|
رئيس لجنة الحكام: ايقاف لاعب نجران 4 مباريات.. وتبرئة ساحة الجماهير الهلالي
الناصر يبرئ جماهير الهلال ويقول : لم اسمع أي كلمة ...وسيتم إيقاف لاعب نجران 4 مباريات وغرامة 8.000 http://www.aleqt.com/a/196234_19205.jpg أكد رئيس لجنة الحكام الرئيسة بالاتحاد السعودي لكرة القدم عبدالله الناصر أن ما حدث من لاعب فريق نجران الأول لكرة القدم علي الصقور هو سلوك مشين وقال : "إنه أسلوب غير حضاري وسلوك مرفوض في ملاعبنا وكشف أن لائحة المخالفات والعقوبات سيتم تطبيقها على اللاعب موضحاً أن اللائحة تقضي بإيقاف اللاعب الذي يقوم بالاعتداء بالضرب المتعمد على أي لاعب أو إداري أو فني 4 مباريات رسمية إضافة إلى غرامة مالية قدرها 8.000 ريال وهو ما تنص عليه المادة 30 في الباب الثالث من لائحة المخالفات والعقوبات". وأشار إلى أن أمانة اتحاد كرة القدم ستنتظر تقارير حكم المباراة لاتخاذ قراراتها النهائية. وقلل الناصر من نزول رئيس نجران إلى أرض الملعب مشيراً إلى أنه مسجل في كشف المباراة (سكور شيب) ونزوله كان طبيعياً ولم يحدث منه شيء يستدعي الحديث عنه. من جهة أخرى أبدى عبدالله الناصر استغرابه من تصريح رئيس نادي نجران مصلح آل مسلم وقال: "إن آل مسلم انتقد التحكيم ولم يكن انتقاده في محله حيث أن الحكم خالد الزهراني قدم مستوى جيدا وقاد المباراة بجدارة ولم يرتكب أي أخطاء في المباراة"، وحول قول رئيس نجران بأن الحكم كان مهزوزاً وأنه يستغرب نيله الشارة الدولية قال الناصر: "إن هذا رأيه ولا نستطيع أن نسيطر على آراء الآخرين"، وأضاف: "بأن جميع حكام الجولات السابقة كانوا ممتازين ولم يرتكبوا أي أخطاء باستثناء ضربة الجزاء التي لم تحتسب للهلال في مباراته أمام القادسية". واستطرد يقول : "ثقتنا كبيرة في الحكام السعوديين وقرار عودة الحكم الأجنبي بيد الرئيس العام لرعاية الشباب الأمير سلطان بن فهد ونائبه الأمير نواف بن فيصل، وأضاف: "إن رئيس نادي نجران اعترف بأخطاء لاعبيه ورغم ذلك راح يلوم الحكم". ونفى الناصر أن يكون قد سمع أي كلمة عنصرية خلال المباراة وقال: "لم اسمع أي كلمة من جماهير الهلال خلال المباراة". |
غريبـــــــــه ، هالمــره منصفيـــــن !!
يمكـن عشـان رمضـان يعنـــــي !! بصراحه يوم شفت رئيس نجران باقي عليه شوي ويبكـي مثل غيرهـ !!! وانا عارف إن الأتحاد السعودي يدور هالشيء وقلت اهلاً بالعقوبات لكن أستغربت من ردة الفعل عندهم ، أن شاء الله يستمرون على هالشيء بعدين انتي من وين لك هالاخبـار ؟ لك مصادر خاصه يعني؟ هههه هالخبر مو في منتدى الزعيم الرسمي:( |
هلا و غلا
قمر 14 الف شكر على التصريح الخاص برئيس لجنة الحكام،، والله يستر من الحكام هالموسم الموشرات في بداية انطلاق الموسم لا تبشر بالخير ،،، |
(( شيعة زيود )) تردد وتشعل الفتنة بيننا لا وبقوة عين مساكين مثلتم دور البراءة (( خضرة الشريفة ))
الله يعين الاندية عليكم هالسنة |
يستاهل العقوبه تصرف ارعن في المباراه مادري ليش كل رئيس نادي يطلع بعد المباراه ويقول الحكام ظلمونا ؟ وش الفايده ؟مع ان الحكم ماغير مجرى المباراه ؟ كيف لو اخطا ؟ليش مايعترف ويقول الفريق سيء ؟ يعطيك العافيه |
اقتباس:
اي والله الحمد لله اول مره يسوون شي زي الناس .. هههههههههه والله كـان نفسي أحط الـمـصدر لاكن أخـاف ينحذف بعدين اذا ما لقييته بمنتدى الزعيم تلقاع بمنتدى الزعيمات هع هع هع وعلى فكره هالقرار طالع امس بس انا تأخرت وما نزلته الا اليوم >>> أجـل لي مصااادر خاااصه " يــااااااااااليـت " خخخخخخخخخ تسلم اخـــوي "فيـ«al-wed»ـصل "ع مـروركـ .. moOon 14 |
اقتباس:
الشكر لـكـ أخــوي " البركـان " ع مـروركـ .. وإذا ع الحـكـام اي والله مستوااااهم جـدا يخوف والأنديهـ هي الضحـيـهـ .. تحياااتي .. moOon 14 |
الله يوفق الهلال وينصره على العداء <<حرب مو كوره
تقبل مروري |
اقتباس:
أولا : لا تتهم احد اللي يشوووف وكأنك حاضر المباراة وجالس بوسط الجمهور الهـلالي .. ثانيا : بـدل لا تتسمع جماهير الهلال اش تقووول ياليت تهتم بناديك وتخلي " الـزعـيــــم " بحالهـ .. ثالثا : لنفرض ان الهـلال قال شي من الكلام اللي لفقتوه عليه يالجماهير الصفراء ليش ما شفت هتافات النصر قبل موسمين امام الخليج .. ولا هتافاتكم السنه اللي راحت معطينها الطرشى لاكن ما اقووول الا " يعيبون بالناس والعيب فيهم " عموما .. يسلمووو ع المـرور .. moOon 14 |
اقتباس:
ههههه أخــوي " فهد الشمري " انت ما تدري ان الهـلال شماعه لتعليق هزائمهم .. هههههه واذا على تصريح آل مسلم ان الحكم ظلمهم شكل الـخـمـسـهـ عامله عمايلها فيه وأثرت عليه وخلته يشوف كل شي بالمقلوب ههههه و يسمع كل شي بالمقلوب .. |
اقتباس:
عـــوآآآفي أخــوي ع المــرور .. |
أنا ماشفت المباراه
بس شفت تصريح رئيس نادي نجران وتهجمه ع الحكم يعني إذا خسر فريقك من فريق كبير على طول السبب الحكم !! عوافي مون 14 :) |
اقتباس:
تسلم أخــوي " قيس نجد " اي والله يعني بصراااحه كـلنا شفنا دخووول لاعبين نجراااان على لاعبينا بدون كره ولو بتشوووف المباراة والله زين ما فيه اصابات للاعبين .. وغير على كذا جميعنا شاهد اللمباراة ولم يسمع شي .. |
نحنا عيال اليوم
مالي ومال السنة اللي راحت ونادي الهلال اول من بداء الهتافات العنصرية في كل سنة من ايام محمد بن فيصل لين العام يوم سكتوكم كل الجماهير السعودية وباقي هالسنة الله يقويهم بعد وتظلون ساكتين هههههههههه وثانيا انا ادخل واكتب اللي ابيه هذا راي فيكم وانا حر |
قرار مناسب رغم ااني مع عقوبة اكبر للضرب المتعمد لكي تتلاشى من ملاعبنا . . يعطيك العافية قمر |
اقتباس:
لااااااا يالفاااهم اجل احنا عيال اليوو هاه يا بابا مو الهــلال اللي يسكتونه الجماهير الصفراء واذا على انه سكتلكم السنه اللي راااحت احــلم يسكتلكم السنه هـذي تدري ليش لأن الجماهير المحسوبه عليكم يعني اذا الواحد سكتلكم خــلاص بس مثل ما قال شبيه الريح " انتهى وقت الصمت " وبعدين يا اخي تقووول انا حر ادخل واكتب اللي ابيه اكيد انت حر بس تتعب نفسك وتدخل موضوع ما لك صلاح فيه وبالأخير يرمي الناس بحجر ويقووول سامع وما ادري كيف وأنت جالس تشوف مباراة فريقكم .. قال ايش قال احنا عيال اليوم .. وانا اقولك جيب دليل .. |
اقتباس:
اي والله المفروض التوقيف بالشهور يعني يوقف 4 شهور مو كـذا 4 مباريات وأذا راحت مباراتين قالو انتهت نصف المده يعني هو آخذ كرت احمر يعني اكيييد ما راح يلعب المباراة القادمه يعني بس زادوا مباراة وحده .. |
اعصابك اعصابك
لا تتهربين ولا اي شي من اللي بداء الهتافات والمهاترات التافهه بالملاعب السعودية الجماهير الصفراء ها !!!!!! طيب طيب وانتي مثل ماقلتي من عيال اليوم واليوم قلتم وقلتم ومااحتاج انزل دليل نزلته كثير من قبل لدرجة انه مرة من بشاعة المنظر تم حذفه حفاظا على الخلاق العاااااامه واتحدا احد ينكر الا عيال اليوم هههههههههههه برب ياقمر |
يستاهل لاعب نجران هذا العقاي
ومسألة ان جماهير الهلال اسدروا كلام في نادي نجران الصراحة لم يصدر منهم وانا كنت متواجد مع الرابطة ولم يصدر منهم اي هتفات ضد نجراااان يسلموووووووووووو مووووووووون ع هيك اخبار تحياتي |
اقتباس:
ههههه أنــا مــا عصبت و لا تهربت أتهرب من ايش و على ايش اصلا اعصب على اشياء " اللهم لك الحمد والشكر " وبعدين بدل لا تقعد تنبش ورى الهــــــــــــلال ..ياليت تسويلك شي ينفعك أحسن من شي يحرق دمـك >>> حـــااارق دمك الزعـيـــــــــــــم .. |
اقتباس:
أصـــلا ما فيه دليل وسبحاااان الله اللي سمعه الجمهور الأصفر لاكن ههههههه وهــذي لجنه الانظبااط طلعت الهــــــــلال برآآآئه .. فـديـت الهـــــــــــــــــلال وفديت كل من يشجعه .. |
< متابـع الموضوع بـ صمت
لاني ما عندي شيء أقوله رغم أنها بنت بس أقنعت الجميع ،وكلامها مدعوم بالادلـه والبراهيـن عكس من يجادلها بالموضوع بأتي بكلام نصفه أستلطلاف والنصف الثاني عاري من الصحه اذا جمهور الهلال تلفظ بألفاظ عنصريه يستاهل العقوبه لكن ليش طول مباريات السنه الماضيه ساكتين على الألفاظ اللي تحاصر كابتن المنتخب السعودي طول مباريات فريقه والمشكله أنها ليست إلفاظ عاديه ، إلفاظ تطعن في الشرف والتربيه وقد تكون سبب في هدم بيت زواجه ولا عشان هالالفاظ موجه للأعب يلعب بنادي الهلال ، فالوضع عادي ولا يهم ، الهلال ليس جدار مايل شبيه الريح كبر عقله السنه الماضيه لكن هالسنه راح يعاملكم بالمثل والله ينصر الهلال على كل من يريد دمارهـ واهلاً وسهلاً بمن يريد المنافسه الشريفه البعيده عن الف والدوران من تحت الطاولات كـنت هنـا !! |
اقتباس:
يعطيك ألــف عــآآآفـيـهـ " فيـ«al-wed»ـصل " صـراااحـهـ هذي شـهـاده أعتز فيها وخصوصا انها منك >>> أووووخص يـا مووون يـا خـطيره .. ههههه تحيااتي moOon 14 |
والله ياحبيبي محد قال انها مااقنعتني ولكن هي بالعكس اللي ماتبي تقتنع
مثل اللي يحب يشوف اجابيات حبيبه ومايشوف وش مصاااايبه وتبون دليل على الالفاظ والا مايحتاج واذا تبون انا حاضر وكل شوي ترجعون وتقولون ياسر وياسر وياسر وياسر ياحبيبي ايه قلنا هالكلام ايه وقالوه كل اندية السعودية ايه وانا اعترف بها الشي لكن ماانكرتها مثلكم وانا انسان ماحب الكلام الكثير كلمتين ورد غطاها اجيب الدليل و تكونون قد المسوؤلية وماتحذفونه انا حاضر بتحذفونه وبتوسون فيها خلوني هنا اريحلي وفي شي نسيت اعمم عليه الاحظ كلام مثل خليك بناديك ولا تحرق دمك>>>> ( حسستيني انك البلوي حارق دمكم ) ثانيا من حقي وبكيفي انا ابدي راي قاعد وانتي انسانة محروق دمك والاخ فيصل هذا راي انا وبس وانتظر ردكم تبون الدليل والا ههههههههههه لا |
اقتباس:
هههههه مـــو أنــا اللي أنـحـرق من " رئيسكم السابق " الخـــلووووووق >>> اللي مبتعد حاليا علشان أمه تعبااانه هههههه وبعدين تقووولي الدليل يا بابا لو تلاحظ الصوووت هو نفسه صوووت مباراة النصر والخليج قبل موسمين ،، والنصرااويين هم من قاموا بعمل دبلجه الصوووت ،، بتقووولي الهلال هو اللي راح دبلج الصوت على مباراتهم مع الخليج أقووولك لاحظ الصوت وتعرف لأن الصوووت وااااضح انـوا من مكبرااات استاد " الملك فهد " وليس استاد الامير فيصل بن فهد .. وانت عارف كيف مكبراته وبعدين فرضا ان الهلال قال الالفاظ اللي تبليتوها عليه مثل ما قال " شبيه الريح " نرضى بالعقوووبه حتى وان لم نقل شيئا ولكن لابد من معاقبه الجماهير الصفراء التي هي من طالبت بمعاقبه الهلاليين .. وانت تعرف ايش قلتووو .. وما ابي منك دليل ولا شي لأني مثل ما قلتلك الصوووت مدبلج واللي ما يخاف ربه مدبلجه برمضان بعد .. ع العمووووم " حسبي الله ونعم الوكيل " صحيح الهلال طلع برآآآئه لكن برضوا " الحسيب الله " moOon 14 |
الله يهديكم اللي يشوف هالكلام يقول بمدرجات الدرجه الثانيه .. |
| الساعة الآن 02:59 AM. |