|
بنت الردي
الصبي ان طاب طيبه من خواله****وان تردى فعرف انهم خايبيني
اذا كانت حبيبتك الجميله التي تحبها وتحبك فيها من الصفات الحميده ما ليس في قريناتها , ولكن لا يكمل الا وجه الله حيث ان ابوها رجل ليس من خيرة الرجال ( بالعربي مافيه خير ) واخوانها كذلك فمن شابه اباه ما ظلم وهي الوحيد التي خرجت من بينهم. هل ستتزوجها ؟؟؟ ام ستبقى حبيبه ؟؟؟ ولا تنسى ان هذه العائله سيصبحون اخوالن لابنائك في المستقبل. تحياتي شـــــــــــــاهر الســـــــــــيف |
هلا اخووووووي
الوقت الحالي العادات والتقاليد راحت ما فيه الي يفتخر بخواله او عمامه كل واحد يبي الستر هو وزوجته الان كل واحد يقو ل وش شهادتك او ووظيفتك مايقول منهم عمامك او خوالك الزمن تغير اما بنسبه لي مو متزوج الى وحده ابوها واخوها يرفعون راس اعيالي وشكراااااااااااا تحياتي اخوك زود الغلا |
هلا والله بزود الغلا
اسف في التاخير في الرد عليك لان الموضوع طوته المواضيع وكدت انساه. ولكنك متناقض في اجابتك, تقول: ( كل واحد يقو ل وش شهادتك او ووظيفتك مايقول منهم عمامك او خوالك ) ومره تقول: ( اما بنسبه لي مو متزوج الى وحده ابوها واخوها يرفعون راس اعيالي ) حيرتنا معاك !!!! عموما شكرا على ردك واسف مرة اخرى لتاخري في الرد عليك. تحياتي شاهر السيف |
السلام عليكم ورحمة الله وبركاته
هلا اخوي شاهر السيف...
بالنسبة لرايي.. انا اقول انك تتزوجها وما تحاول انك ترتبط باهلها بصورة دائمة.. وهذا فقط رايي يعني محاولة من اخت.. اختك:مناير |
بصراحه اخوي شاهر
موضوعك حساس شوي مو من السهل ابداء الرأي فيه لكن اناراح اتكلم عن وجهة نظري ربما تكون غير مقنعه للبعض. انت تقول انها بنت ردي !!!! يعني شلون وانتم بكرامه يسكر او يتعاطى الممنوعات ام انه بخيل. ام ماذا.... اذا كان بخيل هذي مو مشكله بخله على نفسه وعلى بيته. ابي اقولك يفرق مجتمع عن مجتمع وعادات قبيله عن الأخرى طبعا عندنا عيال القبايل ما ياخذون بنات اللي علومه رديه صحيح ان البنت مالها ذنب غير ابوها. والمرأة تنكح لأربع وذكر منها النسب... وبعض المجتمعات عادي ماتفرق مايفكر بنت مين بقدر ما يفكر بأموالها او اموال ابيها حتى ولو كان سكير عربيد الى الآن لم تعرف الى اي الفريقين انا...... انا مع اللي يناظرون منهم خوال عيالي وشهم من رجال.. وللمعلوميه ليس من السهل ترك الحبيبه لسبب مثل هذا . لكن حاول ان تنسى هذا الحب. اذا كنت ممن ينظر لخوال عيالك . ......... رفيع الشان ...... |
أشكرك على الموضوع الجميل...
وأحب أضيف هالبيتين: أبنذر اللي من ربوعي يبي الطيب... لا ياخذ الا من بيوت الشجاعه.. يجي ولدها طيبن كنه الذيب... عونن لابوه وكل ماقال طاعه.. وسلامتكم.. أبوها. .؟ أبو الهبقات . |
الاخت منـاير
اشكرك على ابداء رايك, ولكن اذا حصل النسب حصل التواصل رضينا ام ابينا مع العلم ان هذاء بصلب الموضوع. تحياتي شاهر السيف |
فيع الشان
حياك الله واشكرك على ابداء رايك. تحياتي شاهر السيف |
ابوها
مرحبا والله ببوها واشكرك على البيتين الجميلين, ولكن ماذا عن حبها ؟؟؟ |
هلا اخوي شاةر السيف
الصراحة انة موضوع حساس جدا وجعلنا امام الامر الواقع لكن بالنسبة لي انا سوف اخيرها اذ انها ستبقى حبيبه ام لا اما الزواج فلن اجعل نسبي من اردى الرجال اي (مافيهم خير) تحياتي الساطع |
انا ارى انه لو كل واحد حط نفسه بموقف البنت ..اتوقع عرف يرد بذمه.. البنت مالها ذنب
انا مااتكلم عن رائيي يمكن رائيي يوافق الي يهتمون بالاصل الطيب..لكن لكن اتكلم بالرأي الواقعي.. الاحظ المجتمع الي حولي بنات جدا مؤدبات متعقدين من افعال ابوانهم واخوانهم..تلاقيها تحاول تتحاشي رجل فيه نفس الاطباع متعقده نجي نعقدها زياده ونحكم عليها ماتاخذ الا كربون من ابوها واخوانها.. اعرف بنات كثير ابوانهم راعين امور جدا تعبانه لكن البنت قمه بالاخلاق..انا عندي اسال عن امها اتوقع انه هنا الاهم من السؤال عن الاب والاخوه.. لان البنت دايم تتاثر بامها..وكمان مانحكم عليها بانها بتصير كربون من امها يمكن افضل يمكن اردى لكن اذا انت قبل ترتبط وانت تفكر كذا فا افضل لك تتركها لانه باين من كلامك انك تهتم بهالنقطه ولا كان مافكرت فيها..غيرك كثير تزوجو واهم شي عندهم البنت وفكرها..لانه اغلب الحمايل قليل احتكاكهم باانسابهم..زياره كل شهر شهرين والسلام وحط في بالك اجاباتي استوحيها من واقع المجتمع كاكل ..ولا لو بستوحيها من مجتمعي ورغبتي وحالتي كان يكون ردي العكس..لكن الشخص عندما يوضع في حال مشاوره لابد ان يطرح الرد الاسلم لدينه وظميره..ولابد ان نرتقي شوي بتفكيرنا اننا مانحكم على شخص من خلال شخص قريب له.. واننا لا نحكم على من ابتلاهم الله بأباء واخوه منحطين..بقضاء بقيه حياتهم الي كانت بدايتها مع اولياء منحرفين بنهايه مع ازواج منحرفين.. لابد من تصحيح نظرتك حتى وان كان الافضل لك عدم الارتباط بها لانه لو كان حبك لها صادق مافكرت هالتفكير اطلاق.. تحياتي |
هلا والله بالساطع واشكرك على ابداء رايك
|
لابد من تصحيح نظرتك حتى وان كان الافضل لك عدم الارتباط بها لانه لو كان حبك لها صادق مافكرت هالتفكير اطلاق..
عنود الغيد ليس المعنى عندما اسئل هذاء السؤال ان اكون المعني به او يخصني شخصيا, اقول لك هذاء الكلام لاني ارى في ردك انكي توجهين الكلام لي. اما عن الموضوع, فما رايك في حديث الرسول الذي يقول " تخيروا لنطفكم فأن العرق دساس " تحياتي شاهر السيف |
طيب اخوي احب اخبرك ان الحديث ضعيف جدا..واحب ابين لك اني ابديت وجه نظر
شخصيه من خلال نظرتي للمجتمع ..واعتقد لو الواحد بيناظر مساله الوراثه وطيب الاصل...اجل على كذا لازم الواحد ياخذ وحده جميله ووحده ذكيه ومن عائله خاليه من الامراض..لان هذي الي غالبا تجي بالوراثه..ولا الاخلاق اكبر عامل مؤثر فيها هو النشاءه والتربيه..يعني الامر يعود لتربيه الاباء يعني مو وراثه.. وانا قلتلك لو بناظر ميولي راح اهتم بامور اخرى..انا عندي تربيه الام وطريقه تعاملها هو الحكم الرئيسي لانه لو الام بعد ضايعه.... كذا اتوقع اني بنتظر من البنت انها يمكن تكون ضايعه وبكذا ماراح تعرف تربي ابناءها..هنا يكون لنا وقفه... اما اذا كانت الام حازمه ومتمسكه بدينها ومربيه بنتها تربيه صالحه راح تخلي البنت قادره على تربيه جيل صالح.. واحس ان الامر يختلف ميزانه من شخص لاخر..مثل ماشخص يهمه الجمال او صفه معينه بشريكة حياته نجد الاخر يهمه مستوى تعليمها والاخر يهمه مادياتها..ورجل يهمه الاصل ..الخ وأن كان الجمال على قائمتهم!! بالرغم من تحدثنا بالاخلاقيات وغيرها لكن عند البحث تلاقي اول ماتنوصف لك البنت يقولون لك نعومه مملوحه جميله ..صغيره..قليل يقولون اخلاق ولا مثقفه.. يعني هذا ابدأ رائي عندي والاختلاف بالرأي لايفسد للود قضيه.. وانا عارفه انه مو انت ..بس انا اتكلم بصفه اني اخاطب صاحب الحال.. اشكرك على طرحك المميز الذي اثار وجهات النظر واكسب المنتدى شي من الحيويه.. بطرح فكره قريبه لهشي بس خايفه يكون فيها مشاكل..بفكر بالمسأله واشوف اذا اطرحها ولا لا.. بانتظار جديدك تحياتي |
عنود الغيد
استنتج من كلامك انك تريدين هذاء المثل" اقلب الجره على ثمها تطلع البنت لمها" عموما اشكرك على وجهة نظرك الخاصه التي اعتقد انها تختلف عن وجهة نظر العامه بكثير. فالناس تهمها السمعه قبل كل شي , فالبنت سمعتها من سمعت اهلها عامتا. فاذا صلح الراعي صلحت الرعيه وهي من ضمن الرعيه طبعا. تحياتي شاهرالسيف |
عفوا اخ شاهر ===>نفسها طويل ماشاء الله
بس اخوي المساله مو سمعه لانك قلت البنت محترمه..بعدين ولاتزرو وازرتا وزرى اخرى استمتعت بحوارك تحياتي |
مرحبا ياعنود الغيد مرة اخرى
استمتعت بحوارك اكثر, فلا تعليق بعد الذي قلتيه: ولاتزرو وازرتا وزرى اخرى و كل نفس بما كسبت رهينه. تحياتي واحترامي شاهرالسيف |
السلام عليكم ...
في البدايه كلام جميل جدا والاخر محزن والثالث التناقض بعينه... الكلام الجميل ينص على التالي.. اذا كانت حبيبتك الجميله التي تحبها وتحبك فيها من الصفات الحميده ما ليس في قريناتها ... والكلام المحزن وضع ابيها .. , ان ابوها رجل ليس من خيرة الرجال ( بالعربي مافيه خير ) واخوانها كذلك والتناقض يكمن في .. فمن شابه اباه ما ظلم وهي الوحيد التي خرجت من بينهم... قسم كلامك وسوفا تلاحظ ما لاحظته لقد اختار قلبك وعندما جاء دور العقل والاختيار المصيري اخترت التناقض وصبحت في بدايت كلامك لايوجد لها مثيل على الاطلاق وبعد ذلك ماشابه اباه ماظلم فل نقل ان كلمت التشابه لم تعني الحبيبه فسوفا اقول لك فلماذا لم تجعلها القريبه لك وتكون زوجه عندم يقبل المرى على فعل شيء ويكون هذا الفعل تحديد مستقبلي فيقوم بخطوات عده منها النظره المستقبليه فعندما ننظر للنظره تلك يرجع الحال على مايحتويه العقل من مدى فكر للموضوع ممكن يكون الحل ان تاخذ البنت ولا يكون لك صله باهلها وهذا يوجد بكثره في المجتمعات طيبين ولا العكس وان كان الردئها لها وضع بالموضوع الاجتماعي والاسري فهذا يرجع لتقبلك الوضع وان كان الوضع لردات طبايع اهلها واخلاقهم فلا اتوقع ان الملاك الذي ذكرته واعجبت فيه ان يكون من نفس البيت الذي تريد نسبه فعل يوجد بنات يرفضون وضع ذويهم وهذا لا يمنع من تفهم المحبوب لحياتها فان كانت هي ترفض وضع مجتمعها فهي صالحه بعينها وان كانت لاتدينهم فهذا هو الخراب بعينه .. لا اريد الاطاله عليكم .. فمن كانت له رغبه في الكمال الاسري يجعل من ارتباطه الزوجي تقليدي اسال عن الابوي والاهل والخوال وان قدرت تتوصل للشغاله تراه ازين لان الوضع اليومين هذا البعض ربايت خدم.. السموحه على الاطال... اهنيك ياخي على القلم الرئع الذي احيا فينا روح الحوار .. تحياتي.. |
...............
وانا برايي
انك اذا تزوجتها بتكون اناني لانك اولا راح تاثر على سمعت اهلك وراح تاثر على عيالك ايضا يعني بكره اذا جا ولدك يخطب يقولون والله هو والنعم بس خاله او جده مو تمام ونفس الشي بنتك صحيح ان حبيبتك مالها ذنب بس لازم تضحي هذا رايي وتحيااااااااااااااااااااتي |
العنااااااااااا
مرحبا أخوي شاهر السيف 00 إذا تبي الصدج انا من راي الأخت عنود الغيد 00لأنه اذا كنت تحبها فعلا كنت أكيد عرفت أفكارها وأخلاقها 00 والشجاعه اللي نفتقدها هالأيام ان الأنسان مايفرط في حبيبته عشان أهلها اصحاب رديه 00 مو بمن العدل انك تعرض عليها انها تبقى حبيبه 00 انت بذا التصرف بعد (عفوا ) جيت بالرديه 00سواء كانت المشكله تخصك أو مشكله من المجتمع انا من راي الأخت عنود الغيد
|
الســـلام عليكم ورحمة الله وبركاته صبــــــــــاح الورد على الجميع احب اول شئ امدح راي اختنا العزيزة "عنود الغيد" و اقول لاخونا "شاهر السيف" موضوعك جميل وحساس ويسعدني جدا اني اجد مثل هذه المواضيع المثيرة الحلوة و يقول الشاعر: الام مدرسة اذا اعددتها **** اعددت شعبا طيب الاعراق ويقول عليه الصلاة والسلام" تنكح المراة لاربع لمالها وجمالها وحسبها ونسبها ودينها فاظفر بذات الدين تربت يداك" فنرى من خلال هذا الحديث انه -صلى الله عليه وسلم- ذكرت الاسباب التي من اجلها تنكح المراة ولكنه في اخر الحديث فضل ذات الدين ولم يقل ذات الحسب والنسب !! لذا يا اخي الكريم كن من راي رسولنا الكريم واظفر بذات الدين والخلق لا انكر ان الحسب والنسب مهم ولكن دام انك لمست فيها حسن الدين والاخلاق فلا يمنعنك من التوكل عليه سبحانه والتقدم للامر .... و اعلم ايضا ان "رضا الناس غاية لا تدرك" فلو انك بلغت الجبال طولا وحفرت تحت الارض خنادقا لن يرضوا عنك وسيظلون يتكلمون عنك حتى لو اخذت بنت الامراء !!! تحياتــــــــــــــــــــــــي |
| الساعة الآن 10:23 PM. |