|
من بحر ذايع (صفحة متجددة لنثرياتي)
أرحب بالجميـع..وها أنا أتنفس عودتي بعد انقطاع منذ عام 2006..
وأتمنى أن أستمر بالتواصل..فهذا المكان يعني لي الكثير..والشعّار هنا على مستوى راقي كتابةً وتعاملاً.. لعلهم يحيون فيني الشعر من جديد..خصوصاً أنني انقطعت عنه فترةً طويلـة.. هي مساحـة..تحوي قصاصات ورق..وكيبورديات متواضعـة..أتمنى أن تروق للجميـع.. وسعدت حقيقةً برؤيتكم مجدداً.. دامت لكم البسمات دائماً وأبداً.. المخلص&ذايع& |
استاذنك يا صاحبي بوقت الغروب أتذكرك... وأرحل مع الماضي وأسج الرجل في وقت المغيب ذل الغياب استنزف الصبر وبديت استخسرك... كل الظروف بواقعي رهن احساسي الغريب كل ما لفيتك من قريب ترجع ورا وأتأخرك... كأنك تجيني من بعيد ولا بعيدك لي قريب غيرتي صادت غرورك والبلا إنـي أتعذرك... أقول ودك حيل تقرب بس خالفك النصيب لا صدقني الحظ دايم والكبر كم كبرك... ولا لقيتك لي طبيب ولا لقيتك لي حبيب بقلم&ذايع& |
هان ودك في عيوني يوم ودتك الظنون...
جابك إللي جابني لك ثم وداك الغريب ولا أنا باقي بمكاني خلن لخلـه يصون... ما توديني ظنون ولا لمثلي هي تجيب كلمةٍ من قول عاذل سببت حالة جنون... ردك الله يا حبيبي لعقلك وترجع قريب بأنتظر كلي وفا للحب والخل الحنون... وإن رجع زولك بأعاتب من حبيب ليا حبيب بقلم&ذايع& |
عهـدٍ على مثـلـي وقوفي علـى الباب....
إمــا فــتــحـتــه طيب ولا لـزمناه مـاهــو بـكـيـفـك دامـنـا اليــوم أحـباب.... إمـا فـتحته غصـب ولا فـتـحـنـاه يــا نـاعـس الـنـظـرة يـابـو ثـغـر جـذاب.... علمتني الشعر وعشانك كتبناه كــنــت الحـلا والحب مشروح بإسهاب.... واليـوم مـرّ الصـد منــك لقيــنـاه دامك حبيبي غصب بأوقف على الباب.... إما فتحتـه طيــب ولا كـسرناااه بقلم&ذايع& |
هلا بك اخوي ذايع الصيت ..
بكل تأكيد عدت الى مكانك صح لسانك ولا هنت . . وهلا بك دوم كل الود |
اخي / ذايع الصيت لقصائدك روح .. ولمعانيها نبض نكاد نسمع خفقاته .. صح لسانك .. وياهلا برجوعك المتميز... دمت بخير .. |
\ | \ ذايع الصيت .. قصاصااات ورق ولا أروووع .. صح الساانك ملاييين .. ولا هنت .. وااافيه من راااس وااافي .. لا عدمتك .. تقبل تحيّتي وتواضع مروري . دمت بحفظ الله ‘‘ |
تـكــلـمني عـن أيـام الخوالي....
وأكـلـمـهـا عــن اللـيــلة وباكر وأوعدها عقب ما كنت سالي.... أبرجـع للـهـوى انسان شاطر تــردد للأســف ما عدت أبالي.... لـقـيــت بغيبتك مـلـيـون خاطر بقلم&ذايع& ____________ أشكر الجميع على المرور ولا خلا ولا عدم يا رب كلكم ذووووق |
بهرنـي حسك المرهـف وأنا ياللأسـف حساس... أحـاول أخفــي إعجابـي ولكن مـا قــوا باسي عيوني ووقفتي وصوتي تبيّن وضعي المنحاس... وعينك كأنها تدري بوضعي وتسكن إحساسي بقلم&ذايع& |
تيار شعري ما سكن غبـة البير...
شلالـه الهملول يغدق بالأشعار من راس نايف والنوايف مناعير... لا بحت به سيّور الأيام تحتار ما شابهت أطيابها نافخ الكير... ولا هزهزن بحبوحها كل سمسار ولا شلت همٍ للرجال المخاسير... ولا سبب إحراجي كثر طرق زوّار الضيف فوق الراس والدار تصدير... لو نترك الدنيا ولا يترك الدار شعري لفاني ضيف وللشعر تقدير... ولا فخر ضيفي لقى شبة النار بقلم&ذايع& |
ذَآيِعْ الصِّيْت أهْلاً أهْلاً وَ كُلُّنآ أمكِنَّه تُرَحِّبْ بِكَ مِنْ جَدِيْد أَبدَعتَ ورَبُ السَمَاء .’ ومَا خَطَتْ يَمِينُكَ إِلاّ جَمَالاً يَتِيهُ بِدَهشَةِ القَصِيْد آبْيَآت إسْتَمْتَعْنـآ بِهَآ ..! صَحّ لسَآنَك |
هانت العشره عليك وحيلتي....
أقبل المقسوم وأرحل في سـكوت وش بعد فرقاك تسـوا دنيتي.... وانـت أدرى بــعـدك الدنـيـــا تمــوت يا مسافـات العتب يا حيرتي.... وإن قسى طبعـه بقى بعيني كيوت ما نسيت الود لو في رحلتي.... زرت لنــدن أو سـكــنـت بحضرمـوت بقلم&ذايع& ___________ كلك ذوق يا مشرفتنا الغاليـة على تواصلك وكلماتك المشجعة |
سيدي ذاك الغريب إللي سكـن صـدري ونـام....
خالط أحزاني وفرحي ليـن حسيته شعور يستفـيـض وأغـرق الصمـت وأحــالـه للــكلام.... وينطق لساني بصوته ثم أحيـلـه للحضور سيدي (الشعر) وكفاني إن بدا مني اهتمام.... في ضيافـة حظي العاثر قناعات و سطـور ما كتبنا الشعــر يعنــي ننتشي بــه والسلام.... كـل بيتٍ لـه دلالـة وكل قصيـدة تعيش دور بقلم&ذايع& |
انتثــر شلال دمــع وهـــالــهــا قــرب الــوداع.... وارتجف صوتي ولا أدري كيف أهدي حالها ما قوت توقف وطاحت واختلف حسي وضاع.... طاح قلبي صحت خايف من عظـم غربــالها ما دريت إن الفراق اصعب مـن انـه يستطـاع.... مــا قـدرت اسـتـوعب إللي صار ممـا جالها التــنــفــس فـي نزول وكأنــها بلحظــة نــزاع.... والسبب قرب الفراق إللي ذكـرتــه هالها بقلم&ذايع& |
نيكول كيدمان وش كثـر كنت أهـواك....
ومصدقن عمري وعايــش خيالـي حتى زميلي بالعمـل قال وش جــاك.... وضعك غريب مفهي وحيل سالي ما يدري إنـي يا أشقر الشعر ألقاك.... غصبـن على تـصيــر دايــم قبـالي لـكـن كبــرنــا وأحــمــد الله نسينــاك.... ما عاد لك قيمة وبأنسـى خبـالي بقلم&ذايع& |
الوجـود يحتــاج منّا دوم إثبــات الوجود....
كم ميّـت فـي وجـوده كأنــه بوسـط القبر الحياة يا زينها لا صرت دايم في صعود.... والممات أحيـان أرحم للي دايـم في حدر بقلم&ذايع& |
عهدي بها يا سعود من حزة الصيف....
وبرد الشتا يا سعود هالحيـن ساطي يالله أمانك مـن خطـاوي الصواديف.... كـم سببت عـثــرات رغـم احـتـيـاطـي بقلم&ذايع& |
يا سعود نفسي من فراقـه عليلـه....
على أمـل يرجــع ويحيـي وفاتي ما شفتني والدمـع يجـري بسيلـه.... متى على الله أريش العين ياتي بقلم&ذايع& |
ومـيــت للـقبـلــة ورددت الأذكـار...
و دعيت ربي يقبل الذكـر والصوم دنياك لا ضــاقت ولا فــادك الجار... ارفع شكــاتك دوم للـي له الدوم واللي لـه بصفحات الأيام تعبــار... لا شك فهم الـدرس لا صـار زيزوم وما همني كثر التوجس والأعذار... ولا طال ليل ونور الإصباح مـحـتوم وبأمل شرح الدرس لا صار تكرار... لكن مصير الوقت يشرحـلـك علوم يا صاحبي وقتي بلانــي بتذكــار... مليت من حملـه وأنا عنـه محشوم ومن لف عن دربـه لقى صوبـه جدار... يصـدم ولا تسأل عن أحوال مصدوم لكن خـذ الحيـطة وافـطن للأخـطـار... وبـاب الحـذر تلفــاه يــا صاح ملزوم ولا حـركت ريــح الفـلا صم الأحجار... لا جار وقـتــك لا تـقــابلـه مهــزوم يبحر بي المركـب على مـوج الأقدار... متسلح بصبري وما صار مقسوم ودنيــاك مــا تـقــدر على قلب صبّار... فاهم عنا وقتـه ولو جاتـه همــوم بقلم&ذايع& |
نكتب مراسيــل الهـوى في هوانا....
ولا نسنس الغربي رسلنا المراسيل مياسـة القد جودي قبل يذبل لقانا.... ما دام مــا نــدري بخفـايــا المقابيــل يا صبــح شفــت النــور منـها عيـانا.... ومن سود نون العيـن وش انت يا ليل بقلم&ذايع& |
اقتباس:
اخترت من بين ما قرئت هذه القصيده رغم وجود قصايد اخرى في قمة الرو عه يا هلا بك من جديد تسا مرنا ونسا مرك يا هلابك شاعر جميل جدا وممتع انا من ما سبق عرفت قيمتك الشعريه يا هلا بك اخوك محمد الجبيل |
قصايد رووووعه..
يسلموووووو لاخلى ولاعدم ... |
يا رفيقــي كان تفهــم بالرفــاقـه...
خل عنك يا رفيقي أسئلتــك أنت تدري عن جوابي والصداقـة... تلقى فيها يا رفيقي أجوبتك لي سنيـن معاشــرك ياللحماقـة... الزمن يكفي جواب لعلعلتـك قبل تسأل يا صديقي في رواقـه... راجع الخــوه وتلقاها كفتــك بقلم&ذايع& __________________ الله يعطيك العافيـة أخوي وشاعرنا القدير محمد على هالمشاعر الطيبـة..شهادتك وسام فخر ولا خلا ولا عدم.. وأشكر أخوي أسلوب حساس بعد عالطلة الحلوة.. |
يلوح لي ذكراه مع شقـة النـور....
وأستلهـم الماضي على جال القصيد يا وجودي كيف حالـه لـه شهور.... غـايــبــن عـنـي ولا بــه مـن جــديـــد يا حبيبـي ما يـجي فبالـك تزور.... خـلّــك اللــي يــنــتــظـر مـنـك مفيــد بقلم&ذايع& |
حيرتني في قـربك وبـعـدك مـعاي....
يالقـريب اللــي علـى قربـه غريب مرة أحس إنـي معك مالك سواي.... وأحيان أحسك ودك بـدرب المغيب ما قدرت افهـم سوا حظـي وعناي.... يالغريب أرجـوك تبـقـى لي قـريـب إن بعــدت الــدا وفي قــربك دواي.... دام جـرحي علتـه نـفـس الـطـبيب بقلم&ذايع& |
يهنى حبيبي كل ليلـة بالأحلام...
وأنا سهير العيـن ما جاني النوم بقلم&ذايع& |
بكره تجيني يا أريش العين ندمان
من عقب ما خليتني لك حراوي ما غبت عن موعد لقانا ولا هان يا ما تذكرتك عقب صار خاوي يا عين هلّي من دموعك فلا زان موعـد جديد يجــدد إلـلي شقاوي لا جيتني بكره وأنا انطر وزعلان بصد عنك..بس إذا كنت قاوي بقلم&ذايع& |
رقص القلم دايم على على بيض الأوراق
فيه الـدوا لأهل النفـوس العـليـلة ولا الذي يكتـم همـومـه بالأعماق نفسـه على الضيـقات دايـم دخيلة يا مرخصٍ نفسـه ترا العمر سرّاق ما يحتـمـل هـمٍ يجيك وتجي له إما سـمـعة النصح دام الفكر راق ولا يضيع العـمـر يا عـزتي له بقلم&ذايع& |
هنا تتعانق المعاني الراقيه وباجمل الحروف صح السانك شكرا لروعتك وشكرا لطيب روحك لقد استمتعت فيها تحيتي |
من صندوق &ذايع&
(ألا يا ساكنه بأبها) ألا يا ساكنه بأبها سلام لنفحة الأنفاس سلامي للخدود الورد ولحظٍ داكن وصافي غرام وحب وأشواق ووصال وعشق ثم احساس رخيص القلب يفداكي ما دامه صار لك وافي أنا يا عذبة المنطق وموعد صورته هوجاس أحبك حب ما بعده ولا زيّه أبد ما في لكي غرّه على العينين تدلت كإنها حرّاس وطرفك من ورا الحرّاس أميرة بسجنها الخافي أميرة بس مأسورة وترمي بالنظر للناس سجينه وسجنها رمشٍ سجنته في بحر قافي ولكي وجنه مثل ورده خجلها للهوا حساس ولكي مبسم عرف يسحر حُسن ربي غدا ضافي ولكي شفّه كما الجمره حمار وخلفها ألماس بريق الثلج لا قلتي تحت جمرك شتا دافي أسيّر لك خطى حرفي ما دامك شمعة الجلاس وعن حبك أنا ما ملت ولا باأقول أبد كافي إذا صبحي غديتي له نسيم الفجر والنوماس وإذا ليلي مسيتي فيه حلم نوم ودفا لحافي دخيلك دام وسط القلب حضنته عودك الميّاس تراعي حالة ألأشواق إذا جيتك ولا تخافي وأبي عيني إذا جاها مع الأشواق زود نعاس تخلي لي مكانٍ دوم أشوفك فيه وأنا غافي بقلم&ذايع& ________ يعطيك العافية على مرورك الذوق..فديتك كلماتك وسام على صدري كوني بخير يالطيبة |
| الساعة الآن 08:37 AM. |