الدنيا |
عبدالله الله يسمع منك..
تدري انا مشرفه في منتدى غير هذا لكن امنتي انا ان اكون في هذا المنتدى الرائع.. اشكرك على شعورك النبيل عبدالله الله يكثر من امثالك عزيزي.. |
شكرا اختي عبدالله خخخخخخخخخخخخخخخ
|
شكرا على مرورك اختي عبدالسلام *_^
على قولتك والموضوع منقول (الظاهر تبغون لكم كورس في قراءة المواضيع) |
أقول أحس الموضوع ماله داعي الحمد لله واثقين في أنفسنا سواء شباب أو فتيات أما من ناحية الجمال الله اللي يقسمه وبعدين السعوديه وأهلها دار عز وفخر وما يهمها أي كلام وخذ مني المثل هذا احس إنه ينطبق على الحاله هذي .< لو أن كل كلب عوا ألقمته حجراً لصار كل حجر بدينار >....................... أخوكم مرجان
|
شكرا اخي مرجان على المرور
ووجهت نظر لها احترامها وشكرا لك |
لا تزعل لكل وجهة نظرسواء همك رأيي أولا وبعدين لا تكون جاف ترى المجامله حلوه ................... أخوك مرجان
|
كلامك فيه الكثير من الصحه
1 مرفق
السلام عليكم ورحمة الله وبركاته اختي..ان ماذكرتيه صحيح وليس عليه اي غبار..ولكن الغلط يكمن في ان الغرب يحاولون دائما اشعارنا بأننا الاضعف في كل شيء حتى في اتفه الامور وشبابنا للاسف يسعى لهم ويصدقهم دون ان يشعرون فكلامهم كالسحر واساليبهم الخفيه كالحيه الرقطاء تعمل في صمت الجمال موجود عندنا وعلى العى المستويات ولكن الانبهار بالتطور والحضاره الغير موجوده لدينا جعل الكثيرين يعتقدون ان لا وجود لمثل الامور هنا..واخيرا اشكرك على جرأتك ووضوحك وبساطة اسلوبك..واطرقتك الهزليه الطريفه في طرح الموضوع فربما لو طرح بشكل اخر للقي هجوم اكثر من الرد الايجابي..تقدمي ..واتمنى ان تكتبي هنا باستمرار... |
مشكور أخوي عبد الله ويعطيك العافيه وأحب أقولك إن المثل اللي في توقيعك أثر فيَ بقوه يا ليته أنقالي من زمان من جد كنت في حاجته أخوك مرجان
|
الف شكر اخوي مرجان على احساسك وانا ماحطيته الا لنفس السبب
|
شكرا لك على كل حرف سطرتيه
اختي باحثه عن الامل اسلوب قمة في الروعة واعتقد لكي مستقبل وااعد |
هلا وغلا الله ...
1 مرفق
هلا بأخون
الصراحة معك حق بس ليش هالتعصيب الزايدأنا معك في كل كلمة قلته ... ولك أجمل التحايامن : شمس الحب ... |
ياهلا بك شمس الحب
المسالئه مو مسالة تعصب لكن هذه الكاتبه حست بالفعل ان بعضهم يستهزء او يحتقر نفسه فالعزه للانسان مطلوبه |
| الساعة الآن 05:14 AM. |