|
للشباب فقط لاأشوف ولا ( سحليه )
بسم الله الرحمن الرحيم صباح / مساء / الخير أتوقع أني قلت ولا سحليه تدخل وش مدخلك هنا ماعليكم شرهه يالسحاليه وياشين اللقافه شيناااااه ماعلينا . ياتماسيحنا الأعزاء جبت لكم معاني بعض الكلمات الى كل يوم نسمعها الدلخ : وهذاا إنسان غبي جداااا.ويرفع الضغط ....وينرفز .... واكثر من يعااني منه المدرسين ....واهله. المنسم : ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل ماي عشان يعرف من وين التنسيم . المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ... الشخر المخر أو أبو مشخر ! : من نفس فصيلة المنسم ! السلنتح : قليل الأدب جحلط ( بتشديد اللام ) : وهم مرحلة متقدمة للسلنتح مزّلب : يعني بايعها بتراب ! مسفّح : يعني طاير في العجّة وهو ما عنده ما عند جدتي يعني بالعربي الفصيح من جنب العارضة الصتيمة : وهو الشخص اللي ماعنده ماعند جدة جدتي ...!!... ويصدق أي شيء يقال له المسبة : هو الشخص اللي يكون مروع في صغره لدرجة أنه يصبح شبه فاقد للعقل ... الفاهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه ... الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!.... العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه...... العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة . المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطقها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!..... السربوت : هذا اللي ما يخلي مكان ما يروح له و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء. السمرمدي : وهو من نفس فصيلة السربوت. الداشر : هذا قليل الأدب و لا يحب يماشي إلا السرابيت و إذا قيل فلان دشر فلان أي خرب أخلاقه لكن في الأردن الشقيق كلمه دشره تعني أتركه.. الملكع : أما هذا فيعرف حتى السكني (اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك . المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ... المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش.... الخكري : ببساطة الخكري = نعومة + دلع >> اللزقه: هذا الشخص اللي على طول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهاكذا. الصديع : اي كلمه في راسه يطلعها ولا يتنباء بأفعاله سواء كانت صح ام خطء . الجنط : من فصيلت الدلخ. المريوح: هذا اللي نفسه شينه . الزااااااحف. .إنسان آخذها عرض مبسوط ويبسط من حوله سريع البديهه ولايفوته شئ.. والخرس.. من نوع الكمخه والفاهي يقول إيه وهو مايدري وش السالفه.. الطبله. .باااااااااارد من كثرة الغباء.. الأرفل.. من نوع المطفوق يعني لاتقرب له ولاتخليه يقرب لشئ وخصوصا الاعمال الدقيقه لأنه ماينفع فيها.. المسلس.. هذا المصكه واللي ماتدري وش وراه تشوفه تقول أتلى الأجاويد وهو وراه بلاوي.. الرجه.. مصرقع مايجي بمكان الا ويرجه بصوته على غير سنع.. المسكت. .هذا اللي مابعده مسكت بتشديد الكاف.. المهفه. .هذا كلمه توديه وكلمه تجيبه.. اللوح. .يعاند على غير سنع.. الكرتون. .تحسه غبي على السليقه لاتكلمت معه تقول من وين جاي هذا. . الشراره.. هذا مايجي بمكان الا والمصايب وراه يتسبب على من حوله بالقرادات.. المقرود.. كل شئ متسلط ضده يعني مقرود حظ الأصلي. .هذا من نوع المسكت.. المنتهي.. مابعد النهايه شئ بايع كل شئ لو تقوله أي شئ ماقال لا.. القاضي. .حول المنتهي ماهو بعيد عنه يعني تقول من عيال عمه.. الخالص.. حول الدعوى ولد خالهم.. المولي.. هذا يقرب لهم بس من بعيد شوي.. المدحدر.. هذا من عيال جيرانهم حاول يحتك بهم طردوه المطنوخ.. هذا تحطه على يمناك يعني تعتمد عليه.. الإكه.. هذا اللي تصرفاته صح ويعلمك وش تسوي لاتوهقت بشئ.. الداج.. داج وش معناها يعني ؟؟ داج بالمال والتفكير يعني الله يخلف.. القفل.. هذا اللي مافيه امل يفهم لو تقعد تشرح له من هنا للسنه الجايه.. الطرمبة من فصيلة الدلوخ الفدغ أو الافدغ ...... من يحاول يستخف دمه ويبيك تضحك غصباً عنك واذا ما ضحكت من بلاهته يضحك هو الين تحس ان الشي اللي سواه من اجد مضحك . وبعدين ياسحليه انتي وياه أذا قلت لاتدخلون لاتدخلون وخلو عنكم اللقافه لا أعلم عليكم ( مهند الى في مسلسل نور ) وعلى فكره تراه شين وشوفو صورته وأحكمووو http://www.afifcity.com/vb/image.php...ine=1228418496 هههههههههههههههههههه تحياتي لكم قيس نجد |
هههههههههههههههههههههههههههههه لبى قليبك قيس وربي فطست ضحك على المنسم |
والله انك زاحف
معليش دخلت بس لانك صاحب الموضوع ياعليكم الفاظ ياشباب غريبه يعطيك العافيه يازاحف |
وه بس لبى قلبك صقيقي اجل طرمبــه هههههههههههههههههههههههههههههههههههههههههههههههههه ههههههههههههههههههههههه تحياتي وودي . |
اقتباس:
مشكور على طلتك العطره |
اقتباس:
اقتباس:
الحين انا ماقلت لااشوف ولا سحليه وش جابك هنا وبعدين والله اني فطس من الضحك على كلمة الزاحف منك ههههههههههههههههههههههههه على شانك دخلتي هنا ابي اعطيك لقب الإكه.. هذا اللي تصرفاته صح ويعلمك وش تسوي لاتوهقت بشئ.. مشكوره على طلتك العطرهـ |
اقتباس:
ياجعل الضحك دوم ياصقيقي أسعدني مرورك يالرومنصي |
1-الله يعين الشباب على عقولهم..:wed a3:
2-انااعترض تماماعلى لفض سحليه للانثى لاننهن لسن بحيوانات.:al-wed: 3-اماتمساح فانتوسميتو انفسكم وهذاشي يرجع لكم.:biggrin: 4-تقبل مروري اذاحبيت. |
هههههههههههههههههه بصراحة موضوع رهيب تسلم يا قيس نجد |
لاتعليق يسلموووو قيس <<<<داخله لقافه
|
اقتباس:
يقولو شي يعلقون على شي وانت داخله تطرحين علي اسئله الله يهديك بس الله يعيني اجاوب 1، ويعينكم انتم يابنات على سوالفكم الى محدرت(ن) شعيب < لغه بدويه بحته ههههههههههههههههههه 2،تبين تعترضين ارسلي رساله للأداره وهم يردون عليك ههههههه 3، نفتخر اننا تماسيحوووو > هههههههههه اسعدني مرورك الى بووووهـ اسئله هههههههههههههههههههههههه |
اقتباس:
الرهيب والعنيد وابو بصمه مرورك ههههههههههههههههههههه |
اقتباس:
ليت البنات مثلك يقولو شي مو اسئله زي الاخت الى فوووق هههههههههههههههههههههههه أسعدني مرورك ياورد الندى |
الملكع :
أما هذا فيعرف حتى السكني (اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك . ههههههههههههههههههههههههههههههههههه انا اشهد شهاادة حق هههههههههههههههههههههه وياكثر مانمر بنااس ملكعه ويسلموووووووووو عى الموضوووع ويعطيك العاافيه وتقبل مروووري |
اقتباس:
ياجعل الضحك دوووم الله يسلمك ومشكووور على مرورك |
ههههههههههه
الله يسعد لي امك الي جابتك وع فكره ياقيس ياخي وش يبغون البنات في حياتهم لا والمشكله تجيك الوحده تكتب رد ع قولت المثل شين وقوي عين لاكن الله يعين:biggrin::biggrin: |
اقتباس:
< على باله جداوي هههههههههههههههه مشكور يالغالي على مرورك العطر |
وانا كمان اعترض عن تسمية الانثى بالسحليه ليه حنا حيوانات
اذا حنا سحالــــي اجل انتم ايش تماسيح هههههههههههه تقبل مروري همووووسه |
اقتباس:
هههههههههههههههه لاهنت على المرور |
انا تمساااح << وحده نصاابه
هههههههههههههههههه |
اقتباس:
اقتباس:
يالبى التمساح الى أنتي تنتمين له هههههههههههههههه مشكوره على المرور |
| الساعة الآن 10:03 AM. |