|
نو يـــــــت أكــتــــــب
نويــت=أكـــتـــب نويت أكتب على القرطاس خطي=أخط حروف لي وأكتب خطابا حروف مطرزه من راس وافي=بنيت من الذهب خط وكتابا بغيت ودام زان اليوم بالي=هذاك اللي تحرى لي جوابا صبرت ولا يغره طول صبري=انا مثل البحر مثله يهابا دعاني للعتاب وهاه ردي=كما السيل ويجيه من السحابا انا لي فالزمن سيره وديره=خذيت العز من فك الذيابا فما نيل المطالب بالتمني=ولكن تؤخذ الدنيا غلابا تعرٌف ياولد منهو قبيلك=وعيد الفكر بيٌ واحسب حسابا وغض الطرف إنك من نمير(ن)=فلا كعبآ بلغت ولا كلابا وأنا نسل الشريف وذاك جدي=رسول الله لي فيه القرابا وتاريخ الفخر ماضي وحاضر=ولابه شي نذكره ونعابا ترى مالي مثل تاريخ جدك=ولو حتى نقول العود تابا مدام إنك بغيت اليوم عالي=ترقى لو على روس الهضابا عساك تشوف كان الروح حيٌه=خطاك وتنتحي يم الصوابا |
قصيده رآئعه
استمتعت بقرأتها دمت بود |
؛ شَآْعِر مَآ .. ؛ وَحَدِيْث صَخَب ذُو شُجُوْن أُيَقُض مُهَاجِع الْسُّكُوْن لِنُقْبِل أَطْرَآف الْحِكَآيَه وَلِلْوُغَوّل عُمْق ذُو فَتَنَه وَلِلْحَرْف رَنْيَن أُلتَفَآت فَقَد رَوْضَتَ زِمَام الْحَرْف وطَوْعَتَ أَسْرَآب الْأَبْجَدِيَّه لَتِنْصَآع لَنَآ كَآ عَسْجَد نَقَآء مُمْتَنَّه لِصَخَب الْحَرْف الْمَصْحُوْب بِقِطْع سُكَّر فَقَد أَسَتَشَرِبّت لَذَّة الْحَرْف بِعُنْقُود تَرَف قُرآءَهـ أَسْتَمْتِعَت بُوَرِيف أَسِقَآطِهَا وَسُمُو أَنْتِصِآبْهَا بِأَنَتِظُآر قِرَآءَة أُخْرَى يَآ / نآآيِف لَا عُدِمْتُك يَآ / وَطَن ... ؛ |
شاعرنا القدير / نايف الشريف يالله حيه ويااااااااهلا وغلاااااااااا من طول الغيبات جاب الغنايم يارجل وينك عسى ماشر ؟ لك مده ماشوفك ! اهم شي انك بخير النص جزل من شاعر ٍ جزل وصح اللسانك ولاهنت وسلمت ودمت تقبل حضوري المتواضع ولا تبطي علينا |
حيّاك الله يابو سعود وحي الله حضورك ومهما غبت عنّا قصايدك راسخه في ذاكرتنا وماتنسى ,, صح لسانك ياابن الشريف وشهادتي فيك مجروحه تقبل تواضع مروري دمت على عز ومعزّه المــــدى ,,, |
الله الله عليك يا نايف
قصيده استمتعت بها والله العظيم ونعم فيك وصلى الله وسلم على رسول الله وينك يا رجل طالت الغيبات ولكن تبي الحقيقه طالت بنا كلنا وين راعي العليا وين االشمري وين ناس كانت تحيي هذا المنتدى والله زمان يا نايف |
صح لساااااااااااااانك أبياات رااائعة الله يعطيك العاااااااافية أخوووووووووي :) |
| !! |نايف الشريف| ! | مأروع قلمك حين يصول ويجول بين الكلمات تختار الحروف بكل أتقان .. تصيغ لنا من الأبداع سطور تُبهر كل من ينظر إليها .. دمت بخير .. شمس القوايل |
صح لسانك اخوي نايف
ماشاء الله دائما مبدع تقبل حضوري دمت بود |
صح السانك شاعرنا ويحق لك تكتب طالما الابداع هو انت وروعه نعم استمتعنا في اجواء هذه القصيده الراقيه سجيل اعجابي فيها وفي معانيها وتقبل مروري المتواضع لك تحيتي وتقديري ولا تحرمنا من جديدك |
اقتباس:
سلام الله ينفاس المعاني=ياعطر الورد فغصون(ن)نديّه بغيت القول مير القاف جاني=وسقته لجل من جاني هديّه هلا بك يوم شرفتي مكاني=هلا والفين بالمزيون حيّه مكانك فالعيون وفالمحاني=وفيتي دوم والتقصير فيّه |
اقتباس:
هلا بالغيم وبروقه لفني=سحابه يسقي الظامي مطرها دعيت الله لا يبعدك عنّي=ياغيث وبان فغصوني اثرها تحريت الورود ومنه جنّي=على غصن الوفا واقطف زَهَرْهّا وطلع الشوق فالغصن إمتدنّي=حظيظ اللي تهنا في ثِمّرْهّها |
اقتباس:
من طوّل الغيبات قالوا لالفى جاب الغنايم=وانت شوفتكم فعيني ياوفي اكبر غنيمه ما اغيب وغيبتي سبت جروح وجو غايم=والحيا في ناظري صارت على ماقيل ديمه وش سوات اللي عن المحبوب من عامين صايم=هد كل الريم قلبه عاشق(ن)فالريم ريمه والجروح اشكال عّد وفالهموم إبشكل دايم=والعٌمٌر ولّى ولاهو حاسب(ن)للوقت قيمه |
اقتباس:
وش حيلتي يابنت وانتي تجيني=اكتب قصيد احزان و اوقات افراح احزن ليا غبتي ودمعي فعيني=وافرح ليا جيتي بك الهم ينزاح فالناس سبع ودايم(ن)في عريني=وإلكي حمام الدوح لاجيت له ناح ارسم حياتي لك على ما تبيني=برضيك وارضى بك وانا القصد برتاح |
لي عودة(ن)في تالي الليل لاجيت=اكتب ردودي بالعَجَل وآ تَغّنى ودّي غرامي يِظْهِر الوقت له صيت=مدام لي خل(ن)فقلبي تِجَنّى |
| الساعة الآن 10:49 PM. |