|
قصيدة اثرت فيك لشعراء الود
مساء الخير لكل من في منتدى الود عامه ولمن دخل همس القوافي خاصه انا عندي فكره جديده يا ليت تنال رضاكم واستحسانكم ويكون فيه تفاعل مع الفكره كثير من الشعراء المبدعين يكتبون في همس القوافي قصائد لا تنسى فكرة الموضوع لكل من تابع همس القوافي وشعراءه وبحكم متابعتكم ولان الشعراء يتكبدون الكثير من التعب ويستغرقون في التفكير للفترات طويله من اجل اخراج القصيده بشكل جميل يصل فيه احساسهم للمتلقي ويستمتع بها كثير من القصائد رسخة في اذهاننا وكثير منها نردده في كثير من الاحيان وأنا بهذا الموضوع اريد انصاف شعراء الود لذالك ارجو من كل عضو يدخل لهذا الموضوع اختيار قصيده من قصائد شعراء الود فقط . تكون القصيده أثرت ورسخة في ذهنه ويريد تقديما هنا كرد الجميل لصاحب القصيده ولكم حريةالاختيار وقناعاتكم هي الحكم الوحيد ابحث عن قصيده قرئتها في منتدى همس القوافي جديده او قديمه ولكن لابد ان تكون قصيده انت اقتنعت بها واثرة فيك واذكر اسم الشاعر لحفظ حقه الادبي دمتم بخير وانا اول المشاركين |
هذه القصيده للشاعر المبدع وسام جده لن انساها طغى همس الصباح وموعد البسمـه ملامح بوح .... تلمــــلم هالــــبزوغ بصــــدرهــا يافجــر مرتاحــــه صباح الخيــر غنيت الـوطــن في صوتك المبحوح .... مسـاء الخير غناني وطــن بعيــــون ذبـــــاحــــــــه وانــا ميت زمن ياغادتــــــي مـانـاقصـــتني روح..... مــادام الله خلق لي هالـمساء ويــديك مصباحه صباح الخير وش لك والعــطر ماتبـصــريني فـــوح... لو اني ماقدرت اعـــطيك صدري ضـــاع مفــــتاحه خذينــي مثل ماودك تبــيني ياحمـــام الــــــدوح... مــدام اكبــــر خساره في جنــوني كثرة اربــاحه هنــا من امس ماكان الكـــلام وللشعر مسموح... ولا كان الغـــلا طيرن تعب من ريشـــــة اجناحــه هنـا باقي اثــر من هــــمس طفله فالظلام يلوح... ولا يدري مسـاها كيــف يحظن غـــصن تــــــفاحه وهنا في آخر احلامي قصيده وآدمي مذبـــــوح لو انه فاق من سكــرة غرامـــك نــام بصيــــاحــه على هون الهواء لايخطفك من حلمي المفضوح... وعلى هــــون الصباح لا يمزج الـوانك مع افراحــه تعالي علمي هالـمزهريــه من هو المملــــــوح تعالي وازرعي وردة صباحك وسط فـــواحـــــــه صبـــاح الخـــير غرد يامســـائي وين عنـــك اروح.... وانـا لو ما بقلـــبي شمس علمـني من اجتاحــه طغى همس الصباح وموعد البسمـه ملامح بوح .... تلــــملم هالبــــزوغ بصــــدرهــا يافـــجــر مرتاحه |
الاخ / محمد يسعد مساك ياشاعرنا ,,, فكره جميله ورائعه بارك الله فيك ولاعدمناك ,,, تستحق التثبيت مع الشكر ,, |
اخي / محمد الجبيل افكارك متميّزه دائما ,, طبعاً القصائد التي تأثرت بها كثيره , وهي لاتنحصر بواحده او اثنتين من شعّار هم اشهر من رأس على علم ... لي عوده .. إن شاء الله ... فائق احترامي ... |
قصيده للاخ الشاعر / راعي العليا (غازي الرويلي (((قال من فكره حوى حروف الهجا ))) ..... اعجبتني ......قال من / فكره حوى / حروف الهِجـا======يوم صـدره / قامـت اضلوعـه / تـلاج راكـب مـن فـوق / ...... / ل أوهجا=======ما ألحقه / من كان له / فيـه احتيـاج ما بيـومٍ / وسـط ورشـه / كرّجـا=========ولا قلصه راعيـه / طافـي للكـراج أقطمٍ / لا دق سـلـف / ودرّجـــا=========راقب العدّاد به / شف ويين هـاج؟! يعدّي الميّه / وللأخرى / يسهجـا========بظرف لحظه / لآخر الطبلون سـاج! لامسـك دربـه / وقـفّـى / يف حجا======ما اشتكـى / راعيـه / هـزّه وارتجـاج وصوت ماطوره / مهـو لـك مزعِجـا=======ولا أزعج / أذنك فيه / تصفير الزجاج بس شـكمانه / اتشوفه / يل عجا========يشبه لبـرّاق / مزن(ن) / له لعـاج شان جوّك / أو صفـى / مـا موّجـا=====راسـي(ن) / عـن سكّتـه / ما قيـل مـاج هيه / يا اللي نـاوي(ن) / بـه تنهجـا====جعل دربـك / صافـي(ن) / ما بـه عجـاج أنص من هـو / لكـل قـافٍ / ينتـجـا========........ / اللي مالـكٍ / بالشعـر تـاج يا بن خالي فيك / ما خـاب الرجـا=======افزع لمن / ما عـرف / صفـو المـزاج اشتكي لك / هـمٍ / بصـدري لجـا======في صميم الجوف / مدري / كيف لاج! جوف / جوفه / من سهامه / ما نجـا========ولا هقيت / انه بيـومٍ / منـه نـاج إلا كان / جبـال / سلمـى / مـع اجا=====تنتقل / مـن حايـل(ن) / لأرض النبـاج مـا ذكر لـي / لـه طبيـب / معالجـا========ولا حدِن / ليّه ذكر / وصفـة عـلاج من هنـوفٍ / كنّهـا / بـدر الدجـا==========خدّهـا / ينـور بظلمـة / ليـل داج البطن / ملهـوف / والعيـن / ادعجـا=======من تقذّه / مـا لقـى عنهـا / مـلاج مـن نظرهـا / فـي مكانـه / ثلجـا=========وان تحـرك / خطوتيـنٍ / ثـم راج لو سمعهـا / مطـوع وهـي / تهرجـا========اتبعهـا / ونيّتـه / للبـيـت حــاج وهبهـا الخـلاّق / حـسـنٍ يبهـجـا=======شوفها / يطبع علـى / القلـب ابتهـاج ربٍ مـن / الميـت / حــي(ن) / يخـرجـا===له كمال الخلـق / مـن دون / احتجـاج وكـل شـده / يجـي يـوم / وتفرجـا=====ما تضيق / وهـي لهـا / سبـلٍ فِجـاج والصـلاة / إعداد ما / طـيـرٍ سـجـا=======وعد / قطـراتٍ مـن / ألمي الثجـاج علـى مـن يشفـع / بيـومٍ محرجـا========محمـد الهـادي / لنـا هديـه نِِهـاج |
محمد الجبيل يعطيك الف العافيه على الموضوع فكره رائعه ونتعرف على الشعراء القدامه وقصائدهم وفرصه حلوه طرح القصائد المختاره من قبل الشعراء 00 وطريقه جميله لا سيما واننا معشر الشعراء الود 0 فرصه سعيده للجميع وان شاء الله لي رجعه الى هنا |
يعطيك العافية يامحمد على هالموضوع الرائع
الذي من خلاله نتذكر على أبداعات شعرائنا الكرام أما بالنسبة للقصائد اللي تأثرت بها فهي كثيرة لكن كان فيه ردية بين الأخ سارب والاخ راعي العليا بعض أبياتها كانت راسخة في عقلي أدورها كاملة وأرجع إن شاءالله لك ودي يالغالي :) |
يا هلا والله بمكلة الخواطر
والموضوع فعلا فرصه لاستخراج اجمل القصائد من الصفحات المنسيه لشعراء الود |
اقتباس:
واعتقد ان احد اهداف الموضوع اعطاء الشعراء المبدعين في هذا المنتدى بعض حقوقهم وننزلهم منزلتهم التي يستحقونها ننتظرك على احر من الجمر |
قصيدة (سـارب) صالح الشيباني دوك يا غازي من همومي وهات وإن حصل لا تترك جروحي تروح قالوا:إن الصدق في الدنيا نجـاة وياخذ الله من خذى الدعوه مزوح وانت مالي عن نقى وجهك غناة لو يلـوح الفجر والغالي يلوح شف ملامح صاحبك كنها رفات دلني وشهي سواتي وين اروح ؟ الليالي صارت بعيني خــوات كلبوها يا اقشر ارويلي جروح ! الحياة اللي عليك وع الممات وش وراها يا الشمالي من طموح ؟ سآيلك بالله وش معنى الحياة لا كتمت بخافقي غصه وبوح شف ملامح صاحبك كنها رفات دلني وشهي سواتي ..وين أروح ؟ لو به اقسى من صنوف الذكريات ما قدرت اعيش للحظة سـموح ولا ذكرت شوي مني وامنيــات ما ذكرت اني ولو مره جموح كانت اقرب من جهد حذفة حصاة يوم كان الدم في عرقي يفوح شف ملامح صاحبك كنها رفات دلني وشهي سواتي .. وين اروح ؟ من طرف يمناي واكمام العباة قبضة كفوف ٍ لو اطلقها تنــوح ! من زمان ٍ لا لمح صدري يبات ومن مكان ٍ لا لمح عيني يشوح ما يسد الجوع يا غالي فتات ولا يفيـد اللي شرب وقته شروح شف ملامح صاحبك كنها رفات اسألك بالله ياخي وين اروح ؟ ‘‘‘ قصيدة (راعي العليا) غازي الرويلي من الرويلي هاك ياصالح وصـاة يوم له خصّيت تسأل وين اروح ؟ جابها لك دون أدنـى مقدمـات من خفوقٍ يعلم الله ‘ لك نصـوح ما يضيع اللي قرأ ل / اللافتات ولا يخيب اللي كسى ذاته ‘ وضوح قلتها ولا ظـن تجهلـك السـواة لغير ربـك .. يالعتيبـي لا تـروح وحـده الوالـي ولا غيـره ولاة منجين بالفلك كل اتبـاع ‘ نـوح مخضر الهشيـم في جِرد الفـلاة محصي الارزاق عنده وسط لوح واحد(ن) عنده حلول المعضـلات نافخٍ في جسم من صلصال روح! قلتها لك وانـت تـدري بالسـواة لغير ربك .. في سؤالـك ، لا تـروح وانت راسي تشبه جبال السراة وقدرك بصدري ، مشيّد له صروح من تسمّع هرج حسّاد و وشـاة ما هناله غير ‘ سمٍ له ذبـوح! الطموح بها الحيـاة الصالحـات وكل حين لا هيا له ‘ من سروح قلتها لك وانـت ادرى بالسـواة لخلق ربك .. لا ترجّى ولا ‘ تروح والليالـي مـا تجـي متشابهـات كم بها ليله خفوت وكم مسـوح! والذي صاد الجدي صاد المهاة حط هذا له غبوق ‘ وذِي صبوح ما يفيد لمن ندم عض الشفاة ولا تضيق وبالسماء ‘ للبرق ضوح يا خوي الدرب ‘ تمّمت الوصاة لمن/ خلقنا من آديم الارض ‘ روح ‘‘‘ |
الله الله عليك يا عشق بدوي قصيدتان في قمة الروعه
شعرائها معروفين ويستحقون هذا الوفاء منك في اعتقادي هذه هي ثمرة هذا الموضوع الف شكر لك عشق بدوي |
يعطيك العافيه اخوي محمد الجبيل طرح اكثر من رائع قصيده لا اخونا البارز اسأل الله له الشفاء العاجل لها قرابة السنه يقول فيها يالفتتة الوصل ماشفتي غنوج البنات = اللي تغلى على العشاق بغيابها لاجيت للروم ترحل والاماكن شتات = وانا اتتبع خطاها واشكي اسبابها قولي لها الفارس اللي يسرج المكرمات =يشد سرجه على المهره ولا يهابها ان جيت راحت وليامن رحت ردت وجات =مدري وش اسباب روحتها وويش جابها ان جت لها فارسن يطوع العاصيات =وان روحت مقفيه مانحسب حسابها دورت سكر نبات ولاش سكر نبات =يقطعك ياسكره من مرها ذابها انا ان بغيت البنات ادل درب البنات = اتعب حصاني لها واتريح ركابها حنا نبي نستريح بغفوة الساهرات =والغايبه غايبه مانحب نغتابه لي عودة ان شاء المولى مودتي |
اقتباس:
قصيده في قمة الروعه والله مزاجها مزاج عالي وشاعرها مبدع وذوقك عالي للغايه اشكرك على تواجدك وصح لسان راعيها المبدع |
المبدع الجليد قصيده جدا رائعه قَـلْـبيْ وطِـيبَة قَـلبِيْ اللّيْ ذِبحَـتني=والا أنتْ مـاتذْبَحْ ولــوْ كـانْ عُصــفُورْ رِفَعْتِك وصـارَتْ كَـراسِيْكْ مَتْنِي =وأصْبَحت منّكْ فـيْ قِفَى العِنقْ مَـنْحُـورْ تَشـرَبْ غَديري مِن وِفا وغِدَرَتني =مِنْ ضَـعْفَها تُوفــيْ وبالقُــوّة إتْجُــورْ ماهُو بقُــوّتْها تَراها قِــوَتــني = ولا ني ضِـعيفٍ يوم أنا مِـت مـغـدُورْ لِبَست دَمْعة طُول عُمْري لبستني=وأظْـهَرت قَطْــرَة وداخِلْ بجُوفيْ بحُورْ مِنْ يوم فِيْ شَكــوى الخِيانات جَتني=ورقَى جَــهَلْ جَناحَها كانْ مَكْسُــورْ سنِيْنْ وهي تِنخان هِي علّمَتني =قلب لِـ ســبعْ سنين يِنْخان مَقْـهـورْ وباحَتْ مِذابِحْها علَيْ وقتلتنِي = وضمّدتْ جَرحٍ ينـزِف الدم مَنْثُورْ دِمَعتْ ( لجْلِه ) و (مِنْة ) ويوم تركتني=(علية ) منّي دَمْع الأحزان ممْطُورْ هُمْ ديّنوها ومِنْ عَطاهُمْ عَطَتني=وتَدعي لي الله 00 بعطاَيايْ مـأجُـــورْ بيرٍ جِفافْ 00تصب به سم تسني=سمٍ ولاهو بيْر للسِمْ مَحْفُورْ* تِعْطي بتَلقى وتزرع الزرع تجني= زرعٍ زرعته وكل محْصُود مَبذُورْ وهُمْ زِرَعوهَا وهي بحَصدٍ بلتني=تنخان00تبي تخون00والأيام بتدورْ يمْكن ظلَمني حظيْ 00وهي ماظلمتني=ويمكِنْ ظَلَمْها قلبَها بكِذْبْ وفجُورْ ويِمكن نتاجْ مِعاشرتهُم سِقَتنيْ=ومن عاشِرْ وحُوشْ الزِمَنْ صار مَسـعورْ خانة وفاها لِيْ مُو (خاينتنيْ)=وأوفت لِـ شخصٍ خانته معي مغدورْ شَخص الخيانة ولاّ أنا ماعرفتني=وش جاب سَبْع سنين مع عدة شِهورْ مَاقِلتْ خَانتنِيْ ولاهيْ وفَتنيْ=ولاني بِذَمْ00مِن كِدْ مَلَكني بمسرورْ كِنْت أتغزّلْ بها وهي 00ماإغصبتني=ولا على حَلْقي مسِكَة حَدْ ساطُــورْ من بَحَر قلبي فِضتَها وهَيّضتني=ولاني بمِنْهُو جمَّل الشِعْر بالزورْ وقَسْوَهْ00جِفَا00غدْرٍ جِزاوي جزتني=هذا ورى هذا ورى ذَاكـْ طابورْ وإذا إنتَهَت قََسْوَتْه مافارقَتنِي=ترجَع ورى غَدرِه وتْعاوِدْ الدورْ ويومْ رِحَمَتني لِيتَها مارحَمَتني=يومْ رِحَمَتني شالَت النار, والنورْ نارٍ تواهَجْ بالصِميمْ حِرِقَتني =والنور مدريْ نورِهْ أو نور تَنّورْ |
اقتباس:
شاعر كبير ومبدع وجزل ومعانيه بصميم يعطيك العافيه لفته |
::: السابقه تلحق لو بااخر الشوط ::: لراعي العليا ياطيري اللي هام فيني سما وجال ................ واشرف بجالٍ ماسبق له منطوط متعللين مع صاحبك راس ماطال ................ يبدع لو ان الحرف ماهو بمنقوط حوّل على مركى / ودلّه / وفنجال ................ في مجلس ٍ عنوانه الطيب مخطوط بالواحه/ اللي مابها صــــف جهّال ................ الكل منهــــم للكـــــرم جيب مفروط مد ٍ هال من حده سنا واهج اللال ................ ديوانهم , عنه الردى حيل مقروط وقدم , تحيه طيب , ياطيّب الفال ................ يشمومها, فيه ازرق العود محطوط لاهـــل الوفا لاهـــنت تقدير واجلال ................ اللي لهـــم دوم النقا شرط مشروط لا .. لايهمك كـــيد حاســــد ومحتال ................ اللي على الرزله تقل ضـاربه سوط لاشافهـــا موجــــه لطــــم ذروة الجال ................. تقـــول مكسبها على المتن له نوط لا لاتلتفت ياطـــــير للقــــيل والــقال ................. السابقه تلحـــق لو بااخر الشوط باءذن الذي خلق على الوان واشكال ................. خالق بني آدم مــن تراب مخلوط لبقـــى معـــك ياطير وافـــي باالافعال ................. ومن يعترض دربك مكبّل ومربوط |
اقتباس:
ذوقك ولا احلى الله عليك ويسلم راعي العليا مبدع في كل حالاته |
الشاعر (غرام الشوق)
مطلع من قصيدته يقول فيها يـاروعـة الـضـمـه ؟ عـلـى صـدر مـِشـتــاق ــــــــــــــــــــــــــ مــع واحـــداً ؟ دايــــم تـمـنـى ؟ تــضـمـه لاتـرجـمـت صـدره ؟ تـعـابـيـر الاشـــــواق ــــــــــــــــــــــــــ ومــن الـغـلا ؟ تــشِـــده عـلـيـك ! وتـلـمـه كـنـك تحـس إنـه ؟ بـعـد ضـمـه إفـــــــراق ــــــــــــــــــــــــــ تـِشـد فـي ضـمـه ؟ وهـــو ؟ ازداد هـــمـه |
أولاً / احب اهنئ اخي / محمد الجبيل ..
على هذه الفكره الرائعه .. واقول له يعطيك الف عافيه . ثانياً / اشكر كل من قام بأختيار أحد قصائدي هنا .. والحقيقه هناك الكثير من القصائد .. التي تطرب لها المسامع .. وانا بدوري اختار ما يلي .. وفضلت اقتباسها لكي تظهر على هيئتها الأولى في حال عودة المنسق .. اقتباس:
اقتباس:
|
الــــعـــتــــاب الى الشاعر همس القوافي نايف الشريف
الــــعـــتــاب[/center]
من قلد المخطي يضيّع لامشى مثل الغراب = اللي يقلد فالحمامة من كثر ماتقهره لاهو فصخ سود الثياب ومرتدي بيض الثياب=ولاسلم من صوت جش وجات فيه القرقره يالضامي اللي راح يلهث يوم بان إله السراب=الساق من زود العدي مايدري إنه كسره ياما نصحت وقلت له إشرب ليا طاب الشراب=الرزق لامنه بغاك الله كريم وقدره وإن كان لك ناب ٍ فغيرك بان له الفين ناب=إليا ضحكت اليوم غيرك بان نابه كـشـّـره ياذيب حذراك الخطا وإن جيت في درب الذياب=أصبر ترى ماجاك حق ولك رفيق وحذره ماتاب يومني اظنه عن خطاه العام تاب=الثور له قرن واشوفه حاس حاس وغبره مايدري إني قد قريت اليوم مضمون الكتاب=إليا لقيته قول نايف قد قراه وسكره صاحب طربه اليوم اشوفه كان غنتله عتاب=إل كل غلطه او خزى عوّد وراه وصدره ماخاف من يوم ٍ يجيه ويبتدي فيه الحساب=إن كان مسته اللهايب من يجي ويصبره داب ٍ واشوفه ملتوي يعصر له اليومه فداب=مافكه إلا لين مات وراح حتى ما أقبره دله على درب الخطا ماجاه في درب الصواب=اخطا وامره فالخطا ماجاه ليه ودبره ياصاحب ايام الفلاح إن كان جنّبك العذاب=الوقت يمشي حسّن أخطوط الكتاب وسطره سطـّر جميل الفعل تلقى للهنا مليون باب=إن كان فعلك مايجمـّـل غط غطه سـتـّــره بعض العرب له وقفة ِ فعل ٍ تطول إبه الرقاب=إليا حكى بالقول غصبه تحترم وتقدره شيخ ٍ وله قدره ومنزل معتلي فوق السحاب=اللي فمخباه الكريم بكف خير يندره والبعض عن فعل المراجل والكرم لاحل غاب= أحد ٍ يسنده بردى وأحد ٍ بخزي يحدره ماله جميله او فعل نجزاه بالفعل الثواب=اقصى حدوده لانصاه اليوم احد يتعذره بكتب وماني باللذي متعني ٍ يكتب خطاب= أكتب شعر وإن كان كسره بان لي بنجبره برسل قوافي الشعر قاف ٍ ياصل لحضرة جناب= اللي ليا جاته قوافي الشعر كود تبصره مانحسب احساب الخطا والدنيا تاليها خراب=اللي يفرحه الغـِـنا بكره نهار يفقره هذي حياة وسهلها ملزوم يلقاله هضاب=احفظ زهابك لايضيع اليوم خله وفره مادمت في سهل الزمان إحذر تضيـّـعك الشعاب= الشـِـعب لامنك مشيت إحذر رفيق تغبره خله يشوف من الوفا ياصاحبي مالذ طاب= الطيبه اللي لالقت بعض الخطا ماتكبره كم واحد ٍ ودى علوم ولا لفا - كم علم جاب=احد ٍ يجيك إبعلم وحد بقول زور تخبره كم مرة ٍ نرسل رسول ولا لقا عندك جواب=العلم لامنك حكيت العلم قمت تنفره النجم يالصاحب تشوف إن طاح سميته شهاب=إن طاح نجم ٍ للثرا محد ٍ يجي ويعبره حذراك حذراك الغرور إحذر يكون إلك الركاب =الطيب خله لك رفيق الذكر دوم يعطره كم ظن ظنيته وكم من ظن فالدنيا وخاب=الظن هو كذب الحديث احذر عليّ تكثره إن كان لك ظن ٍ فلاني يوم ظنيته معاب=الظن دوم إلك الرفيق انته عليك تأمره كم وقفة ٍ وقفتها لك فالذهاب وفي إياب=إن كان لي فعل إنسى عيد الزمان وحضـّـره حضـّـر زمان وراح كانك ماتخاف ولا تهاب=اذكر جميل الفعل لف بهالزمان وشبره ياصاحبي عذرك رفيق وفالزمان انت الزهاب=إن كان جرحي مايطيب أصبر عليه أخدره بصبر عليك ولو تشوف من اللهيب القلب ذاب=الصاحب اللي مايغطي عن رفيقه وخره الله يرده بسلامه |
الاستاذ وشاعرنا نديم القصيد ( الــغـــدر)
[quote=نديم القصيد;3953275]
كان يقل لي عن اماني بشوق لاحلامٍ بعيده واسمعه عن طيب خاطر وانتظر لحظة لقاه كنت اصدق لين شفته يحمل الكذبه بإيده واعترف لي بكل قوه ان غيري صار معاه انصدمت بماضي خلٍ الوفا وشلون اعيده صار عقلي في هواجس والعنا قلبي سطاه كان يمثل لي البراءه كل يوم قصة جديدة صار ممثل صار مبدع موهبه ربي عطاه عشت وهمٍ طول عمري وش بلى الماضي يعيده عاش وهمٍ ومات وهمٍ انكشف كامل غطاه شفتو وشلون الحبايب مثل طراد لطريده فيه كثيرٍ عاشوا مثلي ياما عانوا من هواه صدقوني كنت احلم الكذب مانيب اجيده بس نكسة هالليالي والغدر زوّداساه[ |
[quote=دامـــــــــي ♥;1182670]
تطري علي مقسى علي طرياك = تاخذ من الليل كله ولا تجيني ماغير طيف يقبل واقول : حياك = عمرك وفي ماتغيب ولا تجافيني حقٍ على قلب ٍ في حبه ادناك = يصبر على شقى جرحي وعيني ياللي عجزت ابرر لك سواياك = هذي النهايه ماهي في يديني كان ودي بشوفك ولقياك = والمس سراب اغرقني و " مهميني " ماتكلمتي ولا اتضحت نواياك = اساليب تعطشني ولاهي بتسقيني شي ٍ بقلبك مالي به علم وادراك = خله بقلبك ترى ماعاد يعنيني قلي وش صار بالدنيا بلياك = عايشٍ فيها وكل شي في يميني عزاي شموخٍ عليك يسقف سماك = وكلمة الفرقا من راسي تعزيني خليني اشوف دنيا غير دنياك = ماتهمني ذكراك ما يهم تنسيني حبيتك قبل اتجاهل لك نداك = نداك مايجلب الا ندم لا تناديني كرهتك والحب رافضٍ مبداك = كنتي اكذب قصيده في دواويني قصيد متعك وصفٍ وسواك = واغتريتي وحسبتي انك ملكتيني لا والذي زينك وابدع حلاك = وصف وافق غرور صدقيني والذي سواك يسوي سواك = وكم يملك اعجابي واحد مهتويني ودعيني روحي الله معاك = احبك .. اكرهك .. لا عاد تسأليني تناسيتك والله اني لا انساك = ما انقطع عرقي اللي بي يقاويني ابراهيم بن محمد اليامي |
اقتباس:
|
يعطيك العافيه ملكة الخواطر
مجهود جبار تشكرين عليه كلها قصائد ولا اروع لشعراء كبار غنيين عن التعريف وهنا وفي هذا المتصفح تتلألأ الدرر |
| الساعة الآن 09:58 AM. |