|
كشتـــــــه في البـــــــــر
كشته في البر
انا اول مره اكتب موضوع واتمنى من الكل يشارك...وانا من اشد المعجبات "منتدى الود" واعضاءه.. واتمنى اني اكون خفيفه عليكم اولاً: وش أخباركم إنشاء الله بخير تر ى أن كنتوا بخير أن راح أكون بخير وان كنتوا مبسوطين أن راح أكون مبسوط وان <<< خلاص أزعجتينا المهم نوصل للموضوع أنا جالسه اكتب لكم هالموضوع وأنا منسدحه في حوشنا<<< الفراغ يسوي اكثر أنا مشتهيه اطلع البر وأنا في بيتنا <<< وين تنصرف هذي في أي بنك نرجع لمحور حديثنا<<< اخس عليك منتي عاقله يالمثقفه بما ان الجو حلو والامطار كاثره هالايام وهذاموسم طلعات بر وانا ابي اطلع ومحد عطاني وجه وش رايكم نكشت انا وياكم" على الاقل نتخيل" (اللي يبي يروح يسجل... بسرعه...الكميه محدود) قوانين الطلعه: 1)تحديد البر الذي سوف تكشتون له وذلك عن طريق التصويت والبر اللي يصوت له اكثر هو اللي راح نروحله 2)عدة البر كل واحد يجيب معه شي محد يجي و يده فاضيه"الشاهي والقهوه والخيام واللحم-- انا بجيبه-- ذكيه عشان هالايام ضحايا وكاثر اللحم وبجيب رادو ابوي اللي دايم معه تقول كنه ناصر القصبي في طاش ما طاش... بس اشلون اشلحه(اسرقه) دايم معه اللي عنده خطه يعلمني لأن الرادو من المعدات المهمه اشلون نعرف اخبار العالم<<< اخس عليك ياسياسيه 3)منتدى الكمبيوتر والجولات .. كل واحد يجيب جوالين<<< بطراااانه الاحتياط واجب يمكن واحد مامعه جوال<<< من زين الشبكه بعد... نعطيه اخاف انه يضيع ولا شي نبلش به لأني انا المسؤله عن الرحله<<<الله واكبر مسؤل وزاره 4)كل واحد يسجل في جواله رقم الشرطه << الحمد الله في احد مايعرفه ورقم المطافي ورقم الاسعاف911 الظاهر انه هو الرقم لأن من عرفت نفسي وانا ماحفظت الا هذا الرقم عاد ان كان غيروه مدري المهم تأكدوا والله لا يحوجنا له 5) الدداسن اللي عنده ونيت يقول لنا ولا عنده جيب بعد يقول لنا نقعد نطعس وش ورانا واي سياره تمشي عادي 6)منتدى التغذيه...انشاء الله منتوا مقصرين معانا الله الله بالاكل الزين(منكم الطبخ ومنا الاكل) ترى مابي الا"مفطح"<<< فااااااااااضيه 7)منتدى الرياضه... جبوا معكم أي شي كوره..لاعب... مبارات ...ترى عادي...انا احب الكوره.. لا تلوموني عربجيه 8)منتدى همس القوافي والابداعات... جبوا معكم شاعر.. شعر.. نثر.. أي شي يمشي >>> على بالها رومانسيه 9)منتدى الاقتراحات: ان كان عندكم أي اقتراح ترى حاطين في الخيمه (صندوق اقتراحات)<<< واحده كذااااااابه 11)منتدى الصحه>>> عشان بعض الاعضاء طلبوا اضافت هالمنتدى ولا ابي اضيق صدرهم>>>مسويه حنونه 10)منتدى عالم الاسره والطفل ومنتدى البنات..ماراح نخليكم جبوا معكم أي شي<<< على بالها ماتبي تضيق صدر احد اتمنى من كل الاعضاء المشاركه"موعشاني عضوه جديده تتركوني"على الاقل عشان تعبي انتوا دارين ان لي كم من يوم وانااخطط لطلعه ومن كم من يوم وانا معي دفتري وقلمي تقول كني طالب في اولى ابتدائي مستانس توه متعلم له حرفين [MARQ=UP] "ياويلكم لو عدد الردود اقل من عدد الزوار"[/MARQ] (الله كشته مع الاعضاء هو في احلى من كذا) يالله نبدأ كل واحد يقترح البر اللي بنروح له انا من ناحيتي"روضة خريم" نروح ونجي بسلامه والله يوسع صدورنا بالعافيه تحياتي*6 *k |
ايه رجعنا نحن الكرام معالينا وحضرتنا <- اخس منت بهين يالعربجي دالمهم الزبده قبل لاتميع بالنسبة للرحله قررنا نحن معالينا بما ياتي.... اما هذه في الحوش وجالسه كثري منها وانواع الفراغ يذبح ولكن .......نبدا في حوارنا 7 7 7 ان نحدد الطلع في ربوع الصمان لما تحويه الان من ربيع وامطار وفله وسعة صدر وغير كذا لهواة صيد الضبان يفيدونا المراسيل انها بازدياد ودور الي يقضبها... غير هذا.... الكثير ====== اما بالنسبة للعده وماشبهااا من عدادات ايه <- صرنا في ورشه المهم <- خلنا نتكلم الله يحفضك السيارة الونيت ابشرو بالونيت <- عنده ونيت موديل 79 اخضر الون وفيه فتحه خليجيه طبعا جنوط فياقرا اما الراديوو لا هذه سهله جدا عاد دامك من اهل السياسه ماعليك انا بكلم الولد وناخذ منه الرادو وعاد كيف ابد طريقه سهله نقول ترى الوضع خطير اي واحد معه راديو يبي يتوهق يوقولن انه تجسس الي معه راديو لذا اتركه عند وذبه وخله وبكذا ننحاش فيه اما بالنسبه لا الجوالات عاد انا ماعندي ولا جوال ابد وطفران يعني مالي فيها نجي لسالفة الاسعاف والدفاع المدني هذه تعتمد من قبل معالينا ومديرنا اذا شبت حريقه في طنب الخيمه ولا في راس احد منا في شعره نبي نطفيه في جراكل المويه الي معنا مايحتاج دفاع مدني والي راسه يوجعه ابد ندق له من المسمار (( العويدي ويطيب)) مايحتاج اسعاف غير هذا وهذا فلقد اعلين معالينا بقيامه بتبرع سياكل لكل عضو في الرحله حتى يوسع عن صديره ويفرفش في البر وهذا وقد ختم معاليه بالشكر الجزيل لصاحب الفكره وابدى ترحيبه به ويقول له بكلمته بعضمة لسانه هلا وغلا وحياك ومرحبا فيك انت وفكرتك وسوف نصرف لك خيمه وددسن موديل 200 وتلاطه <- يعني 2003 وابد وسع صدرك توقيعه 7 7 7 مشكوره اختي عربجيه وربي موضوع مقلع تحياتي لك 7 7 توام الروح عربجي <<- بس هذا اطخم خخخخخ |
اهليـــــــــــــــــــــــن فيك اخوي"عربجي اطخم">>> تراه اخوي من الرضاعه
صراحه مافهمت قصدك على العموم مشكور على الرد بس ماقلت اي بر تبغى تروح له واتمنى من الكل المشاركه تحياتي |
http://www.m9afeeg.com/vb/avatar.php...ine=1024114770 8 8 8 اقول ياعربجيه تراني رديت انقزي شوفي الرد وكل شي قلته خخخخ 7 7 7 http://www.m9afeeg.com/vb/avatar.php...ine=1029610645 وهذا عاد العربجي بس لا احد يعلم متلطم يله ثانكيوووو عربووج |
خههههههههههههههههههههههههههههههه والله فكره حلوه بس نسيتي قسم الصحة وهذا اهم شيئ هو اللي يبي يجيبلكم المؤانه *3 |
اهلاً "عربجي اطخم">> قصدي اهلاً بمعاليكم وحضرتكم>>> تقول كني مذيع في القناة الاولى
الحين فهمت قصدك ومشكور على الرد...على بالي اتميلح*3 بالنسبه الصمان فأن مؤيده للفكره عاد انا دوروني عند الضبان والونيت79 اخضر انا عندي زيه..سبحان الله القلوب عند بعضها>>> بكااااااشه اما الجولات في هذي مالك حق اجل في احد هالايام ماعنده جوال ..الزبال معه جوال...الهندي راعي بقالتنا عنده جوال..يأخي لو بطاقة سوا اما بنسبه للمطافي انا من عندي انت" دكتور" بأعطيك شهاده دكتوراه اجل واحد يوجعه راسه نعطيه مسمار >> صراحه وصفه غربيه.. شوف بجربها واذا صار لي شي ياويلك ومشكور على السياكل والخيمه وودسن .. صراحه ماقصرت والله يكثر خير سموكم واهم شي عجبك الموضوع..هذا اللي ابغاه ((دمتم سالمين)) |
اهليـــــــــــــــــــــــن فيك"دبه تسوي رجيم"
خلاص ولا يهمك ولا يضيق صدرك... راح احط قسم الصحه خلاص روحي للموضوع تراني حطيت قسم الصحه مشكوره اختي على الرد واتمنى من الكل يشارك ((دمتم سالمين)) |
التصـــــــــــــــــويت
روضة خريم:1
الصمان: 1 ونحن في انتظار المزيد>>> قايلتلكم مثقفه المهم اتمنى من الكل يشارك (( دمتم سالمين)) |
ايه الصمان بس اقول عربجيه 7 7 7 7 7 7 ترى الموضوع اعجبني بصياغته <-- وتراه اسرقه ونشره في الاقلاع <-- يحس ان الموضوع هذا قوي جدا ولازم يكون في مكان اقوى ويله بس تراني ذكرت انه ملطوش من معاليكم الشهره لها عنوان خخخخخخخ تحياتي لك عربوووووج |
اهلين فيك اخوي من الرضاعه" عربجي اطخم"
اشكرك لأن مااحد تفاعل معي الا انت والحمدلله ان الموضوع عجبك والله اني قاعده كم يوم اكتبه>>> اخس عليك منتي عاقله يالكاتبه ومعليش اني طولت مارديت هالايام مشغوله في البر والضبان والتطعيس واللي تبغى ((دمتم سالمين)) |
التصويت هوهو ماتغير
الصمان:1 روضة خريم: 1 (( دمتم سالمين)) |
*a
مابي مابي ليش مااحد رد علي |
صراحه ماتوقعت منكم كذا يامنتدى الود
الحين يوم شفت الاعضاء كثيرين انبسطت وقلت راح يردون علي ويستاهل من يسجل فيه واخرتها كذا على الاقل واحد يرد معي ولا عشاني جديده عليكم |
ولا يهمك يا عربجية انا بطلع معك بس هاه ترى انتي اللي بتسوين الفطور والغداء والعشاء لاني ماعرف الا اكل وبس *3 |
اهلين فيك "دبه تسوي رجيم"
ولا يهمك الاكل علي الغداء والعشاء والفطور والسحور بعد ان كانك صايمه ومشكوره على المشاركه بس ماقلتي البر اللي تبغين تروحين له واتمنى من كل الاعضاء المشاركه ترى وربي الموضوع حلو وراح يصير احلى بمشاركتكم وينك يا"عربجي اطخم" صراحه اشتقنالك واشتقنا لكتاباتك كمان ولا تتغلى علينا (متم سالمين) |
خلاص أنا موافق نروح الصمان.
وبعدين أنا أعرف واحد من جماعتنا يعرف يسوي نار اذا كان تبغون ناخذه معنا. لا تصدقون عاد. |
اهلين فيك ابوها
واشكرك على الرد اما عندكم واحد يعرف يسوي نار>>> رهييييييييييييييييييبه انا عندنا واحد يسوي نار بعد مو انتم بس عندكم خلاص ولا يهمك جيبيه الدعوه عامه>>>عرس ماصار كشته والنار من الاغراض المهمه هالايام برد وعشان يبعد الذياب عنا>>>اللي يشوفنا يقول في غابه خلاص وانا راح اجيب عصير سن توب وحلاو ابو ملعقه وبرنقلز...(لما تفك ماحتسك)>>> دعايه ولا اقول غالي بجيب تسالي ارخص ولا فش فاش ...عاد انتم اللي تبغونه علموني ((دمتم سالمين)) |
التصـــــــــــــــــويت
الصمـــــــــــــــان :2
روضة خريم:1 وكان تبغون الصحراء الكبرى اللي في الجزائر ترى عادي>>>التذاكر على حسابي لا هونت >>> نسيت اني منيب بنت الوليد اتمنى من الكل يشارك (دمتم سالمين) |
يعني مصرين انكم ماتردوا على موضوعي
تراني لين الحين مابعد عصبت والله لو اعصب لأقلبها خبيتي *t واسوي افلام امريكيه *7 وافلام هنديه*a وافلام مصريه بعد ان كانكم تبغون وبخمس وبسدس وبحوس العالم والله حرام عليكم تراني تعبت معكم كم مره وانا اقول "اتمنى من الكل يشارك" على الاقل ادخلو وخلوا المشاركه فاضيه مو لازم انكم تكتبوا فيها شي عبروني وللمره الاخير اقول ادخلو وشاركوا شاركوا شاركوا اوكي ... اتفقنا يالله شاركوا عشان نحدد موعد الروحه شكلكم مافهمتوا قصدي قصدي انا نحدد يوم ووقت معين ندخل كلنا يالاعضاء في نفس الوقت طبعاً بعد مانحدد البر بعدين كل واحد يرد على الثاني بجيب مثال اقولكم : غرزت سيارتي يجي اللي بعدي ويقول اوكي انا جايين نطلعها راح نساعدك وكل واحد يرد ومثال ثاني : ضاعت مثالاً دبه تسوي رجيم يجي اللي بعدي يقول خلاص راح ندورها واذا مالقيناها راح نتصل بالشرطه وكل واحد يقول شي لاحد مانلقاها وعلى هالحال لين تقضى الكشته ونرجع بالسلامه>>مصدقه يعني نتخيل اظن الحين فهمتوا ولا لا خلاص وصلت الفكره (( دمتم سالمين)) *6 |
يؤؤؤؤؤؤؤؤؤؤؤؤؤ فيه رحله للبر وانا مدري ليش ماقلتو لي*2 ابي اسجل معكم*a <<<<<< وربي راعي بررررررررررررر وبووي موافق كيفكم اذا ماخذتوني معكم انت الخسرانين*w معي جيب شاص تبووونه*3 ومعي العزبه كلها خليت امي تجهزها بصدوق الرحلات الي عندي وازيدكم من الشعر بيت وربي الوالد عنده صقر حر تبوني اخذه معنا*8 وعندي شوزن وساكتون خرازه*7 تبونهااا *3 وابشركم عرف اسوق بالبر يعني ماغرز انسم الكفرات ولا اغرز <<<<<<<< ياخووي غثيتنا عرفنا انك راعي بر هع هع هع اخذ معي خيمه بعد وشرايكم فيني اعجبكم*w طيب وين تبون تروحووون اذا تبون النعيريه معكم تبون القرعه عند السعيره <<<<< ماحد يعرفها الى القليل هع هع هع حتى لو تبون الربع الخالي الريوس مفصول عندي*3 تبون الصمان معكم ماقول لا (( مع الخيل ياشقرا)) بس متى الرحله علشان اجهز نفسي ياخيتي يا العربجيه سجليني معكم ت ت ت ت ت تحياتوو وو وو وو |
آسف على التأخير
اول شي عربجية انا زعلان عليك طيب منتدى الضحك والفرفشة وش يجيبون معهم ؟؟ ولا ما يجون الكشتة :( انا ودي اطلع معكم وتراني مانيب راعي بر بس باطلع يعني انا العب معكم كورة انكت اذب عليكم شوي سويلكم شاهي هذا حدي غير كذه ما اعرف وانا اقترح نطلع صحراء سيبيريا يقولون جوها رووووووووعة *8 |
اهلين فيك زود الغلا
ومشكور على الرد اما بالنسبه للكشته... ماراح تروح اقولك ليه لان قايلتكم لكم الكميه محدوده.. محد عطاني وجه لا لا تصدق اذا مااخذناك معانا يازود الغلا من نأخذ" حياك الله معانا" نرجع الرحله..اهم شي ابوك موافق .. بس لازم تجيب موافقة امك وعمك وخالك وجدك وعمك من الرضاعه... كذا شروط الرحله... اوكي اما بالنسبه لجيبك جبه نطعس ونوسع صدورنا... وانا راح اجيب الدد سن حقي ابو غماره.. اللي فيه صوره بنت متلثمه... اما دد سن حقي ابن كلب ماراح تلقى زيه وحتى الصقر الوالد جبه نحتاجه>>> ماخليت شي في بيتكم الله يهديك والشوزل والساكتون ... خلاص جبه وانا بجيب الدبابه والمدرع اللي عندي>>>وين الله يهديك داخلين حرب والخيمه بعد بتجيبها الله يجزاك خير بس شكلك يازود الغلا راعي بر من جد شكلك راعي برااااااااااااااااان وانت" مسجل" معنا وموعد الرحله قريب انشاء الله...يصير خير ومشكور اخوي على التفاعل (( دمتم سالمين)) |
اهلين فيك ميــ قمر14 ــــــــــشو
ومشكور على المشاركه واسفك مقبول ومنتدى الضحك والفرفشه هم اساس الرحله ... واذا ماجوا صدقني انا ماراح نروح.. وحتى لو رحنا اكيد الرحله ماراح تطلع حلوه وليش انت مو راع بر.. بالعكس البر روووووووووووووعه>>>جت العربجيه خلاص جب معك كوره ... بس" كورة قدم" مااحب الا هي>>> قايلتلكم عربجيه خلاص وانت عليك الشاهي والقهوه والعشاء والغداء>>> طماااااااااااااعه وانت مسجل معانا وحياك الله معانا وعليك اقتراح مدري وش يبي .... اجل سيبيريا.. وانا بعد سامعه ان جوها رووووووووعه>>> واحد كذااااااااااابه ومشكور على الرد (( دمتم يالمين)) |
التصـــــــــــــــــويت
الصمان: 3
روضة خريم:1 سيبيريا:1>>> يقولون جواها روووووووووووووعه (( دمتم سالمين)) |
هلا اختي عربجية هاه متى حددتوا الرحله عشان اجهز اغراضي *3 |
اهلين فيك اختي دبه تسوي رجيم
الرحله قريب انشاء الله يالله استعدوا وانت عليك تسوين الاكل اوكي اتفقنا (( دمتم سالمين)) |
عربجيه
وينك من الابل حقتك تاركتها لوحدها http://www.alrasyah.net/vb/attachment.php?postid=13641 هذي الابل حقت عربيجه نحياتوووووووو *3 *3 |
هلا فيك زود الغلا
انا ماتركتها لوحدها بس انا جالسه اصورها ومشكور على الرد وموعد الرحله قريب بس ودي اعرف وش دخل الابل بالكشته؟؟؟ يمكن نروح الكشته وانا راكبينها ... بدل السيارات... كشته على مستوى بلدي خلاص ترى حاجزه لك وحده (( دمتم سالمين)) |
هههههههههههههههههههههههه عربجيه في بروبلم وش الناقه الي بتشيل دبه وتسوي رجيم هع هع هع هع هع هع هع هع هذي الابل علشان نشرب حليب الخلفات خخخخخخخخخخخخخخخخخخخخخخخ علشان تكتمل الرحله تحياتوووووووووووووووووووووووووو*3 |
ههههههههههههههههههههههههههه الله يقطع بليسك يا زود والله انا خفيفه حرام عليك ترى عقدتني *3 |
دبه وتسوي رجيم يؤؤؤؤؤؤؤؤؤؤؤؤؤؤؤ اهم شيء مشرفتنا لاتزعل طيب نعرف انك ضعيفه بس احب استهبل خخخخخخخخخخخخخخخخخخخ عربجبه اهم شي دبه خليها بسياره لوحدها وسواق وخليها على الباب الايمن(( السيت - الكرسي)) الايمن هههههه من السواق علشان تامر وتنهي تحياتوووووووووووووووووو *3 *3 |
..............
والله انا مااحب البران
ويؤسفني ويضيق صدري اني اعتذر ماني رايحه معكم البزنس شاغلني ماعندي وقت ادري ضاقت صدوركم بس الله يعينكم تحياتي انا |
اهلين فيك زود الغلا
بس والله حرام عليك حطمت دبه تسوي رجيم "عناد" دبه تسوي رجيم ... راح تركب معك ..في سيارتك عشان تعرف ... اشلون تامر وتنهي ولا اقول انا راح اركب معك... قل الله لايقوله تدري ليه؟؟ والله لو اركب معك ياشيح كان استقعد لك صح والله تعال شوف الاوامر اللي مدري وش تبي وقف السياره جب لي مويه بعد دقيقه وقف جب لي مويه ثانيه شوي جب لي حلاو ابو ملعقه>>> ترى احبه... عاد وين بتلقاه فيه في ذا المقطعه والله لحجرلك والله ان كان ترجع بيتكم بس قل الله لا يقوله ((دمتم سالمين)) |
اهلين فيك نوفو
اخس عليك يالبزنس>>> منتي عاقله ام ان ضاقت صدورنا ... ياواثقه على العموم خيرها في غيرها ومشكوره على الرد (( دمتم سالمين)) |
عربجيه نوووووووووووو مو راكبه معي مابيك !!!!ماركب عرابجه ماركب الى رومنسيات مو واحده تبي اشغلها مزعل فرحان خخخخخخخخخخخخخخخخخخخخخخخخخخخخخ وبعدين من يقول انك بتامرين وتنهين وانا ولد الشايب ابو نظارات << يعني ابوووي انتي خليك على ددسنك ام عزيز وتخب عليك هع هع هع هع هع هع تحياتوووووووووووووووووووو*3 *3 |
اوريك ...
يعني ماتبغاني... "عناد " راكبه معك .. راكبه معك والله لا يعوقني بشر... تبغى وحده رومانسيه... من زينهم ذا المايعات تبغى وحده زي ذيك اللي في صادوووه "ابي امي ابي ابوي ابي زوجي لا مستحيل".. كفوك ومن قال اني بقولك تشغل لي مزعل فرحان... قديمه ابغى غنية طلال مداح الله يرحمه"قولوا للغالي قولوله وشوله يبطي وشوله ماجاء ولا جاء مرسوله والحب الله يكفي شره">> هذي الغنيه احبها لأزعجك في هالغنيه طول الطريق ورجعت تحش في ددسني... يعني ماعنك وعنه... منتب مخليه في حاله>>> الغيره تسوي اكثر تبغى ددسني مافيه "عناد" .. احسن خل حشك ينفعك ولا اقول بدل مااركب معك وش رايك تركب معي في سيارتي مامعي احد وشوله كثر السيارات وعشان اتامر على كيفي ومصاريف البانزين وعشان ماتخرب سيارتك انا سيارتي متعوده على البرااااان اركب معي والله لو تركب معي تعال شف ابو التفحيط والتخميس والتسديس والتطعيس.. جرب انت بس ياشيخ ماتلقى نفسك الا في مستشفى الشميسي (( دمتم سالمين)) |
عربجيه منتي بسهله بس الاسم مايساعد اركب معك خخخخخخخخخخخخخخخخخ مايشجع وبعد بنت انتي وش عرفك بالتفحيط ينخاف منك اقووووووووول فكيني شرك بس لا ابي خيرك ولا شرك هع هع هع هع هع هع تحياتوووووووووووووووووو*3 *3 |
انشاء عمرك ماركبت معي... اكثر ماكثر الله خوياتي>>>عربجيه
ومن قالك اني مااعرف افحط... يعني اذا صارت بنت خلاص ماتعرف شي عن التفحيط... انا ام التفحيط كله... "عناد" راح افكك من خيري بس ماني فاكتك من شري.... مستقعده لك "وينخاف مني" هاه شفت انك منتب قدي>>>هههههههههههههههههه على العموم الله يخلي لي ددسني>>>منت الله ولامنت خلقه ومشكو على الرد ((دمتم سالمين)) |
شباب بقولكم معلومه
اطخم معناته حلو اكفش
|
اهلين فيك اخوي صوت الربيع
صراحه مافهمت قصدك ياليت توضح اكثر ((دمتم سالمين)) |
| الساعة الآن 04:53 PM. |