|
أطرز لك العباية..بس لآتـرقمني............!!!!
(مــوضوع رآقنــي وأثار إعجابــي فأحببت نقله لكم)
اطرز لك العبايه بس لا ترقمني ..موضه فوضه.. في ليله رطبه في احد اسواق جده وبينما كنت اتسوق مع أهلي لفت نظري وحده ذات عبايه مطرزه ولاكن اي تطريز عذرا ولاكن ليصبح الموضوع اكثر شفافيه ولكي نبتعد عن الرسميه سوف اتحدث بالعاميه طيب خلونا نكمل موضوع البنت وصف العبايه كالتالي عبايه (كت)يعني عبايتها تنتهي عند الكتف ومفتوحه ولابسه لبس الله لايوريكم كنها لابسه روووب نوم المهم البنت كانت حدث اليوم تجمعوا الشباب الي يهمس والي يغمز لين جا واحد ماعليه في احد راح ورمى رقمه وبعده تشجعوا الشعب وآخر واحد راح يرمي رقمه لسوء حظه البنت حست بإنها مسويه شي غلط قامت وصاحت عليه ولد قليل ادب وانت ماتربيت ومن ذا الكلام إلا ان اتى الأمن واخرج الفتاه من السوق هذا مشهد من آلاف المشاهد التي تحدث في اسوقانا طيب إلى متى إلى متى هذا الإستهتار من المذنب الغلط على مين هذا هو موضوعنا الآن البنت لمن يكون عندها عبايه مطرزه وضيقه وتخرج فيها السوق سؤال...؟ التطريز والتضيق والألوان و...إلخ لمن يكون...؟ هل لإن البنت تبي تكون محط نظر الآخرين ام انها فقط تريد ان تصبح جميله ام انها تعتبره امر عادي طيب البنت الي رايحه السوق رايحه تقضي ماهي رايحه تعرض ازياء لا كن في الحقيقه الكثير منهم راحو يعرضون اجسامهم اما حشد من الشباب...! لمن تجي بنت لحالها في السوق متمكيجه ولابسه عبايه كنها فستان بالله هذا منظر وحده رايحه تتسوق لنفرض انها ريحه تتسوق لمن يجي واحد ويرقمها الغلط على مين عليها ولا على الشاب والأسوء من ذلك اليوم الوطني تعال وشوف البنات في الأسواق اقسم بالله اشك اني في السعوديه الشباب ماسو زيهم وحده لابسه لبس المنتخب والثانيه عبايه خظرا والثالثه وجهها قالب اخضر تحسها مريضه هذي هي الوطنيه الوطنيه نخرج ونهلل نخرج بناتنا قدام الخلق يترقصون والله العظيم الحممات الله يكرمك في اليوم الوطني في الأسواق تنقلب مشاغل للمكياج هذا دليل ان البنت خرجت من بيت اهلها عساس تتسوق ومن وراهم الله يعلم تنويه انني لم اقل جميع البنات ولكن فئه كبيره جدا وياليت تفهمون اني والله الكلام الي اقوله ليس لأني اريد الجدال ولاكن لحرقه في قلبي عندما ارى أختي بنت دولتي تفعل هذا ا افهموووووووووووا البنات مثل بستان من الورد لانريد ان يأتيه رذاذ الموت ولا قاتل الشرف وفي الأخير الي بتقولي وش ذنبنا حنا نعيش بين هالشباب الدشر نبي نخرج على رحتنا اقولها اخرجي على راحتك بس لا تنسين انك كيكه مزينه امام ناظري الشباب ا اي نعم الشباب زودوها يزعجون كل من هب ودب ولاكن قد شفتم وحده لا بسه حجابها وعبايتها ساده مافيها لمعه ولا شمعه وماشيه لنفسها لامالت ولا زالت جا واحد وازعجها وللي تبغى تعرف وجهة نظر معظم الشباب:: الي تخرج متمكيجه ومضيقه عبايها او حتى بس مطرزه العبايه...فراشه وثعبان وكوبرا ومدري ايش فهذي البنت تنتظر الترقيم حتى لو انها محترمه فقد جلبت هذا لنفسها والمشكله موجوده في جميع مناطق المملكه جده الشرقيه الرياض وغيرهم وبعد هذا كله يأتون مسرعين رافعين سيوفهم نحو الهيئه...! سوف اترك البقيه لكم لأرى ما لديكم ولاكن قبل ان ننتهي اقولها للمره المليون الرجاء الإبتعاد عن المثاليه والتحدث بكل شفافيه وسوف اقولها لابد ان يكون في هذا المنتدى فتيات مما ذكرت اتمنى اقرا وجهات نظركم بكل جرأه وشفافيه وجزاكم الله الف خير تحياتي |
بعد التحيه بدخل بصلب الموضوع
قصة البنت التي ذكرتيها وهي تصرخ في وجه الشاب وتقول ياقليل الأدب ..!! الأثنين قليلو أدب بس البنت بزيادة لأنها مطلعه مفاتنها للشباب وكأنها في حفلة زواج وماتبي أحد يلاحقها ولايأذيها نفرض أنها لابسه لبس متحشم وقفازات هل الشباب بيلاحقوها .!! تلبس عباية كتف أو مخصره ولثامه وكأنها في قصر أفراح أو مشغل نسائي ماتدري أنها أمام ذئاب بشرية . اليوم الوطني والبنات حدث ولاحرج في أماكن الشباب مثل التحلية اللي تسوق السياراه وصوت المسجل بأعلى صوته والا اللي طالعه من فتحته السياراه والا اللي ترقص و .. و .. و .. الله يصلحهن ويصلح شباب المسلمين دمتِ بود |
وش نقول وش نخلي
الله لا يبلانا يارب في محارمنا والمسلمين اجمعين يعطيك العافيه غلاتي ود ننتظر جديدك القادم تحياتي ودي وتقديري |
للأسف في الآونة الأخير انتشرت عباءات الكتف المزخرفة بالأشكال و الألوان المختلفة و التي تخصر المرأة و تظهر مفاتنها و كأن ترتدي فستان لحضور حفلة! فأنا أفتخر بارتدائي للعباءةالراس التي تسترني و تخفي كل المحاسن كما تغلف الدرر بما يحميها فالمرأة جوهرة لا بد أن تحافظ على نفسها و تصونها من الزلل فليست كنوز الدنيا أثمن منكن أيتها المرأه فعبائتكن أيتها المرأه هي عزة و شرف لكن .. أما عن نفسي فإني أعتبر الحجاب و العباءة جوهر ثمين انتقيته من سلوكيات أهل البيت فهذه العباءة ميسرة لي في كل الأمور حتى في دراستي الجامعية فأنا أقتدي بها و لا تشكل لي أي عائق فحياتي بدونها كأني ينقصني شيئًا ما أو بالأحرى كأني خارجة بملابس فقط !
والله يهدي الجميييع طرح رااااااااائع يا الغلاا يعطيك العافيهـ |
بصراحه مووووضوووع يستااهل النقاااش للاسف يااكثرهم والغلطه من الاهل يعني لو كانت البنت متربيه تربيه صالحه مااكان تجرأت وطلعت الشاارع كنها لابسه روب نوم بس وش نقووول غير الله يهديهم جزاك الله خيرر ويعطيك العاافيه وووووودي لقلبك\ \ |
| (أطرز لك العبايه بس لاترقمني) شوف يآ أخوي .. سالفة إنها تطرز العباية وتروح السوق وفوق هذا لبس خليع ومكياج ونيتها سليمه شيلها من مخك نهائياً وهالنوعيه من البنات بعضهم ترضي غرورها وبعضهم تبحث عن رزقها والعياذ بالله وبعضهم تشبع غريزتها الفاسده ..// أما الشباب أنا ماحملهم الغلط ... البلى كله من البنات اللي يمشون بهالطريق .. وأثبت كلامي هذا بحديث الرسول صلى الله عليه وسلم: (ما تركت بعدي فتنة أشد على الرجال من النساء) .. الله يهدي الجميع ويصلحهم .. | |
اقتباس:
شي أكيد لو كانت محتشمة ماراح تتعرض لأي موقف كان بالعكس الاحترام فقط أسعدتني مداخلتك ورأيك شأكرة عطر مرورك |
اقتباس:
يعافيك ربي شآكرة عذوبة مرورك |
اقتباس:
أفتخر بمرورك وردك كل الود لك |
اقتباس:
الله يهدي الجميع مرورك أسعدني الغلا لاعدمتك |
اقتباس:
اللهم آمين وجهة نظر رآئعة سرتني مداخلتك وأسعدتني طلتك لك ودي |
اللي تكون في حالها ولاترد على فلان ولاعلان افضل من انها تجلس كل اشوي وتصارخ على مليون شاب لان كذا بتكون نظرتها عند الشاب ولاشئ والعباية على الكتف لما تكون مطرزه بشكل فضيع ابدا مو حلوو الانثى حلو انها تتصف بالنعومة سواء بلبسها او مظهرها او طريقة تصرفها مع الناس يعطيك العافية |
جلابيه وليست عبايه بالنسبه لي ... مؤسف ان يصل بنا الحال الى هذه الدرجه والي بنيته شيء بيسويه حتى لو ان اهله كلهم اهل دين ومتدينين البنت والشاب كلاهم يتحملون المسؤليه والبنت دوماً من طبعها تحب لفت انتباه الجميع حتى بالمجمعات النسائيه فهي تريد ان تخرج بأبهى حلتها حتى تكون محل الحديث ولكن حينما تكون في احد هذه المجمعات حينماتلبسوتتزين وتتعطر وتتمخطر^_^ امام معشر الشباب امام باعة المحلات تكاسر هذا وتتمايع شوي عشان ينزل السعر ربما تقول في نيتها انا مو قصدي الفت نظرهم انا هذي طبيعتي ولكن الشيطان معك وين ماكنتي فأبعدي عنه وريحي عمرك اطلعي لسوق ولتكن حلتك وجمالك وجوهرك حجابك هدى الله الجميع وشكرآ لكِ اختي الغاليه ود مـ الشوق ـلاك |
يعطيكــ الف عافيه
الله يستر علينا في الدنيا والاخره |
اقتباس:
واللي برضو حاشمة نفسها بعبايتها أحسن وأحسن يعافيك الغلا شاكرة مرورك |
اقتباس:
أبدعتي غاليتي ملاك أسعدني وأبهجني مرورك وفخر لي هذه الطلة لاعدمتك |
اقتباس:
يعافيك ربـي |
اختي ود موضوع جميل بكل صراحه
وانااقولهابكل صراحه البنت التي تخاف الله المحترمه الي تطلع بعبايه محتشمه والله لن يضايقوهاالشباب مهما كان ؟؟؟ولتستفسرو عمااقول مع اخوانك اواحد اقاربك فسوف يقول لك انا مالاحق الا البنت الكاشخه والمتزينه والمحتشمه لااتجرأعلى ملاحقتها والتي تريد ان يلاحقوهالشباب ولاتخاف الله فلتتزين ماشاءت من الزينه ولتظهر لشباب ولاتقول لمافعلو هكذاااا وهنا رساله ايضاالى الشباب اتقوالله وضع في بالك سيكون في مكانها غدااا اختك ....والذي لاترضاه على اختك لاترضاه لبنات الناس وكما تدين تدان موضوع رائع تقبلي مروري يالغلا |
مع الاسف أن الكثير من الفتيات والشباب أصبح شغلهم الشاغل هو التفكير في الموضه وماذا تلبس أو يلبس حين الذهاب للسوق وكانهم رايحين لحفله عرس بمبدا البس ما يعجب الناس وبمبدأ أخر وهو الحريه .. وللاسف انهم يتعدون على حريات الاخرين بلبسهم الفاضح والذي يخدش حياء الناظر اليهم .. وسؤال اطرحه عليك ما هو الحل اصلح الله حالنا |
موضوع مفيد مررررره وانا ملاحظ هالشىء في الاسواق تسلمووووووووو خيوو على النقاش المميز من صاحبه المميو دائما ننتظر جديدك خيووو |
اقتباس:
الأجمل طلتك كلامك أسعدني وأبهجني أنا معاك في كلامك..وأقول الاثنين يتقوا الله فيما يفعلون.. لانلوم الشباب فقط..ولكن أيضا الفتاة.. أفتخر بمرورك الرآئع لاعدمتك |
اقتباس:
كلامك صحيح وجميل.. أما الحل.. فلا أستطيع الإجابة بالكامل.. لما أرىه الآن في فتياتنا وشبابنا.. وأكيد مو كلهم.. بس أقول للبنت (أنتي لؤلؤة في صدفـــة) أظهري جمالك ومحاسنك لمن يستحقها.. أما الشاب..اممم صراحة مادري شقول.. بس سالفة الموضة ماقلنا شي امشي ع الموضة بس لاتكون إمّعــة..كل ماهب ودب تسويه..حتى لو يخالف عقيدتك وتقاليدك.. صدى الذات أبهجني مرورك كل الشكر |
اقتباس:
التميز يكمن في تواصلكم معي شــآكــرة مرورك العطر |
السلام عليكم ورحمته الله وبركاته ،،،،،
اشكرك على اختيارك مثل هذا الموضووووووووووووع المهم وفي وقته ومحله والذي اعتقد الكثير يروووون من قراءتهم للموضوع الخطأ على البنت وهذا مما لا شك فيه لكن ،،،،،،،،،، انا عكس الناااااااااااااااس كلهم ،،،، لاني ارى الاثنين كلهم خطا الشباب والبناااااات الخطأ يني مشترك من الجنسين صحيح البنت كما قلتي ليه وليه وليه ،، وليه تلبس وليه تتزين لكن الشباب برضه وش له حاجه في سوق الحريم ،، ممكن جاي مع اهله يكووون مع اهله لكن اغلب اللي يلاحقووون البنات يجيون لحالهم كعصااااابات ومن يصيد اكثر ،،، ويبدووون اخر الليل يتنافسووون انا رقمت ثنتين والثاني رقمت ثلاث واللي كلمته واللي طلعتها والى اخره ،،،، ما ابرر موقف احد لكن خلاصة الكلام الخطأ مشترك من الجنسين واهاليهم ،،، |
اقتباس:
كلامك سليم 100% رآقني رأيك وأسعدتني مداخلتك الله يهديهم ويحفظهم شآكرة عطر مرورك |
| الساعة الآن 10:07 AM. |