|
نخيتكم ياخواني تكفوووون!!!!!!!!!
السلام عليكم ورحمة الله وبركاته بصراحه عندي موضوع ابغاكم تساعدوني فيه ترددت كثير قبل مااكتبه بس احساسي بأخوتكم وروح التعاون بينكم هي الي شجعتني اكتبه ولو ماعتبركم اخواني واخواتي ماتجرأت وكتبته باختصــــــــــــــااااار اانا كنت ادرس كليه بالحفر قسم تاااريخ بس ربي ماكتبلي توفيق وانطواقيدي كنت منتظمه وعاادي ادرس بس بعد مانقلنا من الحفر للقصيم ورفضوا يقبلوني القصيم اظطريت انتسب بالحفر ولاسف مافهم شي بالانتساب وانطواقيدي طبعا كنت ادرس ثاني باقيه لللاعاده فلذلك انطوا قيدي وهالحين ابغااسجل انتظام قسم عربي بالقصيم بالبكيريه لكن يبيلي واسطه لان التسجيل مايشمل المطوي قيدها وحسيت ان فيه احد بالمنتدى معه فتامين واو احم احم مثلكم وشرواكم مع اني ماحبها بس الشكوى لله وبصراحه مليت من البيت ومابغا اترك دراستي تكفوووون اذاذااحد يقدر يساعدني لايقصر وربي حتى نفسيتي تعبت وراح ادعيله طول عمري من جدهالمشكله متعبتني الي يقدر يراسلني على الخاص سواء مرأه اورجل لايتردد واذاكان رجل يقدر يساعدني اعطيه رقم واحد من اخواني يتفاهم معه بس لاتتركوني اذاتقدرون تساعدوني واكرر واقول معتبرتكم اخواني واخواتي بهالمنتدى تقبلو تحياتي اختكم::: ::نت حرب |
الله يفرج همك ويبلغك مرادك وان شاء الله راح تنقبلين بس عليك بالدعاء انا ماا اعرف اي احد في القصيم ابد وان شاء الله بتفرج لك عما قريب |
لآ أجد بين يدي
سوى الدعاء لك بالتوفيق يآرب وآولاً وأخيراً التوفيق من الله .. سبحانه وتعالىا .. |
ربي يفرج همك غاليتي وعليكِ بالدعاااء وإن شاء الله يتحقق لكِ ماتتمنين ربي يسعدك ويوووفقك يالغلا محبة الووود |
آقوى وآسطه
وآستطك ربك يآدلبي .. مودتي |
يارب يسعدك ويوفقك اختي الكريمه ولاتنسي ذكر الله والصلاه والدعاء اخر اليل وان شاء الله بيسر ربي امرك وتكلمين دراستك وتزوجين ويتيسر امرك انشاء الله واذكري من دعاء الله وانشاء الله اهل الخير كثيرين ومراح احد يقصر معاك كلنا اخوانك وعيوننا لك ولايهمك راح نحاول والله يسعد قلبك يارب
|
خيتي بنت حرب ياهلا فيك صبحك الله بالخير انا من سكان القصيم ولكن فيه كليه التربيه اللي بالرس بحاول قدر المستطاع اني احصل احد اعرفه او احد يعرف شخص بالكليه لان الرس شوي قوانينهم قاسيه وبحاول ايضاَ بالبكيريهـ قدر المستطاع بس ان شاء الله بحاول ولايصير خاطركـ الا طيب اخوكـ تمثال الحب |
الله يوفقك يارب .......... |
يالغلا .. آستغفري كثير وصلي ثلث الليل الآخير وصدقيني يتحقق لك كل اللي تبينه بآذن الله الله يوفقك وينولك اللي تبينه |
الله يوفقك خيتووو ويكتب لك الخير من قلب ادعي لك يسهل لك دربك
احترامي وتقديري لك ونعم فيك لأحساسك باخوتنا ولاتنسي اختي دعوه الصائم قبل وضع حبات التمر في فمك دعاء من قلب خاشع سوف تحسين بسعاده وان الله معك بكل مارجوتيه من قلب مؤمن ومتيقن بالأجابه .. رهيـ عيونها ــن |
السلام عليكم
هلا أختى واضح من كلامك إنك ماتملكين واسطه وشوله وجع الراس والتعب ووش فائدة الدراسة وبعدها راح تقعدين في البيت إذا ما عندك واسطة ... أنا خواتي تخصص لغة عربية [ امتياز ] وماتوظفن ولهن أكثر من 7 سنوات اما تدخلين تخصص له مستقبل وإلى أقعدي في البيت لين يجي ولد الحلال وياخذك زوجة تحياتي |
اختي سنيار::ومها :::ومتى بشوفك حقيقه::وريما بنت دافنشي وعازفة الالحان
لكم مني كل الشكر والتقدير على تفاعلكم يكفيني تفاعلكم بس واحساسكم دعواتكم بس والله يوفقكم تقبلو تحياتي |
اخوي مذاقه سكر اسمحلي اخالفك بنقطه يعني اجلس بالبيت واقول تخصصي
ماله مستقبل اوماراح اتوظف لاياخوي المستقبل بيد الله هوالرازق وبعدين اناعندي اهم شي الشهاده والوظيفه عادي موشرط واذاجت لكل حادث حديث اكيد ماراح اقول لابس ادرس وبعدين يصير خير لك مني كل الشكر والتقدير اخوي على تفاعلك تقبل تحياتي |
اخوي رهين عيونها لك مني كل الشكر والتقديرعلى كلامك الذي يبعث الطمأنينه والشعور بأن الله
قريب تقبل تحياتي |
اختي مذهله لكي من كل الشكر والتقدير ويعطيك العافيه على كلامك الجميل وشعورك الطيب
تقبلي تحياتي |
اخوي صادق الاحساس لك مني كل الشكر والتقدير على تفاعلك الطيب
وعلى ردك الجميل والله يجزاك الجنه تقبل تحياتي |
والله مابليد حيله :wed24: والآ كــآن ماقصرتـ بس عليك اختي بالدعآء واسئلي الله من فضلهـ وبعد انتي حاولي تتسفسرين وتوصين الناس الي عندكـ وآهل الخير بكل مكآن وعسى الله يفرجهآ عليكـ كل الود =) |
مشكور اخوي تمثال الحب على تفاعلك وحسيت بالامل من كلامك
وانشالله تقدر تساعدني او اي احد من الاخوان والاخوات والله يسعدك ويوفقك يارب وانا راح انتظرك بس ياليت بالبكيريه لانهاهي اقرب شي لي وراح ادعيلك طول عمري تقبل تحياتي |
مشكوراخوي ود الجوف على ردك يكفيني تفاعلك
اناعارفه لو فيه احد من الاخون اوالاخوات يقدر يساعدني اكيد ماراح يقصر تقبل تحياتي تقبل تحياتي |
خوي صادق الاحساس مشكور على تفاعلك انت حاول ان قدرت واذاماقدرت
مومشكله الشكوى لله والله يوفقك ياارب تقبل تحياتي |
اختي بنت حرب
الله يوفقك مالك الا الدعاء والاستغفار |
اختي الاميره مشكوره على تفاعلك طبعا ماراح اترك الدعاء والاستغفار
وهو احسن علاج لكن مع بذل الاسباب تقبلي تحياتي |
السلام عليكم خيتي بنت حرب انتي انطوى قيدكـ والكليه ختمت على شهاده الثانويه بختم الكليه في الحاله هذي مالكـ الا انكـ تطلعي شهادهـ ثانويه بدل فاقد وتسجلي من جديد باي قسم تبغينه ... وعلي حسب معلوماتي التي وصلتي مالكـ الا هالطريقه الله يوفقك خيتي واي خدمه تراني تحت امركـ |
بنت حرب الله يكتب لك الي فيه الخير حاولي تشوفي اي احد يساعدك وتكملي تعليمك الايام هذه شهادة الفتاه سلاح لها ضد الزمن تقبلي مروري لفتة ابتساااامه |
اعتقد ان طي القيد مافيه مشكله بعد مرور فصل دراسي
بنظام الجامعه او الكليات اعتقد انه يسمح لك باكمال دراستك بعد فصل دراسي اتمنى لك التوفيق |
أذكرِي وأن سَمَحتِي..من هُوَ ( مُدِير ) الرََّئَاسَة العَامَّة لِتَعلِيم البَنَات فِي مُحَافَظَة القَصِيم .. أو البكِيرِيَّة .. أو عَلَى الأقَل .. الإنسَان الذِي تَشعُرِي .. بأن لَه يَد فِي إتِّخَاذ .. مِثل هَذَا القَرَار فِي نَفس الرِّئَاسَة .. عَلُّنَا نَنجَح بِطَرِيقَة أو بِأخرَى فِي مَد يَد العَون لَكِ ومُسَاعَدَتكِ سِيمَا وإنّنَا فِي هَذَا الشَّهر الفَضِيل .. الذِي تَكُون فِيهِ الحَسَنَات مُضَاعَفَة..وَهَل يَنفَع أن نُصِيغُ لَكِ خِطَاب ( إستِرحَام ) قَد يَكُون مُؤثِّراً فِيمَن سَوفَ يُوجَّه لَه؟ وإن كَانَ كَذَلك..يَاتُرَى مَن هُوَ الشَّخص الَّذِي نُوَجِّه لَه هَذَا الخِطَاب؟ مُؤكِّداً..إنَّ قِيمَة الخِطَاب سَتُكُون زَهِيدَة جِداً وَرَخِيصَة وَهِيَ أن تَدعِي لَنَا .. بَعَد مُنتَصَف هَذَا الليل .. فِي هَذِهِ الأيَّام بالذَّات .. أن يَكُون النَّصر لَنَا وَحَلِيفُنَا .. فِيمَا سَوفَ نُوَاجهِه من خَطَر دَاهِم يُحدِق بِنَا .. بَعَد التَّهدِيد العَلَنِي الذِي وَجّهِه ( بِن لادِن ) لأمِيركَا صَبِيحَة هَذَا اليَوم المُتَضَمِّن حَرب إستِنزَاف طَوِيلَة المُدَى لانَعلَم مَاهُوَ مَردُودهَا السَّلبِي عَلَينَا وعَلَى حَيَاتُنَا وَشُكراً؟ / / إنتـَــر |
| الساعة الآن 05:45 AM. |