|
(!!) ذكـرى (!!)
أسعد الله اوقاتكم بكل خير.. قصيدة بعنوان ذكرى أتمنى أن تنال رضاكم تقول: أكتب على صفحات الأيام تذكار= لعلها تبرى جروحً عطيبه وأنثر شعوري للملا وأحفظ أسرار= وأثقف الأوزان.. ثم أعتني به وأسجع كلامي وأرسم الحرف لأنظار= ولا يتعب الأنظار حرفً أجيبه ولا اهمل التشجيع ولا كل من زار= افرح وارحب فيه ولا هي غريبه وأنطر حظور اللي فتني بالأشعار=اقفى بقلبي ثم تركني صويبه عجيب!! ياخلً على صاحبه جار= وين الوفا.. ليه القسا.. يالحبيبه اللي بصدرك قلب!.. مو قلب الأزهار= أكيد قلب وحوش.. وياهي عجيبه كنتي مثل أرضً ترحب بالأمطار= واليوم حمم بركان كلن تذيبه لا تبرري هجرك على تافه اعذار= وجه البرائة منك بـيـّـن شحيبه كنتي كما وردً زهى الأرض نــّوار= وكنتي كما جـودً على الضيف طيبه وكنتي الجمال اللي خطف كل الأبصار= وكنتي الحنان أحضان.. وكنتي طبيبه وكنتي رفيق الدرب في وقت الأسفار= وكنتي مثل أجمل عطر ننتشيبه وكنتي شجاعة.. ما أذهلك هول الأخطار= وكنتي كما المهرة أصيله ونجيبه وكنتي بحلاك أسرار.. في وقت الأسحار= صوتك مع الجوال.. وكنك قريبه وكنتي وكنتي لـيـن مليت الأشعار= حتى بديت أشعر بأنك غريبه يضل بأبن أدم.. نقاصه بالافكار= وين الغلا والحب وينك حبيبه وسلامتكم كلام/ بندر الرسام الشمري |
اقتباس:
صح لسااااانك ولا هنت يااابندر ... يشرفني أن اكون اول المارين من هناا.. لمعااانقة سماء هذه الشاااامخه ... تقبل توااضع مرور اخوك راعي العلياا دمت بوود |
صح لسانك اخوي بندر
يعطيك العافيه تحياتي |
ياسلام عليك يابندر كلمه مبدع قليله بحقك المشكله يابندر فيه ناس قلوبهم حجر هذولا ما منهم فايدهـ ونا اخوكـ بس ابدعت في صياغه قصيدتك صح لسانكـ ولا هنتـ تقبل مروري |
اقتباس:
يااااسلاااام ياالعاطفي قصيدة رائعة ابدعت بها اسجل أعجابي وتحياااتي |
اقتباس:
ياهلا والله بشاعرنا راعي العليا صح بدنك يالغالي!! ويسعدني ويشرفني ان تكون أول المعانقين لقصيدتي الــشـــموخ هو طلتك الشامخه يالأمير يسعدني مرورك وشعورك بسطورك تحياتي واحترامي |
اقتباس:
ياهلا ويامسهلا بشاعرنا الطلحي2000 صح بدنك يالغالي!! الله يعافيك يالأمير تحياتي واحترامي |
اقتباس:
هلا وغلا فهودي وانت منبع الأبداع يالغالي وماعليك زود يالأمير بالنسبه للي قلوبهم حجر يافهودي صدقني عزينا عن الأموات القريبين!! فما بالك بالناس اللي نسونا وهم حيين؟؟ لكن! الحقيقة ما اخفيك شعور كان في صدري!! وفي هالمناسبة بهديك هذي الأغنية يافهودي لكن انتظر التحميل لين يخلص http://www.youtube.com/watch?v=_c8Nv...eature=related وبالنسبة للأشتياق والحب والقلب الخضر!! فأهديك هذي الأغنية http://www.youtube.com/user/45alied تحياتي واحترامي |
اقتباس:
ياهلا والله بشاعرنا متابع الأبداع هو نورك في صفحتي يالغالي والأروع!! هو حظورك بشعورك وسطورك تحياتي واحترامي |
اقتباس:
لآ جــديــد .. كــمـآ .. أنــت .. بنــدر الــرسـآم .. مبــدع .. متـميز .. متفرد .. بـآلمفرده الـرآئعه .. كــل .. قصيده .. تثبت .. فيها .. بـأنك .. شاعـر جــزل .. ومتمكــن .. صــح الســآنــك .. ولاهنت .. أخوي الــ " ع ــآطــفــي " تــحيــآتي .. وفـآئق .. الأحترآم .. |
اقتباس:
العاطفي هلا بك من جديد في ثوب جديد من ابداعاتك المستمره بكل تا كيد قصيده في قمة الرو عه وافكار مستسلسله من البدايه للنهايه انا استمتعت بها فلا تحرمنا من المتعه في جديدك القا دم تقبل تحيا تي |
بندر
صح الله لساااانكـ قصيدة جزلهـ لآهنت ودي :) |
بَنْدَرْ الشَّمّرِي نَظَـ مْ ـتَ .. فَأَبْدَعْ ـتْ وَ نَسَـ جْ ـتَ فَأَحْ ـسَنْت يَنْبُوْع صَآْفِي وَ ذِكْرَى دَعَتْ بَآْقِيْ ذِكْرَيَآْتِي إِلَيْهآْ لِتُقْرِئْ عَلَيْها أَجْمَل الكَلِمْ صَحّ لسَآْنك عطْرِي |
http://www.barrq.org/sami/imag/7.gif الشآآعر العذب المميز / العآآآطفي شآآآمخة تحلق بنا لذلك الوصف الرآآآقي ب/ كنتي فما أجمل الصفات لو بقيت وترسخت في عمق الذآآآكرة ... نبع تدفق لننهل من فيضه صح لسآآآنك ودآآم لنا عذب هتآآنك ننتظر منك المزيد كن بخير " |
اقتباس:
ياهلا والله وغلا ببنت قطر الحمدلله على السلامه وين هالغيبات؟؟ ماشوفك بالمنتدى؟؟ صح بدنك يالأميرة وبالنسبة للبيت اللي اقتبستيه من القصيدة فأحب اهديه لك!! وطبعاً راح اغير وما قول كنتي!! راح اقول/ أنتي شجاعة ما اذهلك هول الاخطار وأنتي كما المهرة اصيلة ونجيبة ______ تسلمين يالغاليه على كلامك الجميل وهذا من ذوقك طال عمرك تحياتي واحترامي واشواقي |
اقتباس:
ياهلابك اكثر ياشاعرنا الجميل محمد الجبيل تسلم يالغالي هذا من ذوقك العالي شهادة تشرفني ووسام اعلقه على صدري وماعليك زود يالأمير الأروع!! هو// حظورك وسطورك وشعورك الجميل تحياتي واحترامي واشواقي |
اقتباس:
هلا بالغاليه ( ود ) صح بدنك يالأميرة!! منورة القصيدة يالغاليه تحياتي واحترامي واشواقي |
اقتباس:
تسلمين هذا من ذوقك يالغالية صح بدنك طال عمرك تحياتي واحترامي واشواقي |
اقتباس:
ياهلابك يالغاليه تسلمين هذا من ذوقك العالي صح بدنك ياالأميرة الأجمل هو حظورك!! وسطورك!! وشعورك!! تحياتي واحترامي واشواقي |
:Rolleyes: صح لسانك قصيده ابدااع سلمت اناملك عليهاا لاهنت خيوو , |
ياهلا والله بـ شهد منورة القصيدة والله وإعذريني على التأخير لأني توي ادخل المنتدى صح بدنك يالغاليه والله يسلمك ويخليك تسلمين هذا من ذوقك سعدت بحظورك وسطورك تحياتي واحترامي واشواقي |
القصيده جزله يولد عمتي وإن شاء الله ابي اسمع من جديدك لما اكون في حائل في نفس الخيم اللي انت خابره وتقبل تحياتي واشواقي!!!!
|
يابو متعب مشتاقين للمخيم!!!!!!!!!!!!!!!!!!!!!!!:wed37:
|
اقتباس:
ياهلا احمد وياهلا بأهل جده كلهم يالله حيه انا قريت لك مشاركة على قصيدة فهد الشمري لكن! ماتوقعت انك أحمد وكنت ناوي ارسلك رساله خاصة بس بعدين قلت ياولد يمكن مايطلع هو الوكاد احمد ترى غيرت جهازي وانمسحت كل الأرقام لكن بتوصلك مني رسالة الحين والله مفاجئة حلوه تسلم يالغالي هذا من ذوقك وانشالله نبي نروح للمخيم :biggrin: أحمد سعدت بحظورك ومرورك تحياتي واحترامي واشواقي |
:
اقتباس:
تشتاق لك العافيه يالغالي حتى انا والله يا احمد مشتاق له كثير:biggrin: وزينة المخيم في الشتاء والله يا احمد ان هالإنترنت له فوايد كثيرة ومنها اني تواصلت معك وبالنسبة للمخيم ابشر وعلي اضبط لكم الكبدة زي اول :biggrin: اكيد ما نسيت تصليحي للكبدة بس مشكلتي كثرت الملح شوي:biggrin: ههههههههههههههههاي:biggrin: والله يا احمد كل ما اتذكر سوالفك وشماتتك في الرجال اللي انت خابر اموت ضحك خلها بيني وبينك:biggrin: ههههههههههههههههههه منور القصيدة ياحمودي والله وابشر بالجديد انشالله تحياتي واحترامي |
ماتخلي سوالفك وبعدين اسكت لاننفضح ههههههههههههه تصدق ابيك تجي هنا للجده بس خلني ارتب الشغله شوي وتراني مشتاق للكبده اللي خربت ابوها !!!!! وياليت اعضاء المنتدى ذاقوها . بس نبي الذبيحه من حائل اطعم لان الذبايح هنا في جده معفنه وسامج طعمها ماغير حاطينهن في الشبوك وععععع
|
تراني ماشفت رسالتك الا الآن آسف على التأخير!!!!!
|
صح لسانك
لاهنت تقديرري |
اقتباس:
ههههههههههههههههههه لا ماعليك سرك في بير يابن خالي والله ودي اجيك بجدة ياحمودي لكن انا انشغلت بحايل اليوم الصبح!! كنت ناوي ارد عليك لكن للأسف كانت عندي مراجعه بالمجمع وبالنسبه للكبدة:biggrin: مع اني زودت الملح لكن اكلت منها في الاخير وبعدين لو ذاقوها اعضاء المنتدى كان على طول للمستشفى:biggrin: صدقت بالنسبه للذبايح ولك مني هرفي على كيف كيفك انشالله لا جيت مشكور حمودي على مداخلتك الضريفه تحياتي واحترامي |
اقتباس:
لا ولا يهمك يالغالي اهم شي وصلت وكلمني الليلة ابيك بموضوع ضروري كمان |
اقتباس:
ياهلا بالعنود حياك الله صح بدنك يالغالية منورة القصيدة وتسلمين هذا من ذوقك تحياتي واحترامي |
صح لسانك اخوي مشكور على القصيده
|
حياك الله اللولوه صح بدنك يالغاليه منورة القصيدة تحياتي واحترامي |
* وكنتي بحلاك أسرار.. في وقت الأسحار صوتك مـع الجـوال.. وكنـك قريبـه وكنتي وكنتـي ليـن مليـت الأشعـار حتـى بديـت أشعـر بأنـك غريـبـه العاطفي ... مافي شي يبقى على حالهـ ودايم مصير العلاقة ينتهي بـ (كنا) أبدعت والله وإستمتعت كثيييييييييييير بقصيدتكـ وتأكد بإني راح أحرص كل الحرص على متابعتكـ وبإنتظار جديدكـ اللي وعدتنا فيه :Rolleyes: ودي |
صح لسانك كتير ذووووووووووق يسلم بوئك
|
اقتباس:
ياهلا والله وغلا بمياسه تسلمين يالغاليه هذا من ذوقك وأختيارك لهذه الأبيات يدل على ذوقك العالي وأعتقد ان تنسيقك للأبيات أفضل بكثير من تنسيقي منورة القصيدة والله وصدقتي مافيه شي يبقى على حاله إلا النوادر لكن انا بعد شوي راح انزل قصيدة بعكس هذي القصيدة اتمنى تشوفينها وانا يشرفني ويسعدني ان تكوني ممن يتابع قصائدي مياسه سعدت بحظورك وسطورك وحوارك الجميل تحياتي واحترامي |
اقتباس:
اهلين وسهلين صح بدنك يالغاليه إلك تحيي كتير كبيري:biggrin: ولك ميت الف عافيي على هالطلي الحلوي:biggrin: تحياتي واحترامي |
أكتب علـى صفحـات الأيـام تذكـار
لعلهـا تـبـرى جــروحً عطيـبـه وأنثر شعوري للمـلا وأحفـظ أسـرار وأثقـف الأوزان.. ثـم أعتنـي بــه وأسجع كلامي وأرسم الحـرف لأنظـار ولا يتعـب الأنظـار حـرفً أجيـبـه ولا اهمل التشجيـع ولا كـل مـن زار افرح وارحـب فيـه ولا هـي غريبـه وأنطر حظـور اللـي فتنـي بالأشعـار اقفـى بقلبـي ثـم تركنـي صويـبـه عجيب!! ياخـلً علـى صاحبـه جـار وين الوفـا.. ليـه القسـا.. يالحبيبـه اللي بصدرك قلب!.. مو قلب الأزهـار أكيد قلب وحـوش.. وياهـي عجيبـه كنتـي مثـل أرضً ترحـب بالأمطـار واليـوم حمـم بركـان كلـن تذيـبـه لا تبرري هجرك علـى تافـه اعـذار وجـه البرائـة منـك بيّـن شحيـبـه كنتـي كمـا وردً زهـى الأرض نّـوار وكنتي كما جودً علـى الضيـف طيبـه وكنتي الجمال اللي خطف كل الأبصـار وكنتي الحنان أحضان.. وكنتي طبيبـه وكنتي رفيق الدرب في وقت الأسفـار وكنتي مثـل أجمـل عطـر ننتشيبـه وكنتي شجاعة.. ما أذهلك هول الأخطار وكنتي كمـا المهـرة أصيلـه ونجيبـه وكنتي بحلاك أسرار.. في وقت الأسحار صوتك مـع الجـوال.. وكنـك قريبـه وكنتي وكنتـي ليـن مليـت الأشعـار حتـى بديـت أشعـر بأنـك غريـبـه يضـل بأبـن أدم.. نقاصـه بالافكـار ويـن الغـلا والحـب وينـك حبيبـه عندما يسود الذكرى تذوب وتخفق العبرات ولا يبقى الا الذكريات وهمسنا ونتنفسها عند غيابهم عند رقادنا للنوم 0 نجد ذكرياتهم ومشاعرنا مسرح امامنا باصواتهم تملاء مدارنا بالضجيج لتعيد لقلوبنا ذكرياتهم واشواقنا لهم كل لحظه هم معنا وكل نبض في قلوبنا ينبض لذكراهم اخي العاطفي ابداع فوق التميز صح السانك على القصيده الرائعه وجمال معانيها سجل ذروة اعجابي فيها لك تحيتي وتقديري |
اقتباس:
صـح لسـانـك أخـوي بنـدر قصيـده جـزله مـن راس جـزل تقبـل مـروري وإعجـابـي |
اقتباس:
هلا وغلا بشاعرتنا الجميلة تسلمين على كلامك الجميل المعبر هذا من ذوقك يالغاليه وصحيح الذكرى الطيبه هي أجمل شي بالوجود صح بدنك يالشاعرة الأروع هو حظورك وسطورك الجميله تحياتي واحترامي |
| الساعة الآن 09:34 PM. |