|
طـــــلاق ٍ صــــــار بالقـــــــوّة ( خيال لا اكثر )
يقولون الجفون إستارة العين الشقيه دوم = واقول إن الجفون اليوم صارت سبة اتعابي اقوله من صميم القلب تكفى لايجيني لوم=انا لا غضت إجفوني تبل الدمعه إثيابي انا وش حيلتي لاصرت اعدد بالثواني اليوم=كل اوقاتي لا مرّت تشد بزود فعصابي نهاري كوم لاعشته وليلي لاسهرته كوم=اعدد ذكريات العمر اخط بدمعي إكتابي صحيح إن القلوب اسرار ولالي فالكلام إلزوم=مالي فالحكي شفه ولا ابغى ياصل إعتابي كلام ٍ فالهوى طاير وقول ٍ جوف راسي يعوم=اطيّر ذكريات الحب شوف إش كثر اسرابي انا مثل اللذي جايع وغصبه عن غداه يصوم=إلا مني لمحت الزاد سال الريق ولعابي اصبّر نفسي بصوره وقطعه من بقايا هدوم=راحت يوم خلتها على الدرفه فدولابي سقتني فالهوى كاس ٍ شربته بالغدر مسموم=لجل الموت ياخذني وتدفن فوقي إترابي الا ياقلبي الميّت رجيتك للحياه إتقوم =بنت الناس صارت بنت من اغراب واجنابي طلاق ٍ صار بالقوة ومن مدّه عليه تحوم=رشت من تراب البعد ملي اليد فهدابي كوتي فالضمير علوم وزادت في قفاي علوم=قالت من كلام ٍقيل عـَـدَتْ قول فغيابي تعيّرني على حالي وشي ٍ فالحيا مقسوم=تضحك لالبست شماغ مايل فيه مرزابي تناديني ليا قفيت عوّد انت يالمرحوم=تضحك لا لفيت بشي قالت شوف وش جابي ذبحت الجسم بالمجهود لجل إن الحياه إتدوم=ماني بالغبي لكن قضيت الوقت متغابي انا لو اشري الالماس من كفي ترى مذموم=كل اللي اجيبه لجل ابا ارضيه ينعابي حياته حـَـر في قربي ولوهو في سماه غيوم=لو اسقي ثرى ممشاه ماظنيت يرضابي اشوفه يفرح بجرحي ويفرح لو اجي مهموم=رغم الهم لاشفته يشيل الصوت ترحابي اوفيله حقوقه كيف يرضاني انا المحروم=كيفه عاد دامه كان دون الناس ادرابي انا والله لولا العيب لولا فيه عاد سلوم=لكشف للعرب وش صار اوضح فيه اسبابي مير إني صبرت وعشت فالقصه خيال حلوم=وكل اللي وصلني منه سجلناه فحسابي |
صح السااانك اخوي نااايف الشريف .. ولا هنت تقبل تواااضع مروري دمت بووود |
انا مثل اللذي جايع وغصبه عن غداه يصـوم
إلا منـي لمحـت الـزاد ســال الـريـق ولعـابـي لاهنت يمال العافيه قصيده اكثر من رائعه مودتى |
يا الله يا نايف قصيده تلا مس الو جدان قسم بالله
يا شيخ انت مبدع الله لا يهينك على ما خط قلمك الرفيع وما تصوره فكره والله قصيده تحفز الشعار تكتب حبيبي نايف والله لى نفس اكتب لك بيتين فعذرني لو كانت اقل من ما تستحقه هذه القصيده يلبسها ذهب ويحاول يعطر انا ملها ولو بيديه حط ايديه تحت اقدام رجليها يحب هرو جها و يذوب لا منه تاملها وهي تعلن ليا ليها من اولها لتا ليها |
اقتباس:
مرورك وسام مرصع بالذهب وبالألماس اتقلده وافاخر به فمن مرّ على متصفحتي [blink]رااااااااعـــــــــي الــــعــــلـــيــــا[/blink] |
اقتباس:
فزولها الظاهر البيت هذا ماشدت إلا على قدوم رمضان وبالمناسبة ابارك لكي بالشهر قبل الزحام وشكراً على زيارتك لكي تقديري واحترامي |
اقتباس:
يلبسها ذهب ويحاول يعطر انا ملها =ولو بيديه حط ايديه تحت اقدام رجليها يحب هرو جها و يذوب لا منه تاملها =وهي تعلن ليا ليها من اولها لتا ليها اجمـّـل قولي وقصدي ترى والله اجاملها=ازيـّـن في كلام الحب ليت إن كان ارضيها لقت واحد ليامن جات فالمجلاس قام إلها=لقت في كل ورد ٍ جاوقدمها اساميها اخي الحبيب في الله محمد الجبيل انت بحق رائع ولعلي حين كتبت لم اجيد الرد على البيتين ولكن حاولت الرد واملي ان ينال استحسانك لن اختم الرد على مشاركتك المتميزة إلا بقولي يعلم الله اني احبك فيه لك شكري وتقديري على زيارتك وكلماتك التي حفزتني للكتابة المستمرة |
نايف بحق لانايف يعتليك اراك بالقمة فعلا اطربتني بحق لاحرمنا نبع مثل نبعك |
نايف والله الى يقراى مشا ركاتك يتهيض ويكتب غصب عنه لك مني كل الا حترا م والتقدير ونا احاول ان التمس مدى نقدرتي الشعريه في ردود مثلك
|
روعــــــــــه
صح لســــــــانك ودام لنا تواصلك وابداعك |
حياته حَر في قربـي ولوهـو فـي سمـاه غيـوم لـو اسقـي ثــرى ممـشـاه ماظنـيـت يرضـابـي اشوفه يفرح بجرحي ويفرح لو اجـي مهمـوم رغـم الهـم لاشفتـه يشـيـل الـصـوت ترحـابـي اوفيلـه حقوقـه كيـف يرضانـي انـا المـحـروم كيفـه عــاد دامــه كــان دون الـنـاس ادرابــي نـــآآآيف صح نبض قلبك على الابيــآآآت الحلوووه خيــآآآل نجده في الحقيقه عذآآب دمت مبدعآآ مميزآآ بنظمـــك ورد الجوري لروحك |
الشآآآعر القدير " ** نــآآيف الشــريـف ** http://www.z7mh.net/upfiles/THy81106.gif لا إستغراب عندما نعتلي قمم الجمال بحضرتك بوح رآآآقي بمفردآآآت جزلة وحروف معبرة للمعنى شموخ حين يعانق حرفك ...وللرقة نهر ينساآآآب في متصفحك ... صح لسآآآنك وربي لا هآآآآنك ننتظر جديدك المميز . الله يسلمك ويحفظك دمت بخير " |
نايف الشّرِيفْ | صَحّ الله لسآَنك.. وَربّي لآَهَآْنك يَآْ مَـــآَشَآْءْ الله .. تَبَآْرَك الله حِيْنَمَــآْ أُرِيْد أنْ أَصِف مَعْنَــــــى اَلإِبْدَآْع .. أَكْتَفِي .. بِآْلإِشَــآْرَهـ إِلَيْك ..يا نآْيْف كَيــفَ لا ..!! وَأنْتَ مِمّن شَيّدَوآْ لَهُم قصُور العِزّ وَالجآْهـ يَآْبنْ اَلأَشْرَآْف ..!! أَمُدّ لَكَ بَآْقآْت تَحِيَّآْتِي مَع رَذَآْذ إِعْ ــجآْبي الْدَآْئِم لِقَصَآْئِدَك .. كُلّ الوّدْ.. |
اقتباس:
اخي الحبيب في الله الجليد السلام عليكم ورحمة الله وبركاته اقول انني اخذت من ( نايف ) الإسم , بينما اخذت انت صفة الإسم اشكر لك زيارتك وتفضل بالمرور لك كل الاحترام والتقدير |
اقتباس:
انت شاعر ما اجامل . ما اقول إلا حقيقه=لو اقوله كذب عندك الف برهان ودليل شوف نفسك فالمرايه شوف وجه ٍ له بريقه=مال وجهك في سماته بين خلق الله مثيل من سمع بسمك يردد ليتني ( صاااااحب ) صديقه=ليتني لحد ٍ طراه بقال ازيد القال قيل كل ٍ يدوّر جميل وكل شيخ ٍ له طريقه=وانته اللي قد سبقت الناس في درب الجميل |
اقتباس:
اختي الكريمة سلام من الله عليكي ورحمة منه وبركات ماهو رائع زيارتك الكريمة لي اشكرك عليها واقدرها لكي لكي كل التقدير والاحترام |
اقتباس:
اختي الكريمة همسات حالمه السلام عليكم ورحمة الله وبركاته زياراتك لاتنقطع هي كأنفاس تستمر لتستمر الحياة كلي امال ان احيا بتواصلكم معنا بارك الله فيكي لكي شكري وتقديري |
اقتباس:
أنتي الإشراف كله . وش انا غير الشريف=واحد ٍ لاقيل من عـِـد الرجال وياكثر
اختي الكريمة مهاااااجرة لايسعني إلا ان اقول ولست بالمجامل هاجري فوق السحاب منز ِلك يالزين فوق=هاجري مادام كل ٍ يحتري غيث السحابه وإمطري للناس حب ومع وفا وإن قلت شوق=ما اجامل دام كل الناس في حبك تشابه انتي نور المنتدى فالطيب والاخلاق ذوق=انتي شهد المنتدى يازين يامطيب شرابه انتي ياكيفه وفانا كيف اوفي فالحقوق=انتي ياويل الخيال اللي عنا وصفك سرابه انتي بنت المعجزه جفت دمائي فالعروق=انتي من يكتب شعر ياكيف هو يحسب حسابه انتي لاشفتي السحابه ابرقت انتي البروق=انتي لاقلت العمر نطريك في فترت شبابه |
اقتباس:
الحـُـكـُـم لله ماهو لي انا عبد ٍ فقير=واحد ٍ مثلي ليا من جاه مثلك ينهبل ليه عجلـــّــتي عليه في كلامك بالمصير=عقب ماشفته كلامك صرت مجنون وخبل يالله إني بستخيرك تنقذ اللي يستخير=تنقذه من قول جاله هز له اعتى جبل كيف طار اليوم قلبي خابر إنه مايطير=ليتني شديت قلبي قبل ما اقراه بحبل |
انا مثل اللذي جايع وغصبه عن غداه يصـوم
إلا منـي لمحـت الـزاد ســال الـريـق ولعـابـي صح لسااانك |
اقتباس:
صح لسانك اخي الحبيب فطيس شكراً لزيارتك الكريمة |
صحححح لسانك
روووعه |
اقتباس:
صح بدنك اختي الكريمة ماهو روعة زيارتك المباركة |
| الساعة الآن 09:30 PM. |