|
وش ورى المدارس؟؟؟؟؟
بسم الله الرحمن الرحيم
السلام عليكم ورحمه الله وبركاته موضوعي هاليوم وش اليوم ؟؟ اليوم الثلاثاء صح ابكتب عن مشاكلنا بالمدرسه الثانويه موضوعي لاخ الطالب لمعلم الطالب للمرشد الطلابي ولمن له علاقه بالامر وللجميع :f: مشاكل المدارس كثيره بس ابتكلم عن اللي شفته بمدرستي وعايشته وملاحظه المدرسه اللي فيها في حي راقي ومدرسه حكوميه ومسوين فيها حضاريه بس المشاكل ماتخلو وكثيره بس اتكلم عن مشكلتين هنا وبكل صراحه الشذوذ والمخدرات نبدا بالمخدرات, المنشطات.... صحيح ماالاحظها كثير بس بعض الاوقات القى طلاب يوزعونها بينهم خاصه ايام الامتحانات يجيك الواحد طالب ثالث ثانوي معه حبتين يروجها بين طلاب اولى ثانوي مسوي فيها حركات وكشخه؟؟؟ قبل فتره صارت موضه انتشار مخدر رش لوكر<< اسمه المتعارف بين الطلاب عندنا بس في الغالب طبقه الطلاب الشاذين سمعت عنه انو ينشط ويزيد الاحساس بالاثاره وامصايب كثيره. تلقى طلاب ورى المدرسه معهم حبتين فرحانين فيها :eek: الشذوذ هاذي المشكله ومصيبه مدرستنا صاحبي يحلف بالله انو ثلاث ارباع المدرسه شاذيين << قول لا اله الا الله فصل صاحبي كنا نسميه فصل المتزوجين لكثر العلاقات الشاذه بينهم لدرجه انهم ماينحرجون من تبادل القبلات امام الطلاب في الفصل:love11: قام صاحبي وبلغ المرشد الطلابي .. جاء المرشد الطلابي وعرفو الطلاب انو صاحبي اللي بلغ عاد قامو انكرو واتفق الاغلبيه اذا كان في احد شاذ فانه صاحبي اللي صار انو تعاقب الفصل كامل مع صاحبي ومع الطلاب الصالحين هناك بفصلهم وحتى بفصلي صرنا نخاف نبلغ عن اي حاله او اي منظر شذوذ نشوفه بعيونا عشان مانتعرض للمشاكل وصرنا نشوف ولا كنا نشوف لتكرار المشاكل والمواقف :wed18: ..... قبل ايام خرجنا من المدرسه وتفاجانا بطلق ناري وش السالفه ياولد؟؟:wed a1: طالب يدرس بالصف الثالث او ثاني متوسط خرج مع طالب اسمر بسيارته والله العالم للمارسه الشذوذ وفي النهايه الدوام يجي اخوه الكبير عشان ياخذ اخوه ويتفاجاء انه يشوف اخوه قاعد ينزل من سياره ذاك الطالب صاحب البشره السمراء وبطريقه مانعرفها :wed a1: عرف انه سوى مصيبه مع الولد اللي سواه اخوه واللي اعطيه من العمر 28 سنه انه طلع السلاح من سيارته ويطلق طلقه تروح بالهواء وقتها نطو عليه الناس في الوقت اللي اطلق فيه الطلقه الثانيه واللي مرت من جنب اخوه اللي مايبلغ من العمر الا 14 سنه تخيلو وش احساسنا بالرعب؟؟؟ :wed a8: اكثر اصحابنا والطلاب فكرو انهم لو يفكرون يبلغون اهلهم عن تحرش صار لهم من الطلاب او سوى مصيبه انهم راح تكون نهايتهم طلقه نار امام المدرسه ... وبالفعل والله في طلاب يتعرضون لتحرشات من الطلاب عاد بالمدرسه عندنا اذا في واحد معجب في واحد والثاني ماعطاه وجه نهايه النهار يجيب اصحابه ويروح عند اللي معجب فيه ويتضاربون معه وا.........(( مشفر)) اقول لبعض الطلاب اللي يتعرضون لتحرش... ليه ماتقول لاخوك هالشئ عشان يساعدك ؟؟ جوابه لي / انت خبل تبي اخوي يذبحني؟؟؟ وانت على بالك ان اخوي والا ابوي بيصدقون ان مالي يد بالموضوع؟؟ والله اعرف طالب مجتهد بالمدرسه ... يجلس لحاله ماقد شفته يمشي مع احد مره وحده قلت خلني اشوف وش في الولد رحت وجلست عنده وسولفت معه عاد هو حسب اني معجب:wed a1: قلت له ليه ماتمشي مع احد والا تخاوي احد قال لي: كل الطلاب خربانين وعشان احافظ على نفسي وعلى اخلاقي وعلى اجتهادي ماراح امشي مع احد بالمدرسه والى الان اشوفه مايمشي مع احد يعني لهدرجه صار الوضع السيئ في المدرسه؟؟ وين المدير وين المعلمين وين الارشاد الطلابي اذا اشتكينا والا حاجه دخلو على الفصل وقامو بمعاقبه الفصل ورمو بكم كلمه يالمتزوجين يالبنات يالشاذين ويتريقو فينا ويطلعو ؟؟ وين الحلول .؟ وين الاهتمام بالطلاب؟ :wed39: وكمان عندكم مثلا حركة الرسايل واخر اخبار الشاذين وانتشار المقاطع الاباحيه بين الجوالات الامتحانات النهائيه قصه ثانيه هاذي قضيه لحالها بس اذكر فيها لما يطلعو الطلاب من المدرسه وين اهاليهم عنهم ؟؟ ليش الواحد يدخل البيت محد يقول له وين كنت لهالوقت يلعب على اهله الولد يقول توهم فكونا وهو كذاب له ساعتين مدري وين بعيوني وانا اطلع من المدرسه اشوف سيارات المروجين والمنحرفين موقفه تنتظر طلاب اللي يروحون لهم برجولهم تعرفون برنامج 99؟؟ تذكرون الحلقه اللي تكلم فيها عن مشاكل الشذوذ وهالاشياء لما سئلو احد الشباب المنحرفين اللي يترصد لطلاب قالو له وش تستفيد من ترويج المخدرات قال: استفيد ماديا واستفيد اشياء ثانيه .. قالها وهو يغمز بعينه باشاره حقيره الى الشذوذ ولما قالو له وش تقول للاباء الطلاب قال : اقول لهم ياتجون تاخذون عيالكم بعد نهايه الامتحان او اجي انا واخذهم يعني بكل صراحه ... :wed26: في احد قد اهتم بعوده اخوه من المدرسه متى رجع ؟ ومتى خرج من المدرسه ؟؟؟ في احد فكر يشوف جوال اخوه وش فيه ؟؟؟ شاف الملاحظات والمقاطع الفديو؟؟؟ في احد راح يسال عن اخوه بالمدرسه ؟؟ والا مافكر فيه وبقى يفكر بنفسه ؟؟ في احد شاف مشاكل اخوه ؟ وفكر يسولف معه ويشوف مشاكله ؟؟ والا مسفهه على انه مراهق انتبهو على اخوانكم على اولادكم لاحظو اي تغير... اي تاخر في العوده للمنزل مع مين يرجعون من المدرسه.... وكيف مستواه راقبوهم والله يضيعون والاهل مسئولين عنهم والله اجي ابطلع من البيت امر على امي اقول لها امي تكفين ادعي ان الله يحفظني ويردني سالم والله مافي احد يأمن نفسه وشكرا <<< مو عارف ينهي الموضوع ننتظر مشاركاتكم هع هع باي باي |
وازيد على طرحك واقول ان العائله هي ذات الدور الاول في هذه المشاكل يعني ولد تعرض لتحرش يجب ان يخبر به اهله ويجب الاهل ان يكونوا ذو نظره واتخاذ الطريقة السليمه يعني الذهاب الى المدرسه والتحدث مع المرشد واحضار والد الطالب وهنا يتم اتخاذ الاجراء اللازم ولا يمنع هذا وجود دور للشرطة واخذ تقرير على الطالب المتسبب صدقني لو احيينا هذه الامور في حياتنا لتوقفت كل هذه المشاكل من الفتره الاول قبل ان يكون الضحية صاحب خبره في هذه الامور بل يصبح والعياذ بالله اشبه ( برجل الدعاره ) يجب ان نوعي الاهل والطلبه بهذه الامور يجب ان نقول ضع حد لهذا الاستهتار قبل ان تكون ضحية له وتحمل هذا العار طيلة حياتك .. طبعا هناك امور نفسيه ومريضيه وجينيه او طريقة تربية خاطئه وهذه ايضا لها علاج ويجب على الاهل يكون لهم دور كبير فشكرا لك اخي الكريم على هذا الطرح الصريح وانتم يجب ان يكون لكم دور في التوعية ويجب ان لا نقول هذه المشكله عند جاري او زميلي بالمدرسه ليس لي بها اي دخل ثق انها سوف تنتقل لك لا قدر الله تقبل تحياتي لك |
اقتباس:
|
اقتباس:
هههههههههههه وانت الثاني كمان والله العظيم اني باقي في صف الثالث ثانوي ... ويشهد ربي على كلامي انا ماجيب كلامي من خيال .. هذا شئ عايشته تبغوني اكتب عن مشاكل الدوله ؟؟؟ اكتب عن مشاكل المنتديات ؟؟؟ هاللي تبيونه؟ انا جبت شئ اشوفه كل يوم بعيوني ... شئ اتعرض له كل يوم ... مشكله ودي اصرخ في وجهه العالم واقول لهم ينتبهون لها... في وقت اللي حولي كلهم متجاهلينها ... الى متى؟؟ ودي اطلع اللي بخاطري واقول مشكلتي ومشكله غيري هنا انا اجيب شئ واقعي ماجيب موضوع يحوي مشكله المنتدى اطلع فيه بـ60 رد اجيب مشكله اعيشها انا واقول لكم وش الحلول اللي ممكن نسويها اذا تبغونا نسكت ونقول عيب هالكلام .. منو ينتبه على مشكلتنا ويعالجها لنا ؟؟؟؟ انا ماطلبكم تصدقوني اطلبكم تعطونا حلول تحسون فينا وتنتبهون على اخوانكم ؟؟؟؟ انتبهو لذات المشكله ولا تنكرونها |
وش فيك كاتب مهستر
ههههههههههههههههههه الله يهدي الجميع |
يأ اخي نمزح معاك الله يوفقك ولي عوده للمشاركه اخوك صدى الذات |
اقتباس:
طيب شوفي نظره الطالب تجاه المشكله طالب يتعرض لتحرش ... يروح يقول لابوه والله يابوي فلان تحرش فيني وسوى فيني كذا وكذا هل ابوه راح يتفهم مشكلته ؟؟ والا راح يصكه بكم كف ويجلده على ذنب ماسواه تري هاذي ردة فعل الاباء الا من رحم ربي انا طالب واعرف وجهة نظرا الطلاب اقسم بالله انهم يخافون خوووووف غير طبيعي انو يوصل خبر لاهاليهم اذا في احد تحرش فيهم والا حاجه .... واكثر شئ يسبب الشذوذ بالمدارس (( الفراغ العاطفي + مرحله مراهقه تتأجج فيها الشهوات) يعني نلاقي هالمشكله منتشره بشكل فضيع بالمدارس كلها وش نسوي بس... شاكر لمرورك اختي |
اقتباس:
بس متحمس :a024: ههههههههههههههههههههههههههههههههههههههههه |
اقتباس:
سوري الخطاء مني ههههههههههههههههههههههههههههههه انا استعجلت شوي<< شوي وبس هههههههه الله يحيك اخوي وانتظر عودتك ههههههههههههههه |
معاك حق في كلمه وااقع محد يقدريهررب منه غيير اللي قلبه متعلق بربه ومحافظ على نفسه ورضاالوالدين ودعاءهم ربنا يحميهم نرجع لموضوعنا : الاسره لها دوركببييييير أول شي مثال ليش الاب ليش مايكون في منزله الاخ والصديق لابنه موشررط أب فين العيب تقول لي عشان اناكبيربالسن ياماالصداقات والمصاائب تجي من أغلبيه كبارالسن ليش ماتكون بهذاالسن مهيأ تصلح أموربيتك حمايه بيتك وأولادك من غدرالزمن محد يضمن نفسه في هذي الايام في حاله غضب يتغيرمسارحيااااتك مثل الشاذييين أكيد كانواقبل كذاا أولاد مؤدبيين ومجتهديين في المدارس فقدواشي في البيت مهم فقدوالحنان والمصارحه بين امه وأبوه فهذه الثغرهـ قدريدخل منها الشيطان < الشااذ قدركييف يتخلل الى قلب الشاب الاخر عوضه عن اشيااء في البيت بالتدريج حبوب ومنشطات وقبلات وووو الى ان وصلت الامور الى فقدرجولته والعياذ بالله ثانيا دورالمدرسه : كل واحد اذايبي يحل مشكله طاالب جااك أبوك ووقف في وجه المديروالمرشد اناولدي ارجل واحد انا وانا يجلس يونون على راسهم ويطلعهم الغلطانيين وهذااغير اذاكان له نفووذ بالمجال التعليمي كم شخطه قلم يطيرمدير من كرسي ويحط واحد غييره فالخووف على مستقبلهم هو الدافع ورى سكوتهم على الجرائم هذي والادهى والامر من هذاااكلــــــــــــــــــــه انه صارت حادثه في أحدى المدارس انه مديرالمدرسه هو شاذ والعياذ بالله يمسك له طاالب يعجب فيه وتحرش بسطوح المدرسه في اخرالنهار اووقت الحصص واذاحاول الطالب التكلم بالجريمه وقفه الشيطان < المديرباللعب في الدرجات وتشويه سمعته فاتى المدير لهذاالطالب السكوت على الجريمه من باب مستقبله واللعب فيه حسبي يالله ونعم الوكيييل ثالثا : الشارع أغلبيه الشاذييين وبايعيين المخدرات من الاحيااء غياب الدوريات الامنيه من النوعييه هذي هوتفاشيهم في اماكن مظلمه ليمارسونشاطهم اي كان نوعهم لاعاده صفقات مربحه وهي طلاب المدارس هم الهدف اذالم ياتيهم من بيئه الشارع يلجا اليه بالمدرسه لتشويه سمعته بين اصدقاائه راح يستغربون لانه متواجد معه بالحاره فيسكت الطالب المتهم وكل اصابع الاتهام تتوجه اليه سوآآء من المدير والمشرف ووو والاهم من هذااكلله الاسره تنصعق عند سماعهم هذاالنبأ بابنهم وحيدهم اي انتم قبل حلول المصيبه ارادكم عون له في بدايه عوده اللين ولكنه انكسرهذاالعود عندما لما يجد له يدالعون من اقرب النااس له وآسفه على الأطااله بس بجد موضوووع مهما نتكلم ومهما ومهما ماراح نحل المشكله هذي بالقلم يسلمؤؤؤ يالغلا رآآآآآآآآآق لي الموضوع تحياتي لك |
الله يصلح ويهدي شباب الامة الاسلامية
الله يعطيك العافية على الموضوع |
السلام عليكم ورحمة الله وبركاتة
هذه مشكلة قديمه جدا ... حتى في ايامنا بالثانوية ... اباءنا شغلهم بس الصرف والتدليع لااهتمام ولااخذ الموضوع محمل الجد .... اغلبنا بالخليج .. مانتعب انفسنا بتربية سلمية ... المدارس لازم تشدد اكثر وتضع حد لما يدور فيها ... افضل حل انت كطالب تسويه في هذه المرحلة ... الابتعاد عن كل هذا تنتبه لمذاكرتك وتترك عنك الاخويه .. والعربجة واخو العيال ...والكلام الفاضي هذه حاليا... بكرا لكبرت لاحق على الربع ... نصيحة واتمنى انك تكتب لنا اي مشكلة ...تشوفها منتشرة في من هم في سنك ... انتوا في هذا السن محتاجين توجيه ... واقلها تكتب مابداخلك وترتاح .. ولا تتردد ولا تخجل .. شكرا لك |
.. صرآحه شي يخوف آقرآء كلامك ومصدومه من الحال اللي وصل به الشباب آول مره آعرف آنو المخدرآت يتباها بهآ كذآ بالمدارس *_* الله يحفظكم تدري المشكله الاولى .. المدرسة آقل شي تعمله آنو آي طالب يبلغ عن شي مخالف يكون بسريه تآمه .. ومعالجة المشكله مع آولياء الآمور قبل مايستفحل الآمر آكثر من كذآ مو آي طالب يبلغ يكشفو آمرهـ هذآ هو الغلط بذآآآته آنت الله يحفظك .. لاتخاف آي شي تشوفه مخالف لدين مثل هالمنكر آستغفر الله بلغ آهلك هم بدورهم يتواصلو مع الاداره للوضع اللي تقول عنه وسكوت بعضهم على الوضع .. هو اللي زاد المشكله هنآ الله يحفظكم جميعآ .. وآنتبه لنفسك من هالشباب اللي مضيعين آنفسهم والحين الواحد يبقى بالمدرسه بدون آصحاب آحسن .. آنت خليك بمذاكرتك وآشغل وقت فرآغك بآي شي الله يحفظك ويحفظ شباب المسلمين ويهديكم |
لو كل طالب يفتح قلبه لاهله ومايخلي حاجز بينه وبينهم
كان انحلت المشاكل كلها وفي المقابل دور الاهل في احتضان مشاكل ابناءهم وايجاد حلول لها كاتب نصيحه اخويه كل يوم ادعي هالدعوه اللهم اني استودعتك نفسي فأحفظها كما تحفظ عبادك الصالحين والله يوفقك ويحفظك |
والله موضوع دينجر كاتب كلامك أقسم بالله صحيح100% انا قبل سنه كنت في الثنويه كان عندنا مشاكل الشذوذ أحس مالها حل !!!!
مشكور كاتب على جهدك وان شالله يهديهم |
صدق المووضوع هذا من زمــآن افكــر فيه...
بنت خالتي بالأول دخلت كليه...بس شــآفت الي ماينشــآف... بنات يدخنون...مثل ماذكرت شذوذ,,تحصليهم في كل مـكــآن..تقول احس نفس ف فلم.. اول مره شفتهم عند دورت المياه.. قمت شهقت بقووهـ رجعت ع وراء من قوه ارجعه صبخت بالباب...حسيت اني رآح ادوخ من الي شفته....... طلعت بسررعه انا اركض...رحت لم صديقاتي انا انفس مقطوع.... لما وصلت حاولت اهداء لمى حكيت لهم ماصدقو....! صار اشي موجود بالكليه بكثرره كمـــآن,,! مــآجلست بالكليه غير اسبوع بعدين طلعت منه لكليه ثانيه.. ايـــــــــــش الحــــــــل؟ خاطري اسئل الي مارسو الشذووذ اعرف منهم السبب؟؟ لاحول ولاقوه الابالله..استغفرالله واتوب اليه.. شكــــرآ ع الطرح...دمــت بــود.. |
اقتباس:
ياجماعه اللي مارس الشذوذ يجاوب على السؤال ؟..:wed12: ســـلامـــات مرهفة الاحساس .... تدورين الحل عند الجاني ...؟؟؟؟ لاتسئليهم ولا شي .. ذكرلنا لك السبب من قل التربية والوازع الديني ... والله يهدينا ويهديهم |
اقتباس:
بدايه قلتي دور الاسره بالفعل وين الاسره ... الولد يرجع من المدرسه وش يشفون فيه اهله ؟؟؟ ممكن مايلاحضون شئ عليه ... بيجي يتغداء ثم ينام ثم يطلع العصر يلعب كوره والمغرب على بلاي ستيشن وبعد صلاه العشاء يذاكر ويتعشاء ويروح ينام ... مافي شئ غريب بنظر الاسره على ولدهم بس في المدرسه ونهايه الدوام .. مو ذاك الولد الصالح المجتهد في نظر اهله .. تلقاه يسوي اشياء تضيعه مستقبله ..... لان مافي احد يجي يسئل عنه بالمدرسه يشوفه اذا طلع اخر النهار وين يروح .. يشوف اصحابه يشوف مستواه الدراسي... ثقة اهله العمياء فيه او العكس اهمالهم له ..... هو اللي يسوي في الطالب كذا دور المدرسه بدايه من الطلاب الى المعلمين والارشاد الطلابي والمدير ... نلاقي فيهم خلل .. الطلاب يشوفون كل شئ يشوفون ترويج المخدرات بين الطلاب يشوفون الشذوذ واي شئ ثاني... بس يسكتون مافي احد يفكر انه يروح يكلم الارشاد الطلابي ... وانا منهم والله اشوف اشوف بس مافكر اروح اقول شئ للارشاد الطلابي لاننا في المدرسه نخاف اصلا من الارشاد الطلابي وانهم يقلبون السالفه على روسنا المعلمين .. والله اهم شئ عنده يجي يقول الدرس فهمه الطلاب والا مافهموه ... وبعدها تصفر الحصه وينتهي دوره باعتقاده الارشاد الطلابي... تجي تشتكيه او تخبره بشئ .. يسوي نفسه بيتحقق من السالفه يروح يسأل كم طالب عن السالفه يقومو يقلبونها على راسك وتاكل تراب وتتوب عاد تروح تقول له شئ... لان اسلوبه خطاء في خطاء وماقدر المكانه اللي هو فيها ... المدير ... مايفكر يوضح للمعلمين والارشاد الطلابي دورهم المهم في توعيه والاهتمام بالطلاب دور الشارع هذا دور ثاني لحاله يضيع الواحد ههههههههههههههههههه عيون راعيها لا طولتي ولاحاجه والله ثرثرتي انا مالها نهايه لا تكلمت مابقيت شئ في خاطري هههههههههههههههههه الف شكر لك على حضورك ومناقشتك |
اقتباس:
اللهم امين الله يعافيك ويبارك فيك.....؟؟؟؟ |
اقتباس:
مايتغير شئ... هههههه والله صدقت لاحقين على الصحبه... بس لازم من الصحبه في هالمرحله ههههه اقل مافيها لا صارت مضاربه اخر النهار .. يفزعون لك اخوياك ههههههههه والله ان شاء الله اكتب اللي اشوفه مع اني بالغالب انحرج اكتب خخخخخخخخخ واتردد كثير ... بس في النهايه اقول على قولتك لو مافيها اطلع اللي بخاطري وبس العفو ولك الف الف شكر لك على حضورك :wed12: |
اقتباس:
ماشفتي شئ والله هذا وانا متحفظ .. وكان ودي اقول كل الفضايح ههههههه بس لو اعطي نفسي فرصه انا ابقعد اكتب موضوع طول وعرض هههههههه اوف تري مسوينها كشخه اللي عندها حبتين يحسب نفسه خطير مره .. بس يسألونه اخويها من وين جبتها وكيف جبتها ..؟؟ كنه جايب كنز خخخخخ والله صدقتي ياليت اذا في احد يبلغ عن شئ يكون في سريه والله صدقيني حنا نخاف نبلغ والله لو يدرون طلاب اننا بلغنا عنهم يجمعون شلتهم .. ويجي اخر النهار ... يضربون اللي بلغ عنهم واللي يلعبون بحسبته .. والله في طلاب مافكرو في شئ .. تصدقين والله .. اذا شفنا شئ ماقدرنا نسكت عنه بالمره اقوم انا وواحد من اصحابي ونكتب في ورقه اللي نشوفه ونوضح السالفه من .. الى,, وبعدين ننتظر اذا طلع المرشد من غرفته وندخل بالدس وحنا خايفين بعد ونخلي الورقه على مكتبه ونهرب ههههههههههههه بس عشان مافي احد يعرف انو حنا اللي بلغنا ... ... والله صدقتي لو الواحد يفتك من الاصحاب .. كان احسن لنا... بس وش نسوي لازم يكون في صحبه لنا الله يحفظنا ويحفظ كل شباب المسلمين ويصلح احوالنا يارب الف الف شكر لك على مرورك ومناقشتك يالغلا |
اقتباس:
بالفعل مفروض الطالب يحكي لاهله اللي يصير له من مشاكل ... واذا مره عاد اقرب واحد له . يصير اخوه الكبير يروح يقول له مشاكله احسن من انها تكبر وتكبر الله يجزيك الف خير ... وان شاء الله اني اكون اقول هالدعاء الله يوفقك ويحميك يارب |
اقتباس:
تسلم على المرور ... اكيد انا اجيب مواضيع خطيره هههههههههههههههههههههههههههههههههههههههههه الله يوفقك ويسعدك يارب وان شاء الله كل مشكله ولها حل |
اقتباس:
الاسباب كثيره مثل ماذكرنا .... اقلها عدم الاهتمام بالطالب ووجود الاغراءت المتنوعه لك الف شكر على الحضور المتميز |
المخدرات هاذي مصيبه والله لو شفت بنات عندهم مخدرات اكيد ابلغ خير ماوري اهل ماوري ام واب يخافون عل بناتهم وابلغ بدون خووف ليش السكووت السكوت هاذ يدل على ضعف شخصيتي وابلغ وماخاف من احد حتى لو اقولهم انا الي بلغت وعلى فكره حتى بنات الثنويه عندناء تعرف كيف الانوثه من زعه منهم يعني عرابجه مسوين فيها يعني انا ولد ومن حقي اتهاوش ولا مسوين فيها زعطه يلا نتهاوش ليش؟ لان هذيك دفتني او مسكتني من كتفي طيب واذا مسكتك ليش اهي قصده شي لانك انتي تفكيرك وسخ آم على الشذوذ كاتب مهستر ليش السكوت والله لوكنت بددالك من دون شي اقول الاسماء واطالع فيهم ولا اخاف من احدخير وين عايشين هنا في دسكو لآوالله ان الدسكوه اهون من الشذوذ مصيبه بين رجال ورجال بين بنت وبنت ورش رجال والله مو رجال بعد فيك خير روح تزوج؟ ابرك من انك يسوي شذوذ مع عيال الناس واذا عاقبوه الفصل كله والله ماسكت اذا صار فينا هذا الموقف وفيه ناس كثير يسون شذوذ وفيه ناس بالعونف لآحول ولآقوة الا بالله آلله لآيبلنا كاتب مهستر اذا مريت في هذا الموقف لآتسكت تكلم بالعكس اذا تكبر في عينهم واذا جا احد ناقشك قول انا ماتناقش معك الا عند المدير <<<<<شي يقهر ماحب اسكت عن الغلط كاتب مهستر :b080: ومشكله كبيره الشذوذ يعطيك الف عافيه على الموضوع ...!! (آلآمر بآلمعروف وآلنهي عن آلمنكر) sarah|~ |
يعطيك العافيه اخوي على التنبيه
والحين وبالزمن والوقت الحالي كل شيء اصبح مخيف والمدرسه فالكثير من الطلاب يختلطون من اماكن عده وتربيات مختلفه ولكل شخص طريقه واسلوب وتعامل ناهيك عن بعض المجموعه الفاسده التي تجر الطلاب لكل ماهو سيء سواء في الخلق او التعامل كممارسة الشذوذ وتعاطي المخدرات وغيرها من الفاظ بذبئه نسأل الله ان يحمينا واياك من كل مكروه وان يبعد عنا طريق كل من اراد بنا شر وفقك المولى لما يحب ويرضى مـ الشوق ـلاك |
اقتباس:
يعطيك الف الف عافيه على هالرد والله بالفعل الساكت عن الحق شيطان اخرس .. كلامك عين الصواب... والله قلتي واصبتي يالغلا الف شكر لك |
اقتباس:
صدقتي سنين من التربيه في البيت تضيعها الاختلاط بالاصحاب والشارع الله يحمينا يارب لك الف شكر |
التربيه الاساس وهى القاعده في بناء الشباب والفتيات الدين كاتب فقط |
الله يهدي الجميع
وااقع مؤلم ويحتااج لى وقفاات مع الابناء والاخواان ويستعجل الحل شي يضيق الصدر لاحول ولا قوةالابالله الله يهدي الكل اشكرك جدااا كاتب على غيرتك وتفااعلك مع اخوتك واقراانك الله يحفظك |
اعوذ بالله من جد شي قوي ويهز عرش الرحمان
الله يهديهم والحمد الله انوه ماعندي اخوا صغير :wed35: او احد صغير الحمد الله الظاهره هذي مررره منتشره حتى عند البنات الحمد الله بعد خروجي من الثنوي يعني من 3 او اربع سنين مررره منتشره عند البنات اعوذ بالله مدري وش اكتب وش اقول بس كل الغلط على المدرسه ليش اذا وحده علمت عن منكر يفضحونه قدام البنت الشاذه وتصير مشاكل والحين صارو البنات مايبلغون بسبب انهم بنفضحون قدام كل احد انهم بلغو :b080: المشكله ان بنت اختي تحلف ان بنت توزع حبوب منع الحمل وارقام شباب وانوه فيه بنات يجون سكرنات طبعن اهليه المدرسه وتقول عن الشذوذ لي قصص تخوف لا وبعد فيه بنت ايقاله الرجل يعني تقول انا زوجكم او ابتزوجكم اعوذ بالله من انتكاس الفطره والتخلف كل المسئوليه على المدرسه وينه عن البنات والاشياء الي تصير ؟؟؟؟؟؟؟؟؟؟؟؟؟؟؟؟؟؟؟؟؟؟ واذا وحده علمت فضحوه قدام الشله الشاذه :wed a1: وصارت انواع المشاكل حسبي الله ونعم الوكيل طرح رائع والله يستر على الشباب والبنات |
اقتباس:
شاكرررررررررر لمرورك اخوووي .. والله يحيك |
اقتباس:
العفو ولك كل الشكر لتفاعلك... الله يحفظنا من كل شر ومكرووه |
اقتباس:
ايه والله الله يهدي الحال مشاكل متنوعه ...واحوال بعض الشباب والبنات :wed a1: مخزيه اشكرك على تفاعلك الحلو والله يعطيك عافيه |
مرحبا كاتب .. أرى حرقة تتأجج بين أحرفك تلازم هذه الحرقة خوفٌ من الرحمن وخوفٌ على نفسك كاتب .. لا أريد أن أستطرد في الموضوع وأمللك من القرآئة .. مفتاح الحل أخي هو بيدك أنت وأنت فتحت هذا الحل بكلتى يديك موضوعك هذا هو مفتاح لحل هذه المشكلة ( العويصة ) الحل يتمكن في أدارة صارمة لهذه المدرسة ويبدو من كلامك أن أدارة هذه المدرسة لا يهمها أو أنها غير ملقيةً بالاً لما يحصل بين أكانفها هنا نتوجه لحلٍ آخر .. ولابد من هذا الحل حتى تبتر المشكلة من أوصولها .. كاتب لابد من التوجه لمركز هيئة الأمر بالمعروف والنهي عن المنكر وشرح لهم مايحصل في جنبات هذه المدرسة فالأمر هنا قد خرج عن نطاق المدرسة والأنظمة الوضعة إلى كارثة تؤدي إلى غضب الرب عز وجل .. كاتب إن لم تجد أية أستجابة منهم ماعليك الا مراسلتي على الخاص وسأبحث لك عن حل من أهل الإختصاص كاتب .. كما قلت لك أنتى من بيده الحل لهذه المشكلة ونحن بأيدينا الإشارة والدعاء لك بالتوفيق في حل هذه المشكلة .. |
اول شي اشكرك اخوي كاتب على طرح هالموضوع المهم
بصراحه مدري وش اقول بس والله انه شي خطير والكل غافل عنه واتوقع مهما نسوي ماراح تنحل هالمشكله اذكر ايام المدرسه الشي هذا موجود حتى بين البنات وبشكل مو طبيعي لدرجة انو صار حتى بالمرحله المتوسطه والله يامناظر كنت اشوفها انها تشيب الراس بس وش نقول غير حسبنا الله ونعم الوكيل الله يحفظ اخواتي يارب ويستر ع الجميع تحيـــآآآآآآتــي إلـــك |
اقتباس:
مفروض مانسكت عن اللي يصير والا بيوم نلقى المدرسه تنهد على روسنا بسبب عدم انكارنا للمنكر ... مفروض نتحرك حنا وندور على الحل.. بدال سكوتنا اللي مافي اي مبرر له ... والله كافينا ذنوب .. وش قاعده تصير فينا من كوارث زلازل وفيضانات وحروب وكاننا ماعتبرنا يبي لنا نتحرك وننهي عن المنكر والله صدقت اعجبني كلامك ولك الف شكر على تفاعلك ومبادرتك بتقديم الحل مالنا عوض عنك |
اقتباس:
بالفعل نجد هالمشكله كثير والله وسكوتنا عن الحق .... غير صحيح والله .. واللي يسبب غضب ربي علينا الله يحفظنا جميع يارب لك الف شكر على المرور والتفاعل الله يخليك |
| الساعة الآن 07:52 PM. |