|
والله اني ذكي...واللي مو مصدق يدخل...؟
ها1111111111111ي هلا والله بالشله الطيبه وش أخباركم كويسين أكيد طيب الحمد لله المهم انا عارف اني غثيتكم بذا الهبقات اللي مالها داعي بس الله يعينكم .0.0.0.0 .0.0.0.0 المهم الموضوع وما فيه: أنا رجال كنت تاكي في الصاله وفـــــاضي بجميع ماتحمل من معانيها ادور احد أتفلسف عليه ولا اشوف هذا أخوي فيصل توه راجع من المدرسه ومقفله معه جاني قال تكفى يا أبوها..؟ لك ولا للذيب؟ قلت يخسى الارنب.. وش بغيت قال انا رجال توني طالع على الدنيا ولا اعرف شي وأخوياي في المدرسه يطقطقون علي يجيبون لي كلمات غريـبه والله ما ادري هي مدح ولا سب قلت له لا تخاف اكيد سب قال طيب علمني وش معانيها..؟ انت رجال اخذت حقك وحق غيرك من الدنيا.. وعارف البير وغطاها عطنا من ما عطاك الله قلت ابشر بسعدك ياسنايدي.. ...0.000 قال: اول شي وشو سنايدي قلت له سنايدي هذا الرجال اللي على الدين اللي مفصول عنده الريوس كلش عنده قدام ووقت الفزعات يبيض وجهك قال يعني انا كويس قلت له لا والله ما انت والكويس بس اسمع وانا اخوك سجل ذا المصطلحات ولا تنساها ..... بديت عاد بالفلسفه عليه انشاء الله تستفيدون انتم منها بعد: 1. الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله. والنوع هذا كثير في المجتمع.. 2. المنسم : ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم . 3. المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ... والمهوي أقل شيوعا من المنسم.. 4. الشخر المخر أو أبو مشخر ! : من نفس فصيلة المنسم ! 5. السلنتح : قليل الأدب .. ومفردها سلتوح.. وياكثرهم عند البقالات متكين في القوايل... 6. جحلط ( بتشديد اللام ) : وهم مرحلة متقدمة للسلنتح والجحلط ابغظ شئ تراه عيني....أخس يالمثقف.. 7. مزّلب : يعني بايعها بتراب ! وهو تقريبا بالفصحى المطنش.. 8. مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة .. ما يدري وش الطبخه من جد.. 9. الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له .. يعني على الريحه.. 10. المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ... والايام هذي تلقاه عمره20 ويدور في الشوارع على سيكل.. 11. الفاهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه هه ... يعني احر ماعندك ابرد ما عنده...اوووو ياكثرهم ... 12. الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!.... والحقنه تقريبا هو النشبه.. يعني زي اللي تحصلهم يبيعون مناديل عند الاشارات يخليك تشتري غصب.. 13. العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه...... 14. العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري... والعرابجه امن يريد ان يراهم على الطبيعه انصحه بزياره لحي النسيم او النظيم.. وحي الدخل والبديعه والشفا يوجد به نوعيات متقدمه من العرابجه.. 15. الكحلي : يطلق مسمى الكحلي على ذوي البشرة السمراء و لأن ذوي البشرة البيضاء مساكين ما عندهم لقب احتجوا عند الأمم المتحدة مطالبين باللون الفضي .... يوجد الكثير منهم في حي منفوحه.. 16. المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة . وبعض المراجيج اصيبو بهذا المرض نتيجة دعائي عليهم..الله يرجك.. 17. المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!..... 18. السربوت : هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء. 19. السمرمدي : وهو من نفس فصيلة السربوت. ولكن تقدر تقول السمرمدي هو سربوت اس اثنين.. 20. الداشر : هذا قليل الأدب و لا يحب يماشي إلا السرابيت . و إذا قيل فلان دشر فلان أي خرب أخلاقه لكن في الأردن الشقيق كلمه دشره تعني أتركه.. 21. الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك . وانا انصحكم بالحذر عند التعامل مع الملكعين لانهم والله فاهمين الطبخه كلها ولا يهمك اذا سوى فيها مسكين وغلبان.. 22. زعّيط : مسوي نفسه يفهم في كل شيء وهو من جنب العارضة. يعني هذا النوع على باله انه هو الفاهم وما تمر كلمه الا يحللها وهو والله ما يدري وين ربي حاطه.. 23. المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ... والمصرقعين انصح بمعاشرتهم لانهم يوسعون الصدر واي شي تبيه وانت معهم يجيبونه لك ولا يهمهم اطلق شنب.. 24. المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش.... ولا انسى انه يحب الغدر والخيانه ويعشقهما.. ولا يستطيع ان يسيطر على رغباته.. 25. الخكري : ببساطة الخكري = نعومة + دلع + ليونة والله لايبلانا... والخكري كان شي نادر لاكنه الان اصبح برستيج عند اغلب الناس والخكاريه يتمتعون ببعض صفات الرجوله والكثير من صفات الانــــــوثه.. 26. اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه. ومع انه لزقه ونشبه وغثيث الا انه من النوع اللي يدق ويسكر والله ياكبر شرهته.. موب عاقل خويتي يدق ويسكر.. والله شين وقوي عين.. المهم ان اخوي سوى فيها ذيب يوم راح المدرسه وسوى انه هو اللي فاهم الدنيا والظاهر انهم ذبوا عليه كل ذا الكلمات والولد راح فيها يقول ليتك ما علمتـني المعاني جانا البيت وهو مسبوه ومفهي دايخ من كثر الذبات الي جته مسيكين الله يعينه طاح في ايديني... المهم انشاء الله تكونون استفدتوا من المعاني مع انه جاني شد عضلي من الكتابه ............ ملاحظه: لا يجيني احد يسوي فيها ذيب بعض المصطلحات ملطوشه.. وشكرا.... تحياتي.. أخوكم : أبوهــ أبوالهبقات ــا..؟ والرزق على الله..؟ المرشد الطلابي في المنتدى.. نظرا لكثرة الاسأله الوارده عن معنى الهبقات الهبقات كلمه عربيه مفردها هبقه والهبقه كلمه عربيه جمعها هبقات والهبقات هي الطلعات اللي ما لها داعي أو النقزات.. اللي يبي يسنجر لا يرده الا الكي بود ah007007@hotmail.com |
مرحبا يا ابوهـــا سجل هذي بعد: 27- ملحس ( مع تشديد اللام) ...اللي ضايع في الطوشه( حتى هذي تبي تفسير) ملخوم مايدري وش اللي حاصل حوله . |
مشكوووور على الرد
الله يعطيك العافيه.. |
هه
هههههه ههههههههه ههههههههههههه 11 الزوار والردود 1 والله انكم قليلين خاتمه هههههههه يالله تعيش وتاكل غيرها.. |
اس اس السلاموا عليكوا
هلا اخوي ابوها ابو الهبقات ( الى الآن مافهمت معناها ) انا بصراحة مخلوط من : الدلخه وصتيمة على قولتك ومطفوقه ومرجوجه ومصرقعة فا اهلي شافوا هالصفات فيني المتنوعة طلعوا لي لقب جديد وهو *** ام الدواهي *** هههههههه حلو اللقب صح ومشكوووووووووور اخوي ابوها على المشاركة الحلوه تحياتي لك : *نوارة* |
.............
مشالله عليك
دكشنري "قاموس" كلمات مسويه فيها فلسفه ومنكم نستفيد يعطيك العافيه تحياااااااااتي |
[c]
مراحب ابوهاااااااااا مشكور على الهبقه الرهيبه والله لايحرمنا من هبقاتك بصراحه شي لك ولا لذيب يخسى الارنب>>>>>>>هههههههههه ********* . الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له .. يعني على الريحه.. ******** تحيـــ نوااااااالوه الملقوفه ـــــــــاتي [/c] |
هه
هههه ههه أي قاموس انا بالياله افهم كلامكم الحين ههه ههههه مشكوووووووره نواره على المشاركه مشكوووووره نوفو على الرد ومشكووووره على التواصل.. |
يويويويويو
مشكوووووووره نوااااااال رحم الله شخص عرف قدر نفسه زين انك عارفه انك ملقوفه... مشكووووووووووره نوال على المشاركه وعلى التواصل... تحياتي....0..0.؟ |
الله يالدنيا
قبل اسبوع جورج بوش مسير علي بالبيت واللي في المنتدى كلهم يتمصلحون معي هههه واليوم اكتب موضوع ما احد يرد عليه والله انكم قليلين خاتمه... |
مرحبا ابوها
السالفه قويه محد مصدق لو تحلف...... |
طلعلك معجم
الاعلان علي لاتاخذ هم معجم ابوها بريالين فقط ولا بلاش الصراحه اول موضوع استفيد منه اختك الصغيره هيف |
هههه
ههههههه هههههههه اول شي اخوي العضو الي اسمك يالانجليزي تراني ما اعرف اقرا انجليزي يعني اعذرني لا والله ما راح احلف ولا شي واللي في المنتدى كلهم يعرفون السالفه يوم جاني جورج في البيت وعلى العموم مشكوووور على الرد.. مشكوووووووور هيف على المشاركه تحيا111111تي.. |
الله الله كل يوم اجي ادور ذا الموضوع
القاهم ناطلينه في الصفحه الخامسه والله مشكله من جد؟ .0.0.0.0. |
يعطيكم العافيه
على المشاركات.. |
مرحبا ابوها
فسر لو سمحت: بعير شمال تحياتي |
عسى ما شر يالحبيب
شايفني قاموس خخخخخ لكنت ولا يهمك افسرها لك بعير شل اول حرف وحط بداله حرف الشين (ش) يصير شعير والشعير من انواع الحبوب التي تزرع في شرق اسيا والشعير تاكله البعارين التي مفردها بعير والبعير هو الجمل وانثى الجمل تسمى ناقه والجمال منها المجاهيم والمغاتير.. وشمال هذه احد الجهات والشمال هو الساوث بالنجليزي تحياT |
عز الله اني مافهمت الا الخكري والمصرقع اما الباقي كاني *1
زي مايقولوا>>>>>>>>>>>اطرش في الزفه اصلا بيبغالي مترجم يشرحلي كلمات غريبه وفريده من نوعها وايضا عجيبه>>>>>>>شكلي تاثرت بمعلمة اللغه العربيه ابله......... يسلمووووو على المشاركه الحلوووووه مجنونه بس تجنن |
مشكووووره
مجنونه ويعطيك العافيه على المرو والمشاركه تحياااااتي.. |
مشكور على الموضوع الله يعطيك الف عافيه
|
بعدي والله
عليك بالقوه هاه لا والله نعما التربيه اشوا اني ماني بنت عندك... اقو ل الله يعين عيالك تحياتي |
مشكوووور
العاشق على المشاركه ويعطيك العافيه مشكوووره عربجيه على المشاركه وعلى التواصل معي OOOOOOO ooooo ooo oo o OOOOOOOOOOOOOOOOO OOOOO ooo .. |
ما حد قال لك انك فاضي
والله طاح فكي وانا اقرا الكلمات هذي كانها صعبه تنحفظ يالله الله يكون في عون الجميع تحياتي \ الاميره النائمه |
ooooo
ooooooooooooo ooooooooooooooooooo OOOOOOOOOOOOOOOOOOOO OOOOOOOOOOOOOOooooooooooooooooooo oooooooooooooooooooOOOOOOOOOOOOOO OOOOOOOOOOOOOOO Oooooooooooooooooo ooO OOOOOOOOOOOooooooooooooo ooooooOOOOOOOooooooooooooo مشكور ه الاميره النائمه على المشاركه ويعطيك العافيه بس ما شاء الله عليك من متى نايمه.. |
| الساعة الآن 12:19 AM. |